حوا و تمضي الايام

الثالث و العشرين

الفصل الثالث والعشرين💜🎀
حوا وتمضي الايام💜
بسم الله الرحمن الرحيم💜
صلوا عليه وسلموا تسليما كثيرا💜
&&&&&&&&&&&&&&&&&
في كليه الصيدله
كانت تقي تجلس علي أحد الدرج وهي شاردة الذهن
هنا : تقي
تقي وهي ترفع راسها : هنا ازيك عامله ايه
هنا وهي تجلس جانبها : أنا الحمد لله كويسه المهم طمنيني عليكي مش بتيجي الجامعه ليه
تقي : كنت تعبانه شويه الفترة اللي فاتت
هنا بتسامه وهي تنظر الى ملابسها المحتشمه ودي طبعا مش من عادة تقي
هنا : ويا ترى بقى التعب ده هو سر للتغيير الجميل اللي انا شايفاه ده
تقي بحزن : هو عامل أساسي للتغير دا فعلاً
هنا : مالك يا تقي فيكي ايه احكيلي احنا كنا اكثر من اخوات لحد ما دخلنا الجامعه بس انتي بعتي عني انتي  اتغيرتي و اخترتي الشله اللي كنتي ماشيه معاها دي عشان كده انا كمان اخدت جنب
تقي بدموع : واديني دلوقتي  بدفع الثمن يا هنا
هنا : ثمن اي أنا مش فاهمه حاجه
قصت تقي عليها كل شئ
هنا ببكاء  : يا ربي طب والعمل ايه دلوقتي
تقي : مش عارفه مش عارفه حاجه خالص
هنا : طب فين نرمين اخته
تقي : نرمين بعد موت نادر سافرت هي ومامتها عند باباها  وبعدين حتى لو موجوده هي هتعملي ايه يعني
هنا : طب والحل ايه
تقي : الحل عند ربنا قادر يخرجني من اللي انا فيه ده من غير فضايح
هنا : ما تخافيش يا حبيبتي انا هافضل معاكي لحد ما نلاقى حل للموضوع ده وان شاء الله ربنا مش هيسبنا ابدا
تقي : يارب يا هنا  معلش نسيت اقولك مبروك على كتب الكتاب
هنا : الله يبارك فيكي يا حبيبي عقبالك يآرب
تقي : لا خلاص أنا كدا كويسه جدا اخرج بس من المشكله دي علي خير
هنا : بلاش عبط أن شاء الله تخرجي علي خير وبعد كدا ربنا يرزقك الزوج الصالح اللي يفرح قلبك يا رب
تقي بأمل : يارب
&&&&&&&&&&&&&&&&&
الإفراط في حسن النية قد يكلفك الكثير ..
فحسن الظن قد يتحول إلى سذاجة أو حماقة أحياناً
في شقة منيره والدة فيونكه
منيره : مش عايزه بردو تقولي مالك
فيونكه بمرح : مالي بس يا موني انا حلوه اهو
منيره : لا أنتي مش حلوه في ايه سبتي بيت جوزك ليه
فيونكه : ما فيش حاجه انا طالعه بس اقعد معاكي يومين عشان وحشتيني
منيره : ما انتي كل يوم بتطلعي الصبح تقعدي معايا شويه وتديني  الدواء وبتطلعي في نصف اليوم وكمان بتطلعي بالليل تطمئني عليا قبل ما تنامي أي الجديد بقى
فيونكه بحزن : تعبانه قوي يا ماما محتاجه اني اكون جنبك على طول
منيره : ربنا يصلح حالك ويريح بالك يا رب يا بنتي
فيونكه بهدوء : يارب يا حبيبتي يلا هقوم أنام بقا عايزه حاجه
منيره : عايزاكي بخير وطيبه دائما يا حبيبتي تصبحي على خير  
&&&&&&&&&&&&&&&&&&&
في شقه منعم
منعم بتعب شديد وهو متسطح علي الفراش : انتي اخر احد كنت ممكن اتخيل انو يجي يشوفني
منه بحزن علي حاله : انت مهما كان ابويا وهتفضل ابويا لحد اخر يوم في عمري وده واجب عليا
منعم بدموع : طلعتي  أحسن مني يا بنتي انا رميتك وانتي لسه باقيه عليا
سند : صلي على النبي يا عمي منه بتحبك هو اول ما عرفت انك تعبان قالت لازم اروح اشوف بابا واطمن عليه
منعم : ربنا يبارك فيكي انتي وجوزك ويرزقكم الذريه الصالحه يا رب ويجازيكم خير على كل اللي انتوا بتعملوه ده
منه وسند: يارب يا بابا ربنا يخليك
ثم قال سند : يلا بقى يا عمي تعال عشان تقعد معانا عشان منه تعرف تخلي بالها منك
منعم : لا يا ابني انا مش هخرج بره بيتي ابدا
منه : ليه بس يا بابا انت ممكن تتعب في اي وقت ولازم حد يكون جنبك
منعم : ما تخافيش انا كويس وابقى تعالى كل فتره خليني اشوفك بس انا لي عندك طلب لو تقدري
منه : اتفضل
منعم : سامحيني يا بنتي سامحيني على كل حاجه عملتهالك انت وامك سامحيني وادعي ان ربنا يسامحني
منه ببكاء : انا مسامحاك يا بابا وربنا غفور رحيم اكيد هيغفر لك ويسامحك
سند فاضل متابع الموقف بتاثير شديد
وعارف انه خد الخطوه الصح بزياره دي هي وباباها محتاجين انهم يتكلموا وكل واحد يطلع اللي في قلبه علشان النفوس بعدها تروق
&&&&&&&&&&&&&&&&&&
إليك أنت أيها المُكابر .. الذي يعاني بصمت ويظهر بمظهر السعيد وهو يتألم ..
تلك المشاعر المكبوتة تأكل منك يوماً بعد يوم .. فرغّها بطريقة صحيحة وانتشل نفسك من مستنقع الحزن  .. لا شيء يستحق
نبيل فضل يتقلب يمين وشمال مش عارف ينام حاسس ان النوم بعيد عنه قوي ومش عارف يوصله قام اتعدل و مسك التليفون و طلب رقم  فيونكه
شويه وسمع صوتها
فيونكه بنوم : السلام عليكم
نبيل بغيظ : انتي نايمه كده عادي يعني
  فيونكه : اه نايمه
نبيل : مرتاحه بعيد عني يعني و حاسه ان ما فيش حاجه ناقصاكي
فيونكه بمرح :  اه مرتاحه جدا قوي قوي
نبيل بضيق : طب يلا انزلي بقى كفايه كده انا سايبك يوم بحاله
فيونكه بدهشة وهي تنظر الى الفون : لا والله يوم طب كثر خيرك يا استاذ عموما انا مش هانزل دلوقتي لحد ما اعصابي تستريح على الاخر وكمان انا زعلانه منك
نبيل بهدوء : حقك عليا والله غصب عني كلام بابا جنني
فيونكه : عذر اقبح من ذنب
نبيل : بس انت برده غلطانه ما كنش لازم تاخذي الظرف معاكي فوق
فيونكه بحزن عميق : معك اني تصرفت غلط بس انت عارف  ما فيش حاجه بتوجع الانسان المخلص قد أن حد يشك فيه تبقى عامل تصرف صح عشان تصلح حاجه وتلاقيه فهمك بعكس قصدك تماما وشك فيك ساعتها بتحس ان هو بيعاقبك علي حسن نيتك وتصرفاتك العفويه مراره الظلم صعبه قوي وبتوجع القلب بس هو في ناس كده سوء النيه بيعميهم عن أي شئ جميل بس ده مش ذنبي انا استحق ان انا اتشاف صح واتفهم صح
نبيل : انا عارف كل دا ب......
قاطعته فيونكه : لو سمحت يا نبيل انا تعبانه وعايزه انام تصبح على خير واغلقت الخط
نبيل فضل شويه يلف حوالين نفسه ومش عارف يعمل ايه وفي الاخر قرر انه هو يطلع ل فيونكه
في بيت فيونكه سمعت خبط على باب الشقه
فيونكه : مين اللي جاي دلوقتي ؟؟
قامت فيونكه وراحت تشوف مين اللي بيخبط بعد ما لبست الاسدال والنقاب 
فتحت فيونكه الباب لقيت نبيل واقف قدامها
فيونكه : افندم عايز ايه في حد يطلع عند حد دلوقتي
نبيل وهو يدخل : اوعى كده انا مش طالع عشان خاطرك انا طالع علشان اشوف طنط منيره
فيونكه هي تنظر الى ساعه الحائط : طالع تشوف طنط منيره الساعه 2:00 الفجر 
نبيل وهو يقف امام غرفه منيره : لو منزلتيش معايا دلوقتي بهدوء هادخل اعرف مامتك كل حاجه
فيونكه بغيظ: لا والله طب اتفضل بقى من غير مطرود
نبيل : مش هتنزل غير وانتي معايا
فيونكه : مش هنزل
نبيل بعند : هتنزلي
فيونكه : مش ه....... قاطعها صوت منيره
منيره : تعالي هنا انتي وهو
دخل نبيل وفيونكه غرفة منيره
منيره بابتسامه بشوشه : ازيك يا نبيل عامل ايه يا حبيبي
نبيل : الحمد لله انا بخير ازي حضرتك انت عامله ايه
منيره : الحمد لله يا ابني على كل حال ثم نظرت الى فيونكه صوتكم عالي ليه
فيونكه بضيق: مافيش يا ماما
نبيل : لا في
نظرت فيونكه له بغيظ
منيره : طب قولي في ايه
نبيل : اصل فيونكه حامل وزعلانه عشان باقولها ما فيش نزول الجامعه غير بعد ما تولدي عشان خائف عليها 
منيره بفرحه : حامل يا ألف نهار ابيض
فيونكه بصدمه وصوت واطي : يا كداااب
نبيل وهو يغمز لها بمكر : مش صح يا حبيبتي
فيونكه بعصبية : لا انا
قاطعها نبيل : خلاص بقا يا حبيبتي بقولك خايف عليكي
منيره : ايوه يا حبيبتي خايفه عليك فعلا وبعدين ده خبر تخبيه عني
فيونكه بارتباك : لا اصل هو اصل
نبيل وهو يقف بجانبها : حسك عينك تقولي كلام غير ده
فيونكه بصوت واطي : اصبر عليا بس الشاطر اللي يضحك في الاخر
فيونكه وهي تجلس بجانب منيره : ماما انا شامه ريحت حاجه كدا
منيره بضحك : من دلوقتي  يا حبيبتي
فيونكه: اه يا ماما شمه ريحه ام الخلول
نبيل : افندم ام الخلول
فيونكه بتحدى : اه انا نفسي دلوقت بقى في ام الخلول حالا ثم نظرت الى منيره ماما انا عايزه اهرش في وشي
منيره : يلا يا نبيل بسرعه انزل دورلها عليها 
نبيل : الساعه ثلاثه الفجر هاجيب منين دلوقتي ام الخلول وبعدين الحاجات دي بتكون موجوده على البحر بس
فيونكه وهي تقف امامه : عشان خاطر بنتك يا حبيبي ثم انحنت عليه قليلا وقالت بهمس : اشرب نتيجه كدبك
نبيل بصدمه : اعمل ايه دلوقتي
😹😹😹😹😹😹😹😹
&&&&&&&&&&&&&&&&&&&
الى اللقاء في الفصل الرابع والعشرون
من حوا وتمضي الايام
رايكم يهمني
بقلمي: علا احمد