ဗီလိန်ချစ်သူ (completed) (Arc_8,10,15,Extra_1,2,4) (MM Translation)

Arc_ 10.3 _ Joshua

FOD_ Arc_ 10.3 _ Joshua

အလင်းနတ်ဘုရားအတွက် ပူဇော်တဲ့ အရာတွေက အကောင်းဆုံးဖြစ်နေဖို့လိုအပ်တယ်။

အလင်းဘုရားကျောင်းရဲ့အနောက်ဘက်မှာ ကြီးမားတဲ့ သစ်သီးဥယျာဉ်ကြီး ရှိပြီး ဒီ ကုန်းမြေမကြီးပေါ်မှာ ရှိတဲ့ အသီး၊အရွက် အကုန် စိုက်ပျိုးထားတယ်။ ကျွမ်းကျင်သန်စွမ်းတဲ့ ဥယျာဉ်မှုတွေက ဒီအပင်တွေကို အကောင်းဆုံး ဂရုတစိုက် စိုက်ပျိုးထားကြတယ်။ နှစ်ပတ်တစ်ကြီမ် အကောင်းဆုံးနှင့် အချိုဆုံးအသီးတွေကို ခူးယူပြီး ရေခဲပေါ်တင်ပေးထားကြတယ်။ အစေခံတွေက ဒီအသီးနှံတွေကို ယူပြီး အလင်းနတ်ဘုရားအတွက် ပူဇော်ဖို့ ပြင်ဆင်ပေးရတယ်။ ကျိုးယွင်ရှန့်က ခမည်းတော်အတွက် ကိုယ်တိုင်ပြင်ဆင်ပေးဖို့ အသီးနှံရွေးချယ်ဖို့ ဥယျာဉ်ထဲ ကိုယ်တို်င်ဆင်းလာခဲ့တယ်။
အလင်းဘုန်းကြီးလေးကိုယ်တိုင်ရောက်လာလို့ ဥယျာဉ်မှုးတွေက အံ့အားသင့်သွားကြတယ်။

" ငါ အလတ်ဆတ်ဆုံးအသီးတွေ လိုချင်တယ်။ ဖြစ်နိုင်ရင် ခုလေးတင် ခူးယူထားတဲ့အသီးတွေ လိုချင်တယ်။ "

ဒီလူငယ်လေးက မာနကြီးပြီး ခမည်းတော်ကလွဲရင် ဘယ်သူ့ကိုမှ အဖက်မလုပ်ပဲ တသီးတသန့်နေတတ်တယ်။ အလင်းဘုန်းကြီးတိုင်းက ဒီလိုပုံဖြစ်လို့ ဥယျာဉ်မှုးတွေက သံသယ မဝင်ကြပဲ အကောင်းဆုံး အသီးတွေကို ချက်ချင်းခူးပြီး ခြင်းတောင်းထဲထည့်လို့ အလင်းဘုန်းကြီးလေးရှေ့ကို ချပေးလိုက်ကြတယ်။

ကျိုးယွင်ရှန့်က သစ်သီးတွေကို မြည်းစမ်းကြည့်ပြီးမှ တကယ်ချိုတယ်ဆိုတော့မှ ခြင်းတောင်းကို ယူပြီး ဘုရားကျောင်းကို ပြန်လာခဲ့တယ်။ ပြီးတော့ မြင့်မြတ်တဲ့ရေစင်နဲ့ ဒီအသီးတွေကို ဆေးကြောပြီး မုန့်ဖုတ်ဖို့ ဂျုံမုန့်တွေကို ခွက်တစ်ခွက်ထဲ ထည့်ပြီး လိုက်တယ်။

" အရှင် ... ဂျုံမှုန့်နဲ့ ရေကို မြေခွက်ထဲ ထည့်ပြီး မုန့်ညက်ရအောင် နယ်လိုက်ပါ။  ပြီးတော့မှ အဖဲ့သေးသေးလေးတွေ ဖဲ့ပြီး ဝိုင်းဝိုင်းလေးဖြစ်အောင် ဖိပြားလိုက်ပါ။ "
အစေခံသည် သူ မလုပ်တတ်မှာ စိုးရိမ်လို့ မုန့်နှစ်တချို့ကို ရေနဲ့နယ်ပြပြီး လက်တွေ့လုပ်ပြလိုက်တယ်။ ကျိုးယွင်ရှန့်က မယုံကြည်နိုင်စွာ စိုက်ကြည့်လိုက်တယ်။ ခမည်းတော်ကို ပူဇော်ပြသတဲ့ အဆာသွပ်မုန့်ကို ဒီလိုရေနဲ့ပဲ နယ်ပြီး ဖုတ်လိုက်တယ်တဲ့လား။ အမွှေးကြိုင်မပါ၊ အရောင်ဆင်းဖြူဖတ်ဖြူရော်နဲ့ ဖုတ်ထားတဲ့မုန့်က အေးသွားရင် ကျောက်တုံးလို မာကျောသွားမာသေချာတယ်။ ဒီလို ညံ့ဖျင်းတဲ့အစားစာကို ဘယ်လိုစိတ်နဲ့များ ခမည်းတော်ကို ပသရဲကြတာလဲ။ ဘာကြောင့် ဒီလို မလေးမစား လုပ်နိုင်ရတာလဲ။

ခမည်းတော်အပေါ်ကို အရူးမူးချစ်မြတ်နိုးနေတဲ့ ကျိုးယွင်ရှန့်က ဒေါသပြင်းစွာထွက်ပြီး အစေခံကို တွန်းပစ်လိုက်ပြီး စိတ်ထဲကနေ ဟင်းချက်နည်းကို ပြန်စဉ်းစားလိုက်တယ်။ ပြီးတော့ မုန့်နှစ်နဲ့ ရေကို အချိုးစားအတိုင်း ထည့်လိုက်ပြီး လက်ဖဝါးထဲမှာ အလင်းစွမ်းအင်းကို ထုတ်လိုက်ပြီး နူးညံ့တဲ့ မုန့်ဒိုးသားရတဲ့အထိ နယ်လိုက်တယ်။ လက်ထဲက မုန့်နှစ်က နူးညံ့ပြီး လက်နဲ့ဆွဲစန့်လို့ရတဲ့အထိ အလင်းစွမ်းအင်နဲ့ နယ်နေလိုက်တယ်။

" အရှင် ... ဘာလို့ အရှင့်ရဲ့အလင်းစွမ်းအင်တွေကို ဖြုန်းတီးနေရတာလဲ "

အစေခံက အလင်းဘုန်းကြီးလေးရဲ့ လက်က ရွှေရောင်အလင်းကို တွေ့တော့ ထိတ်လန့်လွန်းလို့ ခေါင်းခဲသွားတော့တယ်။ အလင်းစွမ်းအင်က အရမ်းကို ရှားပါးလွန်းလို့ ဒီလိုအ လင်းစွမ်းအင်ရှိတဲ့ ဘုန်းကြီးတွေကို တိုင်းပြည်တပြည်လုံးက ရှိသမျှ ပုံအောပြီး ပျိုးထောင်ယူရတယ်။ အလင်းစွမ်းအင်က တခါသုံးလိုက်ပြီးရင် ကုန်ဆုံးသွားတတ်ပြီး တခါတလေ ဂါထာလေး တပုဒ်ရွတ်လိုက်ရုံနဲ့တင် ဆယ်နှစ်လောက် ဆုတောင်းလို့ရထားတဲ့ အလင်းစွမ်းအင်တွေ ကုန်ဆုံးသွားတတ်ကြတယ်။ ဒါကြောင့် သေရေးရှင်ရေးမဟုတ်ရင် ဒိလို အလင်းစွမ်းအားတွေကို ထုတ်မသုံးကြဘူး။
ဂျိုရှုဝါက မုန့်ညက်နယ်တဲ့နေရာ အလင်းစွမ်းအားကို သုံးတယ်ဆိုတော့ ခေါင်းကိုထိသွားလို့ စိတ်မမှန်လို့ပဲဖြစ်မယ်လို့ အစေခံက တွေးလိုက်မိတယ်။


ကျူးယွင်ရှန့်ရဲ့စိတ်က အမှန်တကယ်ကို ပုံမှန် မဟုတ်တော့ဘူး နေ့တိုင်း သူ့ကိုယ်ကိုယ် အိပ်မွေ့ချပြီး ခမည်းတော်ကို ချစ်မြတ်နိုးစွာ ဆုတောင်းနေလို့ ခမည်းတော်ကို အရူးမူးစွဲလန်းချစ်ခင်နေပြီး ခမည်းတော်နဲ့ပတ်သတ်လာရင် အကောင်းဆုံးပေးဖို့ကလွဲပြီး ဘာကိုမှ မတွေးနိုင်တော့ဘူး။
ခွေးကျွေးလို့ ဝက်တောင် မစားတဲ့ အစာကြမ်းကို သူတို့က မြင့်မြတ်တဲ့ ခမည်းတော်ကို ပူဇော်ဆပ်ကပ်တဲ့နေရာ သုံးနေတာကို မြင်ရတော့ ကျိုးူယွင်ရှန့်ရဲ့ ရင်ထဲက နေ ဘယ်လိုမှ သည်းမခံနိုင်တော့ဘူး။



ကမ္ဘာပေါ်မှာ အရသာအရှိဆုံး အကောင်းဆုံး မုန့် လုပ်ပြီး ခမည်းတော်ကို ပူဇော်ပသရမယ် ဟု သူ့စိတ်ထဲကနေ ဆုံးဖြတ်လိုက်ပြီး အစေခံကို အေးစက်စက် ပြန်ပြောလိုက်တယ်။

" အလင်းစွမ်းအင်ကို ဖြုန်းတီးနေတယ် ဟုတ်လား? ငါ့စွမ်းအင်အားလုံးက ခမည်းတော် ပေးထားတဲ့လက်ဆောင်တွေ မဟုတ်ဘူးလား။ အဲတော့  လှိုက်လှိုက်လှဲလှဲနဲ့  ခမည်းတေ်ာအတွက် ဒီလောက်တော့ ပြန်လုပ်ပေးသင့်တာပေါ့ ။ နောက်ပိုင်း ခမည်းတော်အတွက် ဆပ်ကပ်စရာ ပစ္စည်းတွေကို မင်း ပြင်ပေးစရာမလိုတော့ဘူး။ ဒါ တွေကို ငါကိုယ်တိုင်ပဲ လုပ်မယ် "

အစေခံက သူ့ရဲ့အေးစက်စက် အကြည့်ကို တွေ့တော့ သူ စိတ်ဆိုးသွားတာ သိပြီး ကြောက်လန့်ပြီး ဘေးကို ဆုတ်သွားောတာ့တယ်။

ကျူးယွင်ရှန့်က ဘဝပေါင်းများစွာ ကူးပြောင်းလာပြီး အတွေ့အကြုံများစွာရှိခဲ့တာကြောင့် ဒီလို ဟင်းချက်တာလောက်က စာမဖွဲ့လောက်ဘူး။ သူက အစားကောင်းကြိုက်တတ်ပြီး အင်မတန် ဂျီးများတတ်လို့ သူ့အချက်ပြုတ်စွမ်းရည်က တဖက်ကမ်းခတ် ပိုင်နိုင်တဲ့ အရာဖြစ်တယ်။

မုန့်နှစ်ကို နူးညံ့လာအောင် အလင်းစွမ်းအင်နဲ့အပူပေးနေတုန်း လက်တဖက်က အသီးတချို့ကိုယူပြီး ဆုံထဲထည့်လို့ တဒုံးဒုံးနဲ့ ထုထောင်းပြီးအရည်ရအောင်ယူလိုက်တယ်။ ဒီမုန့်နှစ်က အဖြူရောင်သီးသန့်ဖြစ်ပြီး ငြီးငွေ့စရာ ဖြူဖတ်ဖြူရော်ဖြစ်နေတယ်။ ဒါကြောင့် သစ်သီးရည်တချို့ကိုသုံးပြီး သဘာဝအရောင်တွေနဲ့ ရောင်စုံခြယ်သပြီး စားချင်စရာ မျက်စိပသာဒဖြစ်အောင် လုပ်ချင်တယ်။ ခမည်းတော်အတွက် အရသာရှိရုံမက အရောင်လည်းလှတဲ့ မုန့်တွေကို ဖုတ်ပေးချင်တယ်။

ဒါကြောင့် သစ်သီးအရည်တစ်ချို့ကို သုံးပြီး အဝါ၊ အနီ၊ ခရမ်းနုနှင့် တခြားအရောင်တွေရအောင် အရောင်ဆိုးလိုက်တယ်။ ဒီလိုအလုပ်တွေကို နှစ်ပေါင်းများစွာလုပ်လာသလို ကျွမ်းကျင်စွာ လုပ်နေလို့ အစေခံနှစ်ယောက်က မျက်လုံးပြူးသွားကြတယ်။

မုန့်ကိုအပူပေးပြီးတာနဲ့  အထဲမှာ အဆာသွပ်ပြီး ပန်းပွင့်ပုံ၊ ငှက်ပုံ၊ ငါးပုံ  ပုံစံအမျိုးမျိုး၊အကောင်ပုံစံအမျိုးမျိုးရအောင် ညှပ်ပြီးနောက် တစ်ခုချင်းစီကို သပ်သပ်ရပ်ရပ် လင်ဗန်းပေါ်တွင် ထပ်တင်ထားတာက မြင်တာနဲ့တင် ချစ်စရာပင်ကောင်းလှတယ်။

သူက မုန့်နှစ်ကို အဖြူရောင်အပိုင်းလေးတစ်ပိုင်းပဲ ကျန်တဲ့အထိ ညှပ်လိုက်တယ်။ ဂျိုရှုဝါက  မုန့်နှစ်ကို ခဏကြည့်ပြီး ရုတ်တရက် ခေါင်းထဲမှာ အတွေးတချို့ပေါ်လာပြီး ရှက်သွေးဖြာသွားတယ်။ ဂျိုရှုဝါက မုန်နှစ်လေးကို ဂရုတစိုက်ပုံဖော်ပြီးလက်ထဲ ဆုပ်ကိုင်လို့ ဒူးထောက်ဆုတောင်းပြီးမှ လင်ဗန်းထဲ ထည့်ထားလိုက်တယ်။

အစေခံနှစ်ဦးရဲ့ အမူအရာက အံ့သြ နေရာကနေ  လေးစားအားကျမှုအဖြစ် ပြောင်းလဲသွားပြီး စကားမပြောနိုင်အောင် ဆွံ့အသွားကြသည်။ ဘုန်းကြီးလေးရဲ့  ခမည်းတော်အပေါ်ထားရှိသည့် သံယောဇဉ်က ထင်ထားတာထက်ကျော်လွန်နေတာကို သူတို့တွေ့မြင်လိုက်ရတယ်။


နဝမမြောက် ကောင်းကင်ဘုံမှာ အလင်းနတ်ဘုရားက အလုပ်ရှုပ်နေတဲ့ ကောင်လေးကို စိုက်ကြည့်နေပြီး သူ့နှုတ်ခမ်းပါးထက်မှာ  သိမ်မွေ့နူးညံ့တဲ့ အပြုံးတပွင့် ဖြစ်ပေါ်နေသည်။ ကောင်လေး သူ့အတွက်လှူဖွယ်ပစ္စည်းများ ကိုယ်တိုင်ကိုယ်ကျပြင်ဆင်နေတာကို ကြည့်ရင်း အေးစက်နေသည့်သူ့နှလုံးသားက  နူးညံ့လာပြီး ချိုမြိန်ခြင်းတွေ တစ်စိမ့်စိမ့် ထွက်ပေါ်လာတော့တယ်။

ကျူးယွင်ရှန့်က လက်တွေကို ဆေးကြောပြီး လင်ဗန်းကို မုန့်ဖုတ်တဲ့ နေရာမှာသွားထားလိုက်သည်။ မုန့်ဖုတ်နေတုန်း ခမည်းတော်အတွက်  ပန်းခူးပေးဖို့ ဥယျာဉ်ထဲကို လာခဲ့တယ်။ အဖြူရောင်နှင်းဆီက ခမည်းတော်ရဲ့ အကြိုက်ဆုံးပန်းဖြစ်ပြီး လေးစားခြင်း၊မြင့်မြတ်ခြင်း၊ သန့်ရှင်းစင်ကြယ်ခြင်းဆိုတဲ့  အဓိပ္ပါယ် သက်ရောက်တာကြောင့် အမှန်တကယ့်ကို ခမည်းတော်နဲ့ လိုက်ဖက်လှတယ်။ ကျူးယွင်ရှန့် ပြုံးရယ်လိုက်ပြီးအလှဆံးုပန်းကို ခူးဖို့ပြင်လိုက်တယ်။

" အရှင်... နှင်းဆီတွေမှာ ဆူးတွေရှိတယ်။ ဒါကြောင့် ကတ်ကြေးကို သုံးပြီး ခူးသင့်ပါတယ်"

ကံဆိုးပြီး အစေခံသတိပေးတာ နောက်ကျသွားတယ်။ နှင်းဆီဆူးက ကျိုးယွက်ရှန့်ရဲ့လက်ကို စူးသွားပြီး ချက်ချင်း သွေးစို့ထွက်လာတယ်။ ဖြူဖွေးနဲ့ လက်ချောင်းလေးမှာ နီရဲတဲ့သွေးစက်ထွက်လာပုံက အင်မတန်ကို လှပလွန်းလှတယ်။ အစေခံနှစ်ယောက်က ဆေးထည့်ပေးဖို့ အနားကို လာခဲ့ပေမယ့် ကျိုးယွင်ရှန့်က ငြင်းလိုက်တယ်။


" ဒါ ဒဏ်ရာသေးသေးလေးပါ... ဘာမှမဖြစ်ပါဘူး။ "

ကျိုးယွင်ရှန့်က ခေါင်းခါလိုက်ပြီး သွေးစို့သွားတဲ့ လက်ချောင်းထိပ်ကို ပါးစပ်ထဲ ထည့်ပြီး စုပ်လိုက်တော့ သွေးစက်ပျောက်သွားတယ်။ အစေခံတွေက ကြောက်လန့်တကြားနဲ့ကက်ကြေးယူပြီး အလင်းဘုူန်းကြီးလေး လိုချင်တဲ့ပန်းကို ညှပ်ပေးလိုက်ကြတယ်။ အလင်းဘုန်းကြီးက တိုင်းပြည်အတွက် အဖိုးမဖြတ်နိုင်တဲ့ရတနာဖြစ်လို့ ဒဏ်ရာသေးသေးလေး ရတာ ပုပ်ရဟန်းမင်းကြီးသိသွားမှာကို ကြောက်နေကြတယ်။

နဝမမြောက်ကောင်းကင်ဘုံမှာရှိနေတဲ့ အလင်းနတ်ဘုရားရဲ့ အပြုံးက ချက်ချင်းတင်းမာသွားပြီး လူငယ်လေးက ပန်းပွင့်ယူပြီး ပန်းခြံက ထွက်သွားတာနဲ့ ချက်ချင်းပဲ လက်ချောင်းကို မြှောက်လိုက်ပြီး အနက်ရောင်အလင်းတန်းကို မှော်ကြေးမုံထဲ ဖြတ်သန်းဝင်ရောက်သွားစေပြီး လှပတဲ့ပန်းဥယျာဉ်ထဲက ဖြူနီဝါနှင်းဆီပန်းတွေပေါ်ကို ကျဆင်းစေတယ်။

မျက်စိတမှိတ်အတွင်း အရောင်သွေးစုံလင်လှပမွှေးပျံ့တဲ့ နှင်းဆီဥယျာဉ်ကြီးက ချက်ချင်းပြာကျသွားတော့တယ်။ အခြွေရံကတွေက ဒီသတင်းကိုကြားတော့ ချက်ချင်း ပုပ်ရဟန်းမင်းဆီကို ပြေးပြီး သတင်းပို့ကြတယ်။

ဒီအနားကနေ ဖြတ်သွားတဲ့ အစေခံတွေက နှင်းဆီခင်း ပြာကျသွားတာကို မြင်လိုက်တာနဲ့ ကြောက်လန့်သွားကြပြီး ချက်ချင်း ဂိုဏ်းချုပ်ဆီပြေးပြီး သတင်းပို့ကြတယ်။
အဲ့ဒီအချိန်မှာ ကျိုးယွင်ရှန့်က သေချာပြင်ထားတဲ့ မုန့်နဲ့အသီးနှံတွေကို တခုချင်း စားပွဲပေါ် တန်းစီချလိုက်ပြီး လူပုံစံဖုတ်ထားတဲ့ မုန်းလေးကို ကိုင်ရင်း မျက်နှာနီရဲသွားပြန်တယ်။ ပြီးတော့ လူရုပ်ပုံလေးကို မုန့်တွေရဲ့အရှေ့ဆုံးမှာ ချလိုက်တယ်။

" ခမည်းတော်... ကျေးဇူးပြုပြီး ဒီအစားစာနဲ့မုန့်တွေကို အထင်မသေးလိုက်ပါနဲ့။ သားတော်မှာရှိသမျှအားလုံး ခမည်းတော်ဆီကို ပေးအပ်ချင်ပေမယ့် သားတော်ရဲ့ခန္ဓာကိုယ်က ခွန်အားနည်းလွန်းပြီး ခမည်းတော်အတွက် နိမ့်ကျလွန်းပါတယ်။ ခမည်းတော်ရဲ့ မျက်နှာသာပေးမှုကို သားတော် ရအောင် ဘယ်လိုလုပ်ရပါ့မလဲ။ ခမည်းတော်ရဲ့ မျက်နှာကို ဖျတ်ခနဲမြင်လိုက်ရရုံနဲ့တင် သားတော် ကျေနပ်ပါပြီ... "

ကျိုးယွင်ရှန့်က ရုပ်ထုရှေ့မှာ ဒူးထောက်လိုက်ပြီး ဒီစကားကို ရေရွတ်လိုက်တယ်။ ရင်ထဲမှာ ရှက်ရွံ့မှုအပြင် ခါးသီးမှုကိုပါ ခံစားလိုက်ရတယ်။ သူ့လို သေမျိုး နိမ့်ကျတဲ့ လူသားတစ်ယောက်ရဲ့ ချစ်ခြင်းနဲ့ပသမှုက ခမည်းတော်အတွက် သဲမှုန်လေးသာသာလောက်ပဲဖြစ်လိမ့်မယ်။
ကမ္ဘာပေါ်က ဘေးအန္တရာယ် ကို ကယ်တင်ဖို့လိုအပ်နေတဲ့ သက်ရှိသတ္တဝါ အများကြီးထဲက ခမည်းတော်က သူ့ကို ဘယ်လိုလုပ်သတိပြုမိမှာလဲ။ သူ့ချစ်ခြင်းတရားကို ဖခင် ပြန်တုန့်ပြန့်ဖို့ဆိုတာ မဖြစ်နိုင်တဲ့ ဆန္ဒပဲ။

ဒီအကြောင်းကို တွေးမိလိုက်တာနဲ့ ကျိုးယွင်ရှန့်ငိုချင်လာပြီး ခမည်းတော်ရဲ့ ရုပ်ထုခြေတော်ရင်းမှာ ဝပ်တွားလို့ ခြေအစံကို ဖက်တွယ်ထားလိုက်တယ်။ ဒီပုံစံလေးက သူ ဘယ်လောက် စိတ်ပျက်လက်ပျက်ဖြစ်နေတယ်ဆိုတာ မြင်ရုံနဲ့သိသာနိုင်တယ်။
အလင်းနတ်ဘုရားက မျက်ခုံးကိုပွတ်သပ်လိုက်ပြီး ဒီကောင်လေးရဲ့ ဆုတောင်းစကားကို သူယုံကြည်ပါတယ်ဆိုတာ ဘယ်လို သက်သေပြရမှန်းမသိဖြစ်နေတယ်။ ဒီလူငယ်လေးက ဆွဲဆောင်မှုရှိပြီး သဘေ ာကျစရာကောင်းသလို ခံစားလွယ်ပြီးနူးညံ့သိမ်မွေ့လွန်းတယ်။ သူ့ကိုယ်သူ နိမ့်ကျတယ်ထင်ပြီး ဝမ်းနည်းနေပုံလေးက ပြုံးချင်စရာဖြစ်သလို တဖက်ကလည်း ဒီကောင်လေးနာကျင်ခံစားနေရတာ တွေ့ပြီး ဒေါသထွက်လာတယ်။ သူ့ကိုကိုးကွယ်ဆည်းကပ်ပြီး ဆုတောင်းတဲ့ အလင်းဘုန်းကြီးတိုင်း ဒီကလေးလေးလိုများ သူ့ဆီက အလင်းစွမ်းအင် စွန့်ကျဲပေးသနားတာများ ဘယ်သူကြုံဖူးလို့လဲ။ ဒီကလေးလေးကသာ ခြွင်းချက်ဖြစ်တယ်ဆိုတာ သူလေး မသိလေရော့သလား။

အလင်းဘုန်းကြီးပေါင်းများစွာနဲ့ ဘုရားကျောင်းများစွာကို အုပ်ချုပ်ရတဲ့ ပုပ်ရဟန်းမင်းကြီးတော်င နှစ်ပေါင်းသုံးဆယ်တိတိ ဆုတောင်းမှ သူ့ဆီက မှုန်ဝါးဝါးအလင်းစွမ်းအင် ပေးသနားခြင်းခံရတယ်။ ဒီ ကလေးလေးရဲ့ ကိုယ်က သူပေးတဲ့ အင်အားပြင်းထန်လွန်းတဲ့ အလင်းစွမ်းအင်ကို သာ ဘာမှ မဖြစ်ပဲ လက်ခံနိုင်မယ်ဆိုရင် အလင်းနတ်ဘုရားတစ်ပါးဖြစ်တဲ့ သူရဲ့ အချစ်နဲ့စွမ်းအားအကုန်ကို အားသွန်ခွန်စိုက်နဲ့ တရစပ် ပေးလိုက်မှာသေချာတယ်။ ဒါတောင် သူ့ရဲ့ချစ်ခြင်းကို မရရှိပါဘူးရယ်လို့ ဒီကလေးလေးက ဝမ်းနည်းပမ်းနည်းဖြစ်နေရတယ်လို့...။ ခမည်းတော်က သူ့ကို မချစ်ဘူးရယ်လို့ ဘာကြောင့် ထင်နိုင်ရတာလဲကွာ။

အလင်းနတ်ဘုရားက ဝမ်းနည်းစိတ်မကောင်းဖြစ်သွားပြီး သူ့လက်ချောင်းကို ဒီကောင်လေးရဲ့ မျက်ခုံးကြားနေရာဆီ  ညွှန်လိုက်ပြီး ရွှေရောင်အလင်းတန်းကို မှော်ကြေးမုံကတဆင့် ပေးပို့လိုက်တယ်။ ကျိုးယွင်ရှန့်သည် ရုတ်တရက် သူ့ကိုယ်ထဲ စီဝင်လာတဲ့ အလင်းစွမ်းအင်ကြောင့် နူတ်ဖျားကနေ ငြင်သာစွာ ညည်းတွားလိုက်ပြီး ဝမ်းနည်းမှုကြောင့် ညိုှုးငယ်နေတဲ့ မျက်နှာလေး ပြေလျော့သွားတော့တယ်။
ဖျော့တော့နေတဲ့ ပါးလေးနှစ်ဘက်ကပန်းရောင် သန်းလာလာပြီး ပျော်ရွှင် အေးချမ်းသည့်အပြုံးလေးဖြင့် ခခည်းတော်ရဲ့ခြေဖမိုးကို နမ်းရှိုက်လိုက်သည်။ ရင်းထဲက လှိုက်လှဲတဲ့ ချစ်ခြင်းတရားတွေနဲ့ ယုံကြည်မှုရှိစွာနဲ့ မတ်တပ်ထလာတဲ့အချိန် စားပွဲပေါ်တင်ထားတဲ့ စားစရာတွေအကုန်ပျောက်ဆုံးကုန်တာကို တွေ့လိုက်ရတယ်။

သူ အရမ်းတုန်လှုပ်သွားပြီး ချက်ချင်း အပြင်ပြေးထွက်သွားလို့ စားပွဲပေါ်ကပစ္စည်းတွေ ဘယ်ရောက်သွားလဲဆိုတာ အစေခံနှစ်ဦးကို မေးမြန်းလိုက်တယ်။ နဝမမြောက် ကောင်းကင်ဘုံမှာ အလင်းနတ်ဘုရားက
ဟိုပြေးဒီပြေးနဲ့ စားစရာပျောက်လို့ ရှာနေတဲ့ လူသားလေးကို ချစ်ခင်မြတ်နိုးတဲ့ အပြုံးနဲ့စောင့်ကြည့်ပြီး လူပုံစံ မုန့်လေးကို ကိုင်ပြီး စေ့စေ့စပ်စပ်လေ့လာလိုက်တယ်။ မုန့်လေးက ပူပူနွေးနွေးနဲ့ လေထဲမှာ အငွေ့ဖြူဖြူလေး ဝေ့ဝဲနေပြီး သင်းပျံ့တဲ့ ဂျုံနံ့လေးက ဖုတ်ပြီကာစ စားချင်စရာ မွှေးပျံ့လို့နေတယ်။ အရသာမမြည်းစမ်းကြည့်ရင်တောင်မှ ဒီမုန့် ဘယ်လောက်တောင် ချိုမြိန်လိုက်မလဲဆိုတာ အလင်းနတ်ဘုရား ခန့်မှန်းမိနိုင်တယ်

လူပုံစံမုန့်လေးက သိသာထင်ရှားစွာ ကြွကြွရွရွဖြစ်နေပြီး အပူကြောင့် အနည်းငယ်ပြန့်ကားနေပေမယ့် ကောင်လေးရဲ့ပုံစံအတိုင်း လုံးလုံးဝိုင်းဝိုင်းနှင့် ချစ်စရာကာင်းနေသေးတယ်။ အလင်းနတ်ဘုရားသည် အရုပ်လေးကို အချိန်အတန်ကြာ စိုက်ငေးကြည့်ပြီး ညင်သာစွာ လှည့်လိုက်ချိန် လျှစ်စီးကြောင်းတစ်ခု သူ့နှလုံးသားထဲ ဖြတ်သန်းသွားသလို နူးညံ့ပြီး မရိုးမရွခံစားချက်ကို ခံစားလိုက်ရတယ်။

ဆယ်မိနစ်ကျော်အောင် ဂရုတစိုက်ကြည့်ပြီးနောက် သေးငယ်သည့်မျက်နှာလေးကို သူ့နှုတ်ခမ်းနားကပ်လို့ ဂရုတစိုက်နဲ့ညင်ညင်သာသာ နမ်းရှိုက်လိုက်ပြီး အနားမှာရပ်နေတဲ့ နတ်ဘုရားကို ကြည့်ပြီး မေးလိုက်တယ်။

" သူက ချစ်စရာမကောင်းဘူးလား "

" အဲ့ဒါ " အစား " သူ " လို့ သုံးလိုက်တာကြောင့် လူပုံစံ မုန့်လေးက ဖခင် ခဏခဏ ချောင်းကြည့်နေ တဲ့ သေမျိုးကောင်းလေးရဲ့ပုံရိပ်ဆိုတာ နတ်ဘုရား ချက်ချင်း သဘောပေါက်လိုက်တယ်။ ပြီးတော့ အလင်းနတ်ဘုရားသုံးနှုန်းလိုက်တဲ့ လေသံက နိမ့်ကျတဲ့လူသားတွေ သူတို့ပိုင်ဆိုင်တဲ့ရတနာအတွက် အချင်းချင်းကြွားဝါတဲ့လေသံထွက်နေတာကို အံ့အားသင့်ဖွယ်သိလိုက်ရတယ်။ ဒါက သာမန်စိတ်ဝင်စားမှုမဟုတ်ပဲ သံယောဇဉ်နှောင်ဖွဲ့မှုပဲဆိုတာ သိလိုက်ရတော့ လက်အောက်ခံ နတ်ဘုရားက ချက်ချင်းပြုံးလိုက်ပြီး ပြောလိုက်တယ်။

" အရမ်းချစ်စရာကောင်းတယ်။ ဒီလောက်ချစ်စရာကောင်းတဲ့ ကောင်လေးကို ကျွန်တော်မျိုး တစ်ခါမှမမြင်ဖူးသေးဘူး။ ဘုရားကျောင်းထဲရှိတဲ့ ဘယ်အစေခံမှ သူနဲ့နှိုင်းယှဉ်လို့မရနိုင်ပါဘူး။ "

အလင်းနတ်ဘုရားရဲ့ပြုံးနေတဲ့ နူတ်ခမ်းတွေက ကြောက်စရာကောင်းလောက်အောင် တဖြောင့်တည်းဖြစ်သွားပြီး မျက်လုံးထဲတွင် အမှောင်ရိပ်တွေ ပြည့်နှက်လာတယ်။ နတ်ဘုရားက ချက်ချင်းဒူးထောက်တောင်းပန်လိုက်ပြီး သူပြောလိုက်တဲ့စကားထဲ ဘာအမှားပါသွားသလဲဆိုတာ ပြန်စဉ်းစားနေမိတယ်။


" အဲ့ဒီ ဘာမဟုတ်တဲ့ အစေခံတွေက ငါ ချစ်မြတ်နိုးရတဲ့ကလေးနဲ့ ဘယ်လိုနှိုင်းယှဉ်လို့ရမလဲ... "
သူသည် လူပုံ အဆာသွတ်မုန့်ကို   ယူပြီးထွက်သွားရင်း အင်္ကျ ီလက်ကို ဝေ့ယမ်းလို့ နတ်ဘုရား ကို စကားပြောလို့မရအောင် တန်ခိုးနဲ့တားမြစ်ပြီး အပြစ်ပေးလိုက်တယ်။  အပြစ်ပေးခံရတဲ့ နတ်ဘုရားက ခါးသီးမှုအစား စိတ်သက်သာရာ ရလိုက်တယ်။ အရင်တုန်းက အခြား လက်အောက်ခံနတ်ဘုရားတွေဆိုရင် အလင်းနတ်ဘုရားကို စိတ်အနှောက်ယှက်ဖြစ်အောင် လုပ်မိလိုက်တာနဲ့ ချက်ချင်း မီးလောင်ပြာကျသွားတာမျိုးကို ကြုံရတတ်တယ်။ အခုတော့ သူက ဒီလောက် နူတ်ပိတ်ထားခံရရုံလေးဆိုတော့ လူသားကောင်လေးပေါ်ကို ခမည်းတော် အလင်းနတ်ဘုရားရဲ့ ချစ်ခြင်းက ထင်ထားတာထက် လေးနက်ပုံရတယ်။ ခမည်းတော်ရဲ့စိတ်က အချစ်ကြောင့် နူးညံ့နေလို့သာ သူ့အသက်လေး ဆက်လက်တည်မြဲနေတာဖြစ်တယ်။

ဒီလူသားလေးက ဘယ်လောက်တောင် ချောမောလှပသလဲဆိုတာ အပြစ်ပေးခံရတဲ့ နတ်ဘုရားက သိချင်လာတယ်။ တကယ်လို့ ဒီချစ်ခြင်းက ဆက်တိုးလာမယ်ဆိုရင် အခြားနတ်ဘုရားတွေဆီက အလင်းနတ်ဘုရား သိမ်းယူထားတဲ့ နတ်ကျက်သရေကို ဒီလူသားကောင်လေးဆီ လွှဲပေးလိုက်မှာကို စိုးရိမ်လာမိတယ်။ ဒီနတ်ကျက်သရေက နတ်ဘုရားတိုင်းအတွက် အဖိုးမဖြတ်နိုင်တဲ့ ရတနာဖြစ်ပြီး အလင်းနတ်ဘုရားရဲ့ လက်အောက်ခံ နတ်ဘုရားတွေတောင် ရဖို့ စိတ်ကူးယဉ်လို့ မရနိုင်တဲ့အရာဖြစ်တယ်။
============

ကျူးယွင်ရှန့်က အချိန်ကြာအောင် ရှာဖွေပေမယ့် လှူဖွယ်ပစ္စည်းများကို မတွေ့တာကြောင့် ဒေါသထွက်နေတဲ့အချိန် စစ်သည်အတွေခြံရံပြီး ဆုတောင်းခန်းမဆီ အပြေးအလွှားလာနေတဲ့  ဂိုဏ်းချုပ်နှင့် လက်ထောင်ဂိုဏ်းချုပ်ကို မြင်လိုက်ရတယ်။

အကြီးအကဲနှစ်ဦးကို သူ ချက်ချင်း အရိုအသေပေးလိုက်တယ်။ ဂိုဏ်းချုပ် က သူ့ကို ထရပ်ဖို့ မပြောပဲ သတိထားတဲ့ မျက်လုံးနဲ့စိုက်ကြည့်နေတယ်။ လက်ထောက်ဂိုဏ်းချုပ်က စိတ်မထိန်းနိုင်တော့ပဲ မျက်နှာကို မော်ချီနေပြီး မောက်မာသည့်အကြည့် နဲ့ ခက်ထန်စွာပြောလိုက်တယ်။

" မင်း နှင်းဆီပန်းခူးယူပြီးနောက် မကောင်းဆိုးမြူပေါ်လာပြီး အပင်တွေကို ပျက်စီးသွားစေတယ်လို့ အစေခံတစ်ယောက် သတင်းပို့လာတယ်။  မကောင်းဆိုးဝါးမြူ ရှိတဲ့နေရာမှာ မကောင်းဆိုးဝါး ရှိရမယ်။ အလင်းဘုန်းကြီးအပါအဝင် လူတိုင်းရဲ့ခန္ဓာကိုယ်မှာ ခိုဝင်ပြီး သူတို့က အသက်ရှင်နိုင်တယ်။ မင်းရဲ့အပြစ်ကင်းစင်မှု မင်းမှာ မကောင်းဆိုးဝါးပူးကပ်ထားခြင်း မရှိပါဘူးဆိုတာကို သက်သေပြဖို့ ငါတို့ ဒီကို လာခဲ့တာပဲ "

သူက ဒုတိယမင်းသားနဲ့အတူ ခရီးအတူတူထွက်ရမှာဖြစ်လို့ အခုချိန်မှာ ဂျိုရှုဝါကို ပထုတ်ရမယ်။ မဟုတ်ရင် နောက်နှစ်နှစ်ကြာရင် ဂျိုရှုဝါက အရွယ်ရောက်လာပြီး ဂိုဏ်းချုပ်ရဲ့ရာထူးကို ဆက်ခံရရှိသွားလိမ့်မယ်။ ဒီအချက်ကြောင့် လက်ထောက်ဂိုဏ်းချုပ် အရမ်းကို စိတ်ညစ်နေတုန်း ဒီနှင်းဆီခင်းပြာကျသွားတဲ့အကြောင်း အစေခံလာပြောတော့ ရက်စက်တဲ့ အကြံကို ချက်ချင်း ကြံစညလိုက်ရတာပဲဖြစ်တယ်။ တချက်ခုတ် နှစ်ချက်ပြတ် သူ့နေရာကို ခြိမ်းခြောက်နေတဲ့ ကောင်လေးကို ဖယ်ရှားပစ်ရမယ်။
 

ကျူးယွင်ရှန့်ရဲ့ ဦးနှောက်က ခမည်းတော်နဲ့ပတ်သက်တဲ့ ကိစ္စများတွင်သာ စဉ်းစားဆင်ခြင်နိုင်စွမ်း အားနည်းပေမယ့် တစ်ခြားကိစ္စများကိုတော့ အလွယ်တကူ ကိုင်တွယ်ဖြေရှင်းနိုင်တာကြောင့် အေးဆေးတည်ငြိမ်စွာ ပြန်ပြောလိုက်တယ်။

" ဒါဆို ကျွန်တော်ရဲ့အပြစ်ကင်းစင်မှုကို သက်သေမပြခင် ဂိုဏ်းချုပ်နဲ့လက်ထောက်ဂိုဏ်းချုပ်ကော ကိုယ့်ကိုယ်ကို အပြစ်ကင်းစင်ကြောင်း သက်သေပြရဲလား။ မကောင်းဆိုးဝါးတွေက အင်မတန် ဉာဏ်နီဉာဏ်နက်များတယ်။ လူမျိုးစုဝင် အချင်းချင်းကို သွေးကွဲအောင်လုပ်ပြီး့အချင်းချင်းပြန်လည်တိုက်ခိုက်စေတာ သူတို့အကြိုက်ဆုံးအလုပ်ပဲ။ "

" ငါတို့နှစ်ယောက်လုံး ရေစင် သောက်ထားပြီးပြီ "

ဂိုဏ်းချုပ်က သန့်ရှင်းဖြူစင်သည့်ကြွေပုလင်းကို လှမ်းပေးပြီး သိမ်မွေ့နူးညံ့စွာ ပြောလိုက်တယ်
" ငါသား... ဒါကို သောက်လိုက်ပါ "

တကယ်လို့ လူတစ်ယောက်က မကောင်းဆိုးဝါးပူးကပ်ခံထားရတယ်ဆိုရင် ရေစင်သောက်ပြီးတာနဲ့ နာကျင်စွာခံစားလိုက်ရပြီး မကောင်းဆိုးဝါးကလည်း ကိုယ်ထဲကနေ တခါတည်း ထွက်သွားတယ်။ ဒါပေမယ့် ဒီလိုရေစင်ကိုရဖို့ အလင်းစွမ်းအင်နဲ့ ဆယ်စုနှစ်တစ်နှစ်လောက် ထားရှိမှ ရွှေရောင်အလင်းသဲ့သဲ့ထွက်တဲ့ ရေစင်ကို ရလာမှာဖြစ်တယ်။ အခုချိန်မှာ ဒီတိုက်မကြီးက အလင်းဘုန်းကြီးရှားပါးလာလို့ ရေစင်ကို ဖန်တီးရတာလည်း ခက်ခဲလာတယ်။ ဒါကြောင့် အလင်းဘုရားကျောင်းတွေမှာ သေရေးရှင်ရေးမဟုတ်ရင် ရေစင်ကို ထုတ်မသုံးပဲ ရတနာလိုပဲ သေချာသိမ်းဆည်းထားကြတယ်။ အခုချိန်က ပုပ်ရဟန်းမင်းကို ဆက်ခံရမယ့် အလင်းဘုန်းကြီးမှာ မကောင်းဆိုးဝါးပူးကပ်ခြင်းရှိမရှိ စစ်ဆေးရမယ့် အချက်ဖြစ်လို့ ရေစင်ကို ထုတ်သုံးရတာပဲဖြစ်တယ်။



ဂိုဏ်းချုပ်က သူ့သက်တမ်းတစ်လျှောက်လုံး ရေစင် သုံးပုလင်းသာ ဖန်တီးနိုင်ခဲ့တယ်။ အစက တော်ဝင်မိသားစုဆီကို ပေးရန်ရည်ရွယ်ထားပေမယ့် အခုတော့ ဒါတွေကို သူ အသုံးပြုရတော့မယ်။ အလင်းဘုန်းကြီးတွေက ကုန်းမြေကို အမှောင်စစ်ပွဲအောက် မကျရောက်စေရန် သေချာပေါက် ပြုလုပ်ပေးနိုင်သည့် အရေးအကြီးဆုံးအရာဖြစ်လို့ တစ်ယောက်လေးတောင် သူတို့ အဆုံးရှုံးမခံနိုင်ဘူး။ အထူးသဖြင့် အလင်းဘုန်းကြီးသုံးဦးသာ ရှိတဲ့ ဆာရာနိုင်ငံလိုမျိုး တန်ဖိုးရှိတဲ့ အလင်းဘုန်းကြီးကို အဆုံးရှုံးမခံနိုင်ဘူး။

ကျူးယွင်ရှန့်က နှုတ်ခမ်းကိုက်လိုက်ပြီး ကြွေပုလင်းကို ယူဖို့ လက်လှမ်းလိုက်စဉ် ဂိုဏ်းချုပ်ရဲ့အခြွေအရံက ရုတ်တရတ် လဲကျလာပြီး သူ့လက်မောင်းက  လှုပ်ယမ်းသွားတာကြောင့် ကြွေပုလင်းကက ေကျောက်သားကြမ်းပြင်ပေါ် ပြုတ်ကျပြီးကွဲသွားတယ်။ ရွှေရောင်အလင်းတွေက ကျောက်ပြားကြား စိမ့်ဝင်ပျောက်ကွယ်သွားတော့တယ်။ အစေခံက ချက်ချင်း ဒူးထောက်ပြီးတောင်းပန်ပေမယ့် ဘယ်သူမှ စကားတခွန်းတောင် ပြန်မဖြေနိုင်တော့ဘူး။

ဒါက လက်ထောက်ဂိုဏ်းချုပ်ကြိုတင်ကြံစည်ထားတယ်ဆိုတာ တွေးမိလို့ ကျိုးယွင်ရှန့်က အဲ့လူကို စူးစိုက်ကြည့်လိုက်တယ်။ ဂိုဏ်းချုပ်ကြီးလည်း ချက်ချင်း သဘောပေါက်လိုက်ပေမယ့် ဒီရေစင်က နောက်ဆုံးကျန်တဲ့ရေစင်ဖြစ်တယ်ဆိုတာ သတိရလိုက်ပြီး မျက်နှာဖြူဖျော့သွားတော့တယ်။

" ဒါက နောက်ဆုံးကျန်တဲ့ ရေစင်ပုလင်းပဲ။ တွယ်ကပ်နေတဲ့မကောင်းဆိုးဝါးက အလင်းအစွမ်းကို ခံနိုင်ရည်ရှိပြီး အလင်းဘုန်းကြီးရဲ့ခန္ဓာကိုယ်ထဲ ကျူးကျော်ဝင်ရောက်လာတာ ဆိုတော့ သူ့အဆင့်က တော်တော်မြင့်လောက်တယ်။ ငါနဲ့ ဂိုဏ်းချုပ် နှစ်ဦးလုံးရဲ့အလင်းအစွမ်းကို ပေါင်းလိုက်ရင်တောင် မြင်သာအောင်မပြနိုင်လောက်ဘူး။ မင်းရဲ့အပြစ်ကင်းမှုကို သက်သေပြဖို့ အဓိကခန်းမထဲက စမ်းသပ်ကန်ကို အသုံးပြုပေးပါ "

လက်ထောက်ဂိုဏ်းချုပ်သည် လိမ္မာပါးနပ်စွာ ပြောလိုက်တယ်။

" မဖြစ်ဘူး "
 ဂိုဏ်းချုပ်သည် စိတ်ထိခိုက်စွာနဲ့ အော်ဟစ်ငြင်းပယ်လိုက်တယ်။

လွန်ခဲ့သောနှစ်တစ်ထောင်လောက်က စမ်းသပ်ရေကန်ဆိုတာက အလင်းဘုန်းကြီးတွေ အလင်းစွမ်းအင်တက်လာအောင် လေ့ကျင့်တဲ့နေရာအဖြစ် တည်ရှိခဲ့တယ်။ အလင်းဘုန်းကြီးတွေရဲ့ စွမ်းအင်က အင်မတန်ကို သန့်စင်ပြီးအားကောင်းတဲ့အတွက် ဒီရေကန်ထဲ ဝင်ရောက်လေ့ကျင့်လိုက်တာနဲ့ သူတို့ အလင်းစွမ်းအင်တွှေ တဟုန်ထိုး တိုးတက်လာခဲ့ကြတယ်။ အဲ့ဒီအချိန်လောက်က အလင်းဘုန်းကြီးတွေဆိုတာ အလင်းနတ်ဘုရားပေါ် ယုံကြည်မှုမြင့်မားပြီး အင်မတန်ကို စိတ်ထားဖြူစင်ကြတဲ့အချိန်ဖြစ်တယ်။ ဒါကြောင့် သူတို့ပိုင်ဆိုင်တဲ့ အလင်းစွမ်းအင်ဆိုတာလည်း အင်မတန်ကို စွမ်းအားထက်မြက်ပြီး ခုလိုမျိုး စစ်သည်တော်နဲ့မှော်ဆရာတွေရဲ့အကာကွယ်ကို ယူဖို့မလိုအပ်ခဲ့ကြဘူး။
ဒါပေမယ့် နှစ်ပေါင်းများစွာကြာလာတော့ အလင်းဘုန်းကြီးတွေရဲ့ စိတ်ထားဖြူစင်မှုနဲ့ အလင်းနတ်ဘုရားပေါ် သက်ဝင်ယုံကြည်မှုတွေလည်း လျော့ပါးလာခဲ့တယ်။ ဒါကြောင့် အလင်းဘုန်းကြီးတစ်ပါးက ရေကန်ထဲ ဝင်တဲ့အခါ စိတ်ထားညစ်နွမ်းမှု နည်းနည်းလေး ရှိတာနဲ့ ဒီစမ်းသပ်ကန်ထဲက ရေတွေက ကျောက်ရေပူတွေလိုမျိုးဆူပွက်လာပြီး အရိုးအသား ရှာမရအောင် တခါတည်းကို လောင်ကျွမ်းသွားစေတော့တယ်။

ဖုံးကွယ်ထားတဲ့ စိတ်ထားမရှိခြင်းနဲ့ အကြွင်းမဲ့ဖြူစင်တဲ့စိတ်ထားဆိုတာ လူတိုင်းမပိုင်ဆိုင်တဲ့အရာဖြစ်လို့ လူတိုင်း လူတိုင်း လျှို့ဝှက်ချက်နဲ့ မကောင်းတဲ့စိတ်၊ တွေဝေတဲ့စိတ်ဆိုတာ ရှိကြတယ်။ ဒါကြောင့် ဒီစမ်းသပ်ကန်ထဲ ဝင်မိတဲ့သူတိုင်း သေကြေပျက်စီးကုန်ကြတယ်။ ခမည်းတော်က ဘာကြောင့် ရုတ်တရက် ရက်စက်လာတယ်ဆိုတာ အလင်းဘုန်းကြီးတွေ နားမလည်ကြဘူး။ ဒါကြောင့် အလင်းဘုန်းကြီးတွေက သူတို့ အလင်းစွမ်းအင် ပိုတိုးပွားလာအောင်၊ စိတ်ဝိဉာဉ်ပိုကြံ့ခိုင်လာအောင် ရေကန်ထဲမှာ လေ့ကျင့်မယ့် အခွင့်ရေးကို လက်လွှတ်လိုက်ရပြီး ဝတ်ပြုဆုတောင်းခြင်းနဲ့ပဲ အစားထိုးလိုက်ရတော့တယ်။


ဝတ်ပြုခြင်းက ရရှိနိုင်တဲ့ အလင်းစွမ်းအင်ပမာဏက အရမ်းအားနည်းပြီး  သေးငယ်တဲ့ စွမ်းအင်အမျှင်တန်းလေး ရနိုင်ဖို့ ဆယ်စုနှစ်တစ်စုစာ ကြာမြင့်နိုင်တယ်။အဲ့ဒါကြောင့် အလင်းဘုန်းကြီးတွေရဲ့ ခွန်အားတွေတဖြည်းဖြည်း အားနည်းလာရတာပဲဖြစ်တယ်။


လက်ထောက်ဂိုဏ်းချုပ်က ဘာကိုပဲ လုပ်ရလုပ်ရ သူတကယ်ရည်ရွယ်ထားတာက ဂျိုရှုဝါကို ဖယ်ရှားပစ်ဖို့ပဲ။ ဂိုဏ်းချုပ်ကြီးက ဒီအချက်ကို သိပေမယ့် သူ့တပည့်ကို ကာကွယ်ဖို့ ဘာမှ မတတ်နိုင် တော့ဘူး။ သူက မကောင်းဆိုးဝါးမြူကျပါတယ်ဆိုတဲ့ သတင်းပို့တာကို လျစ်လျူရှုပြီး လူတွေလက်ခံလာအောင် လုပ်နိုင်ပေမယ့် တာဝန်သိတဲ့သူ့စိတ်ထားက ခွင့်မပြုနိုင်ဘူး။ ဒါကြောင့် ဂျိုရှုဝါမှာ မကော်ငးဆိုးဝါးတွယ်ငြိခြင်းမရှိပါဘူးဆိုတာ သက်သေပြဖို့ စမ်းသပ်ကန်ထဲပဲ ဆင်းခိုင်းရုံပဲရှိတော့တယ်။


သူ ပြောလိုက်တဲ့ " မဖြစ်ဘူး " ဆိုတဲ့စကားကို ပြန်ရုပ်သိမ်းဖို့ လက်ကို ဝေ့ယမ်းလိုက်တယ်။ အကြာကြီးတိတ်ဆိတ်နေပြီးမှ ခက်ခက်ခဲခဲ ဖွင့်ဟပြောလိုက်တယ်။

" ဂျိုရှုဝါ သားလေး ဒါက ဆာဂါ နိုင်ငံရဲ့ဂိုဏ်းချုပ်အနေနဲ့ လုပ်ဆောင်ရမယ့်အလုပ်ဆိုတာ သိတယ်မလား။ ဘုရင်ရဲ့ခန္ဓာကိုယ်ထဲ ကိန်းအောင်းနေမယ်ဆိုရင်တောင် ဘယ်မကောင်းဆိုးဝါးကိုမှ ထွက်သွားခွင့်မပေးနိုင်ဘူး။ "

" ကျွန်တော် နားလည်ပါတယ်... ဂိုဏ်းချုပ်ဆန္ဒအတိုင်းပဲ စမ်းသပ်ကန်ထဲ ဝင်ပြီး သက်သေပြပါ့မယ် "

ကျူးယွင်ရှန့်က ဦးညွှတ်အရိုအသေပေးပြီး ခန်းမ ရဲ့ အတွင်းပိုင်း နေရာဆီ အေးဆေးတည်ငြိမ်စွာ လျှောက်သွားလိုက်တယ်။ တကယ်လို့ သူ့စိတ်ဝိဉာဉ်ကို လိုချင်တဲ့အနေထားရအောင် ထိန်းချုပ်ထားနိုင်ဖို့
 B အဆင့်ကမ္ဘာက စွမ်းအင်ကို မရထားဘူးဆိုရင် သူ စိုးရိမ်ကောင်းစိုးရိမ်နိုင်ပေမယ့် အခုတော့ စမ်းသပ်ကန်ဆိုတာ သူ့မျက်လုံးထဲ ဘာမှမဟုတ်တော့ဘူး။ သူ့ဝိညာဉ်က အရမ်းသန့်ရှင်းဖြူစင်လို့ စမ်းသပ်ရေကန်ထဲက ရေရဲ့ဒဏ်ကို ခံနိုင်ရည်ရှိတယ်ဆိုတာ သူ သိတယ်။ ပြီးတော့ သူ့ကိုယ်သူ အပြင်းအထန် အိပ်မွေ့ချထားခြင်းကြောင့် သူ့စိတ်ထဲ နတ်ဘုရားအတွက် ချစ်ခြင်းမေတ္တာကလွဲပြီး တစ်ခြားစိတ်  တစ်စွန်းတစ်စတောင်မရှိနိုင်ဘူး။ အလင်းနတ်ဘုရားအပေါ် ထားရှိသည့် သူ့အချစ်အကြောင်းပြောရရင်တော့ သူ့ဖာသာတောင် ထိတ်လန့်စေလောက်တယ်။

သူသည် ဖိနပ်နှင့်ဝတ်ရုံကို ချွတ်လိုက်ပြီး ပါးလွှာသည့်အတွင်းဝတ်အင်္ကျ ီတစ်ထည်တည်း ဝတ်ပြီး ကန်ထဲဖြည်းဖြည်းချင်း ဆင်းသွားလိုက်တယ်။ ကန်ထဲကရေ နက်မှောင်နေပြီး အေးစက်လို့နေတယ်။ တကယ်လို့ မသန့်ရှင်းတဲ့ စိတ်ဝိဉာဉ်နဲ့ တွေ့ရင် ချက်ချင်း ရေက သွေးနီရောင်ကို ပြောင်းလဲသွားပြီး ကျောက်ရည်ပူလို ဆူပွက်လာတယ်။ ဘယ်လူသားကိုမဆိုး အရိုးထိ အရည်ပျော်ကြသွားစေတယ်။ လူသားမပြောနဲ့ နတ်ဘုရားတွေောင် ဒီအပူဒဏ်ကို မခံနိုင်ဘူး။

လက်ထောက်ဂိုဏ်းချုပ်က သူ့ဝတ်ရုံအောက် လက်သီးဆုပ်ထားတဲ့ သူ့လက်များကို ဖုံးကွယ်ထားပြီး စိတ်လှုပ်ရှားမှုဖြင့် တုန်ရီနေ တယ်။ ဂျိုရှုဝါ သေသွားရင် နေရာဆက်ခံမယ့်သူမရှိလို့ ဂိုဏ်းချုပ်ရာထူးကို သူ ရနိုင်သလို ဆာဂါတနိုင်ငံလုံး သူရဲ့အာဏာစက်အောက်ရောက်ရှိတော့မယ်။ သူရဲ့တရားမဝင်ကလေးအကြောင်း ပေါ်ပေါက်သွားကတည်းက ဂျိုရှုဝါ ကို သတ်ဖို့ အမြဲတမ်းစဉ်းစားနေခဲ့တာ  နောက်ဆုံးတော့ သူ့ဆန္ဒ ပြည့်ဝသွားပြီ။ သူ့အနာဂါတ်လမ်းကြောင်းက အနှောင့်အယှက်မရှိ ဖြောင့်တန်းနေပြီဖြစ်တယ်။

နဝမမြောက်ကောင်းကင်ဘုံက အလင်းနတ်ဘုရားက ဆုတောင်းခန်းမထဲက သေမျိုးတွေရဲ့လုပ်ရပ်ကို တွေ့ပြီး သူ့မျက်ဝန်းက ရွှေရောင်ရင့်ရင့်သန်းသွားပြီး ချက်ချင်း အနက်ရောင်ဖြစ်သွာတယ်။ သူ့အလင်းစွမ်းအင်နဲ့ ရေကန်ထဲက သူချစ်တဲ့ကလေးကို မကာကွယ်နိုင်ဘူးဆိုရင် သူဒေါသထွက်လွန်းလို့ အရာအားလုံးကို ဖျက်ဆီးနိုင်တဲ့စွမ်းအားတွေ ဖြစ်လာနိုင်တယ်။ အခုလည်း ခဏစိတ်လွတ်သွားတာကြောင့် သူထိုင်နေတဲ့ သလွန်က ချက်ချင်းကျိုးပဲ့သွားတော့တယ်။

စမ်းသပ်ကန်ထဲက ရေတွေက တကယ်တော့ မကောင်းဆိုးဝါးမြူကို အရည်ဖြစ်အောင် ပြုလုပ်ထားတာဖြစ်တယ်။ ဒီရေက လူ့ကိုယ်ထဲ သိုဝှက်ထားတဲ့ မကောင်းတဲ့ စိတ်ဆိုး စိတ်ယုတ်ကို ခံစားလိုက်ရတာနဲ့ချက်ချင်း လူ့ကိုယ်ထဲ စိမ့်ဝင်သွားပြီး ကိုယ်ထဲ မကောင်းဆိုးဝါးပူးကပ်သွားအောင် မကောင်းဆိုးဝါး မျိုးစေ့ကို ချပေးလိုက်တယ်။ တကယ်တော့ လူတွေထင်သလို မကောင်းဆိုးဝါးဆိုတာ ဟိုး မှောင်မိုက်တဲ့ မဟူရာချောက်နက်ကြီးထဲက ထွက်လာတာ မဟုတ်ပဲ လူ့ကိုယ်ထဲမှာပဲရှိနေတာဖြစ်တယ်။ လူရဲ့စိတ်နှလုံးကပဲ မွေးဖွားလာတာဖြစ်တယ်။

ဒါပေမယ့် အစကေတော့ အမှောင်ဆိုတာ အလင်းကို ပိုအားကောင်းလာအောင် ထောက်ပံ့ပေးဖို့လုပ်ထားတာ ဖြစ်တယ်။ လွန်ခဲ့တဲ့နှစ်ပေါင်းတစ်ထောင်လောက် အလင်းနတ်ဘုရား ဆိုးသွမ်းရက်စက်ခြင်း မရှိသေးခင်အချိန်တုန်းက ဒီစမ်းသပ်ကန်ထဲက ရေတွေက အလင်းဘုန်းကြီးတွေကို စွမ်းအင်တက်အောင် ကူညီပေးဖို့ပဲရည်ရွယ်ထားပြီး ထိခိုက်အောင် မလုပ်စေဖို့ တမင်တားဖြစ်ထားတာပဲဖြစ်တယ်။  ဒါပေမယ့် အလင်းနတ်ဘုရားက ရုတ်တရတ် ကမ္ဘာကြီးအပေါ် အရမ်း စိတ်ကုန်လာတာကြောင့် တားမြစ်ချက်တွေကို ဖယ်ရှားလိုက်ပြီး တခြားနတ်ဘုရားအားလုံးကို သတ်လိုက်တယ်။ နှစ်ထောင်ချီ နေထိုင်လာတဲ့ အချိန်အတွင်းစစ်မှန်တဲ့ ဖြူစင်တဲ့ နှလုံးသားကို အလင်းနတ်ဘုရား ရှာမတွေ့ခဲ့ဘူး။ တခါက နွေဦးနတ်သမီးလေးရဲ့ နှလုံးသားကို ယူပြီးစမ်းသပ်ကန်ထဲ စိမ်လိုက်တာနဲ့ နီရဲတဲ့နှလုံးသားလေးက ချက်ချင်း မည်းနက်ပြီး ကြွေကျသွားတော့တယ်။ ဒါကြောင့် စိတ်ထားမသန့်စင်တဲ့ သေမျိုးတွေ ဒီရေကန်ထဲ အရည်ပျော်တာကို အလင်းနတ်ဘုရား ကျေကျေနပ်နပ်ပြီး စောင့်ကြည့်နေခဲ့ပေမယ့် အခုတော့ ဒီရေကန်အားလုံးကို ဖျက်စီးချင်စိတ်ပဲ ပြင်းထန်နေတော့တယ်။ အရင်ကတည်းက အလင်းဘုရားကျောင်းတိုင်းက ရေကန်ကို သူသာ ဖျက်စီးပစ်ခဲ့ရင် အခုလို သူချစ်ရတဲ့သူလေးကို နာကျင်ထိခိုက်စေမှာမဟုတ်တော့ဘူး။ ဒီရေကန်ကို ချန်ရစ်ခဲ့မိတာကို  သူ့ဖာသာ ဒေါသထွက်နေမိတယ်။
သူ့ကိုယုံကြည်တဲ့ကလေးလေးရဲ့စိတ်က အရမ်းကိုဖြူစင်သန့်ရှင်းတာကြောင့် အစပိုင်းမှာ ရေကန်ထဲက ရေရဲ့ဒဏ်ကို ခံနိုင်ရည်ရှိပေမယ့် ကြာလာလို့ သူ့စိတ်ထဲ နောက်ကျိသွားတာ၊ တခုခုကြောက်ရွံ့သွားတာများရှိခဲ့ရင် ဒီရေတွေက သူ့ကလေးလေးကို အရည်ပျော်သွားအောင် တိုက်စားသွားလိမ့်မယ်။
အလင်းနတ်ဘုရားက လက်ချောင်းထိပ်မှာ အလင်းစွမ်းအင်ကို စုစည်းလို့ ကြေးမုံကတဆင့် ရေကန်ထဲ ဆင်းသွားတဲ့ သူ့ကလေးေးလကိုယ်ကို ရစ်ပတ်ကာကွယ်ပေးဖို့ လုပ်လိုက်တဲ့အချိန်မှာပဲ မြင်လိုက်ရတဲ့မြင်ကွင်းကြောင့် သူ ချက်ချင်းကို အံ့အားသင့်သွားခဲ့တယ်။


သူ့ကိုကိုးကွယ်ယုံကြည်တဲ့ ကလေးလေးကိုယ်က ဖြူဖွေးတောက်ပတဲ့ အလင်းရောင်တွေ ထွက်ပေါ်လာပြီး အနက်ရောင်ရေတွေကို ဘေးကို တွန်းထုတ်နေတယ်။ ဒါက အကြွင်းမဲ့ယုံကြည်ခြင်းနဲ့ ဖြူစင်တဲ့စိတ်နှလုံးရှိသူတွေမှ ဖြစ်လာနိုင်တဲ့ အားကောင်းတဲ့ အလင်းတန်းတွေမဟုတ်လား။ ဘယ်လိုအချက်တွေက ဒီကလေးလေးကို အားကောင်းတဲ့ ယုံကြည်မှုနဲ့ ဖြူစင်မှုကို ဖြစ်ပေါ်စေတာလဲ။ သူ့အပေါ်ကို အလေးထားပြီးယုံကြည်ကိုးကွယ်မှုကြောင့် ဒီလို အားကောင်းတဲ့ ယုံကြည်မှုစွမ်းအားတွေ ပေါ်လာတာပဲလား။
အလင်းနတ်ဘုရားက ယုံကြည်သူကလေးလေးရဲ့ စိတ်ထဲက အတွေးကို ဖတ်ဖို့ကြိုးစားလိုက်တယ်။ ဒီလို စိတ်ကို ဖတ်တာက သူ့အတွက် လုပ်နေကြ မခက်ခဲတဲ့ အလုပ်ဖြစ်ပေမယ့် ဒီကလေးလေးရဲ့စိတ်ကို သူလုံးဝဖတ်လို့မရတဲ့အတွက် ထူးဆန်းတယ်လို့ တွေးမိပေမယ့် သံသယဝင်တာမျိုးမဖြစ်ခဲ့ဘူး။ ဒီကလေးလေးက ပိုပြီး စိတ်ဝင်စားဖို့ကောင်းလာတယ်လို့ ခံစားမိလာတယ်။ နှစ်သန်းပေါင်းများစွာ ထူးမခြားနား အခြေနေတွေကြောင့် ငြီးငွေ့နေတဲ့ သူ့စိတ်နှလုံးက တစ်စုံတစ်ယောက်ရဲ့ စိတ်ခံစားချက်ကို မှန်းဆကြည့်ရတာ ပျော်စရာကောင်းတယ်လို့ ခံစားလာရပြီး စိတ်လှုပ်ရှားပြီး နှလုံးသားက ပျော်လွန်းလို့ မရပ်မနား ခုန်ပေါက်နေတော့တယ်။ ဒီကလေးလေးရဲ့ အရည်ချင်းက သူ့ကို အရမ်းကို ကျေနပ်နှစ်သက်စေတယ်။

အလင်းနတ်ဘုရားက ပြုံးကြည့်နေပြီး ပါးပြင်မှာလက်ထောက်လို့ အနက်ရောင်ရေကန်ထဲက ကောင်လေးကို စိုက်ကြည့်နေတယ်။ ကောင်လေးရဲ့ နူတ်ခမ်းက လှုပ်ရှားနေတာကိုကြည့်ပြီးသူလေး ဆုတောင်းနေတာကိုသိလိုက်ရတယ်။ အပြင်လူတွေရှိနေလို့ သူ့ရင်ထဲက စကားတွေကို ခါတိုင်းလို ဖွင့်ဟပြီး မပြောနိုင်လို့ ချိုမြိန်တဲ့ ဆုတောင်းစကားတွေကို  သူ မကြားရတာ တကယ်ပဲ နှမျောဖို့ကောင်းလှတယ်။  အနက်ရောင်ရေတွေက ခပ်ကြမ်းကြမ်းရေလှိုင်းတွေဖြစ်နေပြီး သူ့ကလေးလေးရဲ့နားမှာ ပတ်လည်ဝိုင်းနေပေမယ့် ဘာမှ ထိခိုက်အောင် မလုပ်နိုင်ကြဘူး။ ဦးခေါင်းနဲ့ လက်ချင်းယှက်ထားတဲ့ လက်တွေရယ်ပဲ ရေပေါ်ကို ပေါ်နေပြီး သေးသွယ်ကျစ်လျစ်တဲ့ ကိုယ်လုံးလေးက ရေထဲနစ်နေတာက မြင်ရသူကို သနားစရာ ချစ်စရာ ခံစားချက်ကို ဖြစ်ပေါ်စေတယ်။ အလင်းနတ်ဘုရားက ရေကန်ထဲကို ဆင်းလိုက်ပြီး သူ့ရဲ့ အတုမရှိတဲ့ စွမ်းအင်တွေနဲ့ ကလေးလေးကို ထွေးပိုက်ပြီး ကာကွယ်ပေးချင်စိတ် ပေါ်လာမိတယ်။

ဒီအတွေးပေါ်လာတာနဲ့ တပြိုင်နက် သူ့ကိုယ်ထဲက အလင်းစွမ်းအင် တမျှင်ကို ဆွဲထုတ်လိုက်ပြီး မှော်ကြေးမုံထဲကို ထည့်လွှတ်လိုက်တယ်။
ခန်းမထဲမှာ အရပ်မြင့်မြင့်နဲ့ ခန့်ညားတဲ့ ပုံသဏ္ဌာန်တခု ရေကန်ထဲမှာ ပေါ်လာပြီး လူတိုင်း ကြောက်ရွံ့စွာနဲ့ငေးစိုက်ကြည့်နေချိန်မှာ ဒီလူက လူငယ်လေးရဲ့ပါးပြင်ကို အသာယာထိကပ်ပွတ်သပ်လိုက်တယ်။ ဒီကလေးလေးက မျက်လုံးကိုမှိတ်ပြီး ဝတ်ပြုဆုတောင်းနေတာကြောင့် မျက်လုံးဖွင့်ပြီးသူ့ကို မကြည့်နိုင်တာ ဘယ်လောက်တောင် ဝမ်းနည်းစရာကောင်းလိုက်သလဲ။ အလင်းနတ်ဘုရားက ကောင်လေးရဲ့ငွေရောင်ဆံနွယ်တွေကို လက်နဲ့အသာယာ ကိုင်တွယ်ပြီး နမ်းရှိုက်လိုက်ချင်ပေမယ့် ဝတ်ပြုမှုမှာ အနှောက်ယှက်ဖြစ်ပြီး အနက်ရောင်ရေတွေက လူငယ်လေးကို တိုက်စားသွားမှာစိုးလို့ မထိတော့ပဲ စိတ်ကို ချုပ်တည်းထားလိုက်တယ်။

တားဖြစ်ချက်ကို ဖယ်ပြိး စမ်းသပ်ကန်ထဲ ဆင်းပြီး စိမ်ရင်းလေ့ကျင့်နိုင်ဖို့ ကိုယ်ထဲမှာ အလင်းစွမ်းအင် ခိုင်မာပြီး နက်ရှိုင်းဖို့လိုအပ်တယ်။ ဒီလိုအပ်တဲ့အလင်းစွမ်းအင်က လူတွေ ထင်ထားတာထက် ပိုခက်ခဲတယ်။ ပိုများတယ်။ အရေးကြီးဆုံးအချက်က သူတို့ရဲ့ ခံနိုင်ရည်ရှိစွာနဲ့စိတ်ကို တနေရာတည်းမှာပဲ စုစည်းနိုင်လေ အလင်းစွမ်းအားကို စုပ်ယူနိုင်လေဖြစ်တယ်။ ဒီလိုစုပ်ယူအားပိုကောင်းလေ အလင်းစွမ်းအင်များများကို ပိုလက်ခံနိုင်လေဖြစ်တယ်။ သဘောက ဒီစမ်းသပ်ရေကန်  က အလင်းဘုန်းကြီးတွေရဲ့ကိုယ်ထဲက စွမ်အင်းသိုလှောင်ကန် သိုလှောင်ရာနေရာကိုကို တိုးချဲ့ပေးတဲ့သဘောဖြစ်တယ်။ အလင်းဘုန်းကြီး၏ခန္ဓာကိုယ်က ထည့်စရာပုလင်းတစ်ခုနှင့်ဆင်တူပြီး သူတို့၏စွမ်းရည်က ပုလင်းထဲ ဝင်ဆန့်နိုင်သည့် အလင်းပမာဏပဲဖြစ်တယ်။

ဒီကလေးလေးရဲ့ စွမ်းရည်က ထိပ်တန်းဖြစ်ပေမယ့်  ရေထဲတွင် လိုအင်ဆန္ဒကို ဖိနှိပ်ထိန်းချုပ်နိုင်ရင် ဆက်လက်ပြီး ပိုမိုတိုးတက်လာလိမ့်မယ်။ ဒါမှ နောင်အနာဂတ်မှာ သူလေးကို ထိခိုက်မှာကို စိုးရိမ်စရာမလိုတော့ဘဲ ကလေးလေးရဲ့ခန္ဓာကိုယ်ထဲ စွမ်းအင်အများအပြားကို သူ စိတ်တိုင်းကျထည့်နိုင်သွားနိုင်မှာဖြစ်တယ်။ အဲဒါက အလင်းနတ်ဘုရားရဲ့ရည်ရွယ်ချက်ဖြစ်လို့ ကလေးလေးကို ပွေ့ဖက်ဖို့ ဘယ်လောက်တောင် စိတ်အားထက်သန်နေရင်တောင် လေ့ကျင့်မှုကို ဘယ်တော့မှ နှောင့်ယှက်မှာမဟုတ်ဘူး။

ဒီလူက ဘယ်သူလဲ...? မဟူရာချောက်နက်ထဲက အမှောင်နတ်ဘုရားလား...?

ဂိုဏ်းချုပ်နှင့် လက်ထောက်ဂိုဏ်းချုပ်က ကြောက်လန့်တကြားနဲ့ မေးခွန်းထုတ်ရင်း တပြိုင်နက်တည်း မကောင်းဆိုးဝါးကို တိုက်ခိုက်တဲ့ အလင်းမြားဂါထာကို  သံပြိုင်ရွတ်ဆိုတယ်။ မကောင်းဆိုးဝါးက အဆင့် မြင့်လေလေ သူ့ရဲ့ရုပ်ရည်က ပိုချောမောလေလေဖြစ်တယ်။ အခု ဆုတောင်းခန်းမထဲ ရုတ်တရတ်ပေါ်လာတဲ့ ဒီလူရဲ့ရုပ်ရည် ရုပ်သွင်ပြင်က လူသားတစ်ယောက်ထက် သာလွန်ချောမောလွန်းလှတယ်။ တကယ်လို့ ဒီလူက မကောင်းဆိုးဝါးဖြစ်ရင် သူ့အဆင့်က  " သူတော်စင် " အဆင့်ရဲ့အထက်မှာ ရှိရမယ်။

အလင်းနတ်ဘုရားက လက်ချောင်းကိုမြှောက်လို့ နှုတ်ခမ်းနားကပ်ပြီး တိတ်တိတ်နေရန် အမူအယာပြလိုက်တယ်။ ဂိုဏ်းချုပ်နှင့် လက်ထောက်ဂိုဏ်းချုပ်က ရုတ်တရတ်  စကားပြောနိုင်စွမ်း ပျောက်ဆုံးသွားပြီး မကောင်းဆိုးဝါးကို တိုက်ခိုက်ဖို့ ဂါထာကို ဆက်မရွတ်နိုင်ဖြစ်သွားတယ်။ နှစ်ယောက်သား ထွက်ပြေးပြီး အကူအညီတောင်းချင်ပေမယ့် သူတို့ခန္ဓာကိုယ်ကို လှုပ်ရှားလို့မရမှတာကို တွေ့လိုက်ရတယ်။ အဆင့်မြင့်အလင်းဘုန်းကြီးနှစ်ဦးကို ချက်ချင်း မလှုပ်ရှားနိုင်အောင် လုပ်နိုင်တဲ့ သူ့အစွမ်းက ဘယ်လောက်ထိတောင် ကြောက်မက်ဖွယ်ကောင်းလိုက်သလဲ? နှစ်ယောက်စလုံး  မျက်လုံးပြုးသွားကြတယ်။ ဒါပေမယ့် မကြာခင် သူတို့ မယုံနိုင်တဲ့ မျက်ဝန်းတွေနဲ့ ဒီလူရဲ့လုပ်ရပ်ကို ငေးကြည့်နေမိတော့တယ်။

ဖြူဖွေးသောအသားအရည်၊ ရွှေရောင်ဆံပင်နဲ့ဒီလူက ဂျိုရှုဝါကို နူးညံ့တဲ့ မျက်ဝန်းတွေနဲ့ စိုက်ကြည့်ပြီးအနားကို တိုးကပ်သွားခဲ့တယ်။ သူက ဂျိုရှုဝါနဲ့ မျက်ခုံးနှစ်ခုကြားကိ ုညင်ညင်သာသာနမ်းလိုက်ပြီး မျက်ဝန်းထဲက ကြင်နာရိပ်နဲ့ မထိရက်မကိုင်ရက်ပုံက ဘယ်လောက်တောင် ဒီကောင်လေးကို မြတ်နိုးတယ်ဆိုတာ ပေါ်လွင်ထင်ရှားလို့နေတယ်။ ဒါက သူ့ချစ်သူလေးလို သဘောထားတယ်ဆိုတာ ထင်ရှားတယ်။ သူက ကောင်းလေးကိုငေးကြည့်နေရင်း ပျော်ရွှင်လာပြီး ထပ်ခါထပ်ခါ နမ်းရှိုက်ရင်း သူ့ကိုယ်က တောက်ပတဲ့ ရွှေရောင်အလင်းတွေ စတင်ထုတ်လွှတ် လာတော့တယ်။ ဒီအလင်းက စွမ်းအားပြင်းတဲ့နတ်ဘုရား အရိပ်ငွေ့ တွေပါနေပြီး အလင်းနဲ့ထိမိတဲ့ ဂိုဏ်းချုပ်နဲ့လက်ထောက်ဂိုဏ်းချုပ်ရဲ့အရေပြးတွေစတင် လောင်ကျွမ်းလာခဲ့ပေမယ့် ဂျိုရှုဝါကို နည်းနညးလေးတောင် မလောင်ကျွမ်းနိုင်ပဲ သူလေးရဲ့အရေးပြားထဲကို ရွှေရောင်အလင်းတွေ ဖြည်းဖြည်းချင်း စိမ့်ဝင်သွားတော့တယ်။


နွေးထွေးတဲ့ အလင်းစွမ်းအင်တွေ ကိုယ်ထဲကို ဝင်လာလို့ သက်တောင့်သက်သာဖြစ်သွားလို့ ဂျိုရှုဝါရဲ့ နူတ်ခမ်းလေးက နည်းနည်းပွင့်ဟသွားတယ်။ ဒီအမူယာကြောင့် ရွှေရောင်ဆံနွယ်နဲ့လူက သဘောကျစွာ ရယ်မောလိုက်တယ်။ သူ့ရဲ့ ကြည်လင်သာယာပြီး   sexy ကျသည့် သူ့အသံက လူတိုင်းရဲ့ နားထဲ ပဲ့တင်ထပ်သွားတယ်။ ဒီလူက လူငယ်လေးရဲ့ ငွေရောင်ဆံနွယ်တွေကို လက်ချောင်းနဲ့ရစ်ပတ်ကစားပြိး ယုယုယယပွတ်သပ်ပေးလိုက်တယ်။ ဂျိုရှုဝါက မျက်မှောင်ကြုတ်လိုက်ပြီး ဒီအထိတွေ့ကို သတိထားမိလိုက်ကြောင်း ပြသလာတဲ့အတွက် သူ့အပြုမှုတွေ တုန့်ဆိုင်းသွားခဲ့တယ်။ သူက ချစ်တဲ့ကလေးလေး က အရေးကြီးဆုံး အခြေနေမှာ လေ့ကျင့်နေတာတောင်မှ သူက သတိလက်လွှတ် နမ်းလိုက် ထိလိုက်လုပ်နေတာ သတိရသွားပြီး မမျှော်လင့်ဘဲ မဝံ့မရဲ တွန့်ဆုတ်တွန့်ဆုတ် ဖြစ်သွားတယ်။ သူက ဂျိုရှုဝါထင်မှတ်ထားသလို စိတ်ထားကောင်းတဲ့သူမဟုတ်တာ သတိပြုမိလိုက်တာနဲ့ ကလေးလေးဘေးကနေထွက်သွားလိုက်တယ်။


သူ က ဂျိုရှုဝါရဲ့ဆံနွယ်တွေကို လွှတ်ပေးလိုက်ပြီး ဘုရားကျောင်းထဲ ဟိုဟိုဒီဒီလျှောက်သွားရင်း ငါးမီတာမြင့်သည့်ရုပ်ထုဘေး ကနေ ဖြတ်လျှောက်လာတယ်။ သူ ထိုရုပ်ထုကို လှမ်းကြည့်လိုက်စဉ် အလင်းနတ်ဘုရားရုပ်တုက  သာမာန်ရုပ်ရည်နှင့် လူလတ်ပိုင်း ဦးလေးကြီးတယောက်ပုံကို မြင်တွေ့လိုက်တော့ တုန့်လှုပ်ခြောက်ခြားသွားပြီး တောင့်တင်းသွားတယ်။ ဒီရုပ်တုကို ချက်ချင်း မိုးကြိုးလက်နက်နဲ့ပြစ်ချပြီး ဖျက်စီးချင်စိတ်ပေါက်လာမိတယ်။ ဒီလို ပုံပန်းနဲ့ရုပ်တုကို သူချစ်တဲ့ကလေးလေးက သူ့အမှတ်နဲ့ ဖက်တွယ် စိုက်ကြည့်ပြီးနေရတယ်တဲ့လား။

ဒါ ငါ့ပုံ လုံးဝမဟုတ်ဘူး။ ငါနဲ့ ဘယ်နေရာကမှ မတူဘူး။

ဒီရုပ်ထုမှာ နေ့တိုင်း သူ့နာမည်ကို ခေါ်ရင်း သူ့အတွက်အချစ်တွေ ဂျိုရှုဝါ ရင်ဖွင့်နေတာကို တွေးမိတာနဲ့တပြိုင်နက် ဆာဂါ နိုင်ငံရဲ့ အလင်းဘုရားကျောင်းအားလုံးမှာ ရှိသမျှ အလင်းနတ်ဘုရားရုပ်ထုတိုင်းကို ဖျက်ဆီးချင်တော့တယ်။ ဒါပေမယ့် ဒီဘုရားကျောင်းထဲ သူ့ရဲ့ကလေးလေး ရှိနေသမျှကာလပတ်လုံး ထိခိုက်နာကျင်အောင် မလုပ်ရက်တာကြောင့် သူ့ဒေါသကို ထိန်းချုပ်ပြီး အင်္ကျီလက်ကိုဝေ့ယမ်းလိုက်တယ်။ ချက်ချင်းပဲ ရုပ်ထုကို တန်ဆာဆင်ထားတဲ့ သလွန်ပေါ်ထိုင်နေသည့် ချောမောလှပသော သူ့ပုံတူအဖြစ် ပြောင်းလဲလိုက်တယ်။ ဒီလို စိတ်တိုင်းကျလုပ်ပြီးတော့မှ ရေကန်ရှိရာဆီပြန်လာပြီး လက်ထောက်ဂိုဏ်းချုပ်ဆီ လက်ညှိုးညွှန်လိုက်ပြီး သူစုဆောင်းထားတဲ့ အလင်းစွမ်းအင်ကို ရုပ်သိမ်းလိုက်တယ်။ ပြီးတော့ အလင်းနတ်ဘုရားက ကိုယ်ကို ညွတ်ကိုင်းလိုက်ပြီး ကလေးလေးရဲ့ မျက်ခုံးကြားကို တခါထပ်နမ်းလိုက်တယ်။ ဒီတစ်ခါ ပိုသန့်စင်တဲ့ နတ်ဘုရားစွမ်းအင်တွေကို ဖြည့်ပေးရင်း တဖြည်းဖြည်း ပျောက်ကွယ်သွားသည်။

========================