السلام عليكم
قراءه ممتعه
كعدت ب11 شفت أمير نايم غيرت اله حفاضته أخذته ونزلت خليته بكاروكه وبقيت اشتغل على راحتي ركبت كملت كعد هوه رضعت أريده يسكت ماكو ادكدك على ضهره ماكو مخلصه بجي حتى حللته ونفس الشغله بقيت شايلته وافتر بي حتى يسكت بس وين بقه فرد بجيه اجه اسماعيل من الشغل شافني شايلته تقدم الي
اسراء : الله يساعدك
اسماعيل : ويساعد الله شبي يبجي
اسراء : والله ما اعرف صاله ساعه وهوه بس يبجي رضعته وغيرت اله حفاضته وهوه باقي يبجي
اسماعيل : خاف ممتون
اسراء : لا يمعود شيمتنه حتى البارحه بقه يبجي
اسماعيل : لعد سكتي
اسراء : اي اصعد اسبح حتى نتغده
صعد هوه بقيت افرك بضهره مرخت اله صدره كمطته ورضعته وبعده نام خليته بالكاروك ورحت حميت الاكل وصبيت نزل اسماعيل كعدنه ناكل خلصنه اكل شلت المواعين غسلتهن ورحت يمه كعدت
اسماعيل : شوكت كعدتي من النوم
اسراء : ب11 خلصت شغلي ركض بركض من وره ابنك
اسماعيل : وابني شعلي انتي كسوله
اسراء : هاي فوكاه ابنك اربعه وعشرين ساعه بس يبجي طلعت اني الكسوله بالاخير
اسماعيل : اي بس تورطت وحبيت كسوله مثلج
جرني وخلاني على صدره بقيت نايمه عليه وغمضت عيوني بقيت خمس دقايق وكعد أمير ردت اله شوي ابجي
اسماعيل : كومي شوفي
اسراء : والله تعبني شيله انته
اسماعيل : اخاف اشيل طفل صغير
اسراء : خلي بحضنك وبس
اسماعيل : اي اخلي شنطي انتي امه
كمت أخذته ونفس الحاله يبجي من دون سبب مليت ونطيته الاسماعيل بس خليته بحضنه سكت
اسماعيل : يريد حنان انتي ما عندج
اسراء : انهجب بيت الحنيه الي عنك
اسماعيل : اني مو حنين اخخ لو ما الولد بيدي اله اراويج الحنيه الي عندي
اسراء : ههه خليه الك اني اروح انام
اسماعيل : تعاي اخذي لا يوكع من حضني
اسراء : مايوكع شبيك خايف
اسماعيل : هوه صغير ما اسيطر عليه ما متعلم اشيل جهال
اسراء : ماشي راح أخذه
أخذته منه وصعدت للغرفه نومته بمكانه ورحت نمت بحضن اسماعيل كل شوي فازين على صوته يبجي والي يقهرك كلشي مابي للعصر راح اسماعيل للشغل اني بقيت ويه أمير اسكت بي حد ما سكت نمت شوي وبعده كمت جهزت العشه بعدني ما مكليه بقه يبجي رضعته ردت انومه ماكو بقه فد بجيه اجه اسماعيل واني ما مسويه العشه بعدني انطيته اله هم يبجي عنده مليت حللته بقيت افرك ضهره رجعت كمطته ونام خليته بكاروكه ونزلت لكيت اسماعيل بالمطبخ رحت يمه وبقيت اكلي
