- وأنا عمري ما أخونك أو أفكر في أي واحدة غيرك، أنا عمري ما كان لي أي علاقات مع أي واحدة، هو شغلي وبس، وتقدري تسألي عشق!
فتابعت عشق: في الحقيقة ياسر عمره ما كان بتاع بنات، ده من سنين وهو شغال بين البنك وشغل المقاولات، حتى أيام خالو وطنط ما كانوا عايشين كانوا بيشتكوا من انشغاله المستمر!
فقالت زهرة: ما حزرتم شو بقصد! مو هيك الخيانة ياللي بقصدها، لأنه ببساطة الخيانة أشمل وأعم، أنا طول حياتي بعاني بسبب الخيانة، انحرمت من بابا بسبب الخيانة، فقدت أخواتي بسبب الخيانة، عانيت كتير بسببها، حتى انحرمنا من الحلم بسبب الخيانة، لساني بتذكر من وانا صغيرة وكنا قاعدين بحديقة بيت ستي ويا ولاد عمامي، كنا شفنا فيلم ما بتذكره كان فيه البطل طيّار، جه ياسر أخي حكى إن بدو لما يكبر يصير طيّار أو ضابط طيّار، ما بتصدق شو اللي صار! اتفاجأنا بستي جت تركض وتقول ما بيصير أبدًا! إياك تتمنى إشي ما راح يحصل...
ببساطة لأن إلنا تخصصات محدودة بندرسها، حتى الحلم بيتوأد من وهو في مهده، كل هاد بسبب الخيانة...
بعرف منيح إن مصر الله يحفظها بلد مستقلة وهي أمنا وأختنا الكبرى اللي عن جد ما حسيت إني مغتربة فيها ولا لحظة وإنها صارت بلدي مو بس بحكم الدم والأوراق الرسمية لكن بحكم الإحساس يااللي حسيت فيه، وبعرف هون أديش حبكم إلنا ولفلسطين والقدس، بعرف منيح إن ما فيك تكون خاين لوطنك، ممكن يكون حكيي غير مناسب للأجواء، لكن أنا واحدة خسرت أهلها كلهن ومافي أي شيء في قلبي إلا وطني اللي ما بعرف إن كنت راجعته ولا لأ...
الشهور يااللي قضيتها هون صحيح اندمجت بالمكان لكن عندي ذكريات كتير هناك، يظهر لك إني بحكي ثرثرات فارغة، لكن أنا هون وببلد جديد والمفروض رح بلش حياة جديدة ومع شخص جديد لازم يعرف أكتر شي ما بتهاون أو بسامح فيه، الخيانة، الخيانة هي نقطة ضعفي الوحيدة فلا تحاول تقترب منها مو بس معي، مع أي حدا، لو خنت أي شخص وغدرت فيه بتكون نهيت كل إشي حتى لو صار معي بدل الطفل عشرة!
قالت زهرة الأخيرة بقوة وثبات زلزل كيان ياسر خاصةً وقد استحضر فعلته القديمة وغدره بمراد أمام عينيه معروضة كشريط سينيمائي، وسأل نفسه، ماذا لو كان بمقدورهم قراءة أفكاره الآن؟ ماذا لو علم أحدهم أنه سبب رئيسي في معاناة التي صار يطلق عليها أخته؟
أفاق من شروده على صوت عشق تناديه: ياسر، روحت فين يا ابني؟ إنت سكت خالص كده ليه؟!
تنحنح قليلًا وأجاب بملامح تائهة: آسف، سرحت شوية.
فقالت وداد: لا تواخذنا يا ابني، والله زهرة طيبة وحنونة، صحيح هي واخدة مني طباعي الحادة لكن هادي الطباع ما ظهرت إلا بعد ما صرنا لحالنا في الدنيا بدون رجّال، بعرف منيح إن حكيها شديد، لكن فيك تعذرها لأن حياتها كانت صعبة كتير، وبكرر لو ما كان في قبول ما كنت تبقى جالس معنا ببيتنا.
YOU ARE READING
(سيظل عشقك مرادي) By:Noonazad
Historical Fictionأحبها وهام بها عشقًا، انتظرها وانتظرها... ولما طال الإنتظار أقسم ألا تكون إلا له مهما كان المقابل، ولكن... June 2020: October 2020
