❤Unicode
ရှောင်းကျန့်ဆေးရုံထဲသို့ပြေးဝင်လာတော့ အခန်းအရှေ့မှာရပ်နေသော ဝမ်ကျိုးချန်အားတွေ့ရသည်..။ ရှောင်းကျန့်,ဝမ်ကျိုးချန်နားသို့ အပြေးသွားလိုက်သည်...။
"အစ်ကိုကျိုးချန်...ရိပေါ်..ရိပေါ်ဘယ်မှာလဲဟင်..သူဘာမှမဖြစ်ဘူးမလားဟင်..''
"ရှောင်းကျန့်..စိတ်အေားအေးထားနော်ညီလေး သူဘာမှမဖြစ်တော့ပါဘူး..အခုစိတ်ချရတဲ့အခြေအနေရောက်နေပါပြီ..''
"အခုသူဘယ်မှာလဲဟင်..''
"VIP အခန်းထဲမှာ ညီလေးသွားလိုက်လေ..အစ်ကိုဆရာဝန်နဲ့တွေ့ပြီးရင် လိုက်လာခဲ့မယ်..''
"ဟုတ် အစ်ကို ''
ရှောင်းကျန့်,ရိပေါ်ရှိရာအခန်းထဲသို့ ဝင်လာလိုက်သည်..။ ကုတင်ပေါ်တွင်ဆေးပိုက်များဖြင့်ဆက်သွယ်ထားရပြီး သတိမရသေးသောချစ်ရသူအားကြည့်ကာ ရှောင်းကျန့်ရင်တွေနာကျင်ရပါသည်..။ ရိပေါ်လက်ကလေးအားဖွဖွလေးကိုင်ကာ နဖူးပေါ်ကျနေသောဆံစလေးများကို သပ်တင်ပေးနေမိသည်..။
တဖြည်းဖြည်းနဲ့အတိုက်အခိုက်တွေက စီးပွားရေးကိုပင်ထိခိုက်တာမဟုတ်ဘဲ လူကိုပါထိခိုက်လာပြီ..။ ချစ်ရသူရဲ့ ဖြူဖျော့နေသည့်မျက်နှာလေးအားကြည့်ကာ ရှောင်းကျန့်မျက်ရည်ကျေနမိသည်..။ အတိုက်အခိုက်တွေကြားထဲမှာ သူ့ရဲ့လူသားလေး ဘယ်လောက်တောင်ပင်ပန်းနေလိုက်မလဲ..။
ခဏကြာတော့ ဝမ်ကျိုးချန်ရောက်လာသည်...။
"အစ်ကိုကျိုးချန် ဆရာဝန်ကဘာပြောလိုက်လဲဟင်..''
"အရှေ့ကလာတဲ့ကားကို အချိန်မှီရှောင်လိုက်နိုင်လို့ ကြီးကြီးမားမားထိခိုက်တာမျိုးတော့မရှိဘူး သစ်ပင်နဲ့ေစာင့်မိေတာ့ ခေါင်းနည်းနည်းထိသွားတယ်..ခြေချင်းဝတ်လည်းအဆစ်လွဲသွားတယ်..ဒီလောက်ပါပဲ...''
"တော်သေးတာပေါ့ အရမ်းကြီးမထိခိုက်သွားလို့..''
"အင်း...''
ရှောင်းကျန့်ဝမ်ကျိုးချန်နဲ့စကားပြောနေတုန်း ရိပေါ်သတိရလာသည်..။ မျက်လုံးဖွင့်ဖွင့်ခြင်းတွေ့လိုက်ရတဲ့မျက်နှာကြပ်ဖြူဖြူကြောင့် ဆေးရုံရောက်နေတယ်ဆိုတာသိလိုက်သည်..။ ဘေးကိုကြည့်လိုက်တော့ သူ့ကိုစိုးရိမ်တကြီးကြည့်နေကြတဲ့လူနှစ်ယောက်ကိုတွေ့လိုက်ရတာကြောင့် မျက်မှောင်ကြုံ့မိသွားသည်..။
BẠN ĐANG ĐỌC
🐰 🅛🅞🅥🅔 🅡🅔🅐🅒🅣🅘🅞🅝 🐷 (complete)
Fanfictionလူတစ်ယောက်ကိုကာကွယ်ပေးချင်တဲ့စိတ်က...ယုန်တစ်ပိုင်းဝက်တစ်ပိုင်းလိုလူလေးနဲ့စတင်တယ်... wang yibo ငါ့ရဲ့အပြုံးလေးတွေကိုမြတ်နိုးတယ်ဆိုတဲ့မင်းအတွက်...ငါအမြဲပြုံးထားတယ်... xiao zhan
