បន្ទាប់ពី Tae លួចទាញទូរស័ព្ទហើយចេះតែរ៉ាវរកចុចលេខដើម្បីសុំជំនួយ ភ្លាមៗនោះស្រាប់តែទូរស័ព្ទត្រូវរអិលធ្លាក់ចុះពីសាឡុង គេមិនអាចលូកដៃទាញយកវាបាន ទើបទុកឲវាដំណើរការចោលនៅលើកម្រាលព្រុំនោះ៖
«យ៉ាងមិច? មិញនេះឃើញប្រកែកសឹងតែដាច់ខ្យល់ ឥឡូវស្ងាត់មាត់ហើយហ្អេស?»
នាយម៉ាហ្វៀរតាំងមុខមាំសម្លុតមេធាវីតូច ដែលគេចាប់ផ្តើមញ័រខ្លួន បេះដូងក៏ចាប់លោតញាប់ដូចម៉ាសុីនដេរ។ ទាំងភ័យ ទាំងខ្លាច កូនគេនៅតូចខ្លាំងណាស់ គេធ្លាប់សន្យានឹងខ្លួនឯងហើយថាមិនឲមានរឿងអីកើតឡើងចំពោះដំណក់ឈាមមួយថ្លុកនេះទេ ខ្លួនតូចព្យាយាមតតាំងនិងរើបម្រាស់ចំពោះការចាប់បង្ខិតបង្ខំពីម៉ាហ្វៀរកំណាច តែទោះជាយ៉ាងណាក៏គ្មានបានផល ព្រោះគេរឹតតែគេចនាយរឹតតែបន្ថែមសម្ពាធ។ ទម្ងន់ដែលនាយកំពុងសង្កត់មកលើរាងកាយរបស់គេនិងការឈឺចាប់ដែលបន្សល់ទុកមុននេះ ជាហេតុធ្វើឲកម្លាំងគេចុះខ្សោយព្រមទាំងល្វើយ, ត្របកភ្នែកដែលទាំងហើម ទាំងក្រហម ចាប់ទន់បន្តិចម្តងៗ រហូតពិភពលោកទាំងមូលរបស់ មេធាវី Kim Taehyung ត្រូវសា្វគមន៍ដោយភាពងងឹតស្លុប ចំណែកសោតវិញ្ញាណក៏លែងទទួលដឹងឮអ្វីទាំងអស់។
...skip*
ថ្ងៃថ្មី ~ ~
ទឺត ! ទឺត!
សំលេងម៉ាសុីនដែលកំពុងបង្ហាញឲឃើញនៅចង្វាក់បេះដូងរបស់រាងស្តើង កំពុងលោតទឺតទឺតនិងចេះតែបន្តដំណើរការទៅមុខជារឿយៗ រហូតវាក្លាយជាកណ្តឹងក្តក់ហៅវិញ្ញាណរបស់អ្នកដែលកំពុងតែគេងសន្លប់មុននេះ ឲស្រាប់តែភ្ញាក់ដឹងខ្លួនឡើង
Tae បើកភ្នែកប្រឹមៗ គេមើលមិនឃើញអ្វីទាំងអស់ក្នុងពេលនេះគ្រប់យ៉ាងគឺស្រពិចស្រពិល ឯដៃក៏ព្យាយាមស្រវាដកបំពង់ខ្យល់អុកសុីសែនចេញពីផ្ទៃមុខទាំងលើខ្នងដៃនៅភ្ជាប់ដោយម្ជុលផ្ទោកសេរ៉ូមនៅឡើយ។ ក្រោយពីរងចាំឲខ្លួនឯងរង្ងាប់អារម្មណ៍អស់មួយសន្ទុះ Tae បើកភ្នែកឡើងវិញម្តងទៀត ទើបអ្វីៗគ្រប់យ៉ាងគឺច្បាស់ដូចថ្ងៃ គេព្យាយាមចងចាំថាតើមានរឿងអី្វកើតឡើងក្រោយពេលដែលគេបានសន្លប់បាត់បង់ស្មារតី តើរវាង Jimin និង Yoongi ម្នាក់ណាដែលយកគេមកមន្ទីរពេទ្យ? ឬមួយ អ្នកដែលនាំគេមក ជានាយម៉ាហ្វៀរផ្ទាល់? តែទោះជាយ៉ាងណាក៏ Tae មិនបានទៅចាប់អារម្មណ៍ខ្វល់ខ្វាយរឿងនោះប៉ុន្មានដែរ ព្រោះអ្វីដែលកំពុងទទួលបានចំណាប់អារម្មណ៍ខ្លាំងពីគេនោះគឺ 'កូន' ។
កដៃល្អិតដែលស្នាមចាស់មិនទាន់រលុបបាត់ផងពេលនេះស្នាមថ្មីក៏បង្ហាញឡើងឲឃើញយ៉ាងច្បាស់បានលូកទៅក្តោបពោះ ភាពភ័យខ្លាចក៏ចាប់ផ្តើមមកលងបន្លាចគេសារជាថ្មី ទើបក្នុងចិត្តខំបួងសួង សូមកុំឲមានរឿងអាក្រក់ៗកើតឡើងចំពោះកូនរបស់គេ ព្រោះបើពុំនោះទេ គេនឹងមិនអាចអត់ទោសឲខ្លួនឯងបានឡើយ។
YOU ARE READING
ប្រុសកំណាន់ម៉ាហ្វៀរ
Fanfictionនេះជារឿងរ៉ាវស្នេហារវាងមេធាវីតូចនិងកំលោះម៉ាហ្វៀរកូរ៉េកាត់ចិនម្នាក់នៅក្នុងទីក្រុងម៉ាកាវ ដើម្បីដោះបំណុលសងនូវលុយរាប់លានដែលឱពុករបស់គេបានជំពាក់អ្នកកំលោះ មេធាវីតូចម្នាក់នេះសុខចិត្តលះបង់ខ្លួនធ្វើជាមនុស្សកំដរលើគ្រែរបស់ម៉ាហ្វៀរសង្ហារដែលជាមនុស្សក្តោបក្តាប...
