السلام عليكم 🌹❤️
قراءه ممتعه🌹
اسراء ' شنو الي تقصده
اسماعيل ' شنو بينج وبين فادي
اسراء ' ماكو شي بيناتنه احنه ولد عم عادي وهوه هم ابن عمك اذكر هذا الشي
خليت وكمت ردت اطلع جرني من ايدي حيل
اسراء ' هدني اريد اروح
اسماعيل ' علاقتج ويه فادي والولد بطليه لا تنطين الميانه الزايده وياهم
اسراء ' انته مو ولي امري
اسماعيل ' تصرفاتج وياي بطليه فاهمه لا ابطله الج بطريقتي
اسراء ' اي انشالله عوفني اريد اروح
هدني وخليت نزلت ركض وطبيت للمطبخ طلعت كل الاكل وصعدت الغرفتي اكل من الضوجه كملت اكل ونزلت جوه رحت يم بيبي وكلتله
اسراء ' بيبي شوكت نرجع للبيت
الجده ' ليش مو انتي طلبتي تبقين هنا طول العطله
اسراء ' اي صحيح بس ضجت اريد ارجع للبيت
صلاح ' ضجتي من عمار لان اخذ مكانج
اسراء ' لا عمو ادري اني مكاني خاص عند بيبي واصلا ما اغار من عمار هوه صغير وسوالفه حلوه والكل يحبه عادي بس ضجت هنا
الجده ' بيبي فهميني شبيج
اسراء ' مابيه شي بس اريد ارجع للبيت
سعد ' تعاي وياي شويه نطلع اني وياج نغير جو ونرجع امشي اسراء
اسراء ' عمو فدوه ما اريد اطلع اريد اعرف شوكت نرجع للبيت
فادي ' شبيج قبل شويه جنتي تسولفين وضحكين شبساع انكلبتي
اسراء ' عاديه مابيه شي هسه بيبي شوكت نحضر غراضي حتئ نرجع
الجده ' اليوم شنو من الايام
اسراء ' ثنين
الجده ' السبت نرجع
اسراء ' هواي خليه الاربعاء
فاديه ' اسراء تره بعدنه ما رحنه شفنه الحيوانات
رولا ' ولا رحنه شفنه الزرع ونباتات حتئ الشجره الي زرعناه ماشفناه
حلا ' والعطله طويله اذا رجعنه هسه راح نبقئ بالبيت ونفس الروتين اليومي ينعاد علينه وننحبس بالبيت
اسراء ' ماشي بقو شكد ما تردون معلي بيكم اني
ردت اطلع صاحتلي بيبي
الجده ' اسراء تعاي
اسراء ' ها بيبي
الجده ' احجي شبيج
اسراء ' مابيه شي
الجده ' اكو شي مخبيته عليه كولي شبيج
اسراء ' ما مخبيه عليج بشي اني راح اطلع بره
