قلب من جليد

الفصل الاول

دخلت الي ذاك الصرح الكبير بهدوء يعاكس اضطراب الاجواء ..لم تحاول حتي معرفه السبب فهي تعمله جيدا "ان الشريك الاخر للشركه قد اتي اخيرا من رحلته التي دامت طويلا خارج البلاد"

دلفت الي غرفه الاجتماعات التي تكدست بالموظفين..وجلست بجانب صديقتها دون ان تتحدث ..فقط ابتسامه صغيره لك تدم لثوان

ثم جلست تستمع لذلك الشريك بلامبالاه وهو يقول "انا عمر الرواي ...واظن انكم تعرفوني ..ماعدا اللي جوم خلال الخمس سنين الاخيره ...فياريت يعرفوني بنفسهم وبوظفيتهم"

تكلمت صديقتها ببشاشه " انا نهال سليم ..من قسم الانتاج"
جديد
مجلتنا

اوما براسه مع ابتسامه محييه ..
لتتكلم هي ببرود وانفه " اسيا فؤاد ..Designer "

نظر لها ولبرودها بدهشه ..فهي حتي لم تتكلف ابتسامه مجامله ..تكلم بهدوء " طيب يا ..اسيا احب اعرفك ان شغلك هيكون معايا انا ..وطبعا يا انس انت مع انسه نهال "

دق قلب المسكين انس بقوه ...ستكون تحت ادارته المباشره ..اي ستكون معه ...سيطر علي انفعالاته واشار لها للخروج وراءه فتبعته بهدوء

اما عن عمر فاكمل بهدوءه " ودلوقتي الاجتماع انتهي ...كل واحد علي مكتبه ..وانتي يا اسيا ..خليكي عشان نشوف هنعمل ايه "

خرج الجميع بنفس الهدوء ..ليجلسا قباله بعضهما ..نظر اليها يتاملها بهدوء ..فقد كانت جميله ..ببشرتها البيضاء بطريقه غريبه كان الدماء هربت منها ..وعينيها بلونهما الغريب ..لم يعلم اهما زرقاوتان ام رماديتان ..لكن ما اخذ انتباهه اكثر تلك الشعيرات الفضيه المضيئه بهما وذاك الشعر الاشقر الشاحب قد اعطاها مظهرا مخيفا لكنه مميز جدا

شعر انه اخذ وقتا طويلا بتامله ..فكسر السكون بهدوءه المعتاد " اكيد عارفه ان فيه مجموعه ربيع عايزنها في نهايه الشهر ده ...هتبدايهم امتي "

تكلمت ببرود " في اخر الشهر ..هيكون عندك"

لم يستطع تحمل برودها تلك المره ..ولاول يخرج عن هدوئه فتكلم بانفعال "انتي مش شغاله لوحدك يا انسه ..واعرفي من دلوقتي ..اني هباشر معاكي كل خطوه ..حتي الرسم هكون معاكي فيه ..مفهوم ."..لم ينتظر حتي اجابتها ..فقد اكمل بغطرسه "يلا علي مكتبك وهنبدا من بكره "

اُضيئت الشعيرات الفضيه بغضب ..لكن سرعان ما عادت لبرودها وهو تتجه لمكتبها

اما عنه فقد كان يشعر بانتصار ..فقد جعلها تتخلي عن برودها ولو لثوان

تسللت ابتسامه متسليه الي شفتيه وهو يهمس "شكلنا هنتسلي اوي "

* * * * * * * *
كانت تمشي الي مكتبها بخطوات بطيئه عكس النيران التي تشتعل داخلها ...دخلت لتجد نهال وانس بانتظارها

تكلم انس مازحا "ايه مين اللي عور مين "

عقدت حاجبيها قليلا "مين ومين ؟!! "

لتتكلم نهال : "اصل احنا كنا بنحاول نتوقع المعركه اللي حصلت بينك وبين المدير"

رفعت حاجبها بشك " اشمعنا؟!"

تكلم انس بمرح " ماهو لما بارد يجتمع مع بارده ..مستنيه ايه "

لتجيب نهال بضحك "نار ياحبيبي ناار "

لتتكلم اسيا بعصبيه " بقولكوا ايه هي مش ناقصاكوا ..مش عايزه صوت "

تكلم انس بقلق حقيقي " ايه ده ..ده بجد "

لتسال نهال "ايه اللي حصل "

تكلمت اسيا بحنق "ولا حاجه ..قال ايه هيرسم معايا "

ليقول انس مبررا " انتي عارفه انه كان مصمم الشركه في فرع فرنسا..وهو بيحب الرسم اوي فا خديه علي قد عقله "

تكلمت اسيا بشرود " فعلا ..لازم يتاخد علي قد عقله "

* * * * * * * *

بعد عده ساعات ..كانت تخرج من سياره الاجري ..لتقف امام ذلك المنزل الصغير ..ثم اخرجت مفتاحها ..وفتحت لتدخل ..ليقابلها شاب طويل ..يشبهها الي درجه كبيره جدا ..لكن بجسد طويل رياضي

تكلم الشاب " متاخره خمس دقايق بحالهم "
ابتسمت بهدوء " معلش اصل الشارع كان زحمه "

ثم جلست علي كرسي صغير لتخلع حذائها
..ليهبط علي ركبتيه..ليخلعه لها

فهتفت معترضه " لا ..انا هقلعه متتعبش نفسك "

لينظر لها بعتاب " وان متعبتش عشانك هتعب عشان مين ...انا عندي كام اخت غيرك "

نظرت له بحنان وطبعت قبله رقيقه علي جبينه ..وظلت تتامله وهو يخلع حذائها ..ثم امسك بقدمها اليسري بحرص وخلع عنها حذائها ..ثم بهدوء شديد ..خلع عنها جهاز التدعيم الذي يمكنها من السير بطريقه طبيعيه

لتاتي امها وهي تعطيها عكازها المفضل " اتفضلي يا حبيبتي "

ذاب جليد عينيها لتنظر لامها بحب " تسلميلي يا بلبله ..انا هدخل لغير واجي تكونو جهزتو الغدا "

ثم استندت علي عكازيها لتدخل غرفتها تشيعها نظرات امها واخوها المتحسره وهي تدعو لها " ربنا يسعدك يا بنتي ويشيل عنك "

وما ان دخلت ..حتي ذاب الجليد ..وانهمرت دموعها بصمت قاتل ...لتفرغ بعض مما يعتمل في صدرها ...

رغم مرور عام علي تلك الحادثه ..الا انها مازالت تتالم ..نظرات الشفقه المحيطه بها تذبحها ...
اخذت نفسا عميقا وهي تمسح دمعاتها حين سمعت صوت اخيها ينادي ..فاجابت بصوت عال " حاضر يا ادهم جيا اهو "
💞💞💞💞💞💞💞💞💞💞💞💞💞

Vote and comment please💖