حوا و تمضي الايام

الفصل الثالث عشر

الفصل الثالث عشر......13💜💜
من حوا وتمضي الايام
...................................................
يعني مشلول
قالت هذه الجمله مريم في صدمه بعد حديث  أيار
مريم طب ازاي هو انتي كنتي عارفه
أيار وهي تمسح دموعها : ايوه كنت عارفه بس تفاجئت بطلبه
مريم : لا افهم يعني انت ما عندكيش اعتراض ان عاجز بس لنفسه مش لكي صح
أيار بضيق : لأ يا مريم الموضوع مش كدا خالص انا ولا مره حسيت انه عاجز هو بالنسبه لي حاجه كبيره قوي او حلم بعيد انا بس خايفه يكون عايزني مجرد شكل وصوره قدام الناس مش اكثر وشايف اني ما ليش حوريه الرفض
مريم : ليه بقى ان شاء الله
أيار : مريم خلينا واضحين مع بعض انا كمان كم شهر داخله على ال 28 واللي قدي دلوقتي على راي سته معاه عيل واثنين وانا مفيش حد خبط على بابي بس انا راضيه والله ومش زعلانه عارفه ان ربنا له حكمه في كده وان الانسان مش بياخد كل حاجه كمان شكلي على قدي خالص ودي خلقه ربنا وانا راضيه بهيا وبحبها جدا وشايفه ان الجمال جمال الروح بس الناس مش شايفه كده واي شاب عايز بنت تكون جميله وصغيره مش ... 
قاطعتها مريم : اسمعي يا أيار الناس اللي بتتكلمي عنهم دي نفوس مريضه وفي ناس بتشوف جمال القلب مش الشكل ممكن هو يكون شاف جمال روحك ويكون ده عوض ربنا لكي على صبرك وتحملك النفوس دي  بلاش تعملي مراضهم عقبه في حياتك
أيار : طب وهو
مريم : هو زيك بالضبط واخد كلام الناس عقبه في حياته وانتي مفرقش معاكي ظروفه وشفتي الكاتب الكبير الناجح بس ما شفتيش شخص عاجز قاعد على الكرسي مش عارف يتحرك
أيار بتردد : تفتكري يا مريم
مريم : افتكر طبعا ليه لا انتي رزق ليه وهو رزق ليكي
اقول لك على حاجه استخيرى ربنا و شوفي هتحسي بايه
أيار كمان اتولد جواها امل الجديد هي طبعا واثقه في رحمه ربنا بس ساعات بنبقى محتاجين حد يطمنا ويطبطب علينا ويقول لنا خير ان شاء الله ان الله جميل وكل ما ياتي من الجميل جميل هي دي الطبطبه اللي بجد
&&&&&&&&&&&&&&&&&&&&
كانت فيونكة تجلس في غرفتها وتستمع الي بعض الدروس الدينيه والتي كانت تذاكر بيوم تاسوعا
ثم قامت بالاتصال على والدتها للاطمئنان عليها وتذكرها بصيام الغد وبعد ذلك خرجت من غرفتها تبحث عن زوجها حتى وجدته يجلس علي الهاتف ذهبت اليه ووقفت امامه رفع نبيل نظره اليها
نبيل : اممم ارغي
فيونكة بمرح : اتكلم باسلوب احسن من كده ثم تابعت عايز تتسحر دلوقتي ولا استنى شويه
نبيل باستغراب : ليه هو رمضان جه
فيونكة بصدمه : هو انت مش بتصوم غيررمضان بس
نبيل بضيق : ملكيش دعوه بصوم ايه قوليلي بس بكره ايه
فيونكة بمرح : بكرة تاسوعا صيام
بعدة عشورا صيام برضو ⁦🤷🏻‍♀️⁩
بعدة الحد زي أي حد بس جة ف النص كدة فـ هنصومة وخلاص😂
بعدة الأثنين معروفة يعني سُنه وبنصومة
بعدة بقي التلات أول يوم من الأيام القمرية
الأربع تاني يوم من الأيام القمرية
الخميس Guess what ثالث الأيام القمرية وصيامه سُنه عمومًا.
عرض كونبو لارچ أوعوا تفوتوه
نبيل فاتح بقه بدهشة : انتي هتصومي كل ده
فيونكة : لا يا زوجي العزيز اسمها هنصوم
نبيل : اممممم طب اسكتي وخليكي في حالك للمره المليون وروحي اتسحري انتي
فيونكة : افهم من كده انك مش هتصوم معايا
نبيل : لأ انا عندي شغل بكرا والجو حر وبعدين الصيام بتاع بكرا ده سنه مش فرض
فيونكة :  يا واد انت يا فاهم السنه من الفرض
نظر لها نبيل بحده فنظرت فيونكة الى الجهه الاخرى بغيظ
وبعد فتره قامت فيونكه وقفت امام نبيل مره اخرى ترك نبيل الهاتف جانبه وقال لها ببرود : مش هنخلص النهارده انا عارف
فيونكة : خلاص يا عم بالراحه انا كنت داخله الاوضه عشان انام بس حبيت اسالك عايز حاجه قبل ما انام ولا لا
نبيل بهدوء : لأ شكرا
فيونكة : الشكر لله رب العالمين يا سيدي ثم قالت هو انت مش هتصلي قيام الليل
نبيل : لما يأذن
فيونكه بصدمه: هو ايه ده اللي ياذن ؟
نبيل: القيام
فيونكة بمرح : يا صلاه النبي هو انت القيام عندك بياذن تعرف يا بلبل  انت دعوه في يوم عرفه عليا من قلب طاهر قريب من ربنا رشقت على طول
ترك نبيل الهاتف وقام بغضب ولكن في اقل من ثانيه فرت فيونكه هاربه إلى غرفتها
فيونكه وهي تغلق الباب خلفها بالمفتاح خوفا ان يقتحم عليها الغرفه
فيونكة: انا وراك يا استاذ بلبل لحد ما تتغير لن استسلم ابدا
&&&&&&&&&&&&&&&&&&&رجعت منه من شغلها بعد ما حصلت علي وظيفه بسيطه بعد المعهد وهذا كان شرط والدها لي يسمح لها بتكميل دراستها
دخلت منه من باب المنزل وجدت منعم يجلس مع اصحابه على الطاوله نظره لهم بغضب ثم توجهت الى غرفتها لاحقا بها منعم
منه يضيق : خير عايز ايه
منعم خير يا ابله ان شاء الله هاتي 100 جنيه
منه : انت مش لسه واخد مني اول امبارح فلوس وبعدين الفلوس اللي معايا تكفي لحد أول الشهر بالعافيه
منعم : انا ما ليش دعوه ده اول الشهر هاتي فلوس احسنلك
منه : والله مش معايا حرام عليك ارحمني بقى
منعم كده طب وريني شنطتك وسحب منها الشنطه وظل يفتش بها وطلع كل الفلوس الموجوده جواها 
منعم بغضب: بتكذبي عليا ما انت معاك بزياده اهو
منه ببكاء : دول هجيب بيهم  ملازم للامتحان والله
منعم وهو يضع الفلوس في جيبه مفيش زفت يا رب تسقطي وخرج من الغرفه ظلت منه تبكي بشده على حالها وهي تدعي الله عز وجل انا يخرجها مين هذا البيت الذي رات في كل انواع الوجع وان يرزقها الله الزوج الصالح
&&&&&&&&&&&&&&&&&&&&
في كليه الدراسات الاسلاميه
في الكافتيريا يجلس سند مع صديقه محمد بعد الانتهاء من المحاضره
سند : محمد هو هو مفيش اخبار عن جارتكم
محمد  باعتراض: لا افهم بقى انت شاغل نفسك بمنه ليه واوعي تقول لي فضول
سند : لا مش فضول البنت صعبان عليا وعايز اساعدها 
محمد : تساعدها ازاي يعني لو قصدك فلوس فبلاش هي عندها عزت نفس عاليه قوي زي امها الله يرحمها كمان ماما حاولت معها كثير تساعدها بس هي كانت بترفض فمش هتقبل منك المساعده
سند بنفي : لا انا ثم سكت قليلا انا عايزه اتجوزها
محمد بدهشه : تتجوزها انت بتتكلم جد ؟
سند : ايوه والله باتكلم جد هو الكلام ده في هزار بس لسه هاكلم بابا في الموضوع واخويا الكبير
محمد: بس انت كده بتظلمها  و تظلم نفسك 
سند باستغراب : انا ليه ؟
محمد : انت عايز تتجوزها من باب الشفقه وهي هتوافق عشان تخلص من ابوها يبقى دي عيشه كل واحد متجوز الثاني عشان سبب
سند : لا يا محمد انا مرتاح فعلا للبنت دي جدا سبحان الله من اول مره شفتها فيها وهي على طول في بالي حاسس انها طيبه وغلبانه وشافت كثير في حياتها وانا عايزه اعوضها ربنا يقدرني بس
محمد بتراقب : طب ابوك وامك هيوافقوا
سند بقلق : ده اللي انا خايف منه بس انا مش هيأس وهفضل وراهم ولو هاعمل ايه مش هتخلى عنها ابدا
&&&&&&&&&&&&&&&&&&&
كان على يجلس في حديقه الفيلا وهو شارد الذهن ( يا ترى أيار هتوافق ولا هترفض يا ترى بتفكر فيه ازاي دلوقتي بتقول عليه مجنون انه عايز يتجوزها هو بالظروف دي ولا شافت اللي جواه مش اللي بره زي ما هو شاف جمال روحها مش شكلها)
دخلت سميره وهي تقول في حنان : حبيبي قاعد لوحده ليه بيكتب حاجه جديده ولا بيفكر في حد
علي : لا ده ولا دا قاعد وخلاص
سميره في ايه بس يا حبيبي احكيلي
علي : ماما هو انا من حقي اني احب واختار البنت اللي عايز اكمل معاها حياتي ولا هاكون كده بظلمها
سميره : طبعا يا حبيبي من حقك انت مفيش فيك عيب
علي بحزن:  متاكده يا ماما ان مفيش فيا عيب
سميره : بص يا علي احنا مش بنختار حالنا وده قدر ربنا وانت مؤمن بكده الحادثه دي حصلت من 15 سنه عمر الحادثه دي ما كانت عقبه في تحقيق نجاحك بالعكس شوف وصلت لايه انت خريج اقتصاد وعلوم سياسيه وكاتب كبير قد الدنيا حصلت على لغات كثير قوي كل الناس عارفاك وبتحبك عمرك ما كنت حمل علينا او حمل على حد انت بتعمل كل حاجه لنفسك غير حاجات بسيطه قوي ربنا يا ابني اخذ منك حاجه واداك حاجات كثير قوي
علي : يعني ممكن توافق
سميره بخبث : هي مين
علي : يا ماما انتي عارفاها اكثر مني
سميره بضحك : اخص عليك يا لولو انا مش عارفه انت بتتكلم عن مين
علي بمكر : علي ايمان يا ماما ارتحتي
سميره بدهشة : ايمان ؟؟؟ اومال مين أيار دي
ضحك على بشده فهمت سميره انه كان فخ عشان تقع بالكلام
سميره بغضب مصطنع ماشي يا علي انا زعلانه منك
علي وهو مازال يضحك : لا والله خلاص بس قوليلي  ايه رايك
سميره : هي سمره ومش حلو قوي بس شكلها طيب ومريح
علي : هي سمرا اه بس ملامحها جميله وروحها اجمل
سميره: ربنا يسعد قلبك يا حبيبي ويجعلها من نصيبك ويجعلها الزوجه الصالحه
&&&&&&&&&&&&&&&&&&&&&
سند اختار انه يكلم نبيل الاول لان عارف ان لي تاثير علي اكرامي وفعلا طلع خبط  على نبيل عشان يتكلم معاه
فتح نبيل الباب مستغرب من زياره سند دلوقتي
نبيل : سند في حاجة
سند بضحك : ايه يا عم المقابله دي انا عارف اني قليل الذوق اني طالع دلوقتي وكمان انك لسه عريس جديد بس والله في  موضوع مش هينفع يتاجل خالص
نبيل : طب تعال ادخل انت قلقتني
قعد سند وقص على نبيل كل حاجه
نبيل : وانت متخيل ان ابوك ممكن يوافق عليها
سند : ما هو ده دورك بقى انت ليك تاثير كبير على بابا وكمان انا جيلك وطالب المساعده منك وعارف انك هتقف جنبي
نبيل : طب نفترض ان بابا وافق هتتجوزها فين هتصرف عليها منين هتعرف تشيل مسئوليه ازاي دلوقتي وانت لسه اصلا متخرجتش
سند : هشتغل جنب الجامعه  اي حاجه
وهدور على اي شقه صغيره ان شاء الله تكون اوضه وصاله
نبيل : مش عارف اقولك ايه الصراحه
سند : قول انك هتوقف جنبي وتقنع بابا
نبيل بابتسامه: طبعا هقف جنبك ياض يا عبيط انا بعتبرك ابني مش اخويا الصغير ما تقلقش ان هضبطلك الدنيا
سند بفرحه : ربنا ربنا يخليك ليا يا رب 
وراح قايم يلا هستاذن انا بقى ومعلش على الزياره السخيفه دي اعتذر لي للفيونكه
نبيل غار قوي لما قال اسم مراته وعارف ان سند محترم بس هو مش عايز حد يقول اسمها
نبيل : يوصل أن شاء الله
بعد ما سند نزل خرجت فيونكه من الاوضه وراحت عند نبيل كان قاعد لسه في الصاله
نبيل : ايه ده انت لسه صاحيه ده انا افتكرتك نمتي
فيونكة : لا لسه صاحيه نبيل هو سند كان جاي عايز ايه
نبيل : انت مش ملاحظه انك ختي عليا قوي
فيونكة بمرح كالعاده: عيب يا بلبل احنا اهل ما تقولش كده
لم يستطيع نبيل منع ضحكته
نبيل بضحك : انتي مشكله والله
فيونكة : طب قول بقى كان عايز ايه 
يضربها نبيل بخفه على راسها : ريحي دماغك دي شويه ويلا روحي نامي عشان انا كمان تعبان وهروح انام
فيونكة : طب.....
نبيل : طبعا سمعتي قلت ايه
فيونكة : طيب طيب
نبيل وهو يتجه الى غرفته : تصبحي على خير
فيونكة بابتسامه رقيقه : وانت من اهل الجنه
ابتسم لها نبيل لاول مره ودخل غرفته
&&&&&&&&&&&&&&&&&&&&
إلي لقاء في الفصل الرابع عشر
من حوا وتمضي الايام
رأيكم يهمني 💛💛
بقلمي: علا احمد