Uni....
"အဒေါ်ကြီး Sehunနဲ့ Baekhyunကို ထမင်းအတူလာစားဖို့ သွားခေါ်ခိုင်းလိုက်ပါ..."
"ဟုတ်ကဲ့..."
Kris ထမင်းစားပွဲ ထိပ်မှာ ဝင်ထိုင်ပြီး Sehunနဲ့ Baekhyunကိုပါ ထမင်းအတူစားဖို့ရာ သွားခေါ်ခိုင်းရန် အဒေါ်ကြီးကို ပြောလိုက်တော့ အဒေါ်ကြီးနဲ့အတူ ထမင်းဝိုင်းကူပြင်နေသော ကောင်မလေးကို အဒေါ်ကြီးကပြောလိုက်ရာ အကူကောင်မလေးက ထမင်းစားခန်းထဲမှထွက်သွားတော့သည်...
Haeraနဲ့ အရင်ရောက်နှင့်နေပြီးသားကလေးငယ်ကတော့ Krisရဲ့ တစ်ဖက်စီမှာ ထိုင်နေသည်...
"Boss ခေါ်တယ်ဆိုလို့..."
"အေး ထမင်းအတူစားရအောင်လို့... နှစ်ယောက်လုံး ထိုင်ကြလေ..."
Kris ပြောလိုက်တော့ Baekhyunက ကလေးငယ်ဘေးတွင်ဝင်ထိုင်ပြီး... Sehunက Haeraဘေးတွင် ဝင်ထိုင်လေသည်... သူတို့နှစ်ယောက်က Krisအတွက်တော့ မိသားစုဝင်တွေလိုပဲမို့ ရရင်ရသလို Krisတို့နဲ့ ထမင်းအတူစားစေသည်...
"စုံပြီဆိုတော့ စားကြမယ်လေ... wow Haera နင်တကယ် ငါ့အကြိုက်တွေချည်းပဲ ချက်ထားတာပါလား..."
စားပွဲပေါ်ရှိ စားချင်စားဖွယ် ဟင်းခွက်တို့ကိုကြည့်ပြီး Krisပြောလိုက်သည်...
ဆရာဝန်လည်းဖြစ် အိမ်မှုကိစ္စလည်း နိုင်နင်းသော Haeraကို လက်လွှတ်လိုက်ရတာ တကယ်ဆို နှမြောဖို့ကောင်းသည်...
ဘယ်တက်နိုင်မလဲ... သူ့မှာ ချစ်ရတဲ့သူရှိတယ်ဆိုတော့လည်း...
"Krisထည့်စားနော်..."
Haeraက Kris ပန်းကန်ထဲ ဟင်းတို့ခပ်ပေးသည်...
"Chanလေးလည်း စားနော်... Sehunနဲ့ Baekhyunတို့လည်း အားမနာနဲ့ စားကြနော်..."
"ကျွန်တော့်အတွက် တခြားမလုပ်ပေးထားဘူးလား Kris..."
ကလေးငယ်စကားကြောင့် Kris စားနေရင်းမှ ရပ်ကာ ကလေးငယ်ကို ကြည့်လိုက်သည်...
"ဘာလို့လဲ ကလေးငယ်...."
"ကျွန်တော် ဒါတွေမစားချင်လို့..."
