جريمة صوفيا ( روايات ليبية )

حلقة 21 🔥

رواية #جريمة_صوفيا 💔🔥
( خيال ممزوج بلواقع )
للكاتب : #إبراهيم_رشيد
الرواية بلهجة الليبية
حلقة  21🔥 " 

قراءة ممتعة
رودينة:من يبي يجينا في الوقت هذا0_0
مالك:خليك انتي انا ح نفتح
وسام:تي شن في منو هذا
وطلعو مالك ووسام
عماد استغرب ونزل بسرعة
اول من وصل في الباب وسام ووراه مالك ووراهم عماد
وسام:باهي باهي تي منو انت
وفجأ فتح وسام الباب ويشوف مشهد غريب بكل0_0
فتح وسام الباب ولقا الشرطة قدامة0_0
وسام انصدم بكل من المشهد لأنهم كانوا تقريبآ جايين ياخذوا في مجرم بالشكل هذا
وسام:خير تفضل عليش تخبط هكي
مالك:شن في
الشرطي:انت الدكتور عماد
وسام:لا انا اخ عماد تفضل
عماد جاء بسرعة
عماد:تفضل انا عماد
الشرطي:خوذوه بسرعة
وسام وقف قدام عماد.
وسام:ياخذوا من اصبر انت مش عارف هذا من يكون ولا
الشرطي:عارف ومطلوب القبض عليه
مالك:تي عليش شن في
وسام:شوف انا ضابط وريني قرار القبض الاول 
وسام شاف القرار
وسام:مزبوط ياعماد في قرار بالقبض عليك وقرار مستعجل
عماد:شن داير معلش
الشرطي:غادي ح يعرف
وسام:عماد امشي معاهم وانا لاحقك توا المركز الي انت مطلوب فيه نعرفهم كلهم اصحابي غادي
عماد:تمام عادي نمشي معاكم،نزل يدك ح نمشي بروحي
خش مالك ومعاه وسام
رودينة:تي ليش ليش الشرطة خذت عماد هكي
منال:ياربي ليش هكي شن الي قاعد يصير فينا
وسام:متخافش ياامي انا توا ح نلبس ونلحقة بسرعة
مالك:اهدي ياامي بس عماد مش داير شي اكيد سوء تفاهم بس
وسام لبس على السريع وطلع
مالك:وسام نبي نمشي معاك
وسام:لا انت خليك هنا ورد بالك من الحوش وانا ح نكلمكم نطمنكم بكل شي
وطلع وسام يجري.
رودينة:تي خلاص ياماما معش تبكي خلاص
منال:يارب الطف بينا يارب معش نقدر نتحمل بكل
مالك:ح يمشي وسام ويشوف ويكملنا اكيد
نمشو مع بعضنا شويا لفاطمة
فاطمة كانت قبل ماتمشي تسلم نفسها مشت لولدها مراد
فاطمة:حبيبي معش تبكي خلاص انا والله ح نرد
مراد:خايف تمشي معش تجي ياماما خايف بكل
فاطمة:لا ح نرد والله ح نرد متخافش خليك مع خالتو توا والله ح نجيك
مراد:بس انتي قلتي انك ح تمشي للشرطة وانا منحبهمش الشرطة
فاطمة:لا يامراد الشرطة مش شريرين هما كويسين بكل وانا قتلك عندي شغل غادي ضروري حبيبي معش تبكي انت توا راجل
وطلعت فاطمة ووصلت بسرعة لمركز الشرطة.
صدفة كان هوا نفسة المركز الي فيه عماد
فاطمة:لو سمحت انا جاية نسلم نفسي
الشرطي:تفضلي هنا شويا ويجيك الضابط
فاطمة:تمام
فجأ يخش عماد قدام فاطمة وفاطمة انصدمت0_0
فاطمة:عماد عماد ليش واخذينة هكي
عماد:مش عارف يافاطمة انتي ليش درتي هكي بس 
فاطمة:مش وقته توا خش وطمني عليك
وخش عماد جوا وجاء على طول وسام
وسام:فاطمة انتي هنا0_0
فاطمة:عليش ماسكين عماد هكي ياوسام فهمني
وسام:والله انا مش فاهم شي انتي بس ليش درتي هكي
فاطمة:هكي احسن توا انا مش مهم المهم عماد
وسام:شويا بس ح نفهم شن في ونرد عليك
نمشو مع بعضنا شويا لـ رشا كانت تبكي وخلاص
بيسان:شفتي مش انا قتلك فاطمة ملهش ذنب وكانت حابة تصلح الي بيناتكم
رشا:ليش يافاطمة درتي هكي بس ليش ليش غبية هذي ولا شنو
بيسان:حرام والله اكيد توا ح تخسر شغلها حرام بكل دكتورة شاطرة ومشهورة
وسام كان يبرم في المركز لين شاف واحد يعرفة
وسام:نبيل نبيل
نبيل:يااهلين بـ وسام تي وينك مختفي ياراجل
وسام:مش وقته ح نحكو بعدين بس يانبيل قولي ليش جايبين خويا هنا
نبيل:منو هوا خوك
وسام:عماد....
نبيل:والله تعرف صاح نسيت بكل ان خوك قريت الاسم وشبهت عليه ونسيت
وسام:تي باهي قولي ليش جايبينا بالطريقة هذي
نبيل:متخافش ياوسام مفش حاجة خطيرة كم سؤال بس ويطلع
وسام:باهي فهمني
نبيل:انا ماسك القضية ياوسام قتلك متخافش توا ح نخش وشويا وتخش حتى انت نشربوا قهوة ونفهمك
وسام:باهي تمام
خش نبيل على عماد
عماد:ممكن نعرف ليش انا هنا
نبيل:متخافش يادكتور وبعدين خلاص انت اخ وسام معناها متخافش
عماد:ومن وين تعرف خويا انت
نبيل:كان معايا من زمان قبل مايسيب الكلية
عماد:باهي قولي ليش انا هنا
نبيل:دكتور عماد في طفل اسمة عبد الرحمن....... الطفل هذا عمرة 8 سنوات انت درتلة عملية على رجلة وبعدين وصفتله  ادوية غلط وخذا منك جرعة مضاد حيوي كلها غلط
عماد:عبد الرحمن0_0تي صاح نذكرة امس كان عندي وعطيتة الجرعة بنفسي تي كيف تقول هكي انا مستحيل نغلط الغلط هذا
نبيل:لا كلة صار والطفل توا موجود في المستشفى وكان شويا ويريح فيها بكل واهلة رافعين عليك قضية
عماد:تي مستحيل مستحيل باهي معلش انا نبي نتأكد من هذا كلة
نبيل:تفضل هذا تقرير من المستشفى الي فيها الطفل توا شوف واقرا شنو حالته وشنو الاسباب
عماد خذا وقعد يقرا
عماد:تي مستحيل انا نعطي جرعة هكي لطفل عمرة 8 سنوات تي كيف هذي0_0
نبيل:اسأل روحك كيف وانا من رأيي وحاب ننصحك تعترف ان خطأ طبي وتنتهي بكفالة احسن عشان اهلة يتنازلوا بدون فضائح
عماد:تي خطأ طبي شنو تي انا مستحيل نديرها متفهمش انت ولا كيف
وبعد ربع ساعة طلع نبيل
نبيل:وسام وسام تعال
وخش وسام،وقالة كل شي
وسام:يعني عشان جرعة زايدة العيل كان ح يموت قصدي خطأ طبي وديما يصير يعني عليش مكبرين الموضوع وبعدين اشطر الدكاترة يغلطو
عماد:متقولش خطأ ياوسام انا مستحيل نديرها
نبيل:شنو الحل باهي توا
عماد:انا نبي الابتوب ونبي البنت الي تشتغل معايا صوفيا توا ضروري هيا الوحيدة الي ح تساعدني
وسام:وين هذينا ياعماد ح نمشي نجيبهن توا
عماد:ضروري تجيب حتى صوفيا
وسام:حاضر كيف نلقاها بس
عماد:صوفيا ح ندزلك وين تسكن توا في رسالة
وسام:اها اكيد عرفتة
عماد:خلاص توا ح نرن عليها انا والابتوب في المستشفى اطلع انت ياوسام وانا توا ح نرن عليها،وندزلك رقمها في رسالة
وسام:باهي تمام نبيل تعال نبيك شويا
وطلع وسام ومعاه نبيل
وسام:نبيل ارجوك منبش حد يغلط في عماد
نبيل:من عيوني ياراجل كنك انت
وسام:وفي المذيعة فاطمة الله يربحك حتى هيا خليك معاها جاية تعترف وتسلم روحها اخدمني المرة هذي ومستحيل ننساها لكي
نبيل:اها عرفتها تمام ياوسام مش بيناتنا امشي واطمن
وسام طلع بسرعة وعماد رن على صوفيا
صوفيا:ايوا كنت في انتظار الاتصال هذا انا
وردت صوفيا
صوفيا:دكتور عماد
عماد:صوفيا اسف واجد عشان رنيت في الوقت هذا
صوفيا:لا ولا يهمك في حاجة
عماد:في مشكلة كبيرة صارت
وبأختصار حكالها كل شي
عماد:فهمتي ياصوفيا توا الوقت يجيك وسام تطلعي معاه تمشي للمستشفى تجيبي الابتوب وكل تقارير وصور عبد الرحمن ضروري ياصوفيا راك تنسي حاجة
صوفيا:لا تمام مش ح ننسى شي خلاص
وصكرو الخط.
وسام بسرعة بكل وصل للمكان ورن على صوفيا
صوفيا:تمام خليك في مكان توا نازلة
وجت صوفيا وركبت جنب وسام
وسام:سامحينا واجد ازعجناك في الوقت هذا بس الموضوع ضروري
صوفيا:لا ولا يهمك كلمني الدكتور وفهمني على كل شي
وطلعو ووصلو للمستشفى وخشو للمكتب
صوفيا خذت كل شي
وسام:مش ناسية شي ياصوفيا
صوفيا:لالا تمام الصور والتحاليل والابتوب
وسام:تمام هيا
في الوقت هذا كانت فاطمة تعترف بكل حاجة وبكل شجاعة وكان الضابط يكتب في المحظر وهكي
وسام وصوفيا وصلو وعلى طول خشو لـ وسام
عماد:تمام هذينا التحاليل وهذينا الصور اوكي كويس بكل افتحي ياصوفيا الابتوب وحطي على اسم الحالة
صوفيا:اهو تفضل شوف
عماد:تي مستحيل انا نكون كتبت البيانات هكي0_0
وسام:يعني شنو ياعماد فهمني
نبيل:قولي شن نكتب اقوالك انا بس
عماد:التحاليل والصور تمام انا شفتهن وحددت ان لازم ياخذ جرعة تي بس انا مستحيل نكون حددتها هكي
صوفيا:هكي كاتب يادكتور انت
نبيل:يادكتور متعاندش خلاص اكتب خطأ طبي وانا غلطان و ينتهي كل شي
عماد:تي مستحيل مستحيل
وسام:خلاص ياعماد اقتنع
عارفين توا انتو صوفيا هيا الي غيرت كل شي من الابتوب
طلع وسام ومعاه نبيل،وصوفيا وعماد قعدوا بروحهم
عماد:صوفيا الابتوب هذا ح يقعد معاك انتي بس ونبي نحط عندك امانة ثانية
صوفيا:شنو هيا0_0
عماد:التليفون هذا هوا الي فيه دليل خيانة رشا ليا وانا اليوم اكيد مش ح نطلع من هنا خليه عندك امانة ياصوفيا ردي بالك منه
صوفيا:خلاص حاضر وانت ان شاءالله تطلع بالسلامة
عماد:ان شاءالله
وسام ونبيل.
نبيل:منقدرش ياوسام والله مانقدر واقسم بالله الي تقول فيه مستحيل يصير
وسام:ياراجل ترضاها انت خويا اليوم يقعد في السجن
نبيل:بس انت هكي ح تسببلي مشكلة كبيرة ياوسام وانت عارف،وكان على قصة السجن حاضر والله مش ح يخش ح نحطة في مكتب معزز ومكرم ومش ح ينقص عليه شي لين بكرا بس اهل عبد الرحمن يشرفوا هنا وتنتهي القصة
وسام:افرض بكرا رفضوا يتنازلو
نبيل:ح يعطيهم تعويض وتنتهي خلاص
وسام:باهي فاطمة يانبيل هذي بالذات صديقة العائلة وكيف اختي ومنبيهش اليوم تقعد هنا
نبيل:ياراجل انت ناوي تخرب بيتي بكل فاطمة بكرا ساعة 4 ح اتحول للنيابة وضروري تكون محجوزة هنا لعند بكرا
وسام:لا يانبيل بكرا انا نجيبها عندك هنا
نبيل:على ضمانتك يعني
وسام:عيب معقولة نسببلك في مشكلة
نبيل:معناها بكرا ساعة 3 ياوسام تكون عندي وعمومآ هيا مازال قريب ساعة وتكمل
طلعت صوفيا
وسام:شنو ياصوفيا نمشو
صوفيا:اها هيا تمام
مشت صوفيا مع وسام ونزلت من وين ما خذاها
صوفيا خشت تجري وانهارت بدت تبكي على طول
صوفيا:الطفل هذا شن ذنبة لا انا لازم نغير كل شي درته وضروري نرد البيانات كيف ماكانن هذي مش طريقة للأنتقام انا هكي ح ندمر ناس ملهمش اي ذنب لا ياربي سامحني عبد الرحمن كان ح يموت بسببي يارب سامحني يارب
وسام رد للمركز وخش على عماد
وسام:عماد انا ح نطلع توا انت اليوم ح تقعد مع نبيل واي حاجة تستحقها قولة مش ح يقصر معاك
عماد:تمام ياوسام
وسام:وتليفونك وكل شي ح يكون معاك رن على امك وطمنها عليك
عماد:اها امي ضروري قولي انت كيف صار مع فاطمة
وسام:فاطمة قصتها طويلة المهم اليوم ح تروح وبكرا ح يشيلوها للنيابة
عماد:الله يسامحك يافاطمة بس ليش درتي هكي
وسام:هيا منو اصلآ البنت الي فضحتها
عماد:مش مهم توا المهم انت خليك معاها
وسام:اها تمام وبكرا من الصبح ح نجيبلها محامية شاطرة بكل
عماد:تمام
وطلع وسام ومشا هوا وفاطمة برا
فاطمة:حابة نشكرك واجد انك وقفت معايا
وسام:لا شكر على واجب انتي بس ليش درتي هكي
فاطمة:والله هكي ح يتريح ضميري اكثر،المهم انت قولي شن صار مع موضوع سراج نسيت نسألك
وسام:مفش مأعترفتش بحاجة بس والله مازلت وراه وراه لين نعرف
فاطمة:باهي تمام ياوسام موعدنا بكرا
وسام:تمام وبكرا ح نجيبلك محامية
فاطمة:تمام مشكور
فاطمة ركبت في سيارتها ووسام كذلك وكل واحد مشا للحوش
وسام:تي خلاص ياامي عماد كلمك وحكالك على كل شي
منال:لا بس وليدي محبوس كيف ح نرقد بس
وسام:تي قتلك قاعد غادي كل حاجة معاه وبكرا ح يطلع
مالك:خلاص ياامي وبعدين في محبوس يقدر يكلم بالتليفون
وسام:انا خاش نرقد كم ساعة بس تعبان بكل لأن الصبح عندي شغل ضروري
وسام خش للدار وكان حاس ان في مسؤولية كبيرة على راسة ومش عارف شن يدير
وسام:يعني بكرا ضروري نقبض على الشخص الي يهدد في البنات هذا،وبكرا لازم يطلع عماد وموضوع فاطمة وموضوع رشا وعماد ااااه ياوسام مش قادر نركز لازم نرقد
بأختصار جاء ثاني يوم وطلع عماد وانحلت القصة كلها ورد للحوش وسلم على امة وهكي وقعد اليوم كلة مع اهلة
وسام قبض على الشخص وانحلت القضية كلها
ندى:بارك الله فيك ياوسام والله انت اليوم حليت جريمة
وسام:هذا واجبي ياندى وهوا توا في التحقيق وح يعترف بكل شي
ندى:هكي تمام بكل مشكور واجد
وسام:العفو بس ندى عندي صديقتي عندها مشكلة ونبيك انتي تكوني المحامية متاعها
ندى:قولي احكيلي القضية وانا حاضر
وسام:تمام ركزي معايا
وبدا وسام يحكيلها وندى فهمت كل شي
ندى:تمام فهمت عليك وعرفتها الدكتورة فاطمة نسمع في البرنامج ونحبها بكل
وسام:ايوا هيا نفسها متاع البرنامج واكيد سمعتي الاعتراف
ندى:هوا الاعتراف هذا ح يساعدها اكيد خليني نقعد معاها عشان نفهم اكثر
وسام:هيا اليوم ساعة 4 ح تمشي للنيابة العامة
ندى:خلاص تمام ضروري نكونوا معاها وضروري هيا اديرلي توكيل
وسام:قصة التوكيل هذي ساهل
ندى:خلاص انا نستأذن منك توا نتلاقو بعدين في النيابة
وسام:تمام مع الف سلامة
طلعت ندى وبعد حوالي 10 دقائق خش الشرطي على وسام
الشرطي:في واحد برا ويبي يقابلك ضروري
وسام:خليه يتفضل
وفجأ خش سراج0_0
وسام:عليش جاي انت هنا شنو ناوي ترد للحبس من جديد
سراج:معلش انت ضروري تسمعني
وسام:عارف ووحق ربي لو نمسك عليك دليل واحد بس ح تندم
سراج:والله انا مش جاي عشان تقول هذا خايف ولا هكي انا جاي نقولك الشخص الي انت تفكر فيه غلط مش هوا
وسام:اها وانت عليش تقولي هكي مثلآ
سراج:نبيك تساعد رشا وانا عارف رشا مظلومة
وسام:اعترف انت عشان تطلع مظلومة
سراج:افهمني معلش انا واقسم بالله العظيم مادرتها انساني وشوف حد ثاني وساعدها ارجوك
وسام:ماشي ياسراج تمام لكن حط في بالك اني مازلت شاك فيك وقريب ح نعرف كل شي
طلع سراج ووسام قعد بروحة ويفكر
نمشو مع بعضنا شويا لـ صوفيا
صوفيا طول الليل مرقدتش وكانت ترد في البيانات كيف ما كانن في الاول
ناضت صوفيا من النوم وكانت تقريبآ ساعة 2
صوفيا:واو اليوم ممشيتش الجامعة
وفجأ رن تليفونها وكانت تحكي مع الشخص المجهول
صوفيا:لا اسمع انا جيت عشان عماد واهل عماد فقط..............افرض مات توا عبد الرحمن شن كنت ح ندير انا.......عماد كان يطلع بخطأ طبي وانا كنت ح نموت من تأنيب الضمير...........اسمع انا جاية نلبس عماد تهمة صاح ونخرب حياتة وناخذ حقي بس ان حد يموت ملش اي ذنب هذي مش ح نسمح بيها............وموضوع رشا هذا لازم ينحل................نقولك شي لو مش عاجبك الي في راسي معش تتصل بيا واعرف ان صوفيا مستحيل اتهدد فاهم
وصكرت الحط.
مشا باقي اليوم عادي فاطمة انعرضت على النيابة وطلعت روحت بس كان موعد المحاكمة مازال
جاء الليل وعماد كان قاعد في الحوش ورن تليفونة0_0
عماد:الو صوفيا
صوفيا:خير يادكتور انا نبيك في موضوع ضروري بكل
عماد:شنو احكي0_0
صوفيا:انا معايا دليل برائة رشا0_0
عماد:..........................😳
صوفيا:...........................0_0يتبع الحلقة الثانية والعشرين