Uni Code
ဖန်ခွက်ချင်းထိခတ်သံ၊ စကားစမြည်တိုးတိုးပြောသံတစ်ချို့၊ ဝါကျင့်ကျင့်မီးလုံးများနှင့် ခပ်ငြိမ့်ငြိမ့်ကြားနေရသည့် တေးဂီတသံချိုချိုများ။
ဂျူဟျွန်းရယ်မောနေသည်။ စားပွဲဝိုင်းကို ဆိုဖာတွေက ဝန်းရံထားတာကြောင့် သူမအနားတွင် သူငယ်ချင်းများ ဝန်းရံထားသလိုဖြစ်နေသည်။
နေရာဒေသအလိုက် ပြောင်းလဲသွားတတ်သော အရက်တစ်ချို့၏ အရသာကိုလည်း သတိထားမိသည်။ သိပြီးသားဖြစ်သော ရှေးဟောင်းနှောင်းဖြစ်များအား ပြောပြရတာလည်း ကောင်းသောခံစားချက်မှန်းသိသည်။
ဟယ်ယောင်းတစ်ယောက် ပူပူနွေးနွေး သူ့အိမ်ထောင်ရေးအကြောင်းကို အကျယ်တဝင့်ပြောပြနေသည်။ ဂျူဟျွန်းအတွက်တော့ အိမ်ထောင်ပြုဖို့ရာ စောသေးသလိုလို။
သေချာစဥ်းစားကြည့်လျှင် သူမမှာ တစ်နေ့အိမ်ထောင်ပြုမည်ဟု ကြိုတင်စဥ်းစားထားသော အနာဂတ်မျိုးမရှိ။ စိတ်မကောင်းစရာ။
"ဂျူဟျွန်းကစကားတောင် သေချာမပြောပါလား"
"နင်တို့ပြောသမျှကို နားထောင်နေရတာနဲ့ ပြောချိန်တောင်မရဘဲနဲ့များ"
"ပြောဦးဟဲ့ ဂျပန်မှာရည်းစားဘယ်နှစ်ယောက်တောင်ရခဲ့လဲ "
ဖန်ခွက်သေးသေးလေးထဲက အကြည်ရောင်အရည်တွေကို မော့ချပြီးမှ ဂျူဟျွန်းခေါင်းခါပြလိုက်သည်။ အကုန်လုံးကမယုံနိုင်။
"လေးနှစ်အတွင်း ရည်းစားတစ်ယောက်တောင် မထားခဲ့ဘူးလား"
"အလုပ်ကိစ္စအတွက်သွားတာလေ ရည်းစားထားဖို့သွားတာမှမဟုတ်တာ"
"ဒါပေမယ့်ဟာ.. "
အကုန်လုံးက ဂျူဟျွန်းကိုအားမလိုအားမရဖြင့်ကြည့်သည်။ ဘာမှမတတ်နိုင်တာကြောင့် ပုခုံးသာပြန်တွန့်ပြနိုင်သည်။
"ကဲ ငါပြန်တော့မယ် မနက်ဖြန်အလုပ်ရှိသေးတယ်"
"ကိုးနာရီပဲရှိသေးတယ်လေဟယ် "
![](https://img.wattpad.com/cover/243182663-288-k515644.jpg)