حوا و تمضي الايام

الفصل الرابع عشر

الفصل الرابع عشر ....١٤ 💜💜
حوا وتمضي الايام💜🌸
............................................
أيار صليت استخاره اكثر من مره وفي كل مره كانت بتحس انها فرحانه ومرتاحه جدا فكلمت مريم عشان تبلغها القرار اللي وصلت لي
مريم فرحه : انت بتتكلمي جد يا رورو
أيار بخجل : والله حاسه اني مرتاحه جدا
مريم ': ألف مبروك يا حبيبتي ربنا يتمملك على خير
أيار : الله يبارك فيكي يا مريومه بس انا مش عارفه ابلغوا ازاي
مريم : زي الناس يا دكتوره تكلميه في الفون وتخليه يجي هو ومامته 
أيار بخضه : لا طبعا اتكسف
مريم : يا ربي منك اومال هيعرف منين انك موافقه يا فالحه
أيار بلخبطه : مش عارفه بقى بس اكيد مش هاعمل كده
ويمر كام دقيقه حتى تقول مريم : خلاص انا هتصرف
أيار : هتعملي ايه
مريم : هاخلي معتز جوزي يجيب رقمه و يكلمه ويحدد معاه معاد
أيار بسعاده : بجد يا مريم ربنا يخليكي ليا يا رب يا حبيبتي
مريم : يا روحي انا ما عنديش اغلى منك ده يوم المنى اني اشوفك عروسه زي القمر
&&&&&&&&&&&&&&&&&&
احمد بتردد: كنت عايز اقولك على حاجه كده يا ماما
والدته: خير يا حبيبي
احمد انا انا يعني
منال بضحك: ايه يا عم انا انا مش عارف تجمع كلمه ليه
احمد : بس يا رخمه ما لكيش انتي دعوه
والدته : في حاجة يا احمد
احمد : انا قررت اتجوز
والدته ومنال بفرحه عارمه : بجد يا احمد
احمد بابتسامه : اه عايز استقر بقى
منال : ويا ترى مين سعيده الحظ
احمد : هنا
منال : قول والله انا مش مصدقه نفسي ثم صرخت بفرحه ونعم الاختيار
والدته : غريبه يا احمد ما هي كانت قدامك من زمان اشمعنى دلوقت عايز تتجوزها
احمد : قصدك ايه يعني يا ماما
والدته : يعني لو عايز تتجوزها عشان تغيظ تقى يبقى بلاش يا ابني البنت هنادي محترمه وغلبانه وانا باحبها ومش هسمحلك تعملها كوبري
احمد : ايه كل ده هو انا وحش قوي كده
والدته : لا يا ابني يا طبعا بس ....
قاطعها احمد : اسمعي يا امي تقي صفحه وقطعتها من حياتي مش هاقولك اني بحب هنا بس انا معجب بيها بجد و شايف ان دي البنت اللي عايز اكمل معها حياتي وانا مرتاح ومبسوط
والدته بسعاده: ريحت قلبي ربنا يريح قلبك يا ابني ويسعدك
منال : فعلا يا احمد انا من زمان وانا بتمنى ان هنا تكون من نصيبك
احمد : طيب يا موني خذي معاد من اهلها عشان اروح اخطبها
منال وهي تقف : هروح دلوقتي حالا اكلمها في الموضوع
&&&&&&&&&&&&&&&&&&&&
في صباح اليوم التالي استيقظت فيونكة وقامت بتحضير الفطار ثم ذهبت الى غرفه نبيل ولكن قبل ان تطرك الباب خرج اهو
فيونكة بابتسامه: صباح الخير كنت لسه هخبط عليك
نبيل بلا مبالاه : صباح النور
فيونكة وهي تنظر اليه بأستغراب : هو انت نازل
نبيل : اه عندي شغل
فيونكة بهدوء : طيب تعال افطر الاول
نبيل : انت رجعتي في كلامك ولا ايه
فيونكه : كلام ايه ؟؟
نبيل : مش قلتي انك صايمه النهارده
فيونكة : لا الفطار ده مش عشاني انا فعلا صايمه الحمد لله الفطار ده عشان خاطرك انت اللي قلت مش هصوم
نبيل ( قرر امبارح قبل الفجر انه يصوم بس بينه وبين نفسه مش هيعرف احد  كبرياؤه منعه اني يقول  ان سمع كلامها وصام هو عايز بس يجرب بيحاول  يقنع  نفسه بالفكره دي رغم ان في حاجه جواه عايزاه يكون كويس بس مش قادر يتغلب عليها )
فيونكة : ايه رحت فين
نبيل : انا هفطر في الشغل عشان متاخر
فيونكة : ماشي براحتك
ذهب نبيل اتجاه باب المنزل اوقفته فيونكه مره اخرى
فيونكة : نبيل ثانيه واحده
نبيل : خير
فيونكة : خير طبعا باقول يعني مدام انت نزلت الشغل انزل انا كمان الجامعه
نبيل : ما عنديش مشكله طيب روحي البسي وتعالى معايا اوصلك
فيونكة : انا لسه قدامي ساعه عشان اروح على ميعاد المحاضره بالضبط فانزل انت وانا هنزل وراك
نبيل : انتي جامعه ايه ؟
فيونكة بفخر: انا جامعه القاهره يا بابا
نبيل : طب بالراحه على نفسك شويه لعلمك انا متخرج منها ثم قال وانت نازله رني علي عشان اطلبلك اوبر 
فيونكة : ارن عليك ازاي يعني ؟
نبيل بضيق : زي الناس تمسكي الزفت بتاعك وترني عليا ايه صعبه
فيونكة : لا مش صعبه بس انا مش معايا رقم حضرتك
نبيل : امممممم طيب اكتبي عندك .....٠١١
تقوم فيونكة بتسجيل الرقم
فيونكة : هرن عليك عشان تسجل انت كمان رقمي بس اوعه تفتح عليا عشان انا معايا رنات بس 
نبيل بضحك : حاضر مش هافتح عليكي
اي اوامر ثانيه
فيونكة : الامر لله يا عم خلاص ماشي هرن عليك قبل ما انزل
نبيل : اول ما تخلصي جامعه رني عليا
فيونكة : خلاص ان شاء الله
نبيل : لأ قولي حاضر
فيونكة : لا مش هاقول حاضر هاقول ان شاء الله لو كان ليا  عمر بعد الجامعه وربنا شاء هرن عليك لو عمري خلص يبقى ربنا عايز كده ثم قالت ابتسامه رقيقه اتعود دايما  تقدم المشيئه بسم الله الرحمن الرحيم ( ولا تقولن لشائ إني فاعل ذالك غداً إلا أن يشاء الله)
نبيل فضل باصصلها كثير مش عارف يا يرد عليها كالعاده يعني فقرر ينزل احسن
نبيل : انا نازل ثم اخرج بعض النقود ووضعها على الطاوله امامها خلي الفلوس دي معاكي
فيونكة : لا شكرا انا معايا
نبيل بغضب : واضح انك ناسيه انك امراتي ولازم كل شويه افكرك
وعاد الى هدوئه مره اخرى وقال: سلام
فيونكة : في رعايه الله
نبيل : المفروض ارد عليكي بايه ؟
فيونكة ببساطه : قول في حفظ الله
نبيل ابتسامه صفراء: في حفظ في الله وذهب
ضحكت فيونكه بشدة على تصرفاته وافعاله فهو يمثل الولد الصغير الذي يتعلم من والدته كل شيء
&&&&&&&&&&&&&&&
في معرض الاثاث والديكور الخاص بنبيل
يدخل اكرامي من باب المعرض وهو يقول في استغراب
اكرامي:  ايه ده انت هنا
نبيل : اه في حاجه
اكرامي : لا مافيش بس غريبه يعنى
نبيل ببرود : هي ايه اللي غريبه يعني
اكرامي :  يعني تنزل شغلك بعد فرحك بيوم ثم قال بخبث هي العروسه وحشه ولا ايه؟
نبيل بغضب : ملكش دعوه  بمراتي وبعدين انا عندي شغل مهم مش هينفع يتاجل 
اكرامي:  طيب خلاص بالراحه يا عم انا كنت بس بطمن عليك
نبيل بسخريه : تطمن عليا اممممم لا اطمن وبعدين واعتقد ان دي أمور شخصيه 
اكرامي:  ماشي خلص شغلك وتعال عشان في شغل كثير في المعرض التاني
نبيل : طيب
و قبل ان يذهب اكرامي قال نبيل : قبل ما تمشي كنت عايز اسالك على حاجه
يجلس اكرامي امامه بترقب ويقول : حاجه ايه ؟
نبيل : انا كنت عايز اعرف ايه حكايه الورث بتاعت عمي بالضبط
اكرامي : ما انت عارف كل حاجه ايه الجديد اللي انت عايز تعرفه
نبيل : لا انا عايزه اعرف الحقيقه غير الكلام اللي بتقوله للناس
اكرامي بحده : قصدك اني بألف حكاوي للناس اللي غير الحقيقة
نبيل : لا أنا ....
قاطعه اكرامي بصرامه : اسمع يا نبيل غير الكلام اللي عندي واللي انت عارفه  والناس عارفاه  ما فيش واحسنلك ما تفتحش الموضوع ده معايا مره ثانيه
ذهب اكرامي وترك الشك يزداد بداخل نبيل و عزم النيه على معرفه كل شيء من البدايه الى النهايه وارجاع الحق لصاحبه
&&&&&&&&&&&&&&&&
منال اتفقت مع هنا انهم يروحوا عندهم بكره بس ما قالتش السبب ايه قالت انها زياره عاديه وحبه تعمل الموضوع ده مفاجاه
وثاني يوم بعد صلاه المغرب كان احمد هو ووالدته ومنال قاعدين مع أهل هنا
وبعد السلامات ا تكلم احمد
احمد : عمي انا كنت جاي النهارده عشان اطلب منك ايد الانسه هنا
والد هنا : والله يا ابني انا عن نفسي ما عنديش مانع انتم احسن ناس بس الراي الاول والاخير ل هنا
نظر الى هنا الذي كان يبدو عليها الصدمه
والد هنا: ايه رايك  يا هنا
نظره هنا الى احمد نظره طويله لم يعرف يفسرها ثم قالت بقوه : بس انا مش موافقه ؟
صدمه الجميع من رد هنا الغير متوقع و
&&&&&&&&&&&&&&&&&&&
الى اللقاء في الفصل الخامس عشر
من حوا وتمضي الايام
رأيكم يهمني 💛💛🌚
بقلمي: علا احمد