جريمة صوفيا ( روايات ليبية )

حلقة 20 🔥

رواية #جريمة_صوفيا 💔🔥
( خيال ممزوج بلواقع )
للكاتب : #إبراهيم_رشيد
الرواية بلهجة الليبية
حلقة  20🔥 " 

قراءة ممتعة
سراج:تي باهي شويا بس ح نطلع توا...... تي شويا نبي نخش للحوش ناخذ الاوراق وطالع طول
وصكر الخط.
سراج:مستحيل مستحيل حد يدير حاجة كويسة بكل لين سراج يجي
سراج كان يمشي وخش للحوش جوا وطبعآ كان الضي طافي
فتح الباب وولع ضي الصالة
وفجأ0_0
فجأ يشوف وسام مقمعز قدامة0_0
سراج طبعآ انصدم بكل لأن اول مرة يشوف قدامة المشهد هذا
سراج:منو انت وكيف خشيت هنا اصلآ
وسام كان ماسك المسدس في يدة
وسام:ح تعرف من نكون انا لأن والله الوجه هذا مستحيل تنساه في حياتك
سراج:تي شنو تحكي انت وعليش ماسك مسدس في وجي
وسام:انا وسام وضابط مباحث ح تندم على كل حاجة درتها ياخسيس
سراج:ضابط؟وكيف تسمح بروحك تخش للحوش هكي مش عارف ان في حرمة بيت ولازم تحترمها
وسام:اطلع معايا برا اطلع توا جاية سيارة الشرطة تاخذك وانت عارف روحك شنو داير
سراج:مش داير شي ولازم تعرف اني مش خايف لا منك ولا من غيرك
وسام:تمام بكل،هات التليفون الي في يدك هات قتلك
وسام خذا من سراج التليفون
وسام:هيا برا قدامي بدون صوا عالي خيرلك
طلع سراج مع وسام وهوا مش عارف هذا من يكون اصلآ وسيارة الشرطة كانت قدام الحوش
وسام كان يحكي للشرطي
وسام:تحطوه في المنفردة بروحة وردوا بالكم حد يكلمة ولا يمد يدة عليه وانت رد بالك حد يعرف بالموضوع
الشرطي:ليش
وسام:دير كيف ماقتلك ومعش تسألي عليش
الشرطي:حاضر حاضر
خذوا سراج ومشو بدون ما حد يشوفهم بكل 
وسام ولع سيارتة وطلع
نمشو مع بعضنا شويا مع عماد وصوفيا
عماد ناض الصبح مشا للمستشفى طول بدون مايمشي للجامعة
وجاء للمستشفى وشاف صوفيا مع بداية الدوام
صوفيا:دكتور عماد في حاجة ليش اليوم غايب من الجامعة
عماد:شوية مشاغل متشغلش بالك
صوفيا:باهي تمام اليوم ساعة 3 عندك عملية
عماد:عملية شنو معندش نيه وريني منو هذي
صوفيا:هذا التقرير
عماد:معندش نيه بكل
صوفيا:بس ميصيرش يادكتور انت عملية مستعجلة
عماد:اها صاح اذكرتها هذي حالة ضروري مزبوط تمام خليهم يجهزوا غرفة العمليات وشويا ودخلي اول حالة
صوفيا:تمام حاضر
بدا عماد يشتغل وبعد تقريبآ ساعة وسام جاء للمستشفى
ووقف في الباركين
وسام:ياحبيبي هذا قاعد هنا وهذي سيارتة
وكان يقصد بكلامة على عماد
نزل وسام وكان هكي زعلان بكل من عماد وكان يمشي
وخش قدام صوفيا وكان يبي يخش على عماد طول بدون ماياخذ اذن صوفيا
صوفيا:يااستاذ يااستاذ معلش معلش
وسام:شنو في؟
صوفيا:لو سمحت كيف تخش هكي وخلاص
وسام:خاش لـ خويا كنك في حاجة
صوفيا:باهي دقيقة بس في حالة جوا يااستاذ
وسام:باه تمام
طلعت الحالة وخش وسام طول وصكر الباب
وسام:باه تمام
طلعت الحالة وخش وسام طول وصكر الباب
وسام:انت قاعد هنا والدنيا مقلوبة عليك
عماد:عليش ان شاءالله
وسام:مبرد دمك ياعماد وخلاص مطلق مراتك وداير مشكلة كبيرة وطويلة بكل وقاعد تشتغل عادي بـ دم بارد هكي
عماد:وسام احترم نفسك ومتحكش معايا هكي بكل رد بالك،بعدين الناس الي تشوف فيهم برا كلهم مرضة وانا من واجبي نحظر ونعالجهم
وسام:نحب نقولك ان حسن اب رشا جاء امس وقلب الدنيا عليك ورشا مقهورة قاعدة
عماد:وحدة خاينة وتستاهل اصلآ انا مش عارف عليش مكسرتش راسها
وسام:في شن تقول انت بلا كذب تي انا لو نشوف بعيوني مستحيل نصدق ان رشا تخونك عيب عليك واقسم بالله
عماد:شن تبي انت توا انا مش فاضي
وسام:اصلآ انا عندي شغل لـ فوق راسي بس عطلت روحي عليك انت ومفش فايدة بكل،ونحب نقولك امشي لـ امك قاعدة قريب تجيها جلطة بسببك،اوكي يادكتور عماد
وطلع وسام.
الحديث الي بيناتهم كلة صوفيا سمعاته وتفاجأت
عماد:صوفيا صوفيا
صوفيا:نعم يادكتور
عماد:خلي الحالة الثانية تخش هيا
صوفيا:حاضر، تفضلي يامدام
صوفيا برمت وجها وقعدت تفكر
صوفيا:عماد طلق مراتة ومراتة خاينة؟كيف هذي اكيد في حاجة غلط في القصة
سراج من اول ماحطوه في الحبس وهوا مش عارف شن في اصلآ
كانت عبارة على دار مظلمة وشوية شمس خاشة من برا
سراج:هيييي انتو عليش جايبيني هنا تي حد يرد عليا
وخبط الباب بالقوة
وسام وصل وخش هوا وسراج لغرفة التحقيق
سراج:منو انت وفهمني ليش انا هنا شن التهمة متاعي قوليلي
وسام قمعز قدامة وولع دخان
سراج:تي رد عليا انا من حقي نجيب محامي باهي
وسام:عارف انت انا منو نكون،انا ضابط جديد متخرج من كم يوم بس ومتخافش مني انا طيب وولد حلال
سراج:انت جايبني لعند هنا عشان تحكيلي قصة حياتك
وسام:بس واقسم بالله حد يحاول يأذي اهلي ولا حتى بكلمة نتحول فجأ لـ شخص معندش رحمة بكل
سراج:تي منو انت ومنو اهلك فهمني
وسام مسك سراج من القميص متاعه
وسام:انا وسام اخ عماد،الي هوا يكون زوج رشا حبيبتك السابقة
سراج انصدم بكل
سراج:رشا؟تي باهي ليش انا هنا
وسام:اسمع انت منبش نغلط فيك توا تعترف كيف خربت بين رشا وعماد وكيف فبركت القصة هذي كلها خيرلك احكي والله ندمرك بكل اليوم واقسم بالله
سراج:تي شن تحكي انت انا والله مانعرف حاجة
وسام:شوف انت اكيد عندك ام وانا مش حاب نحرق دمها عليك ولا حتى نزعلها احكي خيرلك كيف درت الرسائل هذينا وطلعت رشا خاينة كيف فبركت القصة كلها تي احكي
سراج:تي والله انا مانعرف حاجة والله العظيم مانعرف حاجة احكيلي شن صار
وسام:تي يعني متعرفش ان رشا اطلقت بسببك ياحقير طلعتها خاينة ياكلب
وبعد تقريبآ نص ساعة وسام معرفش ياخذ من سراج لا حق ولا باطل
وسام صبا وكان ناوي يطلع
وسام:الكلب هذا منبش تخشلة ولا حاجة خليه يموت من العطش والجوع،ياحقير لو جيت في الليل ومأعترفتش والله ح تشوف اسلوب عمرك ماشفته
طلع وسام وخش للمكتب متاعة
وسام:مسؤولية كبيرة بكل ياوسام وانا مش عارف شن ندير واقسم بالله
وفجأ رن تليفون وسام
وسام:الو مالك
مالك:وين قاعد ياوسام
وسام:في الشغل عليش شن في؟
مالك:تي وينكم انا قاعد هنا مش عارف شن ندير وامك صايرة فيها حالة
وسام:اسمع رد بالك تطلع من الحوش رد بالك من امك يامالك
مالك:تي لا نبي نطلع نمشي لـ عماد اكيد هوا في المستشفى توا
وسام:مفش داعي انا مشيتلة ومرضش يحكي كلمة ورافض النقاش في الموضوع هذا
مالك:خوك هذا ديما هكي ديما متسرع وقرراته غريبات ومش فاهم الدنيا صاح
وسام:صكر صكر في رقم غريب خش عليا في الانتظار
وصكر مالك ورد وسام على الرقم
وسام:الو
ندى:الو اهلين وسام
وسام:اهلين منو معايا؟
ندى:انا ندى بنت اللواء محمود حبيت نقولك لو تشرفني شويا للمكتب متاعي في حاجات ممكن يفيدنك في القضية
وسام:باهي تمام وين العنوان متاعك
ندى:انا خذيت رقمك هذا من بابا،فاتح بيه واتس انت ولالا
وسام:اها اكيد فاتح
ندى:تمام توا ندزلك اللوكينش وتفضل
وسام:تمام دزي
وصكروا الخط وعلى طول جاء العنوان
وسام:هيا نمشو للسمحة هذي وخلاص
رشا كانت مقهورة بكل بكل وحاسة بالظلم وكانت تعيش في اسواء ايام حياتها فعلآ
رشا:فعلآ انا مغفلة وغبية،طمعت لما قالولي دكتور ومحترم وسيبت حبيبي الي انا نحبة لعند توا،ااااه لو يرد بيا الزمان شويا بس
بيسان:تي رشا حرام عليك وعيب هكي استغفري ربي وقولي الحمدالله
رشا:الحمدالله يارب على كل حال
وسام مشا للعنوان وخش للمكتب وكان مكتوب عليه
المحامية ندى محمود
وسام:معلش المحامية ندى وين
البنت:من تكون حضرتك
وسام:الضابط وسام
البنت:اها تمام هيا في انتظارك جوا تفضل
وخش وسام لـ ندى
وسام:السلام عليكم
ندى:وعليكم السلام استاذ وسام تفضل تريح
وسام:الله يزيد فضلك
ندى:شن تحب تشرب
وسام:قهوة سادة لو سمحتي
ندى:حاضر
وسام:ها قوليلي شن عندك من اخبار جديدة لأن انا حطيت وعد لـ باتك ان بكرا يكون عندة الشخص هذا
ندى:انا عندي خبر حلو بكل لكي المبتز هذا امس راسل بنت من جديد بس اختفاء الايميل وهذينا تقارير على الايميل
وسام:باهي وشن الجديد ماهو هوا ديما يدير هكي حسب ماقلتو
ندى:لحظة بس خليني نوريك المحادثة
وبعد شويا هكي جت القهوة
وسام:نولع دخان عادي؟
ندى:هوا ممنوع بس انت ح نقولك عادي لأن عارفة انتو متاعين الشرطة ضروري من دخان زي بابا يعني
وسام:ههههههه ايوا
بعد تقريبآ ساعة وسام كان مع ندى ومنقدرش نحكيلكم عيونة قلوب قلوب لأنها كانت اية في الجمال
وسام:يعني ملخص الكلام انتي تقولي ان الشرطة الاكترونية هيا الحل
ندى:من اول يوم قتلك هيا الحل لأن هذا مستحيل يطيح بين يديك الا هكي
وسام:تمام هاتي التقارير الجديدة وانا توا الوقت نمشي ونشوفو شن يصير معاهم
ندى:تمام تفضل
وسام:نستأذن منك انا
ندى:اذنك معاك في حاجة بلغني بس
وسام:حاضر
وطلع وسام وجت البنت الي هيا السكرتيرة متاع ندى وفي نفس الوقت تكون صاحبتها واسمها رانيا
رانيا:الله عليك ياعمي محمود دزلنا احلا واحد في الداخلية كلها
ندى:رانيا خلاص-_-
رانيا:ليش خلاص شوفي كيف حليوة ومشاءالله طول في عرض وشخصية شكله بكل
ندى:شن حابة توصلي بكلامك
رانيا:قصدي هوا كان قريب ياكلك بعيونة
ندى:رانيا ركزي في شغلك انتي مكسدة وانا مش فاضية لكلامك هذا
مشا باقي الوقت عادي لين جت تقريبآ ساعة 7 الليل 
نردوا مع بعضنا للمستشفى وكان عماد وصوفيا طلعو من غرفة العمليات
صوفيا:دكتور عماد كنك اليوم مش على بعضك
عماد:بصراحة ياصوفيا انا امس طلقت مراتي وطلعت خاينة
صوفيا:شنو شنو قصدي كيف هكي صار
عماد:الله غالب طلع عندها حبيب وعايشة معايا بس مجاملة
صوفيا:قصدي انت تأكدت حرام مرات تكون ظالمها
عماد:كل حاجة شفتها بعيوني شفت الرسائل وشفت كل شي
صوفيا:وسع بالك كل مشكلة ولها حل
عماد:انا معش نبيها وانتهى الموضوع كم مازال حالة ياصوفيا بعد العملية
صوفيا:10 بس
عماد:تمام ننزل نشرب قهوة لأن راسي يبي ينفجر ونركب من جديد لأني مليت اليوم
ونزل عماد وصوفيا كانت بروحها
فتحت صوفيا تليفونها ورنت  على الراجل المجهول
صوفيا:الو معلش سؤال انت لكي علاقة بالموضوع الي صار هذا............انا قاعدة في المستشفى........باهي تمام نطلع نكلمك
مشا الوقت بسرعة بكل ووسام كان في الشغل وجاء الشرطي
الشرطي:وسام باشا اللواء محمود طالب يشوفك ضروري بكل
وسام:يستر الله باهي جيته هيا
وخش وسام على محمود ومحمود كان يهزب وخلاص
محمود:انت شن تحساب روحك ياافندي ومن تحساب روحك ماشي جايب الشاب هذا الي اسمة سراج هنا ودايرله حاجات واجد تي انت تبي تشيلنا كلنا في ستين الف داهية
وسام:تي هذا خرب حوش خويا بكل
محمود:وين دليلك ووين التهمة؟وبعدين بأي حق تقبض عليه وهوا مفش امر للقبض عليه اصلآ،وسام انت صاير لعقلك حاجة ولا كيف كيف بس ادير هكي معش اتصرف من راسك واخرى خشيت لحوش الراجل هكي بدون اي حاجة انت عارف اني انا نقدر نحولك للتحقيق توا،وسام ركز معايا نحنا هنا مش قاعدين عشان نفرضوا قوتنا على الناس
وسام:نفهم من كلامك انك سمحتلة يروح
محمود:اها اكيد وقول الحمدالله ان هوا رفض يرفع عليك دعوة،وسام انا منبش نكثر عليك بس لو تكرر الشي هذا واقسم بالله ح نحولك للتحقيق طول،رد بالك ياوسام وبعدين لما تخش هنا انسى كل شي خلاص هنا حتى خوك متعرفش انت فاهم
وسام:به فاهم
محمود:وشن صار في القضية ؟
وسام:المهلة تكمل بكرا وبكرا يكون عندك
محمود:ان شاءالله يكون كلامك صاح تفضل على شغلك يااستاذ وشغل البلطجة والسراقين هذا معش تعاودة
طلع وسام وكان زعلان بكل بكل
عماد روح للحوش وكان الكل يتناقش معاه ولكن مفش حد خذا منه حاجة بكل
عماد:مش شوركم بيا ومحد يدخل هذي حياتي وانا حر فيها
وركب عماد لـ شقته وكان مقهور بكل
وبعد شويا روح وسام
وسام:وين عماد
رودينة:كان قاعد هنا ومعرفنش نحكو معاه كلمتين ياوسام
وسام:انا راكب نشوفة
منال:لا ياوليدي الله يربحك انا مش ناقصة توا تركب انت واتعاركوا والله انا مش ناقصة
مالك:خليك ياوسام هذا قاعد نار والعه وخلاص متقربش منه
صوفيا روحت وخشت للدار وكانت تكلم
صوفيا:لا انت ارجوك حل القصة هذي.........انا متأكدة انك انت وراها.........عارفة عارفة فاهمة لازم يكون في تفكك اسري في حياة عماد هوا موجود التفكك هذا بدون ماانت ادير حاجة.............تي بس حرام هكي................شوف انا مش مع عماد ولا يهمني اصلآ انا درتلة حاجة ح يمشي في ستين الف داهية بس رشا حرام مش ذنبها والله حرام.................تي مش ناسية انتقامي ولا اي حاجة مش هكي متفهمش غلط ...............به بكرا نكملوا باي
وصكرت صوفيا الخط.
صوفيا:ح نوقف معاك يارشا لأني مجربة انك ترقدي وتحطي راسك على المخدة وانتي مظلومة ومكسورة،كل يوم قاعدة نجرب فيه الشعور هذا انا ويارب محد يشوفة في الدنيا
كان الكل قاعد يستنى في برنامج فاطمة
الكل الكل بدون استثناء
رودينة ومالك ووسام وعماد
رشا وبيسان وصوفيا وسراج
وبدا البرنامج
فاطمة:السلام عليكم ورحمة الله وبركاته،متابعيني ان شاءالله تكونوا بخير الصراحة ان اليوم ح تكون حلقة مختلفة تماما او بالأصح اليوم مش ح يكون في حلقة ابدآ حابة نقوللكم ان هذا اخر يوم ح تسمعوا فيه صوتي وهذا هوا يوم الوداع،منحبش ابدآ الوداع بس الله غالب هكي هيا الدنيا،الكل ح يبدا يسأل عليش انا ح نسيب الصراحة نبي نقوللكم قصة سريعة صارت معايا شخصيآ قبل ماتسمعو القصة اكيد كلكم عارفين ان كلنا نغلطو ومفش انسان ميغلطش في الدنيا هذي كلها
الكل كان يسمع ومتأثر بكل
فاطمة:مش حابة نطول عليكم طبعآ الكل يعرف اني انا في الصبح دكتورة نفسية وفي الليل مذيعة ومقدمة برامج في الاذاعة،من فترة بديت نعالج في حالة والحالة هذي تكون صديقتي وكيف اختي بالضبط،انا غلطت في حقها وطلع مني السر انها اتعالج نفسيآ ولكن نقسملكم بالله جميعآ اني درت هكي عشان بس مصلحتها،المهم انا مش طالعة نبرر ابدآ انا نبي نقوللكم اني من توا ح نطلع من هنا ونمشي نسلم نفسي للقضاء لأن زي ماتعرفوا هذا يعتبر خطأ وفي ممكن عقاب وممكن سجن،بابا الله يرحمة كان ديما يقولي في مثل(ارقد مظلوم ولا ترقد ظالم)وانا حسيت روحي ظلمت،حابة نقوللكم شكرآ شكرآ لأنكم انتو سبب نجاح البرنامج كانن بجد احلا ايام معاكم، ح نودعكم بأغنية حزينة كيف حزن اليوم هذا بالضبط وداعآ وربي يوفقكم في حياتكم،نتلاقو على خير يارب
فاطمة نزلت السماعات من راسها وبدت تمسح في دموعها
الكل كان متأثر بكلام فاطمة واولهم رشا بدت تبكي على طول
وبدت الاغنية وكانت اغنية وائل جسار
لو عشت بعدي وبعد بُعدى جيت وحبيت ابقي افتكرني واحكي عني مهما كنت نسيت خليني ذكري جميلة عندك واوعي تنسي زمان خليني ذكري جميلة عندك واوعي تنسي زمان ماتقولش حبي وقت عدي ويوم خلاص عشناه قول اني حبي حب غالي بس هي حياة وابقي افتكرني بكلمة حلوة تنسي قلبي الآه وابقي افتكرني بكلمة حلوة تنسي قلبي الآه خلي الفراق اجمل فراق فى دنية العاشقين وان حد سألك عني قوله كنا اوفي اتنين قول كان حبيبي وكان حياتي وعشرة ليها سنين
رشا:خلي الفراق اجمل فراق في دنية العاشقين
فاطمة خذت حاجاتها وكانت ناوية تطلع
المدير:شنو درتي يافاطمة انتي عارفة ان بعد تلغي البرنامج الاذاعة ح تخسر واحتمال تصكر
فاطمة:مفش بيناتنا حاجة وانا حرة في كل قرار ناخذة
المدير:لا واضح انك نسيتي ان في بيناتنا عقد وشرط جزائي وعارفة كم قيمة الشرط الجزائي
فاطمة:مش ناسية ح ندفعة لكي كلة
وطلعت فاطمة.
في الوقت هذا الكل كان يرن على فاطمة ولكن تليفونها مقفل
في حوش اهل عماد
وسام ومالك ورودينة كل واحد كان في دارة ومصكر عليه الباب
عماد كان فوق في الشقة وحيد ومكسور قلبة بكل
في اللحظة هذا وفجأ باب الحوش بدا يرن ويخبط بالقوة من برا0_0
منال كانت راقدة وناضت على طول
رودينة طلعت تجري شافت قامها مالك0_0
رودينة:من يبي يجينا في الوقت هذا0_0
مالك:خليك انتي انا ح نفتح
وسام:تي شن في منو هذا
وطلعو مالك ووسام
عماد استغرب ونزل بسرعة
اول من وصل في الباب وسام ووراه مالك ووراهم عماد
وسام:باهي باهي تي منو انت
وفجأ فتح وسام الباب ويشوف مشهد غريب بكل0_0
فتح وسام الباب ولقا الشرطة قدامة0_0
وسام:......................😳
مالك:..........................😳
عماد:............................0_0يتبع الحلقة الواحدة والعشرين 
حلقة بكرا فيها تغير كبير واحداث جديدة↗️والرواية قاربت على الانتهاء