အရင်ကတော့ RuanYan ကအဲ့ကိစ္စတွေကို သိပ်ဂရုမစိုက်တတ်ဘူး။ ဒါပေမယ့် LiHan ရဲ့အတွင်းရေးမှုးတစ်ယောက်ဖြစ်လာကထဲက အသေးအမွှားအမှားလေးကိုတောင် သည်းမခံဖို့အထိ လေ့ကျင့်ယူပြီးဖြစ်နေပြီဖြစ်တယ်။ အဲ့ဒါနဲ့ပဲ သူကတိုက်ခန်းတစ်ခုလုံးကို သစ်ရွက်ကြွေတွေကို လွင့်မြောအောင်တိုက်ထုတ်လိုက်တဲ့လေပြင်းတစ်ခုအလား သန့်ရှင်းရေးလုပ်ပါတော့တယ်။ တစ်ချိန်ထဲမှာပဲ သူက *မလုပ်ရမယ့် ၁၂ချက်* ဆိုတဲ့ စာရင်းစာရွက်ကို ရေခဲသေတ္တာမှာကပ်ထားလိုက်တယ်။ LiHan ရဲ့အမူအကျင့်တွေကို နည်းနည်းပဲဖြစ်ဖြစ် ပြန်ထိန်းစေချင်လိုတဲ့မျှော်လင့်ချက်နဲ့ပေါ့။
အံ့သြစရာကောင်းတာက LiHan ကအရမ်းနာခံပြီး သူ့ရဲ့ချို့ယွင်းချက်တွေကို ပြုပြင်ဖို့ ခက်ခက်ခဲခဲကြိုးစားလာတာပဲ။ အဲ့တာတင်မကသေးဘူး။ RuanYan ရဲ့ညည်းတွားခြင်းမရှိပဲကိုယ်တိုင်ကိုယ်ကျ လုပ်စရာရှိတာလုပ်တဲ့အမူအကျင့်ကြောင့် LiHan ကစိတ်လှုပ်ရှားသွားခဲ့တယ်။ သူ့ရဲ့အတွင်းပိုင်းမှာရှိတဲ့ ပျင်းရိတဲ့ဆဲလ်တွေကိုသတ်ပစ်လိုက်ပြီး သူ့ကိုယ်ပိုင်အသိစိတ်နဲ့ အရှုပ်ထုပ်အနည်းငယ်ကို ပုခုံးတင်ထမ်းလာတော့တယ်။ ပန်းကန်ဆေးတာတို့ မီးဖိုချောင်ပစ္စည်းတွေ၀ယ်တာတို့ ဖုန်စုပ်စက်သုံးတာတွေပေါ့....သူကနောက်ပိုင်းမှာဒါတွေကိုကျွမ်းကျင်စွာလုပ်လာနိုင်ခဲ့တယ်။
RuanYan ကထိတ်လန့်သွားပြီးတော့ Zhihu မှာ post တင်မေးလိုက်မိတော့တဲ့အထိပဲ။
ငါကအခု သူဌေးနဲ့တစ်အိမ်ထဲမှာတူတူနေနေတယ်။ အဲ့အိမ်ကမြို့ထဲက ၁၄၀ စတုရန်းမီတာလောက်ကျယ်ပြီး ဇိမ်ခံလို့ကောင်းတဲ့တိုက်ခန်းလေးတစ်ခုဖြစ်တယ်။ သူကအရင်ကဆို မာနကြီးပြီးအနိုင်ကျင့်တတ်တဲ့ပုံပေါက်နေပြီး ငါ့အပေါ်ဆိုအမြဲတမ်း အပေါ်စီးပြောဆိုဆက်ဆံနေတာ။ မကြာသေးခင်ကပဲ သူ့ကိုယ်ပိုင်အသိစိတ်နဲ့ အိမ်အလုပ်တွေလုပ်လာနေတယ်။ မနေ့ကဆို သူ့ဘဏ်စာအုပ်ကိုငါ့ကိုလာပြနေသေးတယ်။ သူဘာကိုဆိုလိုချင်မှန်းငါမသိတော့ဘူး။ နံရံနဲ့တိုက်မိပြီးအက်ကွဲသွားတဲ့ သစ်ကြားသီးကို သူစားမိပြီး အဆိပ်ကဦးနှောက်ထိရောက်သွားတာများလားလို့ သံသ၀င်လာပြီရယ်။(1) ကြည့်ရတာ စိတ်ကျန်းမာရေးချို့ယွင်းမှုနောက်ဆုံးအဆင့်ဖြစ်နေတာများလား။ ဆိုတော့ကာ မေးခွန်းကတော့ဒီမှာ... Dawn4 engine ထည့်သွင်းထားတဲ့ VR ဆိုင်ကယ်စီးဦးထုပ်အသစ်ကဘယ်လောက်လဲ။
YOU ARE READING
President isn't 'Mary Sue' (mm translation)
Short StoryRuan Yan အလုပ်အသစ်မှာ CEO ကို အရပ်ရှည် ချမ်းသာပြီးခန့်ညားမယ်လို့မျှော်လင့်ထားတယ်။ အရေးကြီးတာ 'Mary Sue' ဖြစ်ဖို့ပေါ့။ ဒါပေမယ့် ဇာတ်လမ်းက သူမျှော်လင့်ထားသလို ဖြစ်မလာတဲ့အခါမှာတော့..... Ruan Yan အလုပ္အသစ္မွာ CEO ကို အရပ္ရွည္ ခ်မ္းသာၿပီးခန္႔ညားမယ္လို့...