الفصل الثاني عشر ج٢
________________
وقفت فجأة وهي سامعة صريخ جاي من أوضة البنات..رؤية بصت لياسر بفزع وجريت سبقته علي الأوضة فتحت الباب بخوف..وقلبها وقع في رجلها لما لقت ياسمين حاكمة إيديها حوالين رقبة هند وبتخنقها بكل قوتها والبنت وشها محمر وبتعيط وبتصرخ ومش قادرة تاخد نفس!.
رؤية قربت منها بسرعة وخضة زقت ياسمين بعيد عنها وجريت على هند وشالتها بخوف وهي حاسة ان نفسها مسحوب ووشها مزنهر.. ياسمين وقعت على الأرض من زقت رؤية قعدت تعيط وتصرخ بصوت عالي.. ياسر قرب من ياسمين وشالها وهو بياخدها في حضنه يهديها وهي بتنتفض وتعيط في حضن أبوها.. رؤية كانت بتتمسك بهند زي المجنونة.. مش مصدقه ان في لحظة كانت الأمانة هتضيع منها.. للحظة كانت هترفع ايديها تضرب ياسمين لولا شخطة ياسر فيها: رؤيية!..
لمت ايديها في حضنها وخدت هند اللي لسه بتبكي لحد صوتها مابقي مبحوح ومخنوق.. حضرت ليها الرضعة في صمت وهي بتحبس دموعها.. أكلت البنت اللي بدأت تهدى في حضنها.. وشوية شوية نامت علي ايديها..خدتها في أوضتها وحطتها على سريرها.. قعدت جنبها وهي بتمسح على شعرها بهدوء.. ياسر دخل وفتح نور الأوضة.. قعد جنبها على السرير.. اتنهد: نامت خلاص جنب أختها
مسح على شعر رؤية وبيحاول يبتسم: خلاص البنات كويسين.. متقلقيش
انتفضت ودموعها المحبوسة اتحكم عليها بالبراءة.. عيطت بكل اللي حسته وقتها.. الخوف والقهرة والرعب اللي جواها على هند.. ياسر خدها في حضنه : خلاص بقى.. دول أطفال بس ودي مجرد غيرة بس
رؤية ردت مم بين دموعها: ياخوفي الغيرة دي تفضل معاهم لما يكبروا ولا يحصلهم حاجة من بعض.. قولتلك مش مرتاحة لصمتها دا
ياسر: طب عادي يارؤية دي مجرد غيرة أطفال.. ماجوري كانت بتعمل كدا مع ياسمين بردو تزوقها وأنتي بترضعيها وياما خربشتها
رؤية بعدت عن حضنه: بس مش تخنقها يا ياسر.. مش لدرجة الموت..!.. عمرك شوفت جوري بتخنقها.. لاء نهائي محصلش.. تخيل لو كنا قعدنا في الأوضة ولا نزلنا تحت عند ماما كان ايه اللي حصل.. كان.. كان
ياسر: والحمدلله اننا خدنا بالنا يبقي نعيط بقى ولا نعالج الموضوع بهدوء كدا ونشغل عقلنا.. يلا ننام دلوقتي وبكره يحلها الحلال
هزت راسها بموافقة ورقدت علي سريرها وهي محاوطة هند بايديها.. ودقايق وكان النوم سيد اللحظة!
____________
فرح وعمار كانوا نايمين بهدوء لحد مافرح فاقت علي صوت رنة تليفون عمار.. نغزت عمار بايديها وهي بتتكلم بصوت كله نوم: عمار.. ياعمار قوم رد على تليفونك
عمار رفع دراعه السليم بنبرة كلها نوم: ردي أنتي.. أنا عايز أنام
فرح: أرد ازاي يعنيي.. مش تليفونك.. صرخت فيه.. عماااار!
عمار فتح عيونه واحدة واحدة: يخربيت كدا.. هاتي التليفون
فرح رفعت حاجبها: التليفون جنبك أساسا
عمار: هو أنا لسه هلف الناحية التاني.. بلاها رد نامي حسن
فرح نفخت وعدت مم فوقه تجيب التليفون لقت رقم توفيق.. طالما مش حد تاني مش مشكلة .. فتحت الاسبيكر وقربت التليفون من عمار اللي لسه على وضعه: أنتتت في الشقة يلا
عمار اتكلم وهو بيفرك عيونه: اه.. ليه
توفيق: وحاطط المفتاح في الباب ليه.. هتنيمني برا يا حيوان
عمار: يووه ياتوفيق.. حاضر
عمار قام ولبس قميصه بإهمال وفرح ساعدته.. خرج فتح لتوفيق اللي بصله بزهق: ايه ساعات عشان تفتح
عمار اتاوب: كنا نايمين أله
توفيق بربش بعيونه: نايمين!! هي فرح معاك جوا!..ايه محمود فك أسرك بالسرعه دي؟
عمار:ادخل بس الأول أنت ونتكلم بعدين.
توفيق دخل الشقةوقعد:احكي..أنا قاعد اهوه
عمار حكاله كل اللي حصل الصبح..وموقف محمود معاه..توفيق ضحك: لاء مش سهل محمود دا..بس حاجة غريبة الحقيقة انه نخ بالسرعة دي بس أبعذره فيه حاجة .. بس شروطه مش صعبة وأنت زودتها الحقيقة..وحقها انها تتكسف طبعا..لم نفسك شوية..أنآ افتكرتك هاتقضي الليلة مع مراتك وتطمن عليها لكن في المطبخ!..
عمار ضحك:طب اسكت بقي ومتجيبش سيرة عشان لو سمعت هتفتح..بلاش
توفيق ابتسم:لاء بجد الموضوع دا مش داخل دماغي..هتجيب عيال وكدا..الموضوع تحس انه فيلم وهيخلص وكدا
عمار:يعني أنا اللي مصدق أنا بس كنت لسه بتعود اني اتجوزت..لكن بنت محمود تسكت أبدا تلبسني في عيل
توفيق ضحك:نصيبك..نصيبك هيصيبك..هتروحوا تكشفوا امتي
عمار:مش عارف الحقيقة بس هنروح أكيد.. صاحبك مش هيسبنا
توفيق:اتغديتوا ولا لاء
عمار:مش لما نفطر الأول..وبعدين أعتقد انها بالغيبوبة اللي فيها جوا دي مش هيبقي في غدا أساسا
توفيق:طب بص أنا هغير هدومي وأنت اطلبلنا حاجة بسرعة
عمار:فكرة بردو..
عمار دخل يجيب التليفون بتاعه من الأوضة لقاها نايمة بعمق زي ماهي..اتنهد بزهق ولسه هيرن..الجرس رن تاني..
عمار خرج يفتح لقاه أحمد شايل صينية متغطية..عمار بصله بقرف ورفع حاجبه: نعممم!
أحمد ابتسم:مالك بس يا أبو النسب..أنت صدقت مش الفلوس اللي هتضيع بينا..وهو أبويا بردو
عمار:فلوس يا جزمة!..قصره أخلص
أحمد:ماما حضرت الغدا وبتقولكم هتحضر لكم الغدا كل يوم لحد ما فرح صحتها تتحسن
عمار ابتسم:والله مافي حد مظبوط في عيلتكم دي غيرها
أحمد غمزله:حتى فرح؟
عمار:بتوقعني في الغلط هاه بس مش هناولهولك..دخل الأكل يلا
أحمد دخل الأكل وحطه علي الترابيزة..جه يتجه لأوضتهم..عمار شده من قفاه:أنت رايح فين يلا
أحمد: داخل لأوختي ياعم
عمار:غور ياض من هنا ملكش اخوات عندي
أحمد بصله بغيظ:ماشي
عمار زقه: ولا راكب يا خويا
قفل الباب وراه ولف لقي فرح واقفة كاشفة عن الأكل وبتاكل من الحلة..عمار بصلها بغيظ وشد ايديها:بتعملي ايه أنتي دلوقتي
فرح وهي بتبلع الأكل:أله باكل ياعمار..في ايه
عمار:هو مفيش غير الأكل بس اللي بتدوري عليه!..هتنفجري كدا
فرح كشرت وحكت كتفها بكتفه:حبيبي هو أنا لو قلبظت مش هتحبني بردو
عمار ابتسم بسماجة:لاء طبعا ياروحي..هحبك بس هطلقك بردو...مش كفاية تلت أربع السرير بتاخديه لوحدك كأنك بتحاربي في نومك...لما تتنفخي بقي كدا هسيبلك الأوضة كلها
فرح: ليه يعني مش كده..مدت ايديها تاخد صباع محشي..علي فكرة اللي بيحب حد مش بيبص لشكله خالص..علي فكرة
عمار بص حواليه يجيبلها رد..قرب منها وهو بيهمس:عشان لما تتعبي ياروحي أقدر أشيلك بسهولة زي الفراشة
فرح ابتسمت وحطتله صباع في بؤئه ولفت تاني..
عمار بلع الأكل وهو بيشاور عليها:متجوز هبلة ماشاء الله قبل الجواز كان فاقدة برج دلوقتي برجين..رف ايده علي هيئة الدعاء..كله من كرمك يارب
توفيق خرج من أوضته لقاه بيكلم نفسه: ولا ياعمار..أنت اتهبلت؟؟!
عمار حك شعره بخفة وابتسم:علي وشك اهوه متقلقش
توفيق اتنهد: الحمدلله
..
اتغدوا وخلصوا غدا..توفيق كعادته دخل البلكونة بعد مافرح عملتله قهوة..فرح شدت عمار علي الأوضة:يلا اقلع
عمار ابتسم وعض علي شفايفه بمكر:وحشتك صح..؟
فرح كشرت وخبطته علي جبينه ورفعت صباعها في وشه:أنت مفيش كسوف خالص..هغيرلك علي الجرح..لاء الجروح اللي في جسمك ياخويا
عمار زق صباعها:بس متقوليش كدا بس..الكلمة الأخيرة دي تخنق مجرد اني افتكرها..وبعدين مفيش مانع بعد ما تغيريلي الجرح
فرح اتاوبت:لاء لاء ياعمار..يلا عشان هنام وأسيبك أنت حر!!
عمار بصلها بقرف وضربها علي وشها بخفة:جتك نيلة..أنتي الخسرانة وبعدين هتجيبي شاش وحاجات منين
فرح ابتسمت وفتحت الدولاب وطلعت صندوق بلاستيك زي الحوايا كدا..شالته وحطته علي السرير..وخدت نفس بفخر:عاملة حسابي على الحاجات دي في الجهاز
عمار ضحك:عاملة حسابك أنتي هاه..لاء ذكية..
عمار قعد وهي بدأت تغيرله على جروحه..وقفت فجأة..
عمار:مالك ماتكملي
فرح لقت ريحة جاية في مناخيرها.. همست بتلذذ:مانجا
عمار اتدير بسرعة وبرقلها لما سمع همسها..صرخ فيها:مانجة ايه..اتهبلتي
فرح قامت وسابته:خلصتلك..
قامت واتجهت للمطبخ.. فتحت التلاجة وافتكرت المانجا اللي كانت جايالها في كيسة سمرا..بصتلها وهي موسعة عنيها..خدت طبق وسكينة وطلعت برا..شغلت التليفزيون..وقعدت على الكنبة..وبدأت تقطع لنفسها وتأكل وهي بتهمهم بإستمتاع..
____________
مصطفى قلق في نص الليل..بص حواليه ملقهاش جنبه...اتفزع وقام يدور عليها بسرعة خوف من انها تكون هربت منه وسابته..بص في الحمام وفي الأوض ملقهاش..بص في الصالة ملقهاش بردو..المطبخ بردو مش موجودة فيه..مسح علي وشه بعنف ولسه هيدخل يلبس وينزل يدور عليها..سمع صوت ضحك من أوضة ندى..فتح الباب حاجة بسيطة وخد نفسه المكتوم من الخوف..لقاها قاعدة علي سرير ندى..وندي قاعدة علي رجليها جوا حضنها ومشغلين التليفون على فيلم كارتون..
ندى سقفت بفرحة:أخيرا سابت البرج وهتقابل يوجين
سهيلة ابتسمت بجانبية:فرحانة ليه كدا
ندى: أصل مامتها مش مامتها وحباسها في البرج دايما مش بتخليها تعرف حد خالص..
سهيلة مسحت علي شعرها واتكلمت بشرود:مايمكن يكون دا الأفضل ليها وأحسن من انها تهرب..مش دايما الهرب حل..
ندى:بس يوجين حلو يا سوسو..وبعدين دي مش مامتها
سهيلة:عادي مش شرط تكون مامتها عشان تخاف عليها وتحميها.. وبعدين مايمكن يوجين وحش..مش شرط عشان يكون البطل يبقي حلو
ندى نفت براسها..واتكلمت:بس هو بيحبها؟
سهيلة حاولت تبتسم..بس الإبتسامة مظهرتش..نسيت انها بتتكلم مع طفلة..سهيلة اتكلمت بحزن:الحب مش كل حاجة..في ثقة وفيه أمان وفي حاجات كتيرة تانية..الحب مش بيبني عيلة..مش بيجيب دفا..الأمان والإحترام كل حاجة وأساس كل حاجة..
مصطفى شدد بايده علي أوكرة الباب..مش متخيل ان الحياة وصلت بينهم لهنا..معقولة مقدرش يوفرلها الحاجات دي كلها..افتكر كلامها لما قالتله انه بيقرب منها بس عشان خلاص اتربطت بيه واهو مربية لبنته..هو عمره ماشافها كدا..دايما شايفها النجمة اللي نورت حياته..حياته كانت مستقرة..أه ماينكرش انه كان حاسس بحاجة مش لاقيها..ممكن يكون جنس ناعم مثلا..ماهو جرب مرة واتنين وبردو ماحسش بفرق..لكن وجودها معاه كان مختلف..هو مش عارف مختلف من أي ناحية لكن بردو مختلف..مش متخيل انه السبب في انها مش حاسه بالأمان...بس تلقائيتها غصب عنه بتجننه..قفل الباب بهدوء عليهم..ورجع للأوضة..قفل الباب من جوا وجاب المذكرات وفتحها..تاريخ من فترة: مصطفى كان هينفجر النهاردة..لوهلة بسيطة خوفت وقلقت من ملامحه..قال كلام كتير جدا بس بعدها رضاني..
قلب في كام ورقة تانيين: أمنيتي قبل كدا كانت إني ألاقي الراحة وأعرف أبتسم..لكن دلوقتي أمنيتي الوحيدة اني ياريت قابلت مصطفى قبل مايعرف مروة وأعمل معاه ذكريات ويكون هو أول راجل في حياتي وأنا أول ست في حياته..بس وقتها كنت يدوب في ثانوي لكن أتمني دا يحصل
قلب كام ورقة تانيين: كل شوية مروة..مروة لحد مازهقت بجد..الحسنة الوحيده بالنسبة ليا في مروة دي انها جابت ندى علي الدنيا غير كدا لاء..بقت حاجة بتخنق بس في نفس الوقت بعذره..مش عارفه ليه بس بعذره..
مصطفى قفل المذكرات وتفكيره كله محصور في نقطة واحدة..!
____________
عمار لبس هدومه وخرج لقاها بتاكل المانجا بشراهة ونهم...بصلها بصدمة وقرب منها:أنتي بتعملي ايه
ابتسمت وبؤها متلحوس ببقايا المانجا..رفعت المانجا في وشه:تاكل..طعمها حلو أوييي
عمار رجع لورا بفزع:إياكي تقربيها مني تاني!
فرح خفضت شفتها السفلية لقدام ورفعت أكتافها بقلة حيلة: أنت حر..أنت الخسران أصلا..دي باردة وطعمها حلو جدا..مش يمكن دا الوحم
عمار قعد قدامها:لاء متقوليليش..أنا أكيد ربنا مش هيبتليني بعيال بتحب المانجا..حرك ايده بنفي..لاء.. لاء مستحيل..مش كدا أبدا..مش هيحصل!!
فرح اتكلمت وهي بتاكل::ليه بس كدا ياعمار..دي طعمها حلو جدا..خد جرب
عمار ضرب بايديه علي الترابيزة:أجرب ايه ياختي..مش كفاية اللي عملتيه فيا في الأيام إياها..
فرح صرخت فيه:هو كان بإيدي..مش أنت..وطت صوتها وهمست وهي بتجز على أسنانها..مش أنت اللي قليت أدبك في المطبخ..أقولك واكلة ياعمار..اغسل بؤي..لاء..اتريقت عليه وهي بتمثله وقتها..كل حاجة منك حلوة ياروحي..أنا أطول لما أكل منك ياروحي..رجعت لطبيعتها..أدي أخرة قلة الأدب!!
عمار قام وبصلها بغيظ:ياشيخة تغور منك قلة الأدب وأنتي واكلة مانجا..
عمار مشي واتجه لأوضة الأطفال..فرح بصت علي أثره ورفعت حاجبها:هو اتقمص ليه؟.. وبعدين هو حر أنا مالي!
__________________
سهيلة صحيت علي ضوء الشمس..ضيقت عنيها بانزعاج..رفعت ندى اللي نايمة علي دراعها بخفة...خصوصاً إنهم سهروا لوقت متأخر..قامت من على السرير..طلعت برا الأوضة لقت مصطفى قاعد بيلبس جزمته وهو محضر نفسه للشغل..شرب النسكافيه بتاعه مرة واحدة...رفع راسه يقوم لقاها بصاله بشرود..ابتسم:ايه رأيك الساعة الجديدة عاملة شغل..صح؟
لفت واتجهت للمطبخ..جه يخرج ويقفل الباب..سهيلة رجعت:لو سمحت سيب الباب..ممكن أحتاج أنزل أشتري حبة حاجات للبيت..
مصطفى اتنهدوقفل الباب وساب المفتاح زي ماهو ومشي..
سهيلة خدت نفسها..انتفضت على صوت ندي:هو بابا مشي ولا ايه
سهيلة: اه يلا نعمل الفطار بقى..
..
سهيلة خرجت من الشقة وخلت ندى عند أم إسحاق..اشترت حبة حاجات للبيت..جالها رنة تليفون.من رقم غريب..حطت الحاجة علي الرصيف وهي ماسكاهم وفتحت المكالمة:ألو
$$: حضرتك صاحب التليفون دا لقناه في الشارع عامل حادثة وعمال يكرر في اسمك ولقيناه علي تليفونه
سهيلة اتخضت وصرخت:مصطفى..مصطفى ماله...صرخت بصوت عالي والشنط بتقع من ايديها ودموعها بتنزل..مصطفى ايه اللي حصله؟
#يتبع
#عمر_بببتدي
#FarahElDesoky
تفاعلللللل
