Ilang oras din ang biyahe bago sila nakarating sa mansion ni Leo. Sa ilang oras na iyon ay nagkwentuhan lamang sina Night at Luz habang ang mga anak naman nila ay natutulog sa likod ng kotse.
Nakasalubong din nila ang mga pamilyar na kotse nina Kaneki at ang kotse ng pamilya ni Grey habang nasa daan. Dumaan din kasi sila sa isang pribadong daan na pinapalibutan ng palayan na pagmamay-ari ni Leo.
Hindi basta basta ang pagpasok sa bahay ni Leo, iyon ang napatunayan ni Luz habang papunta. Noong nag-eensayo pa kasi siya ay sa kotse siya ni Leo nakasakay kaya tuloy tuloy lang ang biyahe ngunit nang sila na mismo ang papasok ay maraming dinaanan na security at checkpoint.
Doon din napatunayan ni Luz kung gaano kayaman ang pinsan. Ang pera nito ay galing sa sariling pagsisikap at pagtitiyaga.
Unang nakarating ang mag-anak sa bahay ni Leo. Bumungad sa kanila ang mala-palasyong bahay ni Leo na kung tawagin lamang nito ay 'Mansion'.
Pagkalabas naman nila ng sasakyan ay bumungad sa kanila ang nakahilerang mga kasambahay. Mula sa labas ay marami nang mga kasambahay na naghihintay sa kanilang pagdating.
Agad kinuha ng mga ito ang kanilang mga gamit. Tumulong naman si Night sa paglalabas ng gamit na dala nila sa sasakyan kaya naman naiwan siya sa labas ng bahay habang si Luz naman ay sinundan ang mga batang nagkukumahog na pumasok sa bahay.
Pagkapasok ay nakita agad nila ang kaibigan kasama ang anak nitong nakaupo sa sofa at nanonood ng T.V. Lumapit ang mga bata at nagmano sa kaibigan niya bago nilapitan ang anak nito.
Tumayo ang kaibigan niya at inalok siya na maupo sa sofa. Nakipagbeso beso si ang kaibigan ni Luz at si Luz bago nagpaalam ang kaibigan na kukuha ng maiinom nina Luz at ng mga bata.
Nag-alok si Luz na tumulong ngunit pinigilan ng kaibigan at natigil din dahil napatingin sila sa bumababang si Leo sa hagdan na may isang babae sa likod nito.
"Hi kuya! Pasensya na natagalan kami. Anyway, sino siya? Pakilala mo naman kuya!" sabi ni Luz sa kuya Leo niya at pilit sinisilip ang babaeng nasa likod ng pinsan niya.
"Luz..." sabi ng kuya niya at pinatigil siya sa pagsilip at kusang umalis sa harap ng babae upang makita ni Luz ito.
"Hi! Kumusta? Ikaw ba ang nag-aalaga sa kuya ko? Salamat, ah?" sabi agad ni Luz.
"H-hello..." mahina namang sabi na lamang ng babae dahil hindi siya nakahabol sa mga tanong ni Luz marahil na rin sa gulat.
"Luz... Calm down. She wouldn't leave." sabi naman ni Leo.
"Ay pasensya na. Anong pangalan mo?" tanong ni Luz.
Bago pa makasagot ang babae ay pumasok na si Night sa kabahayan at ang kaniyang kaibigan na kinuhaan sila ng maiinom. Kaya naman nabaling sa iba ang atensiyon ni Luz.
"Luz..." tawag ni Night sa kaniya.
Nginitian lamang siya ni Luz at linapitan ang kaibigan upang kunin dito ang tray na naglalaman ng maiinom nila. "Maraming salamat." sabi niya rito.
Ang mata ni Night ay nakasunod sa galaw ni Luz at natigil dahil nakakita siya ng pamilyar na mukha. "That's why." nasabi ki Night habang nakatingin sa babaeng pinagpasalamatan ni Luz.
"Yeah. That's why." sabi naman ni Leo na hindi naintindihan ni Luz ngunit hinayaan niya na lamang ang dalawang wirdo na mag-usap gamit ang mga mata nito.
"Kasama mo pala asawa mo." sabi ng kaibigan niya kay Luz.
"Oo. Hindi lang kami, may hinihintay pa. Kikilos na kasi sila Leo." sabi ni Luz na ikinatango nito. "Ayos lang ba sayo?" tanong ni Luz sa kaibigan.
BINABASA MO ANG
The Broken Wife (UNDER REVISION)
RomanceMahal ko siya. At tanggap ko na hindi niya ako mahal. Pero dahil sa mga magulang niya napilitan siyang magpakasal sa akin. Hindi ako mayaman. At isa lamang akong sekretarya ng ama niya. Kaya naman laking gulat ko ng sabihin nila iyon sakin. He's my...
