Unicode
ယွီရန်မော့ကြည့်လာသည်။ခဏလောက်တုံ့ဆိုင်းနေပြီးမှသူ့ခေါင်းငြိမ့်ပြသည်။
"မင်းချီဆွေ့ကိုကြိုက်လား"
"ကျွန်တော်သူ့ကိုကြိုက်တယ်"
ချီဆွေ့မှင်သက်နေသည်။သူလှောင်ပြုံးပြုံးလိုက်ပြီးနောက်အပေါ်သို့တက်ရန်လှည့်လိုက်သည်။
ယွီရန်ခဏအာရုံထွေပြားနေရာမှချီဆွေ့မျက်နှာတွင်ပေါ်လာသောအထင်သေးသည့်အကြည့်ကြောင့်တုန်လှုပ်မိသွားသည်။လွန်ခဲ့သောတစ်နှစ်အကြာကချီဆွေ့သူ့ကိုဖုန်းပြန်ပစ်ပေးပြီးနောက်ပျောက်ကွယ်သွားစဥ်တုန်းကလဲသူဒီအပြုံးကိုပြုံးနေခဲ့သည်။
ယွီရန်မှာချက်ချင်းဆိုသလိုထိတ်ထိတ်ပျာပျာဖြစ်လာသည်။သူပါးစပ်ကိုဟလိုက်သော်လဲရုတ်တရက်မို့စကားကထွက်မလာ။
"ကျွန်တော်.....ကျွန်တော်.....ကျွန်တော်.."
ယွီရန်ညာဘက်လက်ကိုတင်းတင်းဆုပ်ထားသည်။သူ၏ကျောမှာချွေးများပြန်နေလေပြီ။သူအအထစ်ထစ်နှင့်ပြောရန်ကိုပင် ရှိသမျှအားကိုထုတ်ကာအသည်းအသန်ရုန်းကန်နေရသည်။"ကျွန်တော်.....ကျွန်တော်.....HO.....HOGကိုဝင်လိုက်တာက"
ယွီရန်အံကိုကြိတ်ထားသည်။ထိုအချိန်၌စကားလုံးတစ်လုံးမှာထွက်ကျလာလေ၏။
"အဲ့ဒါက တိုက်ပွဲအသင်းက......အား.......အားကောင်းလို့မဟုတ်ပါဘူး"
ချီဆွေ့ခေါင်းကိုပြန်လှည့်လိုက်သည်။ယွီရန်မှာအရမ်းကိုရှက်နေသဖြင့်သူ့ကိုမကြည့်ရဲပေ။
"အဲ့ဒါက.....ဘာဖြစ်......ဘာဖြစ်လို့လဲဆိုတော့ခင်ဗျားကြောင့်ပါ"
တီးခတ်သူမဲ့တာကြာနေပြီဖြစ်သောချီဆွေ့နှလုံးသားထဲမှကြိုးလေးတစ်ချောင်းကိုတစ်စုံတစ်ယောက်ကရုတ်တရက်တီးခတ်လိုက်သလိုပင်။တုန်ခါမှုကြောင့်သူ၏ရင်ဘတ်မှာတရွရွဖြစ်လာသည်။
"မင်း"
ချီဆွေ့သတိလက်လွတ်နှင့်သူ့လက်ကောက်ဝတ်သူပွတ်နေ၏။
"မင်းလိမ်ခဲ့တာ ဒီတစ်ခုပဲလား?"
ယွီရန်ပါးနှစ်ဖက်လုံးမှာနီရဲနေချေပြီ။သူခေါင်းငြိမ့်ပြသည်။ခေါင်းကိုမော့ပြီးစကားထပ်ပြောဖို့ကြိုးစားလိုက်သည်။
YOU ARE READING
AWM:PUBG||Myanmar Translation[Dropped]
RomanceAuthor _ Manmanheqiduo 漫漫何其多 Native Title _AWM [绝地求生] Eng Translator _Cherry ||Blackbox translation [Start Date~18.7.2020] Permission was granted by e...