السلام عليكم
قراءه ممتعه
ندك الباب مو من العاده شخص يجيني هيج وكت دخلت أمير جوه لفيت الشال وطلعت
إسراء : منو
صلاح : اني بنتي
رحت ركض فتحت الباب وطب عمو سلمت عليه وطببته جوه
صلاح : وين حفيدي
إسراء : اي هسه اجيبه
رحت طلعت أمير هوه شاف جده راح ركض لحضنه بقه عمو يلعبه ويشاقي
إسراء : عجب عمو اجيت
صلاح : شوي تعبت من البيت حبيت اتمشه ورجليه جابتني يمج
إسراء : اي كل الهلا بيك
صلاح : اسماعيل بشغله
إسراء : اي بالوحده ونص يجي
صلاح : لعد راح ابقه انتظره
إسراء : اذا تريد اخابر عليه حتى يجي
صلاح : لا الشغله مو مهمه هسه اريد اشبع من حفيدي وبعدين اسولف وياه واذا انتي عندج شغل روحي كملي لا تتعطلين من وراي
إسراء : اي عن اذنك
خليت وكمت بقيت اشتغل كملت شغلي وطبيت سبحت ورتبت نفسي صليت ونزلت شفت عمي يصلي وأمير يقلده ضحكت عليه رحت يمه وأخذته
إسراء : عوف جدو يصلي تعال وياي العب
كعدنه بالمطبخ وصرت العبه خلص صلاه عمو صاح الأمير وراحله يركض بقيت كاعده بالمطبخ اشتغل كملت صعدة فوك جهزت ملابس اسماعيل سمعت صوت سيارته نزلت اركض سمعت صوت باب المطبخ انفتح رحتله هوه شافني ابتسم
إسراء : الله يساعدك
اسماعيل : ويساعدج الله حبيبتي
إسراء : عمو عدنه
اسماعيل : بابا
إسراء : اي جوه يمه أمير
اسماعيل : ماشي هسه اروح يمه اني
رحت وياه سلم عليه وكعد يمه بقو يسولفون سوالف عاديه بعده اسماعيل ستأذن من عمي وكام صعد فوك سبح واني رحت صبيت الغده فرشت السفره أمير براي هم شغلته خليته ياخذ الخواشيك وراح قدمت الاكل نزل اسماعيل كعدنه ناكل خصنه اكل شلت السفره وقدمت الهم الجاي ورحت اشتغل كملت شغل وكعدت يمهم لكيتهم يسولفون على الأخبار شويه وراح عمي خذت أمير وصعدت للغرفه صعد برانه اسماعيل لكاني انومه
اسماعيل : اذا ما نعسان لا جبري
إسراء : اليوم ما نام واني نعسانه اذا نمت راح يبقه كاعد
اسماعيل : لعد نومي
تمدد على الجربايه بقيت انوم بأمير شوي ونام ذبيته بكاروكه ورحت يم اسماعيل خليت ايدي على صدره وباوعت عليه وكلتله
