السلام عليكم
قراءه ممتعه
من اشوفك ارتاح وعيوني تنام❤
احس حالي العراق بزمن صدام😍
☺️☺️
كعدت العصر ب5 ونص باوعت اسماعيل ما موجود بالغرفه كمت نزلت جوه هم ما موجود لكيت كاتبلي ورقه عرفت رايح الشغله طلعت الكبه من المجمده وخليته علئ السنك وبقيت اعزل بالبيت نضفت الاثاث كملت وكعدت اتراسل ويه البنات خلصته وياهن ضحك وسوالف حد ما صار الغروب بساع ودعتهن وبقيت اسوي بالعشه صارت ب8 واسماعيل ما راجع للبيت خابرت عليه انطاني رفض صعدت للغرفه جهزت اله ملابسه وخليتهن علئ الجربايه سمعت صوت سيارته ابتسمت وارتاحيت طلعت من الغرفه ونزلت من الدرج شفته واكف يم الدرج من شافني صعد و وصل يمي
اسراء ' الله يساعدك
اسماعيل ' ويساعدج الله شعجب فوك انتي
اسراء ' حضرت الك الملابس لان نسيت احضرهن الك من اكعد روح اسبح بين ما احضر العشه
اسماعيل ' صايره هاي الايام تنسين جنج ختيرتي
اسراء ' الي يكعد يمك اكيد يختير قبل وقته
اسماعيل " والله خوش بسمار
اسراء ' اممم يله اني راح انزل احضر العشه
صرت علئ الجه الثانيه ردت انزل خله ايده علئ بطني وخلاني علئ صدره همسني من اذني
اسماعيل ' مو تراضينه الضهر بس شكل الزعل مطول اليوم
اسراء ' تهيئ الك انو تراضينه وخر اريد انزل
اسماعيل ' ما اعوفج
اسراء ' اذا تذكر كلامك الي كلته الي انو ما مصدكني وتذكر شكلتلك لو لا انو ما راح اسامحك علئ كلامك الي
اسماعيل ' مو كلتلج ساعه عصبيه ليش طولين السالفه
اسراء ' ما مطولته اني مبقيته مثل ما هيه
اسماعيل ' لعد لا تبقيه انسياه اذا تبقين علئ كل مشكله الي تصير بيناتنه تبيتيه هواي هيج ما نكدر انكمل سويه اسراء اني حبيتج انتي صح حبيت رقيه بس انتي تختلفين عنه مو مثله
اسراء ' وشنو الاختلاف بالله
اسماعيل ' رقيه جانت هيه الي تركض براي حتئ من نزاعل هيه تتراسل وياي او تتخابر انتي لا خليتيني اركض براج حتئ لو اني الي زعلان منج اروح الج هذا الاختلاف بيناجن
سكتت ما عندي شي احجي او بالاحره اختفئ كل الكلام بقئ يتنفس شعري ويبوس بركبتي ذوبني بحركاته بس بساع دفعته ونزلت وصلت للبايه الاخيره وكلتله
اسراء ' لا طول راح اجهز العشه
هزلي براسه وراح راحت اني للمطبخ طلعت الاكل وجهزت السفره وهوه نزل كعدنه سويه ناكل بعده صبيتله جاي وكملت شغل المطبخ ورحت كعدت يمه بالصاله مطلع فلم باوعت وياه خلص الفلم كام هوه واني باقيه اباوع علئ الفلم الثاني
