Uni♡
"Hyungတို့ လုပ်ဦးဗျာ... hyungတို့ ပေးတဲ့အကြံကလည်း မအောင်မြင်ဘူး... Krisမှာ တကယ်ပဲ ချစ်တက်တဲ့ နှလုံးသားမရှိဘူးလား..."
Bossကို မကျေနပ်တဲ့ စကားတွေပြောလိုက် တစ်ခွက်သောက်လိုက်နဲ့ လုပ်နေသော အကိုလေးကို Sehunနဲ့ Baekhyunတို့ ဘေးနားကနေ မနည်းထိန်းနေရသည်...
"ကျွန်တော် ဘယ်လို့လုပ်သင့်လဲ ပြောကြပါဦး... ကျွန်တော့် စိတ်က Krisကို မချစ်တော့ချင်ပေမယ့် ဟောဒီ့နှလုံးသားကတော့ လက်မခံဘူးဖြစ်နေတယ်... ကျွန်တော် အရမ်းပင်ပန်းနေပြီ hyungတို့ရယ်..."
ရင်ဘတ်ကို ပုတ်ကာပြောရင်း ငိုလာတဲ့ အကိုလေးကို ကြည့်ပြီး Sehunတို့ သနားမိသည်...
Bossကိုကြည့်ရတာလည်း အကိုလေးကို ချစ်နေတယ်လို့ ထင်ရပေမယ့် တစ်ခါတလေကျပြန်တော့ ခန့်မှန်းရခက်နေပြန်ရော...
အကိုလေးကို သနားလွန်းလို့ အကိုလေး စိတ်သက်သာရာရစေရန် ဘေးနားမှာ Sehunရော Baekhyunရောရှိနေတာမို့ အကိုလေးကို စိတ်ကြိုက်သာ သောက်ပါစေဆိုပြီး လွှတ်ထားပေးလိုက်သည်...
"ပြန်ကြရအောင် hyungတို့..."
ပြန်မည်ဟုပြောကာ ထရပ်လိုက်သော အကိုလေးက ယိုင်ခနဲဖြစ်သွား၍ Sehun လှမ်းထိန်းဖို့လုပ်လိုက်ပေမယ့် အကိုလေးက ရတယ်ဟုပြောကာ ယိုင်တိုင်တိုင်နဲ့ပင်လျှောက်သွားတာမို့ Sehunတို့လည်း အနောက်ကနေ အသာကပ်လိုက်လျှောက်ရတော့သည်...
အကိုလေးက မူးနေပေမယ့် လုံးဝကြီးအသိစိတ်ပျောက်နေတာတော့မဟုတ်ပေ...
"ပြန်လာကြပြီလား..."
အကိုလေးကို အလယ်တွင်ထားတွဲကာ Sehunတို့ သုံးယောက်သား အိမ်ထဲဝင်ဝင်လိုက်ချင်းမှာပဲ bossရဲ့ တည်ငြိမ်သော အသံနဲ့အတူ မီးတို့ လင်းထိန်သွားသည်...
Sehunတို့ အရှေ့တည့်တည့်တွင်ရပ်နေသော bossရဲ့ အကြည့်တွေက အေးစက်စက်နဲ့ ကြောက်စရာ...
"ဘာလို့အဲ့လောက်တောင် သောက်လာတာလဲ ကလေးငယ်... မင်းတို့က မတားကြဘူးလား..."
![](https://img.wattpad.com/cover/245146080-288-k749180.jpg)