Chasing Axel Blaze (Mi Amore #2)

17

"Your relationship doesn't need to make sense to anyone, except you and your partner."

･ﾟ:✧･ﾟ:

Chapter 17

"Mukhang blooming tayo ngayon mars, ah?" Puna sa'kin ni Mark nang makarating ako sa studio ngayong umaga. May dalawa raw siyang klase ngayon for beginners and advanced kaya naman ako ang tutulong sa kan'ya sa pagturo at pag-monitor ng galaw ng mga tuturuan niya at ako na rin ang bahala sa pagkain. Mabuti nga at dito lang ako nakapagtrabaho at malapit na ako sa kanilang lahat. I can even get people to smile because of me!

"Ay, ako lang 'to!" I confidently exclaimed, walking around the studio while waiting for the students to come for beginners class. I'm already so excited to be a semi-teacher today! Ang alam ko'y may matatanda pa sa'kin na nag-avail ng class na 'to, at natutuwa ako dahil may bago silang matutuhan ngayon. Consider this as a new chapter of their life!

Maganda ang naging gising ko ngayon dahil nag-reply na sa akin si Axel. Ang buong akala ko talaga may bago na siya ro'n! Hanggang ngayon alam ko may parte pa rin sa utak ko na ganoon ang iniisip.

Ayon nga lang, alas dos na siya ng umaga nakapag-reply sa akin. He even said good morning but didn't tell me why he woke up so early or stayed up late. Baka may event sila ro'n kasama ang mga relatives nila, like a reunion or something kahit last week pa sila nando'n. I think his sleep schedule got a little—or it got messed up completely since he got there. Wala naman akong problema ro'n basta masaya siya at nakakakuha pa rin ng sapat na tulog.

Medyo nalulungkot lang ako dahil hindi siya masyadong nagkukwento kung anong meron at anong nangyayari sa kanila. I was so excited for him to arrive and tell me about his relatives and all the fun stuff they're doing there, but all our messages are just greetings and reminders.

Maybe he isn't close to his relatives too, kaya siguro ayaw niya rin talagang umalis. Mamaya kapag nakausap ko ulit siya ay kukulitin ko siya kung anong nangyayari ro'n at sana hindi siya mainis sa akin.

"Nasa'n boylet mo?" Natatawang tanong ni Mark nang nagpahinga muna kami. I'm learning the simple choreography he's about to teach the students para naman may ideya ako kung anong dapat nilang gawin o kaya ako naman ang magtuturo sa second half. Since hip-hop is Mark's expertise, that's what most of his classes are about.

"Nagbabakasyon sa Baguio," sagot ko matapos uminom ng tubig at punasan ang sariling pawis.

Not only do I get money from doing this, but I'm also doing something I really love. Kaya pangarap ko talaga magpatayo rin ng studio kagaya nito at tumanggap din ng mga dance class, or I can even have them for free for people who genuinely want to learn.

"O, ba't 'di ka sinama?" Tanong pa nito habang nire-review ang mga steps sa salamin paisa-isa.

"Kasama pamilya," pabalang na sagot ko. Alangan naman sumama ako ro'n!

"Hindi ka nilegal?!"

Mabilis akong napatakip sa tenga nang marinig ang malakas na sigaw niya at nakita siyang nagmadaling tumabi sa akin.

"Kilala ako ng Ate niya! Makasigaw naman 'to!" bulyaw ko rito.

"Hala sis, 'di 'yan sigurado sa'yo!" aniya. He's even clicking his tongue a bunch of times as if warning me!

I rolled my eyes at him and started gathering my hair for a ponytail. Nakikita ko na ang mga papasok na estudyante at wala akong oras at enerhiya para sa ganitong usapan. I know I easily get influenced. If Mark keeps doing this, I know I'll believe him. I know Axel will introduce me to everyone if he's ready. It just takes time.