#لعبة_القدر 💚(روايات ليبية) بقلم الكاتبةBent_benghazi#

الحلقة48

نا:: جيت قمعزت تالاه كنك ادير هكي ماتبينيش نلمسك يعني
قيس:: قالها لكي خوكي طول ماانتي معايا مش حتشوفي خير
نا:: قيس شن قاعد تقول انت من جدك تحكي تعدل علي كلام امجد تي امجد بعد يعصب يقول كلام بلا معني
قيس:: عارفه بعد يعصب يقعد يحكي وخلاص بس المره هذي كان معاه الحق
نا:: ف شن معاه الحق اه هذي حياتي وانا حره فيها ومحد يفرض علياا حاجة
قيس:: هوا خوكي ويبي مصلحتك
نا:: نعرف مصلحتي بروحي

وصبيت مشيت فتحت درج الزيانه وطلعت منه مرهم ومشيت شور قيس وركبت ع السرير وجيت من وراه وقعدت ندهنله ف كتفه وحاول يبعد نفس كل مره بس بعد لمستها وحسها سكت وخلاني ندهنها لاه وكملتله كتفه وخذيت كلينكس وقعدت نمسحله ف خشمه وقيس يبحت فيااا بنظرة مفهمتهش حب ولا خوف ولا عتاب ودرتلا مرهم وصبيت محكيتش ولا كلمة وطلعت مشيت للمطبخ لميت الاكل وغسلت المواعين وطلعت ف الصالة لميت الفازا المكسورة وبرمت عليها وتوضيت وصليت. العصر ومشيت خشيت للمكتب وقعدت نحاول نهيئ روحي عشان نقرا بس كان عقلي مش معاياا بكل بس كنت نغصب ف روحي  ونا نقرا مع المغرب هكي سمعت باب الشقة خبط طلعت ملقيتش حد مشيت نشوف من البلكوني لقيت قيس دوبه طالع من باب العمارة ورقيتلي منه ان مقاليش بيطلع ورديت للمكتب وقعدت نقرا ومبيتش. نعطي لكلام امجد وقيس اي اهميه لان هذي حياتي وانا نعرف مصلحتي وين وكملت قرايتي وحسيت روحي تريحت شويه واندمجت ف القرايا وقعدت نقرا لعنذ الساعة 12 وقيس مروحش ومبيتش نرن عليه لان وجعني كلامه يعني عند ابسط سبب ايتخلى عليا ومشيت غيرت دبشي ولبست سروال بيجاما لونه وردي وتيشيرت رمادي ومشطت شعري ودهنت مرطب لوجي ولبست جاكة خفيفه وطلعت ف البلكوني نستني ف قيس ومعش روح ومع الساعة 1 ونص شفته جاي وخش للعماره خشيت نجري وسكرت البلكوني وخشيت لدار النوم وطفيت الضي وخشيت تحت الورغان ودرت روحي راقده وسمعت الباب انفتح وخش قيس سلح جاكته وحط المفاتيح امتاعه ع الطاوله وخش للمطبخ وطلع الاكل من الثلاجة وسخنه وقعد ياكل وكمل وكاله وطفا ضي المطبخ وطلع للصاله لقاها مظلمة خش للمكتب وشاف شيتاتي مطرطشات عرفني كنت نقرا وسكر المكتب وطلع وخش لدار النوم لقاني راقده فتح الدولاب وخذا بيجامته وغير دبشه وخش معايا ف السرير وقرب مني واضبطني من لاوره وباسني علي خدي وجا عند وذني

قيس:: عارفك مش راقده راه ماديريش روحك راقده اصلا عمرك مارقدتي قبل مانروح وانا متأكد انك كنتي تستني فيا من البلكوني
نا:: قعدت نحس ف نفسه علي رقبتي ومبيتش نحكي ولا انتحرك
قيس:: عارفك زعلانه مني بس انتي عارفتني منتحملش حد يحكي عليا وكلام امجد امبدري عصبني وانتي عارفتني منقدرش نسيبك هبل انا لعند انسيبك
نا:: تنهدت
قيس :: باسني علي خدي اكيده تنهيدتك هذي معناها نحبك هههه حتي نا نحبك
نا:: فتحت عيوني وبرمت عليه لعند جا وجي ف وجي من قالك نحبك
قيس:: محلاك وانتي متحبينيش
نا:: عادي شن فيها
قيس:: نذبحك بعدها
نا:: بصوت بيبي نهون عليك
قيس:: لنقااانك ماتهوني مزلتي زعلانه مني
نا:: مكنتش زعلانه اصلا
قيس:: مالا كنك اطنشي عليا كنتي
نا:: لان كلامك نرفزني
قيس:: نعليااا من الواعرة وخلاص
نا:: رفعت يده وخشيت فيه ورقدت علي يده ولفها علياا
قيس:: عارفه شن احسن حاجة فيكي
نا:: شنوو
قيس:: انك زي الفار ف كل مكان تخشي
نا:: ههههه ف اخر الوقت طلعت فار
قيس:: واحلا فار
نا:: بلاك مشعارف شن كانت حتكون حياتي عمري ماكنت انتخيل اني نعيش الحياة الي عايشتها توا معاك وعمري ماتخيلت نجوز قبل مانكمل قرايتي من يوم ماخشيت لقلبي حاجات واجد تغيرن
قيس:: باسني علي راسي ربي مايغير علينا
نا:: آميين