رواية : ملك فقيد الحب لنور زيزو

الفصل 24

#ملك_فقيد_الحب
             ____ الفصـل الـرابـع والعشــرون ( 24 ) ____
                   ___ بعنــــوان " جنــان عاشقــة " ___

فتح "يوسف" عيناه فى الصباح الباكر بعد أن أيقظته مداعبتها لوجهه ، نظر بجواره إليها وقال بصوت مبحوح شبه نائم وهو يغمص عينيه مُجددًا بأرتياح :-
- بتعملى أيه يا نبض ؟

تبسمت وهى نائمة بين ذراعيه وتتأمل ملامحه الجدية حتى فى نومه تخلى من أى تعابير غير الجدية والقوة رغم أن قلبه أصبح عاشقًا لكن ما زال عقله مُتحجرًا ثم قالت وهى تلمس لحيته بأظافرها الطويلة بلطف :-
- ببصلك عشان أشبع منك ، واحشنى يا يوسف

فتح عيناه بتعجب وهو يرمقها بوجه ناعس ثم مسك يدها التى تداعب وجهه وقال :-
- واحشك وأنتِ فى حضنى

- أمممم واحشنى جدًا

وضع قبلة على شعرها بلطف وقال بنبرة دافئة :-
- دا شوق ولا قلق ، لو شوق فأنا هكون مبسوط أكيد أن شوقك موجود حتى وأنت فى حضنى لكن لو قلق فأنا محبش أشوفك قلقانة يا نبض وعاوزك تطمنى بس طول ما أنا معاكى مش عاوز غير أنك تكون مطمنة

- أنا بحبك أووى يا يوسف

قبل يدها بدلالية وقال :-
- وأنتِ عارفة أنك حُب حياتى وحُبى الوحيد .. الأول والأخير

تبسمت بأشراق أكثر وكأن شمسه أشرقت مع شروق بسمته فتبسم لها بعفوية وقال :-
- مش هتقصى ضوافرك دى عشان رحيم

- اه إحنا أبتدينا بقى ، خايف على ابنك من أولها

تبسم بعفوية وهو يجلس على الفراش وقال بلطف :-
- نبض أنتِ بتصلى والضوافر الطويلة غلط ومكروهة فى الدين ، وأنا مش عاوز حاجة تكون سبب فى أنك تشيلى ذنب أو تبعدك عن الجنة خطوة واحدة

صمتت وهى تنظر عليه بتعجب وأنبهار فسألها بتردد من نظراتها :-
- بتبصلى كدة ليه ؟؟ أنا قولت حاجة غلط

- أنت بجد خايف عليا اووى كدة

تبسم وهو يأخذ يديها بين قبضتيه وقال بهدوء تام ممزوج بدفء يلمس قلبها :-
- اه خايف أووى خطوة واحدة تبعدك عنى فى الجنة وتخلى دعوتى مستجابش وأنا بطلبك حوريتى فى الجنة فى كل ركعة

قبلت جبينه بدلالية وأمتنان ثم قالت :-
- بحبك

- لو سألتينى أنا نفسي فى أيه ؟ هقولك معنديش غير أمنية واحدة كنت أحب تجى منك من غير ما أطلبها
قالها وهو يضع خصلات شعرها خلف أذنها بحنان ثم تابع بعفوية :-
- محدش يشوف شعرة منك غيرى أنا جوزك وحلالك ، كنت وما زالت بتمنى أشوفك فى الحجاب يا نبض ، الشياكة والأناقة مش موجودة فى الشعر بس أنا متأكد أنك هتكونى أجمل بكتير فى الحجاب وهغير عليكى كمان لما تلبسيه عشان هيزيدك جمال بس هستحمل عشان دا فرض ربنا ..

- أنت أجمل وأحن راجل فى الدنيا يا حبيبى وأنا كنت هندم عمرى كله لو سيبتك لواحدة تانية أو موافقتش أتجوزك
قالتها بعيون دامعة من الفرح وقلبها يتراقص عشقًا على أوتار نبضه ، وضع قبلة على جبينها وقال هامسًا لها وهو ينظر بعينيها عن كثب شديد :-
- أنا بحبك فوق ما تتصورى يا نبض ومش عاوز حاجة تفرقنا حتى الموت ميفرقناش