__________
فرح راحت وعادت الكشف على زينات اللي قابلتها بالعبوس..عمار عدى عليها بعد ماخلص شغله وروحوا..اتعشوا ولقت أمها محضرالها غدا..اتغدواودخلوا عشان يناموا..اتقلبت مرة ورا مرة بتعب..
عمار اتكلم بانزعاج وهو نايم: فرح اتلمي..ونامي اله أنتي بتحاربي..
اتعدلت وهي حاسةبوجع في جانب دراعها بكتفها: دراعي وجعني بجد..مش عارفة..
عمار اتقلب في نومته:طب معلش
فرح نغزته بغيظ:عمااار أنت عايز تنام وخلاص
عمار اتعدل وربع ايده:أعمل ايه أنا..دا وقت ايه وقت نوم يا ماما..
فرح رفعت الغطا واتعدلت وقامت..حطت ايدها تحت بطنها..فتحت الدولاب ودورت في علبة الإسعافات..خرجت مرهم وبصت لكتفها بدراعها في المراية..مسحت عليه بخفة..ملامحها انكمشت بألم..افتكرت لما زينات زقتها على العربية المركونة فاتخبطت فيها بكتفها..فتحت المرهم وبدأت تدهن بخفة..عمار كان لسا هيقوم تليفونه رن..فتح المكالمة وهو متجه ليها: ألو..ها عرفت..يعني ايه مسروقة..طب مفيش أي بصمات على الكرت..بصمات واحد ميت!!..اتعصب..يعني ايه يا سعد..اقفل اقفل أنا هكلم غيرك طالما أنت مش عارف تجبلي شوية عيال ملهومش لازمة..اقفل..
فرح خلصت دهن والتفتله: مالك هو في مشكلة؟؟
عمار اتنهد ومسح على وشه: لاء مفيش..
فرح قعدت جنبه من الناحية التانية:في ايه ياعمار؟
عمار شخط فيها:قلت مفيش حاجة..مش دهنتي المرهم خلاص..يلا نامي..
اتقلب واداها ضهره وهي بصت له باستغراب..شدته من دراعه مردش عليها ودا قلقها بزيادة..ايه اللي يخلي عمار يتعامل مع سعد تاني..هما قفلوا الموضوع دا من يجي شهرين وزيادة..شدته من هدومه تاني بقوة أكبر ورفعت صوتها:عمار رد عليا..ايه اللي حصل وايه اللي منرفزك كدا..
عمار اتكلم من غير مايبصلها:نامي يا فرح..أنا عندي شغل بكرا ومش فايق
بصتله بغضب:الشغل مش هيطير أنا كمان عندي شغل بس بقولك ايه اللي حصل رد عليا..مش هأخرك أوي يعني..مش وراك الديوان!!
عمار اتعدل وهو راكز على ايده..اتكلم بنرفزة: أنتي مصممة نقلبها خناقة ها..وأنا عايز أنام..طالما مش جايلك نوم سبيني أنام..
فرح:ياعمار اس
عمار قاطعها وقام:بلا عمار بلا زفت أنا سايبلك الأوضة خالص..
قام خد البطانية ومخدته واتجه لبرا..
فرح نادتله:اقفل الباب وراك عشان السقعة اله..
مردش عليها وقفل الباب..ربعت رجلها وقعدت..دموعها نزلت بخفة ولسا هترجع تنام..اتعدلت وهي بتهمس:أنا جعانة
عمار قضى ليلته برا على الكنبة وهو مخنوق من فكرة انه كان ممكن تبقى هي ولا توفيق مكان زينات دلوقتي..سمع دربكة في المطبخ وصوت صواني..ضرب على جبينه بقلة حيلة مش هتبطل أبدا
اتكلم بسخرية:وتقولي النونو!!
______________
عند شهندا الباب خبط وهي لوحدها مع زينات لأن داليا راحت راحت البيت تنضفه وتجيب اكل وبالمرة تغير هدومها..
فتحت الباب لقت خالها وعمها الإتنين موجودين..
اتفاجئت من وجودهم الإتنين مع بعض..
حاولت تبتسم:اتفضلوا...
خالها دخل لكن عمها فضل واقف:شوفي امك واستريها
شهندا ااتكلمت بشبه سخرية:مش باين منها حاجة اصلا الجبس والشاش محاوطينها من كل حتة..اتفضل ادخل.
عمها دخل وقعد جنب خالها..
عمها:أعرف بقى ايه اللي حصل..ازاي تبقي هتتجوزي وأنا اخر من يعلم..
خالها: أمك ازاي تعمل حاجة زي دي من غير ماحتى تفتكر ان ليها أخ..مانا مكلمها امبارح مقالتش حاجة خالص ولا ذكرت سيرة عريس..وكمان هي اتجوزت!!
شهندا: أنا كنت عارفة انها هتتجوز لكن أنا رفضت لانها عايزة تجوزني معاها..
عمها شخط فيها: بأمارة العقد العرفي اللي ضرباه مع واحد منعرفوش ولا هو مين أصلا؟..رفضتي حلال ربنا بدل دا..
خالها مكنش فاهم بصلها بصدمة..وعمها كمل كلامه: وياترى أمك عارفة ولا كانت هتجوزك مرتين..
شهندا بصتله بارتباك انه ازاي عرف اكيد أحمد متجننش وراح قاله..بس هو مش عارفه حتى وعمها يعرف أحمد وابوه كويس يبقى ايه..اتكلمت بدفاع عن نفسها : محصلش والله..هو الهمجي اللي كنت هتجوزه دا اتعرضلي و
عمها وقف واتكلم بصوت قوي رعبها: أنا هعرف كويس دا حقيقة ولا كدب..بس لو حصل يمين الله ماحد هيخلصك من تحت إيدي!!
عمها طلع برا وخالها التفتلها:صحيح الكلام دا؟
شهندا دموعها نزلت وبصت لخالها: والله ماحصل هو بس كان اللي هيتجوزني دا بيقل ادبه ولحقني منين ما اروح وهو زي اي حد محترم عرف باللي حصل جه واتطمن وبس..لقاه بيهوش قاله كدا وأنا لسه ١٧ سنة يعني مليش جواز أصلا!!
خالها رجع بجسمه لورا وحك دقنه بخفة واتكلم بنبرة عادية:لما نشوف..طالما كدا يبقى مفيش قلق
_________________
فرح قطعت الخضار بغيظ وهي قاعدة على الكرسي في المطبخ عندها..كلت الجزر:لاء وابن توفيق نايمي على الكنية برا ليلتين بحالهم..فاكرني هروح اصالحه
أمها ضحكت: أنتي عملتيله ايه..
قربت منها وضربت ضهر ايديها شدت منها طبق الخضار:بطلي الاكل بيخلص اهوه..المفروض انتي اللي عازمانا!
هنا ضحكت: في كلا الحالتين احنا اللي بنطبخ وبنغسل المواعين بردو
فرح: يعني اعزمكم وأكل وأغسل..بعدين انتي متجوزتيش يبقى تغسلي المواعين وأنتي ساكتة..غيركدا تعاليلي بعد بكره هنغسل السجاد..
هنا كشرت وبصت ليها بقرف:ليه اشتريتيني..أنتي اتجنتتي باين..أغسل السجاد عندنا أغسله عندك تاني ليه؟؟
فرح رفعت حاجبها بمكر:أنا جايبة نوع برفان جديد مقولكيش وريحته تحفة جبت قزازتين
هنا ابتسمت ابتسامة واسعة: عيوني ليكي هو أنا ليا غيرك اساعده ياقمر..ايه الحلاوه دي؟..حد بيحلو ويقلوظ كدا ويفضل قمر
فرح اتنرفزت عليها: متقوليليش بأقلوظ عشان أنا مخنوقة منه دلوقتي..إلا ماعملها مرة يعملها دلوقتي..ماشي يابن مديحة!
برا عمار وأحمد وتوفيق والتوءم..وكريم شايل هند على إيديه متابعين ماتش كورة..
عمار نكز أحمد: أبوك فين
أحمد كل شيبسي: لسا بيخلص حاجات وراه..
توفيق: وهيتأخر كتير أنا جوعت..دا ايه دا أبوك عليه حركات في أوقات غلط أصلا!
أحمد ضحك بخفة..توفيق تمتم بكلمات زهق من تأخير محمود كل دا..
كريم قعد يلاعب هند اللي بتتكلم كلام مش دايما مفهوم..كرم ضحك: أنتي جعانة..
هند اتنططت على الكنبة:مممم..ماما مممم..هن مممم
كريم رد عليه: أكيد يعني جعانة إذا كان احنا جوعنا..أنا هدخل هاكل حاجة خفيفة كدا..
كرم بلع ريقه وبصله وأنا كمان.شال هند بصعوبة ودخلوا الاتنين المطبخ..
كريم اتكلم بزهق: أنا جعانن ومكالتش
كرم: اه الله هند جعانة وبطنها بتعمل فرقعاات
فرح ضحكت: يعني هند اللي جعانة..خلاص هحضرلها هي وكيمو أكل وأنت ابقى كل معانا
كرم: لاء ايه دا..أنا كمان عايز أكل مليش فيه
هنا حضرت طبق كبير فيه رز و بطاطس..وطبق صغير لهند..كريم وكرم جريوا بطبقهم وفرح اتخنقت من المطبخ..شالت هند وطبقها وخرجت لبرا،مع دخلتها بالظبط كان الفريق اللي عمار مشجعه بيخسر بفرق نقطة نزلوا لاعب وجابوا جون وبقى خلاص تعادل وفي الدقيقة التسعين لعب وجاب جون الفوز..عمار من الحماس صرخ بطريقة فزعتها: دخلتلك علينا بالهنا والله...
فرح للحظة ابتسمت و هي فاهمة الكلام ليها لحد مانتبهت للي متابعينه..كشرت بغيظ وقعدت على كرسي السفرة تأكل هند معلقة وهي معلقة
عمار بصلها لقاها بتاكل..شدد على قبضته بغيظ..وهي رفعت نظرها ليه..بعدت اتجاه نظرها عنه بقمصة..حرك عيونه بلامبالاة وركز مع التليفزيون..بصت بطرف عنيها لقته مش مهتم..لساهتقوم بزعل الجرس رن بس بقوة مرة ورا مرة..
عمار قام فتح لقى محمود وكله غضب على خنقة..دخل بسرعة لجوا من غير كلام بيدور على أحمد زي الأسد الهايج..لمحه قاعد دخل شده من لياقته بنرفزة..صرخ فيه:عرفي يا أحمد!! ..عرفي!!..زعق بصوت عالي..وياترى من امتى ها ودخلت عليها فين؟
أحمد فهم ان الكلام على شهندا مكنش متوقع ان الموضوع يتشهر كدا..فاق من تفكيره على ضرب محمود ليه على وشه بقهرة من سكوته..قلم ورا قلم..
سعاد طلعت من المطبخ على الصوت هي وهنا شهقت وضربت على صدرها مش مصدقة وعمار دخل يفصل بينهم..
محمود صرخ فيه:متدخلش انت وإلا عليا الطلاق بالتلاتة لتكون بنتي طالق منك الليلة..
عمار برق مش مستوعب كمية الغضب اللي جوا محمود..لو اتدخل كدا هيطلق ولو مطلقش كدا محمود اللي هيطلق سعاد وهي زي أمه ميقبلش عليها حاجة زي دي..بص ل-فرح اللي مرعوبة على أخوها..بصتله بخوف ورجاء..خوف من انها فعلا تطلق وانه يخالف كلام أبوها ورجاء انه يتصرف عشان الموضوع ميتحولش للأسوأ..توفيق اتدخل هو..زق محمود بعيد عن أحمد وصرخ فيه:أله مش كدا وبعدين ايه اللي بتقوله دا..
محمود بص لأحمد بقوة واتكلم بنبرة مرعبة: تنطق تفهم...مش أنا اللي على أخر الزمن عيل زيك يخلي واحد ملوش تلاتين لازمة زي هاشم يجي يكلمني ويبجحلي!!
توفيق شد أحمد وراه وهو حاطط ايده قدام محمود يمنعه انه يقرب..
محمود صرخ وهو ييضربه تاني:ماتنطق..فهمني..
أحمد اتكلم ووشه في الأرض بكسرة :والله ما حصل دا كان كلام وراح لحاله..كانوا هيجوزوها غصب لولا أنا اتكلمت واللي كانت هتتجوزه دا مؤذي من شكله..
محمود صرخ:وأنت مال أهلك..إذا كان عمها اللي هو عمها مهزش طوله وجه يقولي ابنك لاعب على بنتنا ومتجوزها عرفي...أنت يا أحمد..دا أنت أهبل..البت وأمها واخواتها ميتفرقوش عن بعض..حياية يتلفوا بالحنش حي!!..
عمار بص ل-أحمد وهو فاهمه تقرييا من وجهة نظره..فرح كانت مخضوضة خصوصا لما الموضوع اتوضح بس ازاي أحمد عرف إلا لو كان عارف قبل كدا..بس لو كان عارف وقال كدا مكنوش جوزوهاله إلا لو أحمد عرف من شهندا اللي هي أصلا مطلعتش برا المستشفى..يبقى..يبقى أحمد جه المستشفى وحصل اللي حصل!
أحمد حكى الموقف كله ل-محمود بالتفصيل الممل..المفروض دا يهديه على الأقل لاء دا زود غضبه أكتر..ابنه اللي المفروض خليفته في الدنيا..يقلل منه كدا خصوصا ان هاشم مسماش عليه وكلمه وسط العمال في الشغل..مكنش متوقع منه كدا أبداً..أبداً..
محمود وقف:تقوم معايا حالا تحكي الكلام دا كله قدام هاشم وتنفي الموضوع كله!!
أحمد أومأ واتجه لشقتهم يلبس وسعاد لحقته..هنا خدت الولاد ودخلت اوضة الأطفال..عمار دخل يلبس هو التاني وفرح جريت وراه على الأوضة..لقته بيقلع هدومه..فتحت الدولاب وجابتله تيشرت وبنطلون..بدأ يلبس وهي خدت محفظته ومفتاح العربية وادتهوله..جه ياخدهم منها شدت عليهم..دمعة خفيفة نزلت منها:عمار بالله عليك حاول متخليش بابا يضربه قدام هاشم دا..دا ماهيصدق ويمسكها..
عمار طبطب على كتفها واتنهد:افرضي أبوكي حلف تاني تتطلقي وقتها..
فرح اتكلمت بسرعة:مش مشكلة..كملت ..أنت هتطلقني من هنا وهتردني تاني والموضوع هيعدي مابينا لكن لو بابا طلق ماما معرفش وقتها هي هتفكر ازاي؟..مش هيجوا بعد اكتر من تلاتين سنة جواز ويحصل أول طلاق مابينهم..
عمار سكت ثواني وبعدين قرب باس راسها..بعد:اللي فيه الخير يقدمه ربنا..
______________
عمار وتوفيق راحوا مع محمود وأحمد لبيت هاشم يتكلموا فيه..
ابنه الصغير فتح الباب..محمود بصله:أبوك فين؟
الولد:بابا جوا اتفضلوا في أوضة الضيوف..
عمار بص للولد كأنه عارف انهم جايين..محمود دخل وفي ايده أحمد ووراه عمار وتوفيق،..
قعدوا وأحمد بيفتكر اللي أمه قالتهوله..
..
سعاد عيطت: أنت فعلا عملت كدا..
احمد قعد بانزعاج:محصلش والله والله ماحصل..انتي تصدقي عني كدا؟!!
سعاد مسحت دموعها:لاء طبعا..أنا اللي ربيت واعرف انا ربيت ايه..متزعلش من محمود هو بس متنحرر تلاقي اللي مايتسمى قله كلام جامد..
أحمد مسح دمعة خفيفة نزلت منه واتكلم ببحة: اللي حصل حصل..خلاص!!
سعاد حضنته:اياك تتكسف ولا تعمل اعتبار لكلامه السم هناك..بعدت عنه..تبصله بعين قوية وراسك مرفوعة أنت معملتش حاجة أنت كنت بتحمي بنت اخوه وبتعمل اللي المفروض هو يعمله..
..
هاشم دخل عليهم: السلام عليكم
محمود: لا سلام ولا كلام .. أنا جيتلك بيتك لأنها اعراض ولايا وأنا عندي ينات.. ابني لا اتجوز بنت أخوك ولا حتى يعرف عنها حاجة..ولو كدا ابقى اتأكد منها..
هاشم:وسمعتها اللي بقت هباب دي بسبب كلام ابنك اللي يخليني اصدقك اصلا..
أحمد بص لهاشم بتركيز..وبعدين اتكلم بهدوء ما قبل العاصفة:تصدق ولا متصدقش..اه أنا اتجوزتها..
#يتبع
#عمر_بيبتدي
#FarahElDesoky
اتكتب بالعافية والله مااتراجعش حتى ولا بصيت على اللي اتكتب تقريبا..قدروه بقى
الفصل الثامن عشر ج١
ابدأ من البداية
