السلام عليكم
قراءه ممتعه
بعد مرور سنتين
إسراء...
صار عمر أمير سنه ونص اني واسماعيل متعلقين بي هواي واذا تمرض نبقه سهرانين عليه وين ما اروح أمير براي يمشي متعبني اذا اشتغل هوه براي حتى اثاث البيت بعدته من ايده حتى ما يتكسر صرنه عنيد الدرجه اذا راد شغله ما يسكت اله يريده اني ما اقبل بس اسماعيل لا يعصب عليه اسماعيل مدلله واني خايفه لا هذا الدلال الزايد يطلع بعدين
اليوم كعدت على ضربات بخدي من أمير كعدت بالكوه باوعت عليه وكلتله
إسراء : هاا
يأشر بيده على الباب يريد ينزل
إسراء : هسه ننزل
رحت للحمام غسلت واخذه هم غسلتله وبدلت اله ونزلنه رحت سويت بيض سلك وكعدت اوكله كلت وياه وبعده انطيته ملاعيب بالصاله ورحت سويت شغلي بس عيوني عليه شوي وأجاني يبجي
إسراء : شبيك
أمير : اواه
إسراء : وين الاواه
شالي ايده باوعت كلشي مابيه لا متعور ولا طالع دم بس يبجي بست ايده وكلتله
إسراء : بحيه
مسحت دموعه وبسته بخده هوه صار كل شوي يجيني أواه هم ارجع ابوس ايده
إسراء : ماكو باح راحت
أمير : أوواه
إسراء : باح راحت انطيني خل ابوسته وتروح
بسته وكلتله
إسراء : راحت هاك هاي لعابتك والعب
أخذه مني وبقه يلعب بيه كملت طلعت للطرمه نظفته وطبيت للبيت لو اشوفه مهجوم الكاونتر مفتوحه الخانات كلهن ومطلع المواعين والغراض والعلاليك مطشرهن بالكاع باوعت ماكو هوه رحت للصاله مخربه ما مبقي شي على حاله كله مفلشه تحلفت اله اكتله بقيت ادور عليه مالكيه عزلت الصاله ورحت للمطبخ فتحت الكاونتر لكيته نايم بيه
إسراء : ما تريحك النوم اله هنا
شلته وبسته بخده وذبيته بكاروكه رجعت للمطبخ عزلته نظفته مره ثانيه خلصت تركيب من وكت ورحت غسلت الملابس ملابس أمير اغسلهن بيدي بالصابون بس مالتنه لا بالغساله ومرات بيدي حسب خلصت ورحت سبحت وعدلت نفسي وخليت مكياج خفيف ونزلت جوه كعدت على التليفون تراسلت ويه البنات سالفه بره سالفه اني وزهراء و فاديه نحجي على الجهال البنات مخلصاته فدووه
ازل : بس يتقدملي شخص أوافق
زهراء : هههه ستويتي
فاديه : اذا على مود الجهال تغاي اخذي حيدر
ازل : والله اجي أخذه بس حمزه يقبل
فاديه : يقبل والله البارحه راد يشمره من فوك لان يبجي
