بسم الله الرحمن الرحيم
الفصل الرابع..💜4️⃣حوا و تمضي الايام
...................................................
خرج الطبيب من غرفة ولدة فيونكه بعد الكشف عليها
فيونكه بلهفه : خير يا دكتور
الطبيب بابتسامه مطمئنة : خير يا فيونكه ماتخفيش انتي عارفه ولدتك مريضة قلب ومش هتستحمل عملية جراحية في عشان كده احنا ماشين بالعلاج والمسكنات في طبيعي أنها تتعب من وقت ل التاني بس هي دلوقتي احسن
فيونكه بقلق : عارفه يا دكتور بس يعني هتفضل كده كتير يا دكتور
الدكتور : حاليا الوضع مستقر واحنا هنفضل ماشين علي العلاج ادعلها انتي بس
فيونكه : شكراً يا دكتور
احم احم
ألتفت فيونكه الي نبيل الذي مازال واقف حتي نست انه موجود معهم
نبيل : اتفضل يا دكتور
وصل نبيل الدكتور الي باب المنزل ثم التفت الى فيونكه وهو يقول : فين الروشته
فيونكه بغباء : ليه
نبيل بغيظ : عايز اتصور معاها ثم تابع في حده أخلصي هاتي الزفته
فيونكه الذي إنتفضت من صوته ولكن تظاهرت بشجاعة : وانت مالك وبعدين كتر خيرك لحد كده إتفضل
نبيل وهو يحلس على الكراسي الموجود في الصاله ويضع ساق فوق الاخر
نبيل ببرود : طيب بالعند فيكي يا ام لسان طويل مش ماشي غير ب الروشته
فيونكه كانت سوف ترد عليه حتي سمعت صوت ولدتها ركضت فيونكه الي غرفة والدتها وهي تجلس أمامها : أيوه يا حبيبتي
منيره بتعب : بتتكلمي مع مين بره
فيونكه : دا دا
نبيل وهو يدخل الغرفة : أنا يا مرات عمي
منيره : بسم الله ماشاء الله انت نبيل مش كده
نيبل و هو يهز رأسه بنعم
منيره : ازيك يا نبيل عاش من شافك
نبيل : كويس الحمدلله حمد لله على سلامتك
الله يسلمك يا بني ثم تابعت : انت واقف ليه اتفضل ثم نظرت إلى فيونكه وهي تقول : هاتي شاي يا فيونكه أو حاجه ساقعه لنبيل
فيونكه بغيظ : لا يا ماما شكل الاستاذ نبيل بيحب ينام خفيف
منيره بحده خفيفه : فيونكه شوفي نبيل يشرب اي
فيونكه بضيق شديد : تشرب اي يا استاذ
نبيل بابتسامة صفراء: شاي سكر خفيف يا ثم غمز لها يا فيونكه
فيونكه وهي تنظر إليه بغضب وتسرع في خطواتها لكي تجلب إليه الشاي
$$$$$$$$$$$$$$$$$$$$$$$$
كانت هنا تجلس مع تقي في البلكونه
تقي : ها ايه رأيك
هنا : في ايه
تقي بملل : ياربي منك يا هنا افتحي مخك شويه معايا انا بتكلم علي موضوع الرحله بتاعة الجامعة
هنا : لا يا تقي مش طالعه وبصراحة أنا مش برتاح ل الشله الي انتي ماشيه معاها دي
تقي بضيق : ليه بقا أنشاء الله دا كلهم ولاد ناس ومستوى عالي اوي انتي بس الي وش فقر
هنا بسخرية : ولاد ناس دي عيال صايعه وبعدين هما من طينه واحنا من طينه تانيه خالص
تقي : امم والله طيب يا هنا وفري كلامك لنفسك
هنا وهي تقف: حاضر يا تقي بس افتكري ان عايزه مصلحتك
تقي : انتي رايحه فين لسه بدري
هنا : بدري من عمرك تصبحي علي خير
تقي وانتي من اهل الخير
$$$$$$$$$$$$$$$$$$$$$$$$
في أحد الأحياء يوجد بيت بسيط يجلس فيه شابين لمذاكرة احد الدروس الخاصة ب الجامعة
حتي سمعوا صوت صريخ وخناق
سند بخضه : اي ده صوت مين ده
محمد صاحبه بلامباله: لا عادي دول الجيران
سند بدهشة : انت مالك عادي كده
محمد : ولا عادي ولا حاجه بس كل يوم من ده لما الواحد اتعود
سند : مين بيتخاتق مع مين
محمد : شوف كل اللي اقدر اقلهولك ادعي للبنت وأمها ربنا يرحمهم من الرجال ده
سند فضل ساكت شويه وكمان الصوت الي كان بره سكت
بعد شويه سند قام عشان يروح من عند صاحبه وهو نازل علي السلم سمع صوت عياط رجع كام خطوه وشاف بنت قاعدة علي السلم جنب الباب وموطيه راسها وقاعدة تعيط
سند : احم احم
رفعت منه رأسها وهي تسمح عيونها في حرج
سند : منه
منه : انت تعرفني
سند وهو ينظر في الأرض ويعرف نفسه : انا سند ابن الحاج إكرامي انا شوفتك مره قبل كده لما نزلتي الشغل مكان مامتك
منه وهي تتذكر: اه افتكرت ثم رجعت للبكاء مره أخري
سند : صلي على النبي وبطلي عياط
منه : عليه الصلاة والسلام
سند : انتي قاعده هنا ليه
منه وهي ترفع راسها وتقول في بكاء حاد : اكيد مش بمزاجي ثم اكملت في مراره بابا طردني
سند بدهشة : طردك دلوقتي الساعه واحده
منه تبتسم بوجع : لا عادي مش أول مره هو علي طول كده لما بيكون مش في واعيه بس ماما كانت يتستني لما ينام وبتدخلني بس عشان الحظ ماما قبل ما يرجع خدت الدوا وده بينيم
سند بحزن علي حال هذه الفتاة : طب هتعملي ايه
تنهدت بحزن عميق : شكلي كده هبات علي السلم لحد الصبح
سند قلبو وجعه عليها اوي: يعني ايه هتفضلي صاحيه لحد الصبح
منه ببساطه : اه
سند : بس ده غلط ممكن حد يضيقك من الجيران
منه : ماتشغلش بالك اتفضل انت
سند بضيق : إزاي يعني اسيبك لوحدك
منه وهي سعيده بهذا الاهتمام
سند بعد تفكير: بوصي انا قاعد علي اخر السلم لحد ما مامتك تفتح وكمان احم عشان اضمن انا ماحدش يضيقك
وذهب الي نهايه السلم وجلس عليه
$$$$$$$$$$$$$$$$$$$$$$$$
تقف أيار أمام غرفة العمليات ب المستشفى وهي تدعي ربها حتي خرج إليه الطبيب
لتركض أيار إليه في قلق: طمني يا دكتور
الطبيب بإرهاق وهو يمسح حبات عرقه : الحمد لله العلميه نجحت
أيار وهي تتنفس بإرتياح : الحمد لله طب هي هتفوق امتي
الطبيب : في خلال كام ساعة هتفوق أن شاء الله
بعد اذنك
أيار الحمدلله يارب الحمدلله
ثم توجهت أيار الي أسفل ثم توجهت الي المسجد ثم قامة بتأدية صلاة شكر لله سبحانه وتعالى وهي تدعي لجدتها ان تفيق لها بسلامه
$$$$$$$$$$$$$$$$$$$$$$$
فضلت منه قاعدة علي أول الدرج وسند قاعد علي نهاية الدرج
منه : انا متشكره لحضرتك انك فضلت واقف معايا روح أنت بقا النهار خلاص طلع
سند : أولا الشكر لله ده واجب عليا وبعدين أنا مش مدايق
ابتسمت منه في خجل وهي من داخلها تطير من الفرحه يمكن عشان اول مره تحس ان في حد خايف عليها وانها مهمه عند حد
سند وهو ماذال جالس وينظر في الأرض ولم يعرف نظره إليها
يقطع هذا الصمت صوت فتح الباب
تقف منه وتجري نحية ولدتها
ولدتها : اسفه يا حبيبتي قومت من النوم ادور عليكي عرفت علي طول انك اكيد بره حقك عليا يا بنتي حسبي الله ونعم الوكيل فيك يا منعم
منه بتعت من قلة النوم : يلا يا ماما الحمدلله
ولدتها : يلا يا حبيبتي تعالي عشان ترتاحي
منه : يلا يا ماما
تدخل ولدتها في الأول وتنظر منه الي نهايه الدرج ولما تجد سند فتعلم انه رحل
تبتسم منه وتدخل وتغلق الباب
$$$$$$$$$$$$$$$$$$$$$$
التفاعل وحش جدا رأيكم يهمني بجد
الي لقاء في الفصل الخامس
حوا و تمضي الايام
بقلمي : علا احمد
ESTÁS LEYENDO
حوا و تمضي الايام
Chick-Litإقتباس من رواية حوا و تمضي الايام... نظرت أيار الي نفسها في المرايه وهي تمسح دموعها الذي كانت تنزل بشده وهي تقول أنا إمرأة وسأظل إمرأة متزوجة او مطلقه أو كنت أرملة سأظل لم يزدني الزواج كرامه ولن ينقصني الطلاق انوثه ولن اخجل ان اصابتني العنوسه فأنا إ...
