الحلقة السابعة 7 من رواية #جريمة_صوفيا مؤلف القصة #إبراهيم_رشيد
قراءة ممتعة
رشا لقت روحها تفكر في حاجات غريبة جدآ وقاعدة تمشي وتقول
رشا:انا مستحيل نخونك ياعماد بس قلبي جديات مش معاك قلبي مع غيرك
ولأن قلبها مع غيرها فجأ لقت قلبها شايلها لعند محل سراج
وكانت لافته كبيرة مكتوب عليها سراج ماركت
نزلت من سيارتها وقعدت تمشي وتمشي لين خشت للمحل وشافت سراج
رشا:السلام عليكم
سراج طبعآ تفاجأ وانصدم وكان يحساب روحة يحلم
سراج:انتي؟
رشا:اها انا
سراج:يعني انا منحلمش
رشا:لا متحلمش انا رشا
تقريبآ قعدوا الاثنين حوالي دقيقة او اكثر يشوفو لبعضهم وخلاص
سراج:حاب نباركلك على زواجك هوا صاح مشا واجد لكن هذا وين جت الفرصة والف مبروك على حاجات واجد
رشا:قبل ماتكمل انا سبب زيارتي مش جاية نحكي في حاجة فاتت وماتت خلاص
سراج:فاتت صاح لكن انها ماتت هذي لا والف لا والدليل انك جاية هنا
رشا:شوف ياسراج انا مستحيل نخون زوجي بكل وانا مش هكي وانت عارفني كويس وانا سبب زيارتي هوا طلعتك امس للراديو وكيف جيت لأختي للجامعة لو انت ناوي على مصيبة ديرها وريحني
سراج:انا مكنتش متوقع اني في يوم من الايام نكون شخص خطير للدرجة ومكنتش متوقع انك تسمعي البرنامج اصلآ
رشا:لا انا نتابع فيه وجاية نقولك يكفي للدرجة هذي حسيتك بديت تقرب من حياتي الي بيناتنا انتهاء ياسراج وانا توا وحدة متزوجة ونحب راجلي واجد
سراج:الكذبة هذي متقوليهش ليا واكبر دليل انك تكذبي ليس اسم ولدك كيف اسمي ها جاوبيني
رشا:سراج ارجوك انسى واطلع من حياتي نهائيآ شوف بنت حلال وكمل حياتك معاها انا خلاص اقتنع
سراج:انا مقتنع وراضي بالنصيب بس قبل ماتمشي من هنا لازم نقولك انك من اول ماسيبتيني حياتي خربت وسراج الي تعرفيه تغير 360 درجة،انا تغيرت بسببك انتي من اول ماانتي تزوجتي انا حياتي خربت وادمرت حاولت ندير علاقات تافها بس كنتي انتي ديما بين عيوني كرهت البنات وزي ماسمعتي امس خطبت مرتين وكسرت بقلوب ناس عشانك انتي لما سيبتيني سافرت ومفش حاجة حرام ومادرتها اي حاجة حرام درتها شرب حشيش وبنات هذا كلة عشان ننساك بس انا لعند اليوم ماعمري نسيت ولا يوم معاك تي الكلام لي نقولك فيه ممكن تكوني انتي نسيتيه لأن جبتي عيال وبلكي راجلك حبيتيه بس نقولك واقسم بالله دمرتي حياتي
رشا:مش عارفة شن نرد عليك انت فاهم كويس ليش انا وافقت على غيرك تي افهم خلاص انساني وسيبني في حالي ارجوك انا مش مستعدة نخسر حياتي وتصيرلي فضيحة
سراج:متخافش مني سراج الي كان زمان في يوم من الايام بالنسبة لكي كل حاجة وحب حياتك مستحيل يتحول ويقعد شبح عيشي حياتك وانا مش ح نرد نضايقك مرة ثانية
رشا قالت بينها وبين نفسها
رشا:ياريت نقدر ننساك مازلت انت كل حاجة
رشا:شوف حياتك وانسى ياسراج
سراج:ياريت في دواء للنسيان ولا ياريت ماعرفتك ولا شفتك في حياتي انتي عارفة كل يوم نموت الف مرة لأنك مع غيري لكن معلش حكمة ربي ونصيب
رشا:ايوا حكمة ربي ونصيب صلي واستغفر الله ديما وبإذن الله ح تنساني
سراج:ح نحاول وزوجك الباين عليه راجل محترم بكل مع كل الي صار معاه واضح ان يستاهلك
رشا:نشوفك على خير ياسراج
رشا كانت تبي تنهي الحديث وتطلع لأن كانت خانقتها العبرة وفعلا طلعت تجري لسيارتها ومشت بسرعة،بعدت شويا من المحل ووقفت على اليمين
وفجأ تبدا تبكي كأن في حد قريب منها مات
سراج قمعز على الكرسي ومش مصدق من شاف قدامة كان جديات كأن يحلم
رشا كانت تبكي بس فجأ جت في الراديو اغنية بالصدفة
اغنية تحكي على الي صار معاها من الاول بكل
YOU ARE READING
جريمة صوفيا ( روايات ليبية )
Actionللكاتب : #إبراهيم_رشيد ، رواية ستدخلك لعالم مليء بلتشويق و الاتارة و الحب احدات سيجعل في دوامة لتحلها رواية دسمة و تحمل قصة تقيلة ترقبوا .....................ماذا فعلت صوفيا . MBC LIBYA 🇱🇾 اكبر منصة لقراءة الروايات في ليبيا
