فقرة سؤال وجواب
| اسئل_بطلك|..تفاعلللل..وأرائكم
_________________
شيماء:بس اعذريني بردو في السؤال يعني..هل يا تري متاكده ان مصطفي هيقدر يعوضك و يكون ليكي امان .. يعني سوري واثقه فيه لدرجه انك تعترفي انك معندكيش اهل رغم كلامه الجارح .. و منين الثقه ديه !!!؟..ايه اللي خلاكي تديله كل الثقة دي مع انك معرفتيهوش كويس!؟؟..دا ايه دا ومتقوليليش حب بالسرعة دي؟!
سهيلة حاولت تبتسم وترد على أسئلتها لكن اتلخبطت من هجومها..فرح ضغطت بايديها عليها تطمنها ان دا مجرد سؤال.. مفيش حاجة تقلق!
سهيلة: أسئلتك سريعة وغريبة ورا بعض!..بس هو أنتي مستكترة عليا اني لقيت عيلة أحس فيها بمشاعر الإنسان الطبيعية في حياته..أنا..أنا حياتي كلها كانت باردة ومفيهاش مشاعر!..دموعها نزلت وهي بتفتكر اللي حصلها..بقيت عاملة زي المفجوعة..بس مفجوعة مشاعر!!..الواحد لو فضل طول عمره بياكل عيش ناشف وفي يوم عرف الفاكهة واللحمه والفراخ..هيحس بإيه هيتفجع..ودا ودا اللي حصلي مع وليد لقيت المشاعر اللي نفسي فيها..حب واهتمام و..همست..حد يسمعني!!..كملت وهي بتصرخ في شيماء..بس اتأذيت اتأذيت كتيير..اتبليت بأمراض الدنيا كلها!..جاهدت وعافرت بكل قوتي اني أبني نفسي بنفسي..وفجأة ظهرلي مصطفي وظهور أهلي وهو عندي والضرب اللي انضربته منهم وتسخين وليد ليهم عليا..ضحكت بسخرية من بين دموعها..تتصوري انه كان عايزني أتجوزه هو..عايز ييتجوزني علي مراته مش كفاية أنه طفاها لاء دا كمان عايز يموتها بالحية ويتجوزني عليها..ساعتها مصطفي ساعدني ووافق انه يتجوزني مبدأيا لكن وليد عشان يعقدها قال انه هيهرب ولازم يبقي ليهم حاجه يقدرو يرجعوه بيها تاني وفرض موضوع الشيك..ساعتها مصطفي متهزش ولا اتلجلج..ولما كنت ههرب قالي أنا ممكن أساعدك منين ماتروحي..الفلوس مش هي اللي هتهدني
شيماء:غريبة..دا مبلغ يعني وأكيد هو مكانش يعرفك أوي لدرجة انه يدفع مبلغ أيا كان هو..سوري هيستفاد أي ومحدش عاقل انه يرمي فلوسه علي الأرض!!
سهيلة:سألته نفس السؤال..قالي يومها كلمة مش هنساها أبدا "الفلوس دي أنا تعبت فيها لكنها مخفتش من تعبي لاء زودته وخصوصا انها معملتليش حاجه لما مراتي ماتت وفارقتني أنا وبنتي اللي لسه لحمة حمرا!! "..ساعتها سمعت كلامه وبعد مااتكتب كتابنا وخد الشيك..متجرئتش أقوله يطلقني أو يسبني لأني ارتاحتله..خدني علي شقته وعرفني علي ندي..كنت بنام معاه..حقيقة كنت زي الغريبة بينهم..هما الاتنين بيهزرو ويضحكو دايما مع الوقت اتعلمت منهم..عيطت بفرحة..اتعلمت ازاي أضحك!..ولما بقينا مع بعض وقتها حسيت بالدفا اللي محستهوش لا في بيتي ولا لقيته مع ياسين ولا حتي..ولا حتي وليد!!..اتعلمت مع ندي ازاي أدي مشاعر ببلاش.. كنت بحس معاهم بالحرية واني اخد نفسي ومش مهتمة هل هاخد نفس غيره ولا لاء.. المهم اني أعيش اللحظة وياه ومعاه!!.. عايزاني بعد مابقيت مراته وبقي جوايا حتة منه!!..
شيماء سكتت ومعرفتش ترد..عندها حق اللي تلاقي راجل زي دا تتمسك فيها..يمكن مصطفى يكون عوضها فعلا ولو عشان انه بيتكلم بعفوية فمفيش انسان كامل علي الأقل بالنسبة لتفكير سهيلة!!
سهيلة خدت نفس طويل وهي شايفة شيماء بتشاور نفسها وتفكيرها!
ميرا جزت علي سنانها بصمت.. مش عاجبها ضعف سهيلة دا!!.. بس بردو عذراها اللي تجرب تجربة سهيلة مش بعيد كانت تنتحر ولا تهرب ولا تتجه لطريق أخرته وحشة!! انتقلت بنظراتها لفرح اللي قاعده جمب سهيلة وواقفة في ضهرها.. سألتها وهي رافعة حاجبها: وانتي
فرح بصت حواليها وبعدين شاورت لنفسها: أنا!!
ميرا هزت راسها: اه.. أنا قريت حكايتك مع عمار وحابة أسئلك سؤال كان نفسي فيه من زمان عن علاقتك أنتي وعمار
فرح ابتسمت علي أثره: اسئلي
ميرا رفعت رجل على رجل وسألتها بجمود: هو أنتي ليه كدا
فرح بابتسامة: ازاي يعني مش فاهمه
ميرا كملت: ليه حاساكى متحفظه وماسكه زمام نفسك بزياده
ازاى بعد الفترة دى كلها مافكرتيش تعرفى ماله او فيه ايه بتعدى المواقف بسطحيه وكأنك ضيفه فى حياته ؟
فرح ابتسامتها اتلاشت: امم..بس كدا
ميرا:علي الأقل لحد كدا اه
فرح اتنهدت:أنا لا متحفظة ولا ماسكة نفسي بزيادة
ميرا:أمال ايه؟..ليه عمرك مادلقتي عليه زي بقيت الستات علي أجوازتهم كدا
فرح شفايفها ارتعشت:عشان عمار مش جوزي بس!!..لاء دا حبيبي وأماني وسندي بعد أبويا وأخويا..أنا محستش ان عمري ابتدي فعلا غير معاه ومين قالك اني مش ملهوفة عليه..أنا مشكلتي بس اني مش بعرف أعبر لكن بتعلم اهوه..هعرف منين أنا..أنا مراهقتي مكانتش عادية وخبرتي بالتفاصيل دي ضعيفة!!
ميرا:متنكريش انك تجاهلتي اللي حصل يوم صباحيتك
فرح:لاء منستش ومش هنسي..أنتي متخيلة الشخص الوحيد اللي حبتيه وأمنتيله لدرجة انك تسيبي دفا بيت أهلك وتروحي لبيته البارد وتدفيه وياه! يفاجئك بانه يحلف عليكي بالطلاق!..يعني في ذلة لسان كان هيتحرم عليا حضنه بعد مادوقت دفاه..لاء دا مش بسهولة..هو عرف يسكتني وقتها..أنتي مش متخيلة احساسي وأنا في حضنه وبين ايديه.. عمار ذكي جدا وعارف وقتها يثبتني ازاي..هو عارف ان لا الضرب ولا الخناق اللي كان هيسكتني..عارف ان حضرتي في حضنه الكلام بيختفي.قربه بالنسبة ليا في كيميا ملخبطة!! ..احساس تاني ومختلف كفيل انه ينسيني أي حاجة..مش عارفه هل دا من حبي ليه..لأننا لسه مع بعض مش من كتير فمتعودتش اني أقدر أفصل وأبعد عنه وقت مايقرب..مش عارفه دا بيكتسبله مناعة ولا لاء..بس الأكيد عندي حاليا اني مقدرش فعلا أبعد لما هو يقرب!!..بس بعدها اتفاجئت..اتفاجئت بشرم واللي عمله..الموضوع كان جديد عليا..لكني بسرعة اتعودت..أرجع أتفاجئ بعد ماقضيت معاه يومين كأنهم الجنة بحالها علي الأرض..انه انه..أنا حتي مش قادرة أنطقها!!
ميرا:أنا قصدي قبل الجواز..أه حسيت انك فعلا كنتي ضيفة في حياته بس بردو مقدرة انها حياة جديده..قبل الجواز بقي
فرح همست:كنت خايفة
ميرا: خايفة!!
فرح:خايفة انه بعد ماأسلمله قلبي يظهرلي جزء منه مكنتش أحب انه يظهر!..انه انه يتغير ومساوئه تظهر..كنت مرعوبة من الفكرة
ميرا اتنهدت: ودلوقتي!!
فرح ابتسمت بحب وعينيها لمعت :لاء دلوقتي أنا مستعدة أديله حياتي كلها..حبيبي وجوزي وأبو عيالي..كفاية حضنه اللي بالنسبة ليا مسكن من الدنيا بحالها..صحبتك سألته قبل كدا وهو قالها انه كان محتاجني..شيماء بصت لها بصدمة وكحت،فرح كملت بابتسامة..متستغربيش أنا سمعته بس مش هو بس اللي كان محتاجني أنا اللي حياتي بقت ليها معني بوجوده هو!!..والأكيد اني من غيره مش هكون عايشة براحة كدا..لأن اللي يدوق حلاوة قربه ميفرقش معاه بعد كدا أي حاجة تانية في الدنيا!!
