السلام عليكم
قراءه ممتعه
صارت كل فتره تجيني مهئ بس ما افتح الباب اله اليوم سبت اسماعيل مودي سيارته بيت عمي بس هوه موجود كعدنه الصبحيه تريكنه اني صرت انضف وهوه كاعد يباوع علئ الفلم اندك الباب
اسراء ' اسماعيل الباب تندك
اسماعيل ' منو الي يجينه هسه
اسراء. ' خاف حمزه جاب سيارتك
اسماعيل ' لا اني كلتله اني اجي عليه
اسراء ' روح افتح الباب راح يتكسر
راح هوه واني بقيت اباوع من شباك المطبخ شوي ودخل صاحلي وطلعتله
اسماعيل ' بنيه تسال عليج بره شوفيه شتريد
اسراء ' اي انشالله
طب هوه واني رحت يم الباب باوعت هاي مهئ شافتني دخلت للبيت وسلمت عليه اكلتني اكل بالسلام
مهئ ' شنو هاي الغيبه بين يوم ويوم اني اجي هنا وانتي ماكو
اسراء ' اهاا مو اني اروح عند عيالي مرات الصبح
مهئ ' هذا زوجج الي فتحلي الباب
اسراء ' اي
مهئ ' اهاا بين عليه صغير
اسراء ' لا هوه اكبر مني
مهئ ' بين عمره عشرين سنه
اسراء ' لا اكبر هوه بهواي
مهئ ' لعد شلون وافقتي عليه
اسراء ' الحب ما يعرف الاعمار
مهئ ' ياا يعني تزوجتي علئ حب
اسراء ' اي
مهئ ' الله يديمه عليكم
اسراء ' تسلمين تفضلي دخلي للبيت
مهئ ' اي والله تكسرت من الوكفه
دخلته للاستقبال ورحت شافني اسماعيل وكال
اسماعيل ' الحب ما يعرف الاعمار مو
اسراء ' هههه لعد شتريد اكلله
اسماعيل ' ههه والله عليج سوالف ليش دخلتيه للبيت
اسراء ' لعد ابقيه بره خطيه تعبانه من الوكفه
اسماعيل ' ماشي لا تنطين ميانه زايده وياه بس حلوه هاي الحب ما يعرف الاعمار
اسراء ' هههه راح تخبصني بيه حجايه حجيناه بتلينه بيه
اسماعيل ' روح قدمي شي للبنيه لا تخليه كاعده بوحيده
اسراء ' اي ماشي
رحت طلعت الضيافه وقدمته اله هيه مثل العاده ما تجي واديه فارغه لا جايبه وياه حلويات بقت تسولف وياي وتضحك بس اكثر كلامه علئ اسماعيل تريد تاخذ معلومات عنه اني ما انطيه اي شي عنه قبل لاذان راحت
