السلام عليكم🌹🌺
قراءه ممتعه🌷💮
صار يومي كل شغل بيت ودراسه قسمت وقتي كله الفجريه اسوي الغده وبعده اروح ومن ارجع بس احمي وبعده ادرس ابقى لليل ما عندي شي ابقى وياه اسماعيل لان اكثر من مره بقى يحجي عليه لان ما اهتم بي بكثره راد يبطلني من دراستي اكثر من مره بس اني ما اقبل ازعل منه دراستي شويه ماخذه كل وقتي لان اذا ما سيطرت عليه بعد ما أكدر اسيطر
اليوم سبت اسماعيل ماموجود بالبيت باقيه بس اني بوحيدي سويت كل شغل البيت وبقيت كاعده اسوي كبه اسوي اكل واضم بالمجمده لان بقت الدوام اني ما الحك اسوي كلشي شوي اندك الباب حيل مثل الي جايب خبر تكسر تكسير خفت ما طلعت وشفت منو لان اسماعيل موصيني بس بقى يندك الباب جريت الشال لبسته وتقربت على الباب وكلت
اسراء : منو
؟؟ افتحي ولج اليوم تصير موتج حلال على أيدي افتحي
صوت مره اول مرة اسمعه بساع طفرت وطبيت جوه طلعت التليفون وخابرت على اسماعيل بس يدك وما يشيله خابرت على حمزه كذالك بالاخير خابرت فادي
فادي : الو هلو اسراء
جاوبته بصوت مرتجف وابجي بالكوه سيطرت على كلامي وجاوبته
اسراء : فادي الحكني
فادي : اسراء شكو شبيج تبجين
اسراء : فادي تعال للبيت بساع فدوه والله خايفه تعال
فادي : اي اي جايج بس كليلي شبيج فهميني
اسراء : وحده اجتي وتكلي راح اموتج وكسرت الباب عليه تكسر فدوه لحكني
فادي : ابقي بالبيت ولا طلعين حد ما اخابرج
سديت التليفون وهذيج تلعلع بالشارع عفته تحجي وصعدت لبست دشداشه لان لابسه كيموده بالبيت ونزلت جوه وهذيج باقيه تحجي عليه وكلامه كله افشار وغلط مايلبس عليه ثوب شوي وختفى صوته طلعت بره ماشفت الخياله شوي وتصل عليه فادي سديته ورحت فتحت الباب اله بقيت شابكته وابجي
فادي : ولج ما مفكرج لهل درجه ضعيه ام دميعه كافي
اسراء : والله خفت
فادي : تعاي طبي جوه وفهميني شصار
طببته جوه وحجيتله كلشي الي صار حتى الغلط الي غلطته عليه
فادي : زين ما فتحتيله الباب
اسراء : لا لأن خفت لان هيه كالتلي اله اموتج على أيدي تريدني افتح الباب اله
فادي : زين صوته عرفتي المن
اسراء : لا صوته مال مره مو جبيره كلش ولا صوت بنيه شابه
فادي : وتشكين بشخص انتي
اسراء : لا تدري بيه ما عندي مشاكل ويه شخص اني
