حوا و تمضي الايام

واحد وعشرون

الفصل الواحد والعشرين🎀💜
حوا وتمضي الايام💜🌸
بسم الله الرحمن الرحيم🌸🌸
صلوا عليه وسلموا تسليما كثيرا🌸
&&&&&&&&&&&&&&&&&&&
أن يمُن الله عليك بإنسان لا يفعل بك شيء سوى أن يُخرج منك الأشياء الجميلة، يجعلك أهدأ بالًا، لا يفهم كلماتك بمعنى سيئ، لا يُشير إليك إلا على الأشياء الجميلة، يمنحك ثقته كاملةً وأنك حتى لو أخطئت يثق أنك ستُصلح ما أفسدته، أعتقد أن مشاعر الحب شيء وأن يمنحك أحدهم مشاعر الأمان والرحمة والثقة شيئًا آخر ربما معجزة قد لا تحدث في العمر سوى مرة واحدة."
انهارده فرح علي وايار
علي كان هو عوض أيار من ربنا الفرح كان جميل وهادي
عند علي وايار في الكوشه
علي بفرحه : ألف مبروك يا حبيبتي
أيار بكسوف: الله يبارك فيك
علي : عارفه عمري ما كنت اتخيل اني اقعد القعده دي
أيار بأبتسامه: ليه يعني
علي : كنت فاكر أن عمري ما هتجوز أو احب لحد ما شوفتك
أيار : وأنا كمان بردو
علي : ربنا يخليكي ليا هتفضلي احسن حاجه حصلتلي في حياتي
أبتسمت أيار بحب
كدا الستار نزل عند أيار ربنا جمعهم علي خير وسعاده في حلاله كل واحد منهم كان عندو ابتلاء من ربنا بس صبر عليه ودا كان جزاء الصبر جبر
علي كان عاجز عن الحركه بس مش مشلول
لأن المشلول مشلول القلب والعقل والروح وهو كان بيتمز بكل الصفات الجميلة كل عبد فينا ربنا محليه بحاجه مميزه أيا كانت ( اخلاق جمال شكل شعر حلو جمال اللسان إحترام الآخرين)
كل هذه النعم من الله علينا
فأحمد ربنا علي كل شئ فكل إنسان فينا لديه شئ مميز عن الآخر

أيار مش قبيحة
القبح لم يخلق للانسان
( لقد خلقنا الانسان في احسن تقويم )
اي لا دخل الإنسان في خلق الله اترك الخلق للخالق
الله عز وجل بيبغض القبح وأهله ويحب الجمال وأهله التواضع جمال الصدق جمال الخدمه جمال والرحمة جمال
فما بالك إذا اتصفت من هذه الصفات فلك الجنه ومافيها
&&&&&&&&&&&&&&&&&&&
في معرض الاثاث والديكور الخاص بنبيل
نبيل : اتاكد بنفسك ان البضاعه وصلت وما فيش فيها حاجه مكسوره
سند : ما تخافش انا شفتها وصلت  وما فيش فيها اي كسر
نبيل وهو يجلس خلف مكتبه : تمام كمان عايزك بكره تطلع على دمياط علشان في كم اوضه هتجيبهم من هناك
سند : حاضر ثم قال هو ما فيش اخبار عن ابوك
نبيل بخنقه : لا ما فيش
سند : طب وبعدين هيفضل زعلان مننا كده كثير
نبيل : هنعمل ايه يعني خليه يومين كده لحد ما يروق
سند بتنهيده : ماشي
بعد شويه دخل عامل شغال عند اكرامي
العامل : استاذ نبيل الحاج اكرامي عايز حضرتك ضروري
نبيل يبتسم لسند بثقه : تمام روح وانا جاي وراك
سند بفرحه : ابوك رضي عننا آخرين
نبيل وهو يقف : مش باقولك أبوك ما يقدرش يستغنى عني  هاروح اشوف عايز ايه وبعد كده هاروح
&&&&&&&&&&&&&&&&&
صدمه كبيره بعد ما صحيت ولقيت نفسها في المستشفى
رجعت تقي على البيت ساعتها وهي ندمانه اشد الندم ومش عارفه تتصرف ازاي او تخرج من الموضوع ده ازاي
هي غلطانه وتستاهل كل حاجه 
الايام كانت بتمر عليها ما فيش فيها جديد غير انها كل يوم بتخاف من اليوم اللي جاي
تقي كمان كانت تعبانه قوي وخايفه و شاكه في حاجه فقررت ان هتروح تكشف
في معمل تحاليل
جلست تقي تنتظر النتيجه
خرجت  الممرضه وهي تحمل الظرف الخاص بتقى
ممرضه بفرحه : ألف مبروك يا مدام حضرتك حامل في شهرين
تقي بصدمه وانفجرت في البكاء : حامل
ممرضه : مالك انتي مش فرحانه ولا ايه
تقي ببكاء ؛ فرحانه فرحانه اوي كمان
فضلت تقى ماشيه بتوهان لحد ما وقفت قدام جامع في المنطقه بتاعتها
دخلتها الجامع وهي ترتجف من الخوف
جلست في ركن من الاركان والدموع تنهمر من عينيها
حتى سمعت صوت لبنت رقيقه تتحدث ويجلس حولها مجموعه من الفتيات :
كانت فيونكة تجلس في الجامع و تتحدث مع مجموعه من البنات في امور الدين 
فيونكه : هو انت فاكره انك عشان عرفتي ولد قبل كده يبقى خلاص بقيت وحشه ومش هينفع تكوني عفيفه ثاني انت فاكره ان كده خلاص ربنا مش هيسامحك واني مش هيرزقك الزوج الصالح لا يا جميله انت وهي ربك قال ( قل يا عبادي الذين اسرفوا على انفسهم لا تقنطوا من رحمه الله ان الله يغفر الذنوب جميعا ) قال يا عبادي ما قالش يا مجرمين ما قالش يا ظالمين ربك رحيم بيكي لاقصي درجه لو فاكره انك ده بقيت رخيصه تبقى مش عارفه قيمه نفسك عند ربنا انت غاليه قوي انت اللي فيه صوره باسمك في القران انت اللي النبي صلى الله عليه وسلم وصي بيكي خير ( استوصوا بالنساء خيرا )
ربنا اكيد حاسس بيكي وعارف ضعفك وعارف انك عملت الذنب ده من غير قصدك وكملتي فيه غصبا عنك وقادر ان هو يخرجك منه بس انت قولي يا رب وتوبى لله
تقي كانت بتسمع الكلام ودموعها عماله تنزل وعرفت ساعتها انها اثرت في  حق نفسها وحق ربنا كثير قوي ولازم ترجع
&&&&&&&&&&&&&&&&&&
في شقه منه وسند
رجع سند من الشغل كانت منه نايمه وباين عليها التعب
جلس امامها علي الفراش  :مالك يا حبيبي
منه بتعب : تعبانه قوي من الصبح جسمي كله مكسر
سند بقلق : طب تعالي نروح للدكتور
منه : لا مش محتاجه دكتور انا اخدت دوا للبرد وان شاء الله هاتحسن عليه
سند : ماشي يا حبيبتي ارتاحي انت وانا هاقوم اعمل لك حاجه سخنه تشربيها
منه : لا يا حبيبي انت جاي من الشغل تعبان ارتاح انت
سند بحب : ولا يهمك يا ست البنات انا كويس ثم قام يلا انا هاقوم اعمل لك حاجه سخنه و احضر لك الغدا
نظرت له منه بامتنان : حقيقي شكرا علي كل حاجه بتعملهالي أنت مافيش منك
جميل قوي انك تلاقي شخص بيحبك ويحس بيك دايما عايز يعمل عشانك كل حاجه عشان تكون مرتاح  الشخص ده ما يتعوضش ابدا امسك فيه واوعي تسيبه ابدا
بس هل منه هتقدر تحافظ على الشخص ده ؟؟؟؟
&&&&&&&&&&&&&&&&&&&
معرض الاثاث والديكور الخاص بي اكرامي
دخل نبيل كان اكرامي قاعد وباين على وشه الغضب.
نبيل : في ايه كنت عايز حاجه
اكرامي بغضب : عايزه عقد العماره يا استاذ
نبيل بعد فهم : عقد عماره ايه انا مش فاهم حاجه
اكرامي : مش فاهم ولا بتستعبط
نبيل بضيق: لو سمحت انا ما بحبش الطريقه دي اتكلم على طول وقولي في ايه
اكرامي بغضب شديد: في انك بعت مراتك تسرقني
نبيل بصدمه : مراتي انا طب ازاي انت اكيد فاهم غلط
اكرامي بصوت عالي : لا يا استاذ انا فاهم صح مراتك هي اخر واحده كانت عندنا لما كانت بتساعد امك في تنظيف البيت
نبيل بعصبية : وهي عشان كانت اخر واحده عندكم يبقى هي اللي سرقت انا مراتي  مستحيل تعمل كدا
اكرامي بحده : انا متاكد ان هي اللي عملت كده انا دخلت الاوضه بتاعتي لقيت الشنطه مفتوحه والعقد ده متاخد منها يبقى هيكون مين اللي عملها  وبعدين ما هي من زمان بطالب بورثها
نبيل : ايوه بس مستحيل تاخده بالطريقه دي 
اكرامي : ما ليش دعوه بالكلام اللي انت بتقوله ده معك يومين لو العقده ما رجعش انا هبلغ البوليس
نظر نبيل ل اكرامي بغضب شديد وذهب
نبيل روح البيت وهو مش شايف قدامه من الغضب
دخل مباشرا على غرفة فيونكه فضل يفتش في كل حته
نبيل بصدمه بعد ما وجد العقد في حقيبه فيونكه : مش معقول
ووووووو
&&&&&&&&&&&&&&&&&
الى اللقاء في الفصل الثاني والعشرون
حوا وتمضي الايام
بعتذر عن التاخير بس والله غصب عني 🥺💛💛
لو لقيت التفاعل حلو هانزل الفصل الجديد بكره الصبح بدري 💛💛
بقلمي:  علا احمد