حوا و تمضي الايام

الثامن والعشرين

الفصل الثامن والعشرين💜🎀
حوا وتمضي الايام💜
صلوا عليه وسلموا تسليما كثيرا💜
بسم الله الرحمن الرحيم
&&&&&&&&&&&&&&&&&&&
سعمت تقي طرق صغير علي باب الغرفه مسحت دموعها وقامت
فتحت تقي الباب لتجد كيان
كيان : ازيك يا تقي وحشتيني اوي
تقي وهي تنزل امامها علي الأرض : الحمدلله يا كوكي انتي عامله ايه
كيان : كويسه بس زعلانه منك
تقي : ليه
كيان : عشان مش سلمتي عليا لما جيتي
تقي بحزن : غصب عني والله ثم قالت بصوت واطي هو باباكي فين؟
كيان : بابا برا هو اللي قالي انك هنا
تقي بأستغراب : غريبه ثم قالت في نفسها مش كان لسه بيقول خليكي بعيد عن بنتي وهو دلوقت اللي بعتها
كيان : تقي روحتي فين
تقي : معاكي يا روحي بس تعالي ندخل جوه احسن
كيان : ماشي يلا انا استاذنت من بابا اني انا ابات معاكي النهارده في الاوضه بتاعتك ينفع ؟
تقي: طبعا يا روحي ينفع تعالي
دخلت تقى وكيان الاوضه و اشرف كان واقف من بعيد متابع حوارهم من الاول هو لما حس انه ضايق تقى بكلامه قرر يبعت كيان عندها عشان تلطف الجو
&&&&&&&&&&&&&&&&&
في غريبه نبيل
يضغط علي تشغيل الاغاني ويدندن معاها
نبيل : كان يوم حبك أجمل صدفه لما قابلتك مره صدفه ياللي جمالك اجمل صدفه يا اللي جمالك اجمل صدفه كان يوم حبك صدفه
توقف فيونكه الاغنيه
نبيل : ليه كدا يا نكد
فيونكه : انا نكد الله يسامحك
نبيل : ايوه انتي نكد يعني مشغلك عبد الحليم حافظ وبغنيلك وبرده ما فيش فايده يعني لا كده نافع ولا كده شافع
فيونكه : هو انت مش عارف ان الاغاني حرام ؟
نبيل : ليه بقى طالما كلمات حلوه و كويسه وما فيش فيها قله حياء يبقى حرام ليه
فيونكه : عشان الموسيقى اللي فيها
نبيل : اممممم يعني اسمع من غير موسيقى
فيونكه : الاحسن انك تسمع قران عشان ربنا يحفظك وخلي بالك ان الاغاني والقران مش بيتجمعوا في قلب واحد لازم واحد يطرد الثاني
نبيل : عشان كده مش بحس بخشوع وانا بقرا القران ؟
فيونكه : بالضبط كده ولو يا سيدي حابب تسمع حاجه كل فتره اسمع اناشيد اسلاميه
نبيل بحب : بحس انك امي اللي بتعلم منها كل حاجه من اول وجديد اللي على طول ماسكه ايدي 
فيونكه بكسوف : انا كمان بتعلم منك حاجات كثير
نبيل : ربنا يجبر بخاطرك يا شيخه ثم قال بضحك انا بتتعلمي مني حاجات سبتي الدنيا كلها وجايه عندي انا
فيونكه بابتسامه : انت فيك مميزات كثير قوي على فكره زي حبك لاخوك وقفتك معاه وقفتك مع باباك من وانت صغير و تحملك للمسئوليه انت فيك حاجه كويسه من جوه وعايز على طول تتغير للاحسن اه عنيد شويه ومتكبر حبتين بس طيب
نبيل بضحك : لازم تحطي التاتش بتاعك في الاخر عموما انا لو كدا فا عشان أنتي في حياتي ربنا يديمك نعمه يا ست البنات
اكتفت فيونكه بابتسامه رقيقه
وبعد شويه
فيونكه برقه : نبيل
نبيل بهيام : عيوني
فيونكه بارتباك  : هو انت انت يعني ماقولتش قبل كدا ب.ب بحبك ليه ؟
نبيل بستفزاز : ومين قال إن انا بحبك اصلا عشان اقولك أنا
فيونكه بحنق : انا كنت عارفه علي فكره بس كنت بتأكد
ضحك نبيل وهو يضرب كف علي كف : والله أنتي مجنونه
فيونكه اشاحت وجهها بعيد عنه : شكرا
جذبها من يدها برفق حتى تنظر إليه: بحبك
رغم ان فيونكه كانت فرحانه اوي بكلمه دي بس كتمت دا جواها
فيونكه ببرود : اعمل لك ايه يعني من الناس كلها بتحبني المفروض ان انا بقا  احب الناس كلها
رفع أحد حاجبيه : والله
فيونكه بغيظ : بقولك ايه أنا مش عايزه اتكلم معاك دلوقتي ممكن تسكت بقا ايه دا بالع راديو
نبيل : انا بردو اللي بالع راديو ماشي انا اسكت ومش هاتكلم معاكي غير لما انت تيجي وتقوليلي بحبك
فيونكه بخجل وحده : ايه اقول ايه
نبيل : ب ح ب ك
فيونكه بنفس الطريقة : م ش ه ق و ل ك د ا
ضحك نبيل : ماشي معاكي يومين يا قطه
&&&&&&&&&&&&&&&&&&
في صباح اليوم التالي عند تقي كانت تجلس في غرفتها حتي دخلت عليها كيان وهي تبكي بشده
مالك ثم تنظر الى شعرها بصدمه : اي دا أنتي عملتي ايه في شعرك
كيان بخوف : كان في لبانه لازقه فيه جيت اقصها شعري باظ
تقي : طب خلاص اهدي فين المقص عشان اساوي الجنب دا ب التاني
تمسك تقي المقص وتقوم بقص الجنب الاخر وفي نفس اللحظة يدخل اشرف
اشرف بعصبية : أنتي بتعملي ايه في شعر البنت ثم ينظر الى شعر كيان الذي أصبح قصير جدا : ايه دا انتي مجنونه إزاي تعملي كدا
تقي : لا والله انت فاهم غلط انا بس كنت
اشرف : مش عايز اسمع منك حاجه أنا غلطان عشان سايب بنتي مع واحده مريضه زيك
تقي بحنق : لو سمحت أنا مش مريضه وكفايه غلط لحد كدا
أشرف بحده : وهو في واحده طبيعية تعمل كدا للمره الثانيه بقولك مالكيش دعوه ب بنتي خالص الا كيان صدقيني هتزعلي مني اوي
نظرت له بحزن : حاضر يا أستاذ وذهبت إلى غرفتها بسرعه
كيان : بابا أنا والله
اشرف وهو يربت علي شعرها بحنان : خالص يا حبيبي ماتزعليش بكرا يطول
كيان بدموع : بس تقي يا بابا
اشرف يمسح دموعها : مالكيش دعوه بيها هي قاعده عندنا فتره صغيره وطول الفترة مش عايز تتكلمي معاها ابدا فاهمه
هزت راسها بمعنى نعم : حاضر
&&&&&&&&&&&&&&&&&&&
حان الوقت الآن كي تقلب الصفحه وتبدأ من جديد
في غرفه سند ب المستشفى تدخل منه وهي تحمل حقيبه الهدوم الخاصه بها
منه : عامل ايه انهارده
سند : كويس
منه وهي تخرج مفتاح: اتفضل دا مفتاح الشقه بتاعتك
سند : ليه
منه : الدكتور كتبلك علي خروج وأنا روحت انهارده جبت كل حاجه ليا في الشقه ودا المفتاح
سند : اوي يعني رايحه فين انتي كدا
منه : عند بابا
سند بضيق : بس انا قلتلك ان الشقه دي هديه مني ليكي انا كده كده اصلا رايح عند بابا
منه بدموع : براحتك بس انا مش عايزه الشقه دي هي مش من حقي
سند : ماشي انتي حرا
منه برجاء : سند مافيش أمل خالص انك تسامحني ونرجع تاني
سند بحده مصطنعه : لا مافيش أمل ولا عمر
منه : من قلبك الكلام دا
ينظر لها بعتاب ثم ينظر إلى الجهه الاخرى
منه تقوم وتحمل حقيبتها : قبل ما امشي  كنت عايزه اقولك حاجه أنا أسفه من كل قلبي وشكرا على كل حاجه عملتهالي وذهبت اتجاه الباب
سند : استني
نظرت له منه بحزن : حاضر هاقفل الباب ورايا
سند : لا خليكي قصدي يعني لحد ما ماما تيجي عشان لو احتاجت يعني حاجه وبعد كده نشوف الموضوع ده
ابتسمت منه بفرحه وجلست مرا أخري
&&&&&&&&&&&&&&&&&
في شقه منيره
فيونكه كانت قاعده بتتكلم مع منيره حتي سمعت صوت الفون
فيونكه بأبتسامه : السلام عليكم
نبيل : وعليكم السلام ورحمه الله وبركاته
فيونكه : خير
نبيل : وحشتيني قولت اكلمك يمكن عايزه تقولي حاجه بس مكسوفه
فيونكه : لا مش عايزه اقول حاجه
نبيل بغيظ : متأكدة يعني
فيونكه : اه
نبيل بضيق منها : ماشي براحتك سلام
وقبل أن يغلق الخط فيونكه بسرعه : نبيل ممكن أقول بس بشرط
نبيل : وانا موافق
فيونكه : مش لما تسمع الأول
نبيل : طب قولي
فيونكه : عايزه ام الخلول
نبيل بصدمه : ام الخلول تاني
فيونكه بدلع : اه تاتي مش انت بتحبني اعملي كل اللي انا عايزاه
نبيل : لا يا ماما انت فاهمه غلط انا بكرهك واغلق الخط
ضحكت فيونكه بشده وقالت : طب لما نشوف يا استاذ بلبل
&&&&&&&&&&&&&&&&&&&&&
إلي لقاء في الفصل التاسع والعشرين
حوا وتمضي الايام💛🤍
على فكره لو ما فيش تفاعل حلو الفصل الثاني مش هينزل دلوقتي عشان احنا داخلين على ألف عضو والتفاعل وحش جدا 🥺🤍
بقلمي: علا احمد