الحلقة السادسة 6 من رواية #جريمة_صوفيا مؤلف القصة #إبراهيم_رشيد
قراءة ممتعة
بيسان:احترم نفسك اختي توا متزوجة وعيب الكلام الي تقول فيه انت جديات تغير شكلك وحتى انت تغيرت ياسراج عيب عليك والله تفكر في وحدة متزوجة وتحب زوجها واجد انا مش مستعدة نضيع وقتي معاك
انفعلت بيسان وعماد قرر يدخل وكان جاي بسرعة
برمت بيسان وكانت تبي تمشي وفجأ سراج مسك يدها
عماد:الحقير هذا وربي نكسر راسة
سراج لما مسك بيسان من يدها
سراج:تحب زوجها وتسمي اسم ولدها عليا سراج؟
عماد(بأعلا صوت):بيسان بيسان
في اللحظة هذي بيسان شافت عماد جمدت في ارضها وتقريبآ لأول مرة تخاف هكي
بيسان:عماد0_0
عماد:شيل يدك من عليها ياحقير
وفجأ وبدون مقدمات عماد يضرب سراج بيدة وسراج طاح على الارض
بيسان مسكت عماد
بيسان:عماد عماد ارجوك بلا فضايح خلاص ياعماد
عماد:شن تبي منها ياحقير انت
سراج التزم الصمت وخلاص ومقالش ولا حتى كلمة
بيسان:خلاص ياعماد ح نفهمك كل شي بس ارجوك مش وقت مشاكل
عماد:احكي معايا ورد عليا انت من وين جاي طالب هنا ولالا
بيسان:لالالا والله مش طالب هنا ولا حاجة هذا من برا الجامعة اصلآ
عماد:اطلع برا منبش نشوف وجك هنا مرة ثانية والمرة الجاية مش ح يصير خير
سراج التفت ومقالش ولا حتى كلمة ممكن كان يظن ان هذا خطيب او حبيب بيسان لأن غلطان خذا روحة ومشا على طول
بيسان:عماد ليش جيت بعصبية هكي
عماد:شنو شفته يحكي معاك وبصوت عالي ومسك يدك تي فهميني منو يكون هذا
بيسان كان قلبها يدق بسرعة وكل همها انها تمشي الموضوع بأي كذبة وخلاص
عماد:ردي عليا نحكي معاك
بيسان:عماد هذا واحد شافني مرة عند صاحبتي وهوا يقعد قريب صاحبتي،ومن يومها يخش عليا على الفيس ويقولي نحبك ونبيك وبعدين شوفت عينك اليوم غير جاء هنا
عماد:كيف هذي معلش ؟ يعني اليوم اول مرة يجيك هنا
بيسان:والله العظيم اول مرة يجيني عماد ارجوك منبش فضايح انا
عماد:فهميني الموضوع كلة انتي هذا كنتي على علاقة بيه ولا شنو في حاجة بيناتكم
بيسان:وحياة ماما وبابا لا معندش بيه اي علاقة الموضوع زي ماقتلك هوا يلحق فيا وانا لما صديتة حاول معايا بالظريقة الي شفتها اليوم
عماد:توا قدامي تكلمي صاحبتك هذي وتخليها تقولك وين اهلة هذا
بيسان:والله لا الموضوع مش مستاهل ابدآ عماد انا لو بابا سمع بالقصة هذي ح تكبر والله وانت عارف راجل كبير ومش حمل مشاكل
عماد قعد ساكت شويا
عماد:كملتي انتي
بيسان:تمام معش عندي محاظرات
عماد:هيا ح نروح بيك انا اليوم ورني على عمي قوليله
بيسان:مفش داعي....
عماد:ولا كلمة وامشي معايا للسيارة
بيسان:باهي حاضر
ومشت بيسان مع عماد وهما في الطريق كلمت باته وقالتله مروحة مع عماد
عماد:شوفي يابيسان انتي يشهد ربي غلاوتك عندي كيف رودينة ونخاف عليك ردي بالك من روحك والحقير هذا لو حاول يتعرضلك مرة ثانية انا قاعد في الجامعة
بيسان:خلاص والله من بعد اليوم مش ح يسترجي يدير حاجة انتهى الموضوع
عماد:انا قتلك بس نبيك تاخذي كامل الحذر منة وخشي للمحاظرات وطلعة برا واجد في الجامعة معش نبي ولو شفتيه مرة ثانية في الجامعة كلمني طول وانا نوعدك اني مش ح نحكي لحد حتى لـ رشا
YOU ARE READING
جريمة صوفيا ( روايات ليبية )
Actionللكاتب : #إبراهيم_رشيد ، رواية ستدخلك لعالم مليء بلتشويق و الاتارة و الحب احدات سيجعل في دوامة لتحلها رواية دسمة و تحمل قصة تقيلة ترقبوا .....................ماذا فعلت صوفيا . MBC LIBYA 🇱🇾 اكبر منصة لقراءة الروايات في ليبيا
