حوا و تمضي الايام

الخامس والعشرين

الفصل الخامس والعشرين💜💛
حوا وتمضي الايام💜🎀
بسم الله الرحمن الرحيم💜
صلوا عليه وسلموا تسليما كثيرا💜
&&&&&&&&&&&&&&&&&&
منه كانت لسه قاعده مكانها على الارض مش قادره تتحرك الدنيا وقفت خلاص عند الكلمه دي ( انتي طالق )
باب الشقه عمال يخبط وهي في دنيا ثانيه خالص في الاخر قامت منه راحت عند الباب وفتحت وكانت فيونكه
فيونكه : السلام عليكم أنا فيونكه
منه بصوت مبحوح من البكاء : وعليكم السلام ورحمه الله وبركاته يا فيونكه اتفضلي
فيونكه بتردد : لا اصل انا اصل انا جايه عشان اخدك معايا
منه باستغراب :  معاكي فين
فيونكه : بصراحه سند  عامل حادثه و دلوقت في المستشفى 
منه بخضه وبكاء في نفس الوقت : مستشفى !!؟ ليه اللي حصل طمنيني عليه بسرعه
فيونكه : والله انا مش عارفه حاجه نبيل كلمني فى التليفون وقال لي كده وقال لي اروح اجيبك ونروح على مستشفى *****
منه وهي تتجه نحوه غرفتها : هلبس بسرعه 
وفي خلال نصف ساعه كانت منه وفيونكه في المستشفى
منه وهي بتجري ناحيه نبيل : سند فين عامل ايه طمني عليه
نبيل : في العمليات  والحاله صعبه
منه تجلس على الارض وهي تبكي : ياربي اشفيه واعفوا عنه يارب انا ماليش ال هو في الدنيا كلها انا عارفه ان انا غلطانه وما قدرتش النعمه اللي انعمت عليا بيها بس والله غصب عني الخوف كان عامي على قلبي
نبيل  كان واقف سامع منه وهو متغاظ ومتضايق منها جدا وحاسس أنها السبب في اللي حصل
نبيل كان لسه هينطق بس فيونكه شدته بعيد عشان خافت يقول الكلام  ل منه وهي في حاله صعبه دلوقت ما تسمحش باي كلام او اي عتاب
نبيل : في أي
فيونكه : لو سمحت وفر اي  كلام دلوقتي لحد ما اخوك يقوم بالسلامه لو عندك كلمه حلوه تطمئنها بيها قول مافيش احترم الحاله اللي هي فيها
نبيل بعصبية : كلمه حلوه  وهي السبب في اللي حصل ل أخويا
فيونكه : احنا ما نعرفش ايه اللي حصل ما بينهم بالضبط فبلاش نحكم من جنب واحد وبعدين يا سيدي  من باب جبر الخواطر والكلمه الطيبه عشان والله انت ما هتكسب اي حاجه لما تكسر بخاطر حد غير انك بتاذيه نفسيا بشكل انت حتى مش مدركه 
نبيل وفيونكه رجعوا ثاني عند منه   وفيونكه فضلت قاعده جنبها بتحاول تطمنها وشويه واكرامي ونجاة جم
والكل قاعدعلى أعصابه ومتوتر
الوضع صعب على الكل

نبيل قام و واقف امام النافذة وهو ينظر الى الفراغ
شعر بيد تربت على ظهره بحنان
التفت نبيل وجد فيونكه
فيونكه بهدوء : اطمئن هيبقى كويس ان شاء الله
نبيل بصوت مهموم : يآرب
فيونكه : خلي عندك ثقه في ربنا قادر على كل شيء
نبيل وهو يلتفت إلى الشرفه مرا أخري : غصب عني
فيونكه : ورا كل حاجه بتحصل في حياتك في حكمه وخير عشان كده دائما أدعي ربنا انه يمنحك البصيره اللي تخليك تشوف الخير اللي حاطه في سكتك
نبيل وهو ينظر اليها بهدوء : ونعمه بالله
فيونكه بمشاكسه : لا لأ انا مش واخده على الهدوء ده منك
رفع نبيل أحد حاجبيه :  انتي مش واخده مني موقف وقاعده عند امك جايه دلوقتي بتتكلمي معايا ليه
فيونكه بضيق : ايه امك دي اسمها ماما لو سمحت
نبيل بغيظ : ماما ما علينا جايه ليه
فيونكه بتعلثم : أنا أنا مش جايه عشان خاطرك أنا جايه اطمن علي ابن عمي وأرجع تاني عند ماما
ابتسم نصف ابتسامه : للاسف مش قادر اجادلك دلوقتي
فيونكه : ماشي وذهبت حتي سمعت صوته
نبيل : فيونكه
ردت بهدوء : نعم
نبيل : عايز اصلي ينفع ؟؟
ابتسمت برقه من تحت النقاب وهي تمسك يده: طبعا ينفع تعال معايا

فيونكه اخذت نبيل لمسجد المستشفى ودخلت هي مسجد النساء هو الرجال
فيونكه صليت وفضلت تدعي لسند أنه يقوم بالسلامه وبعد كده خرجت وفضلت واقفه  مستنيه نبيل اكثر من ساعه وبعد شويه خرج نبيل وعينيه كانت حمرا بس ملامحه هاديه
فيونكه : احسن دلوقتي
نبيل بأرتياح : الحمد لله حاسس زي ما يكون في صخرة كبيرة علي صدري وانزاحت
فيونكه : طب الحمدلله مش بقولك القرب من ربنا راحه
حاوط كتفيها بذراعه وقال بأبتسامة : يلا نطلع
فيونكه بخجل : ماشي
&&&&&&&&&&&&&&&&&&&
كانت   تقي تجلس أمام الحاسب الخاص بها لمتابعة نتيجة الجامعه
بعد شويه النتيجه ظهرت بس للاسف تقي كان التقدير بتاعها قليل جدا كمان عندها كام ماده 
تقي قبلت النتيجه بنفس راضية هي عارفه ان دا تعبها في السنه دي
وظلت تردد ( يآرب رضيت وامنت بكل أمر قسمته لي وتيقنت أن وراء كل اقدارك حكمه ورحمه وخير كثيرا فأدم سكن قلبي علي الصبر والحمد والشكر والرضا )
وقبل ان تغلق الحاسب تلقت إشعار وهو طلب صداقه بأسم كيان اشرف
ابتسمت تقي وهي تتذكر البنوته الجميله وضغطت علي الموافقه
&&&&&&&&&&&&&&&&&&&&
في المستشفى
خرج الدكتور بعد فترة كبيرة من غرفة العمليات
نبيل : طمني يا دكتور
الطبيب : لاسف الحاله صعبه وأثناء العملية القلب وقف كام مرا هو هيدخل دلوقتي عناية مركزة وخلال ٤٨ ساعه هنحدد ايه اللي هيتم دعواتكم
منه ببكاء حاد : أنا السبب أنا السبب
نجاة : اه يا حبيبي يا بني يارب اشفيه يارب مش عايزه حاجه من الدنيا غير اني اشوف ولادي بخير
اكرامي : اهدي يا نجاة سند طيب وكويس وأن شاء الله هيقوم بألف سلامة
بينما جلس نبيل وهو يمسح وجهه بضيق وجلست فيونكه بجواره
الممرضه : لو سمحتم ما ينفعش العدد ده كله يفضل الواحد بس والباقي يمشي
اكرامي : انا هفضل مع ابني روحوا انتوا
نجاة : لا وانا كمان انا أمه ولازم اكون معاه
منه : ولا أنا مش هتحرك من هنا
نبيل بعصبية : مافيش حد هيفضل بابا خذ ماما روحوا انتم وتعال بكره الصبح
اكرامي : انا عايز اكون جنبه
نبيل : وجودك مش هيفيد بحاجه روح انت وماما وكمان ماما شكلها تعبان
رحل اكرامي ونجاة
نبيل : يلا انتي وهي عشان اوصلكم
منه بدموع : نبيل لو سمحت انا عايزه افضل جنب جوزي  ارجوك مش هاقدر اروح 
زفر نبيل بضيق ونظر إلى فيونكه : طب يلا انتي
فيونكه : لو سمحت يا نبيل انا كمان عايزه أفضل جنب جوزي
نبيل وهو يرفع أحد حاجبيه وقال بغيظ : طب هي جوزها تعبان انتي جوزك ماله
فيونكه: تعبان بردو بس نفسيا وأنا لازم افضل جنبك
ابتسمت منه علي كلامهم
نبيل : هقول ايه بس أنتي مشكله
منه وهي تقوم : أنا هروح المسجد بعد اذنكم
نبيل و فيونكه : اتفضلي
جلس نبيل مرا أخري بجانب فيونكه
فيونكه  تخرج مصحف صغير من حقيبتها وتبدء في ترتيل القران بصوت عذب ونبيل يستمع إليها بخشوع تام وبعد ما انتهت اعطت لنبيل المصحف وهي تقول : دا شفاء الصدور بلسم الروح احسن من أي علاج
اخد نبيل المصحف منها
فيونكه وهي تنهض : هروح اشوف منه
ظل نبيل ينظر الى المصحف بتردد والنهايه قام بفتحه وظل يقرأ فيه ودموعه تتساقط
وظل علي هذه الحاله طول الليل
ووووووو 
&&&&&&&&&&&&&&&&&&&

إلي لقاء في الفصل السادس والعشرين
حوا وتمضي الايام
رأيكم يهمني 💛💛💛
باقي كام فصل والرواية تخلص ☺️
عايزه تشجيع حلو كدا 😂💛
بقلمي: علا احمد