الفصل الثاني
__________
حست بايده بتشد علي ايديها لدرجة وجعتها..اتكلمت بألم:عمار ايدك تقلت وسع كدا!
عمار مش قادر يقاوم الصداع..مسكها من كتفها وهزها وهو بيصرخ بس مش فيها دا من الألم:وأنا قلت اعمليلي قهوة وإلا تكوني طالق بالتلاته مني!
بصت له بصدمة مش مستوعبة كلامه..حست ان الدنيا وقفت حواليها..فنجان القهوة اللي نصه وقع تقريبا..وقع منها ادشدش..وهيا مش حاسه بيه..فرك جبينه بألم وهو حاسس ان رؤيته بتتشوش قدام عينيه وخلاص مفيش قدرة انه يقف علي رجله..!
اتحرك بلخبطة وهو بيخبط في أي حاجة حواليه..
محستش بيه غير وهو بيقع مابين ايديها وبتقع معاه...ومعاه كل أحلامها اللي جاية واللي مش باينلها ملامح ولا مستقبل..!!
صرخت فيه وهي شايفاه مش داري بأي حاجة نهائي.. بطريقة وجعت قلبها: عمااار.. رد عمار
هزته بعنف لكن مردش.. دموعها نزلت.. مسحت علي شعرها ترجعه لورا وكأن عقلها وقف عن التفكير..! شالت راسه من حجرها بخوف وحطتها علي الارض.. قامت جري بسرعة علي الأوضة وهي حاسة ان قدامها عقبات وبتتكعبل.. جابت البرفيوم وكأنها لقت كنز.. جريت عليه ورشت حبة علي ضهر ايديها وحركتها قدام وشه.. بدأ يبربش بعيونه من غير مايفتحها.. فتح عينيه بهدوء والصداع لسه ملازمه بس أخف.. ابتسمت بفرحة من بين دموعها وهي بتحضنه بلهفة.. ابتسم بخفة وحاول يقوم.. شاف في عينيها الرعب.. خدها في حضنه ومسح علي شعرها وهو بيطمنها: خلاص.. خلاص اهدي.. محصلش حاجة مسح المطبخ من حواليه..شاف الفنجان المدشدش علي الأرض والقهوة المرمية علي الأرض..حست بنظراته افتكرت كلامه جسمها اتيبس زي الخشب مابين ايديه..زاحت ايده وقامت مسحت القهوة وعلقت علي غيرها وكل دا وهو مراقبها..افتكر كلامه واللي قاله..أنب نفسه لأنه سمح لعصبيته في وقت زي دا انه يضعف علاقتهم أكتر...
اتوترت بغضب من نظراته ليها هو وشارد..بس تفكيرها مش راحمها..معقولة في لحظة يرفع عليها الطلاق؟..ولا قلبه قوي عليها بعد مابقت ليه امبارح؟!..ولا خلاص كانت زي اللعبة اللي متعتها في الوصول ليها؟!..معقولة..معقولة في لحظة بس كان كل اللي بينهم ممكن يتهدم عشان كلمة!..حاسة بنار بتنهشها من جوا..أول مرة يكلمها كدا..دا حتي يوم خناقتهم في المستشفي كان بيفارق وقلبه كان عايز يفضل وياها ومعاها!..لكن كلمته دي وقعت فوق قلبها زي السكينة..انتفضت من تفكيرها وهي بتصب القهوة..كلمته بترن في دماغها •لتكوني طالق مني بالتلاته...طالق..طالق مني..طالق مني بالتلاته..بالتلاته •..مسكت راسها بألم وهو حس بيها وبحيرتها..هو مش ناسي خوفها امبارح منه..اه اطمنت وبقت معاه بس كانت محتاجةحبةثقة شوية منه وهو بنرفزته ضيع الثقة دي!..قرب منها وحاوطها من ضهرها..شالت القهوة بعند والتفتت له وهو لسه محاوطها بدراعه في الرخامة..اتكلمت وهي بتجز علي سنانها:خد قهوتك اللي كنت هتموت عليها
عمار: فرح اسمعيني والله
قاطعته بجمود:قهوتك هتبرد
شد منها القهوة بعنف ووقع منها حبة في طبق الفنجان..ولتاني مرة يستخدم عنفه اللي واضح بخفة علي معصمها!..
اتكتفت بايديها:نعم!..في حاجة تانية حابب تقولها رفعت معصمها في وشه وهو لاحظ أثار ايده..بلل شفايفه بيحاول يتكلم..مسك ايديها في حضنه: أسف والله أسف..الصداع كان هيموتني!
رددت:صداع..صداع!
رفعت نبرتها بشبه صراخ:صداع!..وهو كل ماهيجيلك صداع هتعمل كدا..طب لو نرفزتك مرة ايه هتضربني ولا هتوديني بيت أبويا..!
سابته ومشيت..دخلت أوضتها بعصبية..فتحت دولابها خدت هدوم عشان تاخد دش يبرد النار اللي تقكيرها سببه!..دخل وراها وهي بتتفاداه..حاوطها وهو ماسك ايديها بايديها الاتنين حاكمها..حاولت تفلت منه بس القيادة كانت للأقوي..همس بنبرة رقيقة زحزحتها:أسف والله العظيم أسف مكنش قصدي ومكنتش في وعيي..كفاية ضميري اللي بيأنب ايدي ولساني اللي خلو حالتك كدا!
فرح:كفاية ياعمار ابعد..
باس كتفها بحب:سامحيني بقي..يعز عليا حزنك وتفكيرك دا
لفت له وهولسه محاوطها:أسامحك..أسامحك ازاي بس
قرب منها..همست بصوت مهزوز:متقربش.......مش أنت حلفت!
عمار بص لعيونها وهمس:مأنا قربت خلاص واللي كان كان..!
وبكلامه اللي خطفها قدر يدوب التلج بينها وبينه..!
__________
اللهم عافني في بدني،اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ
________
....
صحيو بانتفاضة علي صوت الجرس..عمار مسح علي وشه بعنف وشاورلها:متطلعيش غير لما أجيلك!
خرج بسرعة يفتح الباب.. بص من العين السحرية لقي أحمد ساند علي الباب بكل جسمه ومامتها واقفة.. وهنا شايلة معاها شنطة.. ابتسم بمكر وفتح الباب بسرعة.. أحمد كان هيقع لولا لحق نفسه واتمسك فيه.. أحمد بص له بغيظ: مش كنت تتنحنح
عمار لاعب بحواجبه: أتنحنح في بيتي!
أمها زقته ودخلت لأنها مش طيقاه من ليلة امبارح.. بص لأثرها بتعجب.. هنا ضحكت: معلش أصلها مش طيقاك من امبارح!..
عمار شاور علي نفسه.. وهي هزت راسها بضحك.. مسح علي شعره: طب ادخلو.. ادخلو
الولاد كأنهم ماصدقو ودخلو جري... وأحمد وهنا دخلو للصالة.. لاحظو عصير وطبق حلويات متغطي ولب وتسالي
أحمد بص ليه وضحك بهستيرية وهو ماسك بطنه: لب!.. كنتم بتأزأزو لب! يخيبتك ياحازم
عمار حدفه بالمخدة بغيظ.. وهنا سابتهم ودخلت البلكونة.. كرم شغل التليفزيون وحط رجل علي رجل وقعد يأزأز لب..
عمار رفع حاجبه: لاء ياشيخ
أحمد: اسكت دا احنا شوفنا العجايب من بعد فرح
عمار: ليه؟
أحمد: الاتنين أعوذو بالله.. مكانوش كدا خالص دي كانت تقول الكلمة من هنا هوب يسمعوها لكن احنا فضلنا لأربعة الصبح نحاول ننيمهم.. معرفناش أبدا..
عمار ميل شفايفه بحزن: أنت وجعت قلبي.. شاور علي قلبه بتمثيل.. يعني يعني ممكن يباتولي..صرخ بغيظ.. هنا!
أحمد ميل شفايفه زيه: قول أنت بس يارب
عمار حرك راسه يمين وشمال: لاء كدا كتير.. احنا متفقناش علي كدا
أحمد طبطب علي كتفه: معلش معلش يابني هي الحياة كدا not fair(ليست عادلة)..يوم ليك امبارح..ويوم عليك النهارده..
__________
اللهم عافني في بدني،اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ
________
في اوضة النوم
أمها مسحت علي شعرها ببتسامة:المهم انك بخير..لولا انه طيب كنت دعيت عليه
فرح:ليه كدا؟
أمها:أنتي مشوفتيهوش امبارح كان عامل ازاي حتي مرضاش يدخلني عندك أساعدك في الفستان
فرح ضحكت:معلش
كريم اللي في حضنها سأل بهمس:هو أنتي هتفضلي عند عمار كتيىر..أنا مش بعرف أنام وكرم كمان مش بيعرف بس هو نام أنا منمتش
مسحت علي شعره بحب وهي بتبوسو بحنية:ليه بس ياقمري
فرك عينه بخفة وهو بيتاوب:مش عارف..السرير مش شغال..
أمها:دوخونا امبارح عشان ينامو واخرت مازهقنا أنا وأبوكي سبناهم لاخواتك..هنا طنشت وفضلو مع أحمد..اصحي الصبح ألاقي كرم نايم علي الأرض وأحمد نصه علي السرير والتاني علي الأرض من التعب..وحضرت الباشا قاعد علي اللاب ومشغله
ضحكت:حبايبي دول والله..مش أنتم اللي محستوش بوجودي
أمها خبطتها:اسكتي أنا لو أقدر أخليكي تقعدي عندي كنت عملتها..بس أرجع وأقول من حظي انك ساكنة جمبي
ابتسمت:دي أحلي حاجة أصلا..كشرت..هو بابا فين؟
أمها:أبوكي مكنش عاوز يخلي حد مننا يجي أصلا بس أنا اللي قلت أبدا كفاية انك بايتة بعيد عن حضني..سكت ومااتكلمش قال هيبقي يجي مع توفيق علي بليل النهارده ولا بكره
ضمت شفايفها باقتناع:خلاص ماشي..خلينا نطلع برا بقي مش حلو اننا نفضل هنا
حاولت تقوم لكن لقت كريم نايم بهدوء في حضنها ومسترخي لأنه يعتبر مانامش..
أمها ضحكت:طب هاتيه بقي أخلي أحمد يوديه الشقة
فرح:لاء بلاش سبيه
أمها:يوه أسيبه ازاي..ياهبلة دا أنتي لسه عروسة ياما هتشيلي..كدا
فرح:طب سبيه وهو كدا كدا هيصحي..لما يصحي ياستي هجبهلكم
أمها اتنهدت:أنتي حرة..عمار هيخنقك
فرح ضحكت:سيبك منه..يلا نطلع
حطت الولد بهدوء علي السرير وهو كان في سابع نومة...خرجو برا...
__________
اللهم عافني في بدني،اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ
________
وبعد مدة سبوهم ومشيوا..عمار قفل الباب واتنهد:أخيرا دا ايه دا..
فرح ضحكت:معلش..معلش..يلا عشان أنا جعانة جدا
عمار:أكل ايه دا وقت أكل داة
رفعت حاجبها:عمارر!..اقعد هنا لحد ما أغرف..
سكت بعدها ابتسم ابتسامة واسعة:أجي معاكي
عدت من جمبه.طبطبت علي كتفه :لاء طبعا..اثبت هنا
عمار:طب تعالي ناكل في البلكونة
فرح طلعت من المطبخ بنصها اللي فوق:اشمعني؟؟
عمار:أنتي مالك أنتي؟
ضحكت:أنا غلطنالك...يلا اسبقني
غرفت الأكل ونقلت الأطباق وهو شالهم معاها..مسكت تليفونها خدته معاها ولسه هتاكل..تليفونها رن برقم سهيلة..فتحت
فرح:امم..بتتصلي يعني
سهيلة:بصي هي مش ناقصاكي الحقيني بسرعة
فرح: ايه ياستي محتجاني في ايه ؟
سهيلة:البانيه بيتعمل ازاي؟
فرح ضحكت:اشمعني
سهيلة:مصطفي النهاردة إجازة وندي هتقضي النهاردة مع أهل والدتها فحبيت أعمل يوم هادي ورومانسي
كدا
فرح:بصي ياستي أنا ماما محفظاني الطريقة
..هتجيبي قطع البانيه و*****بعدها تقليها في الزيت وتطلعيها علي مناديل تشرب الزيت وبس
سهيلة اتكلمت بقلق:متأكدة؟
فرح:مش أوي بس قوليلي ايه اللى هيحصل معاكي
سهيلة:أسفة جدا اني اتصلت في وقت زي دا..بس رؤية شايلة تليفونها شكل كدا..أتصل ومبتردش
فرح:تلاقي بس البناات تعبينها
سهيلة اتنهدت:ربنايعينها وأنتي عامله ايه
فرح ابتسمت وهي بتضرب ايد عمار:كويسة..
سهيلة ضحكت:ما أكيد هتكوني كويسة
فرح:امشي يابت أنتي بلسانك دا..دا أي دا؟
سهيلة:خلاص سلام..مش هقاطعكم حاضر
فرح:ياغبية احنا بناكل..دماغك اتران
قفلت المكالمة وهي بتضرب ايده تاني:بس بقي..كل
كشر:وأنا مالي أنا
فرح: عمار أنا جعانة بطل بقي.. واتلم كدا.. عيب بقي
ضرب الترابيزة بايده واتكلم بانفعال:عيييب!..لاء ياقطه دا كان زمان وجبر..مفيش حاجة اسمها عيب خالص..نهائي..اسمع الكلمة دي بعد كدا...وشوفي هعمل ايه
رفعت حاجبها:هتعمل ايه
مسح علي شعره:امم..شكلك مش هتجبيها لبر..وأنا أكتر من مرحب..
مسك لياقتها وهزها:بصي يابت أنتي مين هنا الراجل
فرح:أنت
هزها تاني:مين اللي يتسمع كلامه:أنت
ضربها علي وشها بخفة:شطورة يابطة
عضت علي شفايفها بغيظ:ماشي ياعمار
عمار:لاء راكب يابت
فرح:طب وسع كدا..هودي الأكل جوا
عمار:أجي معاكي
فرح زقته بعيد:لاء طبعا مستحيل..!
ضربها علي جبينها:ستات نكديه..دا ايه دا!
__________
اللهم عافني في بدني،اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ
________
شالت الأكل ودخلت البلكونة تقعد..جابت اللاب:تعالى نتفرج علي فيلم.
عمار:أنتي فاهمة الجواز غلط خالص علي فكرة
فرح:ازاي
عمار: تعالي أفهمك
فرح:لاء شكرا..قعدت علي الأرض
عمار:قعدتي علي الأرض ليه
فرح:هيبقي مريح أكتر علي فكرة..
$$:أنتم قاعدين هنا
عمار لف وهو مبرق:دا ايه اللي جابه دا
فرح:حبيبي معرفش ينام امبارح..ونام أول ماجه فسبته نايم
عمار مسكها من شعرها:وحيات أمك
فرح:اله في ايه ياعمار دا تيفل
عمار:تيفل!..ايوا اتمرقعي كدا وهو واقف
فرح ضحكت وفتحت دراعها لكريم وهو جري علي حضنها .. مسحت علي شعره بحب: حبيبي يا كيمو
عمار بغيظ: حبيبك!.. بقي أنا صارف ومكلف وفي الآخر تقولي للمفعوص دا حبيبي.. دا أنتي عمرك ماقلتيلي يابيبي حتي!
كريم:تقولك يابيبي ليه؟..هي مش أمك
عمار:وأنت مالك أنت يلا
كريم:فرح قوليلو عيب عشان أنتي بتزعلي مني
فرح ضحكت:معلش ياحبيبي..اله عيب كدا ياعمار!
الجرس رن.. عمار سابهم وقام يفتح الباب...
__________
اللهم عافني في بدني،اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ
________
حطت البنت بهدوء علي السرير.. اتنهدت بحب وهي بتملس علي شعرها بحنية.. باست راسها بهدوء..
ياسر اتكلم وهو بيقلع ساعته: ياه ياسيدي.. ناس وناس
رؤية شاورتله وهي راقدة جمب البنت: هشش هتصحي..
ياسر: ماهو
رؤية قامت وحطت ايديها علي بوقه تسكته وشدته برا الأوضة.. ياسر: ايه في ايه
رؤية: أنت عايز تصحيها؟!.. تعبتني لحد مانامت
ياسر: طب وأنا ؟
رؤية: أنت ايه؟. بعدين أنت جيت من عند ماما.. حصل ايه تحت
ياسر اتنهد.. ورمي نفسه علي الكنبة: زهقت والله يارؤية
قعدت جمبه ومسحت علي شعره بهدوء: ليه كده.. هو بردو مش راضي يتعدل
ياسر: دي جاية مخنوقة.. بتقول انه بيبتزها... اللي هو لو مادتهوش دهبها تبقي مش أصيلة وبنت ناس
رؤية: هو عايز دهبها ليه أصلا؟
ياسر: عايز يفك ديون عليه... طب ليه مقلناش وقتها
رؤية: أنت شايف ايه
ياسر: أنا شايف انه يطلقها أفضل.. دا لسه مدخلتش بيته أومال لو دخلت بيته؟
رؤية: وخالتي شايفة ايه؟
ياسر:قالتلي اتصرف وياه..دي لو تطول هتخنقه بايديها..وزعلانة من زينب أوي وبتبكتها
رؤية:هي كان قلبها مايله والحمدلله انه ظهر علي حقيقته في البداية..من قبل ماتتجوزه ويبقي معاها عيل ولا اتنين..
ياسر:عندك حق..بكره هجيبه وأرميله دهبه دا..وكل هداياه..بقولك ابقي كلمي زينب وشوفي تفكيرها واصل لفين
رؤية:حاضر هبقي الحقها قبل ماتروح شغلها..بس أنت متتعبش تفكيرك
ياسر:هند عاملة ايه
رؤية:لاء كويسة...حتي جوري فرحانه بيها أوي..ياسمين مش مرتاحة لهدوئها
ياسر:ماهي دايماهاديه..اشمعني يعني دلوقتي
رؤية:لس مش عارفة..هدوئها غريب..حاسة بشك كبير تجاهها
ياسر مسك ايديها:لاء بس تلاقيها عشان ودتيها الحضانة فهي لسه مش واخده عليها فبتتعود..هي مش اجتماعية زي جوري بس
رؤية:أتمنى..يلا عشان أحطلك تتغدي
ياسر:البناات اتغدو؟
رؤية:ياه وخدو دوش وفي عز نومة دلوقتي
ياسر:طب وحشتيني بقي..بقالي كتير مشفتش ضحكتك دي بقالي كتير
مسكت ايده ورجعت شعرها ورا ودانها..واتكلمت باحراج:عارفة اني تعبتك كتير الفترة اللي فاتت دي.وخليتك تربي بنت مش
قاطعها:لحد هنا واسكتي..رؤية انا مش عارفك لسه امبارح..لاء ولو ماتعكزناش علي بعض هنتعكز علي مين..واللي نايمة في سريرنا جوا دي بنتي..ومحدش يقدر ينكر..أنا مش ناسي وقفتك معايا يوم وفاة أبويا ورضيتي اننا منعملش فرح أو حتي نأجله لأنك كنتي عايزاني زي ما أنا عايزك
حضنته بحب وهو بادلها..وهي بتدعي ان ربنا يدوم عليهم سعادتهم..!
__________
اللهم عافني في بدني،اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ
________
________________
عمار فتح الباب..لقي حاجه بتترمي عليه..تلقائيا مسكها..كان كرم وأحمد اللي رماه...بص لأحمد باستغراب..
أحمد رد بشبه صراخ فيه: خد الولا دا..قارف أمي..ماهو مش أنتم تنامو في العسل وأنا أشيل العيال..أنا واحد لسه خارج من ثانوية!..فاهم مليش فيه وابقي لبسه بدل ماهو ماشي لينا في البيت كدا..!
عمار قفل الباب بصدمة من اللي بيحصل من أول اليوم بص لكرم اللي بهدومه الداخلية..:أنت ايه اللي جابك يلا..هزه..أنت ايه اللي جابك
كرم:بتعملو ايه
عمار:بنجيب عيال..أنت مال أهلك انت
كرم كشر:بتجيبهم ازاي..سكت بعدها كمل..هما بفلوس
عمار:هما ايه؟
كرم:العيال
عمار نزله وهو دخل جري..
فرح في البلكونة لقت كرم داخل عليهم جري..فتحت دراعها ليه بابتسامة:حبيب قلبي
كرم:فرح أنتم بتجيبو عيال بكام
فرح بلعت ريقها:ليه ياحبيبي
كرم:عمار قالي انكم كنتم بتجيبو عيال من غيري..ومخدتونيش معاكم
فرح بصت لعمار بغيظ:سيبك منه ياحبيبي..اتغديتو
أومأو براسهم..طب يلا تعالو نتفرج على فيلم..الولاد كل واحد فيهم نام علي رجلها من ناحية..وشغلو كارتون وعمار قعد في أخر البلكونة يهز رجله بغيظ...الوقت عدي والولاد نامو بعد ماتفرجو علي فيلمين وفرح كانت لسه هتنام..عمار لحقها..
انتفضت:ايه في ايه
عمار:هشش بالراحة.. هاتي أوديهم عند أبوكي
فرح:لاء طبعا تلاقيهم نامو..
عمار رفع حاجبه:كويس انك عارفه ان دا وقت نوم
حركت عينيها بتوتر:طب..طب شيلهم معايا
عمار شالهم بصمت وهي شالتهم وحاسة بتوتر بينهم..نيموهم في أوضة الأطفال..
__________
اللهم عافني في بدني،اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ
________
وفرح سبقت علي الأوضة..سرحت شعرها وغيرت هدومها وحطت روج لونه أحمر لأول مرة في حياتها تحط اللون دا أصلا...اه حطت قبل كدا بس كان بيبقي لون هادي مختلف..مش اللون دا..!
لقيته دخل ونام عادي..بلعت ريقها واتكسفت من شكلها والمكياج اللي حطاها..علطول مسحته بسرعة..ودخلت نامت في سريرها..هي في جمب وهو في الجمب التاني وكل شخص منهم بيعاتب نفسه علي اللي حصل النهاردة...هي بتعاتب نفسها لأنها عاندت وعنادها وصلها لكدا..!..غير انها عارفة ان المفروض الأسبوع دا ليهم هما..مكنش لازم أوي تندمج مع الولاد..بس ايه اللي سببله الدوخه دي؟!..
عمار عارف انه اتخطي معاها بس الصداع كان مدمر تفكيره...هو غضبان من نفسه لأنه غضب وقت وجود الولاد..بس بس هو حس بالغيرة..مش غيرة من الولاد بالعكس هو بيحبهم وهو كان أول مؤيد ليها انها تربيهم..لكن كان حابب الوقت دا يبقي ليه هو..تبقي في حضنه هو..يقضو وقت مع بعض ياخدها ويخرجو..يعملو لحظات حلوة قبل الدنيا ماتلهيهم..بس ليه لحد دلوقتي بتخاف منه؟!
الاتنين كانو في حيرة رهيبة..وفجأة كل واحد قرر يشارك التاني باللي حاسه أحسن من البعد اللي مش طايقه دا..
التفتو الاتنين في وقت واحد..ابتسموا وفجأة افتكرو اللي حصل فابتسمامتهم اتلاشت..فرح قربت بخجل من خطوتها دي..وهو ابتسم وقرب أكتر..قربت لحد مابقو في وش بعض...قاطعت لحظة الصمت دا بشجاعة مش عارفة سببها..:مالك..زعلت ليه أول مرة تبعد كدا
عمار:كنت زعلان من نفسي..فرح أنا..أنا
فرح:زعلان من ايه؟..لو علي موضوع الصبح فخلاص اللي عدي عدي
عمار:ممكن بس
قاطعته بتردد:أنت مش عايز الولاد يفضلو معانا
ضربها بصابعه بخفة علي خدها:لاء طبعا..بس أنا غيران كان نفسي الوقت دا يبقي ليا أنا وأنتي لوحدنا من غير مايبقي معانا حد خالص..عارف انها أنانية بس
فرح:لاء أنت مش أناني..حتي أنا كنت عايزة كدة..بس خايفة..خايفة يبقو محتاجين ليا في مرة وأخذلهم وخصوصا كريم..أنا مصدقت انه انه خلاص اتخطي وفاة هند..
مسك ايديها بخفة وضغط عليها يطمنها:متخافيش..أكيد هنقدر نلبي احتياجتهم
فتح دراعه وهي دخلت جوا حضنه..:أتمني
عمار بص ليها بحب:وحشتيني
فرح ابتسمت وهمست :وحشتك!..وحشتك ازاي واحنا مع بعض طول اليوم
عمار:بس طول اليوم مكنتيش في حضني..في فرق
نزلت راسها بخجل وهو ضحك عليها..وخلافهم خلاص اتحل واللي كان كان ..!
__________
اللهم عافني في بدني،اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ
________
..
سهيلة سمعت صوت الباب..بصت علي لبسها بتقييم وعلي مكياجها الهادي..رشت برفان تاني وخرجت له برا..ابتسم أول ماشافها...مد ايده ليها ولففها وهو بيصفر
مصطفى:Quelle est cette beauté ... lunaire
سهيلة كشرت:مش هتبطل تتكلم فرنسي
مصطفي ضحك:يابنتي مبعرفش..وبعدين مانتي بتتكلمي ألماني كنت اشتكيت
سهيلة:بس مش كل شوية أقعد أتكلم بيه..حتي بنتك لقطت بردو
مصطفي ضربها في تفها بكتفه:طب ماتلقطي أنتي كمان
سهيلة:بعينك وهفضل وراك لحد ماتبطل
مصطفي كشر: ليه كدا..دا اي الحقد دا..أنتي زوجة مش خدومة خالص
سهيلة:طب يلاعشان تتغدي
مصطفي:غدا ايه بس
سهيلة همستله وضهرها ليه:عملالك مكرونة باشميل وبانيه
غمض عينه مرة ورا مرة يستوعب:عرفتي تعملي غدا رفعت حاجبها:ليه مكنتش بعمل قبل كدا ولا ايه
مصطفي: لاء متقولنيش كلام محصلش..ويلا عشان شكلك كدا مش ناوية علي أكل..
سهيلة:لاء ناوية..يلا غير هدومك
غير هدومه أو بالأحري قلعها بس..سهيلة كشرت أول ماشافته:ايه دا
مصطفي:ايه في ايه
حطت الأطباق علي الترابيزة بشبه عنف :ماعيب كدا بقي..أنت عندك ترينجات وبرمودات ومع ذالك
منطقتهاش..وهو رد:مالي محسساني اني مش لابس هدوم؟
سهيلة:هو انت بتسمي هدومك الداخلية هدوم يتقعد بيها علني كدا..دا حتي ندي ياشيخ مرحمتهاش..البنت مبتطيقش الهدوم علي جسمها دا احنا لو روحنا في حته بتتعبني لحد ماتلبس..ايه أنتم محسسني إني الشاذة وسطكم..!
مصطفي:طب ماتقلعي زينا حد قالك تبقي شاذة!
سهيلة عضت علي شفايفها:دا مستحيل دا..أنت بتفكر ازاي
مصطفي وهو بيبدأ أكل واتكلم بتسرع:مش عارف أنتي مكسوفة كدا ليه؟..ما أنتي متجوزة قبل كدا
بلعت ريقها بوجع لأن كلامه فكرها بذكريات مكانتش حابة تفتكرها حتي..عينيها لمعت بالدموع وهربت علي أوضتها وسبته وهي مليون جرح وجرح اتفتح..!!
#يتبع
#عمر_بيبتدي
#FarahElDesoky
تفاعلللللللل
__________
اللهم عافني في بدني،اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ
________
