*Boss အကိုလေးကို တွေ့ပါပြီ...*တဲ့လေ...
"Boss ညနေသုံးနာရီမှာ မမလေးHaeraနဲ့ တွေ့ဖို့ရှိတယ်နော်..."
အစည်းဝေးခန်းထဲကအထွက် Sehunရဲ့ အသိစကားကြောင့် Kris ခေါင်းတစ်ချက် ငြိမ့်ပြပြီး လက်မှာပတ်ထားတဲ့ နာရီကိုကြည့်လိုက်သည်...
"Sehun အဲ့မတိုင်ခင် ဘာတွေလုပ်ဖို့ရှိလဲ..."
"မရှိပါဘူး Boss..."
"Ok အဲ့ဒါဆို ငါ အိမ်ပြန်ဦးမယ်... Haeraဆီကိုလည်း ငါ အိမ်ကနေပဲသွားလိုက်မယ်... တစ်ခုခု ထူးရင်တော့ ဖုန်းဆက်လိုက်...."
"ဟုတ်ကဲ့ပါ Boss..."
Sehunရဲ့ ဟုတ်ကဲ့*ဆိုတဲ့ နာခံသည့် စကားတစ်ခွန်းက Krisဘာမှ ထပ်ပြောစရာမလိုလောက်အောင် အကုန်အဆင်သင့်ဖြစ်နေရမည်ဆိုသည့် အဓိပ္ပါယ်တွေပါပါဝင်သည်...
Krisလည်း ရုံးခန်းထဲဝင်ကာ လိုအပ်တာတွေပြန်ယူပြီး ထွက်လာတော့ Sehunက အလုပ်စားပွဲကနေ ထရပ်ကာ...
"Boss ကားအဆင်သင့်ဖြစ်နေပါပြီ...."
Sehunကို သိပြီဖြစ်ကြောင်း ခေါင်းဆတ်ပြပြီး ထွက်လာခဲ့လိုက်သည်...
Sehunတစ်ယောက် ထွက်သွားသော Bossကို ကြည့်ရင်း မိမိနေရာတွင်ပြန်ထိုင်လိုက်သည်...
Kris....
ကိုရီးယားနိုင်ငံရဲ့ တော့ပ်သရီးဝင်သည့် လုပ်ငန်းစုတစ်ခုဖြစ်တဲ့ Y Groupရဲ့ ဥက္ကဠ Krisဆိုရင် မသိတဲ့သူမရှိပေ...
အသက်၂၈နှစ်သာရှိသေးပေမယ့် စီပွားရေးလုပ်ရာတွင်လည်း တိကျပြတ်သားလွန်းပြီး ဘယ်သူ့မျက်နှာမှ မထောက်တက်တဲ့သူ...
ရုပ်ချောသလောက် အသက်လည်းငယ် စီးပွားရေးလည်းတော်တဲ့ CEO Krisကို သူတို့ရဲ့ သားသမီးတွေနဲ့ နေရာချထားပေးချင်တဲ့ လုပ်ငန်းရှင်တွေ များစွာရှိနေသည်...
သို့ပေမယ့် Krisမှာ Yoo Haeraဆိုသည့် ဆရာဝန်သတို့သမီးလောင်းလေးက ရှိနေသည်ကြောင့် ဘယ်သူမှ ရှေ့ဆက်မတိုးနိုင်ကြတော့ပေ...
အရာရာပြီးပြည့်စုံနေတဲ့ Krisတွင် စိတ်ပင်ပန်းစရာတွေ များစွာရှိနေမယ်လို့ ဘယ်သူကထင်မှာလဲ...
