جريمة صوفيا ( روايات ليبية )

حلقة 26 🔥

رواية #جريمة_صوفيا 💔🔥
( خيال ممزوج بلواقع )
للكاتب : #إبراهيم_رشيد
الرواية بلهجة الليبية
حلقة  26🔥 "

مشا عماد يجري ووقف السيارة في نص الشارع ونزل يجري وبدا يشوف في نار0_0
النار كانت جاية من شقتة هوا فوق بس
كان الواضح ان حوش عماد قاعد ينحرق كلة
خش عماد بسرعة بكل وشاف رشا ورودينة معاها سراج ومنال ومالك
عماد:تي شن في حد يفهمني قولولي
مالك:الشقة والع فيها النار
رشا:لا سيبوني نبي نركب نبي نركب
كان مالك ماسك رشا بالقوة
منال:لينا فوق ياعماد لينا فوق
رودينة:لينا في نص النار
عماد:تي في شنو تحكو انتو
رشا:بنتي جوا ياعماد في نص النار
عماد في اللحظة هذي جسمة سخن مرة وحدة وحس بـ قلبة ح يطلع من مكانة
مالك:تي رشا اهدي شويا وين ماشية يارشا
منال:حتى صوفيا جوا لا صوفيا
تخيلوا الموقف الي فيه عماد حاليآ نار قدامة مش عارف من وين يخش مفش حاجة قدامة الا نار ولو خش اكيد ان مش ح يطلع بس في نفس الوقت بنتة قاعدة جوا
رشا طاحت على الارض ومازال مالك ماسكها بالقوة
رشا:لا ياربي بنتي بنتي بنتي لينا
عماد مرة وحدة مشا يجري وكان ناوي يخش
ولكن فجأ تطلع صوفيا من الحوش0_0
مالك:صوفيا
رودينة:صوفيا
المشهد كان بالضبط
صوفيا طالعة تمشي بصعوبة وفي يدها لينا،ولينا تبكي بصوت عالي بكل
صوفيا كان باين على وجها اثار سودة هكي من الرماد ولينا كذلك
صوفيا طلعت قدام الجميع ولكن فجأ حطت لينا على الارض وطاحت داخت واغمى عليها بكل
صوفيا معش شافت شي قدامها الا لما فتحت عيونها في المستشفى
وشافت قدامها عماد ورشا بس،ورشا كانت تبكي
وصوفيا كان عليها جهاز التنفس وحولت الجهاز
صوفيا:شن صار لينا وين
عماد:انا حـ نقعد ممنولك طول العمر ياصوفيا
رشا:بجديات لولاك انتي راهو بنتي مش معانا توا
برا قدام الغرفة.
منال:يارب البنت تكون كويسة تي هذي امانة عندنا شن ح نديروا لو صارلها حاجة
وسام:وسعي بالك ياامي بس احكولي شن صار
وسام طبعآ كلموه وجاء للمستشفى طول
مالك:والله ياوسام الي صار شي غريب جدآ
وسام:تي احكولي باهي
رودينة:مش عارفة ياوسام تعال قمعز نفهمك القصة
وبدت رودينة تحكي.
ونردوا شويا مع بعضنا قبل ساعة
كان الوضع طبيعي جدآ في الحوش
صوفيا ورشا ورودينة جنب منال
رودينة كانت ماسكة سراج في يدها
منال:وين لينا يابنات
رشا:لينا ياعمتي اليوم لعبت مع صوفيا واجد ولما ركبت نغيرلها في دبشها رقدت فوق سيبتها وجيت
منال:نجك ليا لينو اكيد تعبانة من اللعب
صوفيا:اها لعبت معايا وبدت تحبني
وفجأ يجي مالك يجري
مالك:هي وينكم وينكم
رودينة:كنك يامالك نحنا هنا
مالك:اطلعو برا الحوش بسرعة هيا
منال:تي كنك شن في
مالك:شقة عماد شاعلة فيها النار والدروج كلهن نار ولو قعدنا هنا ح تخش علينا
الكل طبعآ انصدم وطلعو يجروا وكان مالك ماسك رشا بالقوة يمنع فيها انها تركب تاخذ لينا 
طلعو كلهم وكانت صوفيا تشوف في النار فوق
رودينة:صوفيا صوفيا تي هيا بسرعة
صوفيا اختارت تركب بروحها وتنقض لينا من الحرق والموت
لأول مرة صوفيا تكون شجاعة هكي وكانت بجديات في اختبار نفسي صعب
قررت تركب وسط النار وخش للحوش
صوفيا:لينا لينا وينك يالينا انا هنا لا ياربي لا لينا وينك انا صوفيا
صوفيا حاولت تخش ولكن كل المحاولات فاشلة
صوفيا:يارب ساعدني يارب يالينا وينك
وسمعت صوت لينا تبكي وبسرعة خذتها وطلعت
نردوا لـ وسام ورودينة ومالك ومنال.
وسام:مستحيل الي تحكي فيه
رودينة:واقسم بالله قدامي صار المشهد ووحق ربي باهي صوفيا قاعدة نقوللها هيا اطلعي اطلعي لكن هيا مشت بسرعة وركبت فوق
مالك:مجنونة البنت هذي خشت وسط النار هكي
وسام:واقسم بالله البنت هذي مفش منها بكل تي انقضت حياة لينا
وبعدين جت الممرضة وماسكة في يدها لينا
كانت لينا تمشي جنبها
الممرضة:الف الحمدالله على سلامتها جروحها بسيطة وخفيفة
وسام نزل وخذا لينا
وسام:ياحبيبة عمو الف الحمدالله على سلامتك
مالك:شن صار مع لينا معلش
الممرضة:حاجات بسيطة من حسن الحظ مصارلهش حاجة وكويسة غير شوية جروح وتمام توا
منال:معلش باهي ممكن تخشي لـ عماد تشوفي ليش عطل علينا هكي
الممرضة:لحظة شويا ويطلع
وطلع عماد.
رودينة:شنو ياعماد وين صوفيا
عماد:خشو جوا البنت كويسة شوفوها
وكلهم مشو لـ صوفيا
مالك كان يبي يخش ولكن وسام مسكة من يدة
وسام:تعال هنا وين ماشي انت
مالك:نبي نشوف صوفيا
وسام:صوفيا من هذي خليك معايا هنا البنت راقدة على السرير وانت خاش هكي
مالك:تي باهي ماهو عماد كان معاها
وسام:عماد دكتور وبلا غباء اكثر من هكي
منال:صوفيا يابنتي كيف حالك توا
صوفيا:انا تمام وحتى عماد قال الجروح خفيفة بس صدري هكي متبعني شويا
رودينة:الف سلامة عليك ياحبيبتي
رشا:والله لولاك انتي مش عارف شن كان ح يصير فيا
صوفيا:انا درت واجبي بس وكويسة توا حتى دكتور عماد قالي ح تطلعي اليوم
منال:كلنا مستحيل ننسوا انك انقضتي حياة حفيذتي ياصوفيا ربي يحميك يابنتي
وبعد شويا جاء عماد.
عماد:خلاص هيا كلكم اطلعو ضروري ترقد شويا لين تكمل التغذية بس
منال:كيف ياعماد مش قلت اليوم تطلع
عماد:اها شويا ونطلعوها بعد ساعة هكي
منال:تمام معناها يابنات هيا نطلعو سيبوا صوفيا شويا اتريح
وطلعو كلهم وصوفيا غمضت عيونها ورقدت
وسام:عماد انا دزيت لجنة الاضرار تمشي للشقة وتعرف شن صار بالضبط وشن سبب الحريق
عماد:تمام باهي كويس
وسام:قولولي باهي النار شنو؟
مالك:جت المطافي قبل مانطلعو والحق حتى الجيران مقصروش بكل
وسام:باهي بارك الله فيهم
عماد:انا من رأيي توا كلكم هكي تمشو مع مالك
رشا:كيف نبو نروحوا وصوفيا مازال
عماد:صوفيا خلوها عليا انا وبعدين امشو توا شوفوا الوضع غادي شنو
وسام:كلام عماد صاح وهيا حتى انا ح نمشي معاكم حتى امي اتريح شويا
رودينة:تمام هيا
وطلعو كلهم.
معين جاء يجري لـ عماد
معين:الف الحمدالله على سلامتهم كيف حالها صوفيا توا كيف بلغوني
عماد:تمام كويسة يامعين
معين:كيف صار هكي في الحوش
عماد:مش عارف ح نعرفوا السبب يامعين اكيد
معين:ياراجل والله الحمدالله ان لينا طلعت بسلامة
عماد:البركة في صوفيا والله،عندك حاجة انت ولا فاضي
معين:لا فاضي
عماد:تعال ننزلوا نشربوا قهوة لعند ماتكمل صوفيا حاس راسي صداع بكل
معين:هيا في وقتها ح تجي
ونزلوا عماد ومعين.
ولكن فجأ في نهاية الممر يجي سراج0_0
ويشوف من بعيد ان المكان فاضي بكل
سراج مشا بسرعة وخش على صوفيا وكانت راقدة
سراج:صوفيا صوفيا
صوفيا فتحت عيونها وانصدمت بكل بكل
صوفيا:تي كيف جيت انت هنا امشي بسرعة وكيف عرفت بالخبر؟
سراج:مش مهم كيف عرفت المهم قوليلي ليش انقضتي البنت
صوفيا:تي شن تقول انت
سراج:يعني كيف تحرقي الحوش وبعدين تنقضي البنت كيف تجي هذي
صوفيا:محرقتش حاجة انا واقسم بالله مش انا وراها
سراج:كيف انا نحكي معاك رسائل قلتي انك تبي اديري ح ادمري عماد بكل
صوفيا:اوكي بس مكنتش نقصد هذي بكل
سراج:يعني نفهم من كلامك انك مش انتي الي وراء الحريق هذا
صوفيا:والله مش انا وانا انقضت بنت صغيرة من الموت ملهش ذنب
سراج:ماشي ياصوفيا بس لازم تعرفي ان نحنا صبرنا عليك واجد واجد بكل وكل شويا تساعدي فيهم ومازلت ماشفت شي
صوفيا:به ارجوك امشي بسرعة من هنا ارجوك
سراج:تمام ياصوفيا بس لازم تعرفي ان موعدنا كلنا قرب
صوفيا:باهي بلغني بيه امشي توا من هنا خايفة حد يشوفك
وطلع سراج بسرعة ومشا
نمشو مع بعضنا شويا للحوش.
وسام:توا قالولي الحريق سببة الكهرباء
رشا:كيف يعني كيف
وسام:يعني يارشا كانت عندكم حاجة غلط في الكهرباء وهيا سببت الحريق هذا
منال:خلاص يابنتي معش تبكي قولي الحمدالله
رودينة:انا عارفه ان زعلتي على شقتك بس الحمدالله مفش حد صارلة حاجة
رشا:الحمدالله ان بنتي كويسة والباقي مش مهم
وسام:وسعي بالك يارشا ان شاءالله ساهلة نص الشقة مافيها شي وفي حاجات واجد سليمات
رودينة:تي خلاص يارشا وبعدين عماد ح يردها احلى من قبل
منال:وبعدين يابنتي حوشنا واسع وهوا حوشك اصلآ
وفجأ خش مالك.
مالك:لقيت كيكة يارشا في المطبخ سليمة خلوها ناكلوها
الكل قعد يضحك.
وسام:كيكة جايب كيكة وانت متفكرش الا في بطنك
رشا:ههههههه كنت دايرتها لكي ياعمتي
منال:مازال فيها نصيب
وسام:اركب قدامي نبو انزلوا حاجات واجد قدامي ربي يصبرني على غبائك وخلاص
وبدوا مالك ووسام ينزلوا في اي شي سليم من الشقة.
عماد طلع بـ صوفيا وكانوا مروحين في السيارة
عماد:انا ياصوفيا مش عارف كيف نشكرك بجديات عرضتي حياتك للخطر عشان بنتي والله بجديات مش عارف كيف نكافيك ونردها لكي
صوفيا:متقولش هكي يادكتور واجبي وبعدين لينا ربي كاتبلها عمر جديد انا كنت سبب بس
عماد:تمام بس معش تقوليلي يادكتور نحنا قعدنا اهل خلاص قوليلي ياعماد هكي على طول
صوفيا:بس مش حلوة في حقك
عماد:تي عادي شنو مفيهش اهانة بكل معش نبي نسمع كلمة دكتور في الحوش بكل
صوفيا:تمام حاضر
وروحت صوفيا وكان الكل جنبها
رشا:باهي ياصوفيا كنك تعبانة هكي ليش هيا تعبانة ياعماد هكي
عماد:حـ ترد عليك هيا يارشا لأنها عارفة عليش
صوفيا:خذيت مضاد حيوي واجد بس وبكرا حـ نقعد تمام
منال:تمام يابنات خلونا نسيبوا صوفيا ترقد واتريح
رشا:الف لاباس عليك ياصوفيا
وطلعوا كلهم وصوفيا من شدة التعب رقدت طول
عماد:رودينة خوذي امها خليها ترقد خلاص
رودينة:تمام وحتى انتو ارقدوا ياعماد جهزتلكم الدار الكبيرة تريحوا خلاص
عماد:باهي مالك ووسام وين
رشا:مالك ووسام تعبوا بكل معانا اليوم نزلوا كل حاجة من الحوش سليمة
عماد:تمام
وخشو عماد ورشا للدار.
عماد:استغفر الله العظيم بس عليش تبكي يارشا ماهو بنتك كويسة وقاعدة راقدة
رشا:مش عارفة ياعماد كنت حـ نخسرها اليوم والله نموت وراها بعدها
عماد:مش وقت الكلام هذا يارشا والله من عيوني من بكرا ح نبدا ونردلك الشقة احسن من قبل مش لازم دموع بس خلاص
رشا:باهي تمام بس والله تعرف البنت صوفيا هذي مفش منها بكل بارك الله فيها
عماد:بجديات انا مش عارف كيف بس نكافيها البنت هذي
جاء ثاني يوم وطلعت الشمس وكان الكل زي ديما نايض من الصبح بدري
رشا:صوفيا صوفيا سيبي هذي من يدك
رودينة:لا انتي اليوم امشي تريحي
صوفيا:والله يابنات انا كويسة بكل بكل اموري تمام نضت كويسة
رشا:باهي شن جو الجرح الي في يدك
صوفيا:لالا كويس رقدت كويس ومضايقنش
رودينة:باهي عدي تريحي ونحنا ح نحطوا الفطور
صوفيا:تي لالا ح نساعدكم
وسام من الصبح طلع على شغلة طول وخش على محمود
محمود كان هكي مصدوم وساكت وخلاص
وسام:بصراحة انا اسف بكل مش عارف شن نقولك بس هذا الواقع وهذي الحقيقة
محمود:عمري ماقصرت معاه ياوسام من اول ما خويا مات والعيل هذا مش حارمة من شي في يوم من الايام قدملته بنتي وهوا غبي خسرها عطيته كل حاجة حتى بنتي
وسام:الله غالب البني ادم ضعيف بكل وممكن هوا كان متغرر بالفلوس
محمود:تي هذا خلاص مستحيل يطلع هروين على حشيش مستحيل
وسام:بصراحة وضع القضية من الناحية هذي ميطمنش بكل بكل فـ انا جاي نسألك شن ندير كتبت المحظر ونبي نحولة للنيابة
محمود:شوف شغلك ياوسام وانسى ان هوا ولد خويا بكل هذي قضيتك انت وعلى فكرة كلموني ناس من فوق بكل يشكروا فيك واجد
وسام:انا درت شغلي وبصراحة انا لا اتمنى انك انت تنحط في الموقف هذا
محمود:ح يأثر عليا في شغلي و حـ تقعد متسجلة على عائلتنا ديما هذي
وسام:لا انت مش شورك
محمود:امشي شوف شغلك ياوسام
وسام:حاضر
وطلع وسام وخش للمكتب متاعه.
وسام ولع دخان وكان يفكر.
وخش عليه الشرطي
الشرطي:المحامي الخاص بـ نبيل قاعد برا
وسام:خليه يتفضل
وفجأ خشت ندى ووسام انصدم بكل0_0
وسام:ندى اهلين تفضلي
ندى:يزيد فضلك بس انا مش ح نقمعز توا ممكن نشوف نبيل
وسام:حقك هذا،خوذها لـ نبيل
الشرطي:حاضر تفضلي يااستاذة
وخشت ندى على نبيل
نبيل:ندى انا والله.........
وقطعت ندى كلامة
ندى:اسكت متحلفش متحلفش كذب عيب عليك هكي
نبيل:اسمعيني بس
ندى:انا جيت هنا ومش جاية نسمعك وعارفة كل شي
نبيل:كيف عرفتي باهي
ندى:لأن انت من يومك تحب الفلوس من يومك هكي يانبيل انت شخص مادي وانا عشان هكي سيبتك وفسخت خطوبتي معاك
نبيل:به تمام شكرآ لو انتي جاية تحكي هكي فـ انا مش ناقص
ندى:عاجبك وضعك هكي ولا عاجبك امك قاعدة تبكي عليك وهيا الي قالتلي امشي لـ نبيل كنت ضابط محترم في شغلك ليش درت هكي بس
نبيل:ندى انا مش ناقص قتلك وعليش جاية ادافعي عليا اصلآ لأنك مازلتي تحبيني
ندى:اين حب هذا بلا كذب ووهم انا نسيتك من زمان،انا جيت بس عشان انت ولد عمي يعني محسوب علينا واخترت ندافع عليك بس عشان متمشش فيها مؤبد ونحاول نخفف الحكم مع اني مش ح نعرف
وطلعت ندى ومشت لـ وسام
وسام:تمام المحظر هكي ولا عندك كلام ثاني
ندى:لا تمام تمام ياوسام
وسام:بصراحة انا عارفك زعلانة بس هذا الي صار شوفت عينك
ندى:هوا انسان نذل من يومة ومش ح يتغير
وسام:وانتي عليش تبي ادافعي عليه
ندى:تي معندش كيف بندافع بس نحاول ان مياخذش حكم مؤبد
وسام:مش عارف شن نقولك حتى اللواء محمود زعلان واجد عليه
ندى:انسان ميستاهلش حد يزعل عليه ياريت مات وريحنا بكل،اسفة نستأذن منك ياوسام توا
وسام:تمام اذنك معاك بس مشربتش حاجة
ندى:مرة ثانية ان شاءالله ح نشرب
وسام:تمام
وطلعت ندى.
وسام:معقولة مازال تحبة؟بصراحة الجمال هذا حرام يحب واحد كيف نبيل
اليوم هذا كان الحوش زحمة بكل الكل جاي اولآ عشان سلامة منال وثانيآ عشان شقة عماد انحرقت
صوفيا كانت تساعد في البنات وكأنها حد من الحوش
فاطمة جت عادي وقامت بالواجب وكانت تبي تطلع
رشا:فاطمة فاطمة
فاطمة:نعم
رشا:انا والله كنت نبي نحكي معاك بس شفتي المصايب الي يصيرن معانا
فاطمة:ولا يهمك معذورة
رشا:ضروري نحكو يافاطمة ارجوك في اقرب وقت
فاطمة:رشا يعني انتي مسامحتيني
رشا:انا الي نبيك تسامحيني انا اسفة واجد لأنك ح تخسري شغلك بسبيي
فاطمة:لا متقولش هكي انا نبيك تسامحيني عشان طلعت السر
رشا:والله يومتها كنت متعصبة بكل بس توا عرفت ليش انتي درتي هكي عارفة كلة على مصلحتي
فاطمة:تمام انتي يكملن الايام الصعبه هذينا و حـ نحكو اكيد وسلمي على عماد واجد
رشا:تمام بوسيلي مراد واجد واجد
وطلعت فاطمة.
في الوقت هذا وسام خش على نبيل
نبيل:رد بالك تحسابني ح نسكت تقول غلطان بكل
وسام:ومازال عندك عين تدوي
نبيل:انت توا قاعد حاس بشعور المنتصر في نهاية حرب بس مش حـ ننساها لكي ياوسام
وسام قمعز قدامة وولع دخان
وسام:ههههه حد من قبل قالك انك دمك خفيف
نبيل:شن المطلوب مني انا ليش ماحولتني للنيابة
وسام:اعترف يانبيل خيرلك
نبيل:بـ شنو
وسام:من ورا العملية من البداية للنهاية
نبيل:انا وبس
وسام مسك نبيل وضربة على وجة
وسام:ماهو لو متبش تعترف ح نقتلك هنا من وراها قول
نبيل:معندش حاجة نعترف بيها
وسام:تمام وانا حـ نعذبك هنا لأن انت مفش منك فايدة
وسام فتح الباب وكان يبي يطلع
نبيل:رد بالك تقرب من ندى من اول يوم وانا عارف انك انت تبيها وعينك عليها
وسام:انا توا قاعد برا وانت محبوس هنا يعني ندير الي نبيه وانت موت هنا بين 4 حيطان
وطلع وسام.
وسام:ممكن يكون كلامة جديات بصراحة ندى بنت الف واحد يتمناها
مشا باقي اليوم بسرعة وعادي بكل لين جاء الليل وكانت صوفيا راقدة على كرسي جنب منال
منال:صوفيا صوفيا
صوفيا:نعم نعم الوقت جاء ولا مازال
منال:توا الساعة 2 يابنتي عطيني الدواء وامشي ارقدي واضح انك تعبانة
صوفيا:هيا حاضر
منال:قوليلي ياصوفيا انت من اختارلك الاسم هذا
صوفيا:زمان كانت عندنا مربية في الميتم وكان اسمها صوفيا وهيا من برطانيا يعني مش من هنا وكانت تحبني بكل وهيا اختارت الاسم هذا
منال:اسم حلو وانتي شخصية طيبة تستاهلي كل خير
صوفيا:ربي يخليك ويردلك صحتك عمتي منال
مالك:قصدي فهمني حاجة انت وين ح تسكن
وسام:والله الشقة الي فوق حلال عليك وهدية مني لكي للأبد
عماد:باهي ياوسام خلينا فيك انت توا انت وين تبي تسكن
وسام:لا انا قررت نشري شقة برا بكل
مالك:عليش يعني ياوسام منبش نخرب عليك انا
وسام:مش قصة تخرب عليا بس خلاص نحنا اتفقنا مع اهل خطيبتك وعرسك خلاص قرب انساني انا والشقة حطيت فيها انت الاثاث على ذوقك وذوقها
عماد:انت باهي شن ح نقولوا للراجل لما نخطبو البنت
وسام:ح نحكي معاه انا في الموضوع هذا
بعد قرار وسام الي صدم الجميع كانوا متفقين ان بكرا ح يمشوا لأهل ندى ويطلبوها رسمي بكل
وانتهى اليوم هذا على خير
عماد كان راقد جنب رشا وهوا يفكر
عماد:شن صارلك ياعماد،بعد صوفيا جت وسكنت معانا هنا انا قعدت في حالة غريبة بكل مش عارف حاس روحي خاطري نقوللها كلمة نحبك بس انا متزوج وعيب عليا هكي بس واقسم بالله في نفس الوقت محسيتش بالحب الا معاها هيا وبس
صوفيا قاعدة على سرير وتفكر
صوفيا:في الشهر هذا عماد تغير واجد وتغيرن نظراته ليا،والله مانبي منه يقرب مني بكل لأني فاهمة وعارفة هوا بـ شنو يحس بس عيب هوا متزوج ورشا وحدة كويسة بكل مش عارفة شن ح يصير يارب صبرني ويارب يمشي موضوعي على خير ونمشي وناخذ حقي
طلعت الشمس وجاء ثاني يوم
منال:والله يابنتي وسام هذا يبي يهبلني
رودينة:تي ليش ياماما ضروري تفرحي
منال:فجأ تغير وقال نبي نتزوج ونحنا قاعدين نعانوا عشان يجي يوم عرس مالك
رودينة:شن نديروا عاد الله غالب
منال:منش فاهمة انا اليوم ماشية لـ ناس منعرفهمش بكل مش متريحة للموضوع
رودينة:ياامي خلاص انتي زوجتي واحد بس على ذوقك خلي الاثنين الثانيين يجربوا بروحهم ويشوفوا نصيبهم
صوفيا كانت في المطبخ تنظم في الحاجات وهكي
ولكن فجأ خش عليها عماد0_0
صوفيا تفاجأت على طول
صوفيا:عماد مش انت طلعت وقلت ماشي للمستشفى
عماد:لا رديت نبي ناخذ حاجة رشا وين
صوفيا:رشا ركبت فوق
ركزوا كويس في المشهد الي جاي هذا0_0
رشا كانت نازلة وطلعت من باب الحوش وكانت في الجنان
برمت رشا وكانت ماشية شور باب المطبخ الي يفتح على الجنان
بين عماد وصوفيا كانن نظرات عماد غريبة بكل وصوفيا كانت ملتزمة الصمت
رشا في نفس اللحظة كانت تبي تخش ولكن شافت عماد مع صوفيا قررت توقف وتشوف شن ح يصير وكان الباب شبه مفتوح
ورشا كانت عينها على الاثنين
صوفيا:عماد تبي حاجة ولا نقدر نساعدك بـ حاجة؟
عماد:بصراحة انا رديت عشانك انتي0_0نبي نقولك حاجة مهمة
صوفيا:كيف يعني0_0
في لحظة عماد قرب بسرعة من صوفيا ومسك يدها
صوفيا انصدمت وتفاجأت0_0
ورشا تشوف في كل شي
عماد:صوفيا انا نحبك0_0
صوفيا:......................😳
رشا:..............................0_0يتبع الحلقة السابعة والعشرين