The Wife's Trap (Completed)

Prologue

"Mavis anong ibig sabihin nito?!"

Masakit man ang ulo ay nagawa kong gumising at magmulat ng mata ng umalingaw-ngaw ang galit at striktang boses ni Tiya Ysabella.

Ilang segundo pa lang ay agad nang pumasok sa akin lahat ng pangyayaring kailanman hindi ko malilimutan. Napabalikwas ako ng bangon at sumalubong sa akin ang mangiyakngiyak at galit na mga mata ni Tiya Ysabella. Nanginginig ang kaniyang kamay habang papalit-palit ang tingin sa tabi ko at sa akin. Bumagsak ang tingin ko sa lalaking nasa tabi at gano'n na lamang ang pagbuhos ng luha ko ng mapagtanto ang kaniyang nasaksihan. Nanginginig ang katawan na nilingon ko si Tiya Ysabella.

Nagmadali akong hinablot ang kumot para ibalot sa aking katawan at halos madapa-dapang umalis sa kama kung nasaan ang lalaking hindi pa rin makabawi sa nangyayari.

"T-Tiya! Tiya, I'm sorry! Sorry po! I'm really s-sorry," Nanginginig ang kamay na yumakap ako sa kaniya habang umiiyak. Hindi ko alam kung ano ang gagawin ko, ganito pala ang pakiramdam nito mas malala pa sa inaasahan ko.

"Pinalaki kitang maayos, Mavis! Paano mo nagawa sa 'kin 'to?! Saan ako nagkulang?! Hindi naman ako nagkulang ng pangaral sa 'yo hindi ba?! Ano bang nasa isip mo ha?!" Tanging pag-iyak lang ang nagawa ko dahil alam ko sa sarili kong maling-mali ako, na maling-mali ang ginawa ko.

Humiwalay ako sa kaniya at umiiyak na kumapit sa kumot ng muntikan na 'yong mahulog. Wala akong masabi, hindi ko na magawang humingi nang tawad kahit sa isip ko'y patuloy akong nag s-sorry.

"Mavis," nilingon ko si Kiara. Ang kaibigan ko na nasisiguro kong nagdala kay Tiya rito. Umiiyak akong tumitig sa kaniya at marahan naman siyang umiling saka inalalayan si Tiya para matulungan ako. Akala ko'y sa'kin lang siya magagalit ngunit nabigla ako ng mabilis niyang harapin si Draven.

"Ikaw namang lalaki ka ha?! Anong ginawa mo sa pamangkin ko?! Ang kapal ng mukha mo!" shit! I must do something.

"T-Tiya 'wag!" Pigil ko ng akmang susugurin niya si Draven, na ngayon ay wala nang mababakas na emosyon sa mukha niya.

"Sabihin mo nga sa 'kin Mavis?! Pinilit ka ba ng lalaking 'yan?! Sabihin mo lang at magdedemanda ako!" Fuck! Hindi kasama sa plano na ito ang demandahan.

"T-Tiya, hindi po... hindi po namin alam kung anong—kung paanong h-humantong kami sa ganito... maniwala ka p-po!" Napasapo siya sa ulo na tila hindi na alam ang gagawin at dapat isipin.

"Ano nang mangyayari sa 'yo ha? D'yos ko naman Mavis nag-iisip ka ba ha?! Bakit hinayaan mong mangyari 'to?! Sa inyong dalawa ikaw ang dehado, anak naman? Matalino kang babae, pero bakit?!— Hindi na niya maituloy ang sasabihin ng tuluyan na siyang mapaiyak. Ang sakit makitang napaiyak ko ang pinakaimportanteng tao sa buhay ko.

"Dalahin mo kami sa mga magulang mo." Baling ni Tiya kay Draven na kinagulat ko at gano'n din siya. "H-Ho?" Naguguluhang tanong ni Draven na hindi alam kung paano pakikitunguhan si Tiya.

"Hindi ko palalampasin ang pangyayaring 'to, no'ng panahon namin hindi pwede ang ganito! noon ay madikitan lang ang kamay ng babae, ipinapakasal na ng mga magulang! Kaya dalahin mo kami sa mga magulang mo dahil kailangan mong panagutan ang nangyari sa inyo ng pamangkin ko." Lumipat ang mga mata ni Draven sa akin at bakas ang galit sa klase ng tingin na binibigay niya.