#لعبة_القدر 💚(روايات ليبية) بقلم الكاتبةBent_benghazi#

الحلقة 1

الحلقة الاولى

نا :: ماما تحكي جد بابا وافق خلاص
ماما :: اها وافق شنو مش مصدقتني يعني 
نا:: يااااي حبيبتي انتي ياماما واضبطتها وقعدت نبوس فيها
ماما :: هضا كله فرحانه عشان بتسيبيني
نا:: قمعزت عند كرعيها لا ياماما معقوله عارفتني انتي نقدرش نقعد بلاكي بس نبي نوريهم كلهم اني نقدر ننجح ونقعد اكبر مهندسة وحيشوفوا
ماما :: عارفتك وربي يوفقك وترفعي راسنا ويجيبلك ولد الحلال
نا:: غير اهدي ياعيوني توا القرايا ولد الحلال خليه ليا علي جنب شويه
ماما:: ههههه مزلتي مصرة
نا:: اكيد مصرة وبقوة اخرا باهي اريج عارفه
ماما:: لالا مش عارفه عدي كلميها ليا
نا:: حاظر هي

ومشيت لدار اريج وقعدت ندربك عليها

اريج:: يافرخة يانونا بطلي را نطلعلك
نا:: افتح ياجميل عندي ليك اخبار حتسرك
اريج :: افتحت الباب بالقوة نعم ها شن تبي
نا:: ماما تبيكي مش نا
اريج :: امشي من وجي تو بعدين نمشيلها
نا:: لمصلحتك الموضوع راه
اريج :: تي خطيني مش فاضيه نا توا
نا:: بجووك لكن فاتك نص عمرك
اريج :: اووف باهي ماشية

ومشيت انا لدار لميرا وميرال وقربت م الباب ونسمع ف وحده تبكي
دقيت ع الباب وخشيت

نا:: ميرو ياروحي كنك
ميرا :: لا شي.
نا :: متأكدة
ميرا:: اوف خلوني ف حالي
وخشيت تحت الورغان
نا:: برمت علي ميرال
كنها
ميرال:: تكتها مع صهيب اخرا
نا:: من جدها هذي تي ف الاسبوع هضا تعاركوا 3 مرات والمشكله تقعد اتفقفق بعدها
ميرال:: اهو ميرو وعارفتيها زعالة وحساسه. واجد
نا:: باهي وكنها هيا توا عليش تعاركوا
ميرال:: ياحنة توا صهيب قاللها ان عنده بعثة م الشركة 3 شهور لبريطانيا وان حياخذ خلالها دورة وتساعده ف شغله وترفعله وظيفتة قلبتها لاه مناحة وتمشي وتسيبني كيف بنقعد بلاك ومشعارف شنو وسكرت ف وجه
نا:: كنها هبلة هذي تو تريحه منها وتقعد اتفرج بعد يمشي لغيرها

وبرمت عليها ورفعت من عليها الورغان

ميرا:: ياغبيه انتي كنك
نا:: والله مافي غيرك غبيه هنا كنك معصهيب اه ماسد الراجل قاعد يتعب وياما يدير عشان تجوزوا هضا ماعدا ان ياما دار لعند بابا وافق عليه كنك انتي اه مايهمكش الا روحك وغرورك حسي بالراجل شويه حرام عليكي كل الي يدير فيه ماو عشانكم وعشان تجوزوا ف اقرب فرصة وانتي تنكدي عليه امشي رني عليه وتأسفي منه

ميرا:: تبكي مبش يرد عليا
نا:: اكيده مش حيرد لان حضرتك مسكرة ف وجه
ميرا:: ساكته وتبكي باهي ترني عليه انتي
نا:: لا منيش رانه خليكي ابكي
ميرا:: عشان خاطري اختك انا
نا:: باهي اسكتي خلاص تو نرن وطلعت من تالاهن
وخذيت موبايلي ورنيت عليه
ورن وبعد قريب يفصل رد

صهيب :: اووو نونا عاش من سمع صوتك
نا:: ههههه شخصية مهمة اصلا انا شن جوك
صهيب :: خفي علينا بس والله جوي جو عدوك
نا:: كنك شن في
صهيب::  تعاركت انا وميرا توا
نا:: اها قالتلي ليلو توا ومعاك الحق بصراحه
صهيب :: شن انديرلها باهي انا هضا كله اندير فيه عشاني وعشانها
نا:: عارفتك والله وحكيت معاها وهيا عارفه روحها غلطانه لكن عصبيتها تصرف قبلها وقاعدة مكملتها بكاء
صهيب:: والله قصدك تبكي لا متخليهش تبكي
نا:: لا خليها حنيتك الزايده عليها هيا الي مخربتها ومترنش عليها توا بكرا رن عليها خليها تحس بغلطها وكان تقدر اطولها كم يوم يكون افضل
صهيب:: لا والله مانقدر يالا نصبر لعند بكرا
نا:: ههههههه حي عليا وحي عابيه عليك توريها نا
صهيب :: متهونش عليا
نا:: اوك ي روميو يالا انا نستأذن توا
صهيب:: اذنك معاك وسلمي ع الاهل
نا :: يوصل ان شاء الله سلام
صهيب:: سلام

وسكرت منه وخشيت عليهن ف الدار
ميرا:: ها شن صار وعيونها دموع
نا:: الراجل راقيلا منك بكل وقال فوق ماان غلطانه تسكر ف وجي اخرا لقطة بايخة درتيها
ميرا:: تبكي بس انا مكانش قصدي مكنتش نبيه يبعد عليا
نا:: تمشي تقوليلا ياانا يا السفر متجيش بكل
ميرا:: بس انا انحبه
نا:: عارفتك وعطيه وقت اليوم وبكرا رني عليه
ميرا:: اووف وخشت تحت الورغان وقعدت تبكي

وانا شيرت لميرال عشان تلحقني ف داري

مزلتو ماتعرفتوش علينا
نحنا عيلة كبيرة والحمدلله وحالتنا المادية متريحة بكل بابا ربي يطول ف عمره اسمه مصطفى قاضي مواليد 55
ماما متخرجة من قسم الانجليزي بس ربت بيت متشتغلش اسمها ليلى مواليد 62 اجوزت وهيا عمرها 18 سنة وكملت قرايتها عند بابا

ونحنا 6 بنات و3 شباب
عماد:: مواليد 82 محامي وعنده مكتب وخاطب وخطيبته اسمها ريهام

علا:: مواليد 85 متجوزة وعايشة ف دبي مهندسة ديكور وعندها عيل وبنت ,قيس ولين وراجلها اسمه احمد ويشتغل مهندس نفط

ميرا:: مواليد 88 دكتورة اسنان وبابا دايرلها عيادة دلوعة ومغرورة شويه وخطيبها اسمه صهيب طبعاً

ميرال:: مواليد88 متخرجة من الانجليزي وتشتغل مترجمة قانونية مع عماد وخطيبها اسمه مصعب
وطبعا هيا وميرا توأم
اريج:: مواليد90 تقرا طب بشري ومزاللها شهر واتخرج و تبي اتخصص جلدية وبابا دايرلها قسم مع ميرا ف العيادة وتحب واحد اسمه اوس. يقرا معاها وطبعا هذي واعره وحاصلة ف روحها غير كيف حبها اوس ماعلينا

امجد:: مواليد92 يقرا طب بشري حتي هوا ومزاله3 سنين ويبي يتخصص جراحة قلب جوه فري وعايش حياته من بلاد لبلاد ومن بنت لبنت بس شاطر ف قرايته ووقت الجد جد

نسمة:: الي هيا انا مواليد 93 دوبني مكملة ثانوية ونبي نخش للجامعة وتخصصي هندسة ونبي انتخصص هندسة مدنية

سراج :: مواليد95 يقرا سنة اولي ثانوي اقتصاديه وشاطر وغالي عليه القرايا

شهد:: اخر العنقود مواليد96 تقرا تالته اعدادي ودلوعه اشر من ميرا والي تبيها تاخذها

ونحنا عيلتنا وسطية يعني نلبسوا عادي والحجاب براحتك لعند تخشي لثانوية وبعدها ملزومة تلبسيه وبابا مخلينا براحتنا وعلاقتنا بخوتي فري بكل بس عماد شويه صعب ف حاجات معينة

وخشيت لداري ولحقتني ميرال
نا:: خشي وصكري الباب وراك
ميرال:: كنك شن في
نا:: انا الي نبي نسألك كنك متعقدة
ميرال:: لا شي بس عشان ميرا
نا:: بطلي كذب عارفتك انا
ميرال:: مصعب
نا:: كنه مصعب
ميرال:: قالي ..........
يتبع