السلام عليكمقراءه ممتعه
كعدت من النوم على صوت عصافير جريت نفس عميق وكعدت طلعت من الخيمه وغسلت وجهي ومشيت بقيت اباوع على الأشجار والمنظر وصلت يم الساكيه يجري بيه مي كعدت قريب منه بقيت اباوع على المكان ورايحه بعالمي ما حسيت شخص خله ايده على جتفي جفلت
ازل : اووف وكعت كلبي
عيسى : اسف ما عبالي جفلين
ازل : لا عادي
كعد بصفي وكال
عيسى : شعندج هنا كاعده
ازل : عجبني المنظر وبقيت كاعده وهم تعبت من المشي
عيسى : صحيح المنظر حلو ويخلي الشخص ينجذب اله
ازل : عجب كعدت من وكت
عيسى : الشمس صارت على عيوني وكعدت وانتي
ازل : والله سمعت صوت العصافير والبلابل فوك راسي يتعاركن وكعدت
عيسى : حتى بهاي احنه ما مشمولين ناس تكعد على صوت العصافير وناس تاكل عيونهم الشمس
ازل : هههه والله مسكين انته
عيسى : اي والله
بقيت كاعدين وساكتين نباوع على المنظر شي ربع ساعه وحجيت
ازل : اني راح اكوم
عيسى : وين رايحه
ازل : تمشه شويه واروح للبيت
عيسى : محد بالبيت كلهم بالبستان
ازل : شكو عليه همه بس تلوحم الشمس يطبون اني اريد الحك على المي قبل لا يخلص
عيسى : يا لوتيه امشي اروح وياج ما اخليج وحدج ترحين
ازل : تمام
عيسى : ازل تخافين من الحيوانات
ازل : مثل شنو
عيسى : يعني ابو بريعص لو صرصر فار هذني
ازل : ما اخاف من الفار بس اخاف من الباقيات
عيسى : والله
ازل : اي والله اني اكمش الفاره بيدي عادي بس غزل تخاف منهن واذا شافت كامشه الفاره تبقه تعيط
عيسى : غزل مثل رولا من كل الحيوانات تخاف
ازل : اي
عيسى : زين شنو الي تحبي
ازل : مثل شنو
عيسى : اي شي الوان او شخصيه يعني هاي التفاصيل
ازل : لوني المفضل الازرك و الأصفر شخصيه احب شخصيت بابا واتمناه شريك حياتي مثله مثل حنيت ابويه
عيسى : اها عبالي مثل إسراء تلميهم من كل شخص شغله
ازل : ههه لا اني اريد شريكي يشبه شخص واحد فقط واني اشوف بابا أجمل شخصيه عندي
![](https://img.wattpad.com/cover/211176509-288-k761519.jpg)