السلام عليكم
قراءه ممتعه
#دزيتلك روحي #بظرف 📨
#من توصـل أنت #أقراهـا
#لـو تبقى يمـك #للأبـد
لو ترجع أنت #وياهـا
***
اسراء...
مرت ايام اني اسماعيل علئ اقل شي ازعل منه حتئ لو يشاقه وياي ازعل بس هوه بساع يراضيني ومرات الزعل يطول لليل بس ما ينومني واني زعلانه منه
اليوم خابرتني حلا كالتلي زهراء جابت شكد فرحت اله بقيت احجي وياه وبعده ودعته صعدت الغرفتي شفت اسماعيل يبدل ويدكم القميص رحت يمه وبقيت اعدل اله القميص كمشني من خصري وبقه يباوع عليه خلصته ورش هوه ريحه وكمل باوعت عليه وكلتله
اسراء ' عندي خبريه الك
اسماعيل ' خير شنو هاي الخبريه
اسراء ' بس قبل لا اكول اريد تورق
اسماعيل ' صايره مقطاطه اول الصبح
اسراء ' اي هسه شصار اذا اقطك اول الصبح
اسماعيل ' ما صار شي كولي شنو الخبريه اذا تستاهل انطيج واذا لا ماكو
اسراء ' صاير لوتي ادري بيك ما تنطيني
اسماعيل ' ههه لا كولي شنو الخبريه
اسراء ' خابرتني حلا وكالتلي زهراء جابت وصرت انته خالو هسه
بتسم ابتسامه عريضه وكال
اسماعيل ' وين هيه هسه
اسراء " كالت بالمستشفئ بس يشوفنه الدكتوره وتطلع
اسماعيل ' تردين اروح الهم اليوم لو باجر
اسراء ' بكيفك علئ وقت فراغك اروح
اسماعيل ' لعد خليه لباجر حتئ اروح انجيب هديه من السوك
اسراء ' اي ماشي
اسماعيل ' الموعد مال الدكتوره شوكت مالتج
اسراء ' بعد عشر تيام
اسماعيل ' خوش يله اني راح اروح اي شي تردي خابري عليه حتئ من اجي اجيبه الج ولا تعبين نفسج بالشغل
اسراء ' اي ماشي
نزلت اني وياه وصلته الباب المطبخ وكلتله
اسراء ' ما نسيت شي مو
اسماعيل ' لا ما نسيت شنو تشردين
اسراء ' مو كلتلك ورق
اسماعيل ' بس الخبريه ما تستاهل
اسراء ' لا والله
اسماعيل ' يعني الفلوس تختلف اذا انطيتهن الج بالايد اشو فلوسي يمج
