အမ်ိဳးသားတစ္ေယာက္၏ ဆြဲေဆာင္မႈရွိသည့္ ကိုယ္ထည္ေကာက္ေႀကာင္း
Oops! This image does not follow our content guidelines. To continue publishing, please remove it or upload a different image.
Chapter (11) - နှလုံးသားကို ကုတ်ခြစ်နေသည့် လက်သည်းလေးများ (zawgyi+Unicode)
အစီအစဉ်ဦးဆောင်သူများသည် ပြိုင်ပွဲဝင်များ၏ ပွဲစဉ်များကို သေချာစွာရိုက်ကူးပြသဖို့ စီစဉ်ထားသည်။ အချိန်တစ်ခု အနားပေးပြီးနောက် ငါးကြိမ်မြောက် ယှဉ်ပြိုင်ပွဲ စတင်ခဲ့လေပြီ။ ပြိုင်ရမည့် အကြောင်းအရာကတော့ ရေပေါ်တွင် ပေါ်နေသည့် ပူဖောင်းထဲဝင်ကာ ရေကူးကန်ရဲ့ တစ်ဖက်မှ အခြားတစ်ဖက်သို့ ဟန်ချီညီအောင် ထိန်းကာ လှလှပပ လမ်းလျှောက်ဲပြရမည်ဖြစ်သည်။
Eurekaရဲ့ ရှင်းပြပြီးချိန်မှာ ပြိုင်ပွဲဝင်တွေ စိတ်ညစ်စွာ အော်ဟစ်ကြသည်။ ထိုပူဖောင်းများက ရေထဲရောက်သည်နှင့် ဟိုဘက်သည်ဘက် လူးလှိမ့်မည်ဖြစ်ပြီး မည်သူမှ ဟန်ချက်ညီအောင်ထိန်းနိုင်မည် မဟုတ်ပေ။
" အခု ရေကူးဝတ်စုံ ပျော်ပျော်ရွှင်ရွှင်လေးလေး သွားလဲကြပါ။ မင်းတို့ကို ဒေါက်ဖိနပ်နဲ့ လမ်းမလျှောက်ခိုင်းအောင် ကိုယ် ကြင်ကြင်နာနာကူညီခဲ့တာနော် "
Eureka၏ မျက်နှာထားက လေးနက်နေပေမယ့် စိတ်ထဲမှာတော့ အတော်လေးကို မြူးထူးလို့နေသည်။ တဇွတ်ထိုးလုပ်တတ်သည့် သူမ အကျင့်က Jefferyထက် ပိုဆိုးနေသည်။
ရေကူးဝတ်စုံ ဟုတ်လား။ ငါ့ ကြောင်ပေါက်လေးက ရေကူးဝတ်စုံ ဝတ်မယ် ဟုတ်လား။ God! Gustav က နှာခေါင်းက ယားကျိကျိဖြစ်လာပြီး နှာခေါင်းသွေး လျှံလာတာကို သိလိုက်လို့ အမြန် ခေါင်းမော့ပြီး တစ်သျှူးနှင့် နှာခေါင်းကို ပိတ်ထားပေမယ့် သူ့အမွေးပွကြောင်လေး ရေကူးဝတ်စုံဝတ်ထားမယ့် ပုံစံတွေ မြင်ယောင်လာတယ်။ သူက ထိုကောင်လေးရဲ့ အဓိကနေရာတွေရဲ့ အရွယ်အစားနဲ့ အရောင်ကိုပါ စိတ်ကူးယဉ်ကြည့်နေမိတော့သည်။
ပန်းရောင်, အဲ့ဒီဟာလေးက ချစ်စရာကောင်းတဲ့ ပန်းရောင်လေး ဖြစ်ရမည်ဟု တွေးလိုက်မိချိန်မှာ သူ့ နှလုံးတွေ ခပ်ကြမ်းကြမ်းခုန်လာပြီး နှာခေါင်းသွေးတွေ စီးကျလာတော့သည်။
" ဘုရားရေ .. Mr.Acheson ရှင် နှာခေါင်းသွေးတွေ လျှံနေတယ်။ "
Eurekaက အသံကို နှိမ့်ကာ သတိပေးလိုက်သည်။ Gustav က Camera နှင့်လွတ်သည့်နေရာကို သွားကာ နှာခေါင်းသွေးကို သုတ်ရင်း လက်ကို ယမ်းပြလိုက်သည်။
" ခုတလော ပြိုင်ပွဲအစီအစဉ်ထဲမှာ ပြဿနာတွေ တော်တော် တင်ပြီး တိုင် စာတွေလည်း ရောက်နေတယ်။ ဒါကြောင့် အခုရက်ပိုင်း ဖိအားတွေ များသွားတာ ထင်တယ်။ "
သူက Eurekaကို ပေါ့ပေါ့ပါးပါးနှင့် ခါတိုင်းလို အလုပ်ဖိအားဖြစ်သလို မျိုးပြန်ပြောလိုက်သည်။
Acheson က တည်ကြည်ပြီး ဘယ်သူနဲ့မှ စုံတွဲခုတ်တဲ့ Dating သတင်းတွေ တစ်ခါမှ ပေါ် လာခြင်း မရှိသောေ့ကြောင့် Eureka က Acheson ရဲ့ ခေါင်းထဲ ဘာတွေတွေးနေတယ်ဆိုတာ လုံးဝ သံသယမဝင်ပဲ နှာခေါင်းသွေးယိုလို့ သနားသွားသည်။ နှာခေါင်းသွေးယိုတာက ခဏနဲ့ တိတ်သွားပေမယ့် သူတို့နှစ်ယောက်က အချိန်အတော်ကြာအောင် စကားပြောနေခဲ့ကြသည်။ ထို့ဆုံး ပြိုင်ပွဲဝင်တွေ အဝတ်စားလဲပြီး တန်းစီ ဝင်လာခဲ့ကြတော့သည်။
Gustavက အမြန် Romeoကို လိုက်ရှာလိုက်ပြီး တွေ့သွားချိန်မှာ သူ့ နှလုံးခုန်တွေက ပေါက်ကွဲထွက်တော့မလို အပြင်းအထန် ခုန်နေတော့သည်။ ဒီလောက် ပိန်သွယ်နေတဲ့ သူ့ရဲ့ကြောင်ပေါက်လေးက လူတကာ ငေးချင်စရာ ခန္ဓာကိုယ်မျိုး ပိုင်ဆိုင်လိမ့်မယ်လို့ တစ်ခါမှ မတွေးခဲ့ဖူးပေ။ ခန္ဓာကိုယ် ကောက်ကြောင်း၊ ဝမ်းဗိုက် ကြွက်သွား ရင်အုပ် ကြွက်သွားတွေ နဲ့သူ့မှာ အမျိုးသား Modelတစ်ယောက် ရှိသင့်သည့် ခန္ဓာကိုယ်မျိုး ပိုင်ဆိုင်ထားသည်။ သူ့ရဲ့ အသားအရည်တွေက နွားနို့လို ဖြူပြီး ချောမွေ့နေသည်။ ဆံပင်တွေက မိန်းကလေး ပြိုင်ပွဲဝင်တွေထက် ပိုပြီး နူးညံ့နေသောပုံစံတွေကြောင့် Romeo က နေရောင်အောက်မှာ အပြစ်ဆိုဖွယ်မရှိသည့် ကျောက်စိမ်းလေးလို လင်းလက်လို့နေသည်။
သူက ဈေးအကြီးဆုံး ဗူးကို ဝယ်ပြီး ဒီကျောက်စိမ်းရုပ်တုလေးကို သိမ်းထားချင်စိတ်ပေါ်လာပေမယ့် သူ့ကိုယ်သူ ထိန်းချုပ်ထားလိုက်သည်။
Ivana က ကောင်လေးရဲ့ ဘေးကို လျှောက်သွားပြီး သူ့ရဲ့ ဝမ်းဗိုက်ကြွက်သားကို အားကျစွာကြည့်ကာ လက်သီးဖြင့် ခပ်ဖွဖွ ထိုးလိုက်သည်။ Zhou Yun Sheng လည်း သူမရဲ့ ဝမ်းဗိုက်မှ ကြွက်သားလေးကို ပြန်ထိုးသလို လုပ်လိုက်သည်။ ယောကျ်ားလေး တစ်ယောက်ရဲ့ Abs ( ဝမ်းဗိုက်ကြွက်သား) နဲ့ မိန်းကလေးတစ်ယောက်ရဲ့ Abs (ဝမ်းဗိုက်ကြွက်သား) ဘယ်ဟာက ပိုပြီး ဆွဲဆောင်နိုင်မှု ပြင်းမလဲ။
သူတို့နှစ်ယောက် အချင်းချင်းစနောက်ကာ ပျော်ရွှင်နေကြပြီး ကင်မရာသမားတွေက ဘေးကနေ အရမ်းကို တက်ကြွစွာနှင့် ရိုက်ကူးနေကြသည်။ Gustavရဲ့ မျက်နှာကတော့ မည်းတူးနေပြီး တကယ်လို့ Ivana သာ မိန်းကလေးချင်း ကြိုက်တဲ့သူ lesbian ဆိုတာ သူ မသိခဲ့ဘူးဆိုရင် သေချာပေါက် သူတို့နှစ်ယောက်ကို လူချင်းခွဲပစ်မှာ သေချာသည်။
" Game စတော့ "
သူက ဒီနှစ်ယောက် ကျီစယ်နေသည်ကို ဆက်မကြည့်နိုင်တော့သဖြင့် Eurekaကို အစီအစဉ်စရန် လက်ဟန်ခြေဟန်ဖြင့် ပြောလိုက်တော့သည်။
Eurekaက စည်းကမ်းအချို့ကို ပြောပြီးနောက် ပြိုင်ပွဲဝင်တစ်ယောက်ပြီး တစ်ယောက် လေပူဖောင်းထဲ ဝင်ခိုင်းလိုက်သည်။ သူ့ရဲ့ ဂုဏ်သိက္ခာကို ပြန်အဖတ်ဆည်နိုင်ဖို့ Hayden က အရင်ဆုံး ပြိုင်ခဲ့ပေမယ့် ဒီစိန်ခေါ်မှုက ထင်သလို မလွယ်ကူခဲ့ပေ။ ခြေလှမ်း နှစ်လှမ်း လှမ်းပြီးတာနဲ့ လဲကျသွားသည်။ ပြန်ထရပ်လိုက်ပေမယ့် ချက်ချင်းပြန်လဲသွားသည်။ ပြီးတော့ သူ အနည်းငယ်လှုပ်လိုက်တာနဲ့ ဘောလုံးက ချာလပတ် သွားတော့သည်။
နောက်ဆုံးတော့ သူက ရေကန်အခြားတစ်ဖက်ကို ရောက်ဖို့ လေးဘက်ထောက်ပဲ သွားနိုင်တော့သည်။ သူ့အဖြစ်ကို ကြည့်ပြီး ကျန်တဲ့ပြိုင်ပွဲဝင်တွေ ဝိုင်းရယ်လိုက်ကြသည်။ တချို့က သူ့ရဲ့ လေးဘက်ထောက်ထားတဲ့ ပုံစံကို ပေါ်တင် လက်ညှိုးထိုးပြီး လှောင်ပြောင်ကြသည်။ ရယ်နေကြလေသည်။ တချက်ကြည့်ရုံနဲ့ Haydenရဲ့ ကျော်ကြားမှုတွေက ပြိုင်ပွဲဝင်များ ကြားမှာ ချက်ချင်းထိုးကျသွားတယ်ဆိုတာ သိနိုင်သည်။
Emily ကတော့ မျက်နှာကို လက်နဲ့အုပ်ထားပြီး စိတ်ရှုပ်သည့်ပုံ ပေါ်နေသည်။ ကျိုးယွင်ရှန့်က အဲ့ဒီပူဖောင်းကို စိတ်ပူနေသည့် မျက်နှာ နှင့် စိုက်ကြည့်နေလိုက်သည်။
Hayden အလှည့်ပြီးသွားတော့ ကျန်တဲ့ ပြိုင်ပွဲဝင်တိုင်းက ဒီပြိုင်ပွဲကို အောင်မြင်ဖို့ ကြိုးပမ်းကြပေမယ့် ဘယ်သူမှ တစ်ဖက်ကမ်းကို ရောက်အောင် လမ်းလျှောက်မသွားနိုင်ကြပေ။
Ivana အလှည့်ရောက်တော့ ကျိုးယွင်ရှန့်က သူမ လက်မောင်းကို ဆွဲ က တိုးတိုးလေးမှာလိုက်သည်။
" မြန်မြန်လျှောက် .. မျဉ်းတစ်ဖြောင့်တည်းပေါ်က လျှောက်သွား .. ဒီလိုလျှောက်ရင် မင်းကို ဟန်ချက်ထိန်းနိုင်လိမ့်မယ်။ "
Ivana က ခေါင်းညိမ့်ပြလိုက်ပြီး သူ ပြောတဲ့အတိုင်း စလျှောက်တော့သည်။ သူက ရေကန်အလယ်ပိုင်းမှာ လဲမလိုဖြစ်သွားပေမယ့် နောက်ဆုံး ရေကန်တစ်ဖက်ကို မလဲပဲ အောင်မြင်စွာလျှောက်သွားနိုင်ခဲ့သည်။
နောက်ဆုံး ကျိုးယွင်ရှန့် အလှည့်ရောက်တော့ သူက မြန်မြန်မလျှောက်ပဲ ပန်းခြံထဲမှာ လမ်းလျှောက်နေတဲ့အတိုင်း မျက်နှာတွင် အပြုံးပန်းတပွင့်ဆင်မြန်းကာ အပူအပင်ကင်းစွာ လျှောက်နေသည်။ Ivana ရေကူးကန်ပေါ် တက်ခါနီးတွင် ထိုကောင်လေးကို လှည့်ကြည့်လိုက်ပြီးမှ ကုန်းပေါ်သို့ တက်သွားတော့သည်။ သူတို့နှစ်ယောက်လုံး လေပူဖောင်းကနေ ထွက်လာပြီးနောက် တစ်ယောက်ကို တစ်ယောက်ကြည့်ကာ ရယ်ပြီး ပွေ့ဖက်လိုက်ကြသည်။
" မင်း အဲ့ဒီနားသွားပြီး သူတို့ကို မဖက်ဘူးလား။ "
Gustavက ဒီနေ့ ဒိုင်က အရမ်းအလေးအနက်ထားတတ်တဲ့ Eurekaဖြစ်နေလို့ အရမ်းကို စိတ်ညစ်သွားသည်။ သူမနေရာမှာ Jeffrey သာဆိုရင် ဟိုကလေးနှစ်ယောက်ကို ပြေးဖက်ပြီး High fiveလုပ်လိုက်မှာသေချာသည်။ သူလည်း သဘာဝကျကျ သူ့ကြောင်ပေါက်ဆီသွားပြီး ပွေ့ဖက်ရင်း ဂုဏ်ပြုပေးသလိုနဲ့ ဒီကလေးရဲ့ နူးညံ့တဲ့ အသားအရေကိုလည်း ပွတ်သပ်နိုင်သေးသည်။
ကံမကောင်းစွာပဲ Eurekaက သူ့သူဌေးရဲ့ နှလုံးသား နားမလည်ပဲ ထိုအကြံပယ်ချလိုက်သည်။ သူမက လက်ကို ဝေ့ယမ်းလိုက်ကာ ပြောလိုက်သည်။
"အာ... အဲ့လိုကလေးကလား အလုပ်တွေက ကျွန်မ အကျင့်မဟုတ်ဘူး "
ဒီနေ့တော့ မင်းအကျင့်ကို ပြောင်းပေးလို့မရဘူးလားလို့ အော်ပြောချင်စိတ် ပေါက်လာမိတော့သည်။ ဒါပေမယ့် သူ မြိုသိပ်ထားလိုက်ပြီး ဒီမြင်ကွင်းကို ဝမ်းနည်းပမ်းနည်းကြည့်လိုက်သည်။ သူတစ်ယောက်တည်း ကြောင်ပေါက်ကိုသွားဖက်ရင် ပြဿနာ အများကြီး တက်သွားနိုင်သည်။
Emily ကတော့ အသေအချာ တွက်ချက်နေသည်။ အခြားပြိုင်ပွဲဝင်တွေ လျှောက်ပုံကို ဘေးမှာရပ်ပြီး သေချာ လေ့လာနေခဲ့သည်။ Ivanaနဲ့ Romeoရဲ့ လမ်းလျှောက်ပုံကို ကြည့်ပြီးတော့ သူမ နည်းလမ်းတွေ့အနည်းငယ်သွားသည်။ သူမက နည်းနည်းလေ့ကျင့်ပြီး ယုံကြည်မှု ရှိစွာ စလျှောက်တော့သည်။ သူမပုံစံက ပရိတ်သတ်ရာပေါင်းများစွာကို လက်ပြနူတ်ဆက်နေသည့် ဘုရင်မတစ်ယောက် ပုံစံဖြင့် ဆင်တူနေသည်။ သူမရဲ့ ပါးလွှာနေတဲ့ Bikini ကလည်း သူမရဲ့ အလှအပအတော်များများကို ပြသထားခဲ့သည်။
ယောကျ်ားလေး ပြိုင်ပွဲဝင်တွေအကုန် ငေးကြည့်နေကြပြီး သူတို့အားလုံးက Emilyကို စွဲဆောင်မှု အရှိဆုံး ဖြစ်သလို အနိုင်ရဖို့ အသေချာဆုံး ကောင်မလေး အဖြစ်လက်ခံလိုက်ကြသည်။
" ဒီကောင်မလေးက တော်သားပဲ။ ငါ သူ့ဆီက အကောင်းဆုံးတွေ မျှော်လင့်ထားတယ် "
Eureka က သူမနောက်ကျောကို လက်ညှိုး ထိုးပြရင်း ပြောလိုက်သည်။
Gustav က ထိုကောင်မလေးကို ကြည့်ကာ ပြောလိုက်သည်။
" သူမက တကယ့် ကောင်းမွန်တဲ့ Modelတစ်ယောက်ဖြစ်လာဖိုက အလားလာကောင်းပေမယ့် အရမ်း Sexy ကျလွန်းတယ်။ သူမသာ အချို့နေရာကို ဒီထက်ဖော်လိုက်ရင် လူတွေရဲ့ စိတ်ထဲမှာ ' အာ .. ငါ porn ကားတွေ ကြည့်နေတာပဲ ' လို့ တွေးမိသွားလိမ့်မယ်။ နောက်ပိုင်း သူမကိုယ်သူမ လိင်အသားပေးဆွဲဆောင်မှုတွေပဲ လုပ်မိသွားလိမ့်မယ်။ တကယ့် အဆင့်မြင့်တဲ့ မော်ဒယ်ဈေးကွက်ထဲမှာ သူမ အခြေချနိုင်ဖို့ မလွယ်လောက်ဘူး။ ကျုပ်အထင်တော့ သူ့ထက် Romeoက ပို သင့်တော်တယ်။ "
Eureka ခေါင်းငြိမ့်လိုက်သည်။
" ရှင်ပြောတာ ဟုတ်တယ်။ သူမမှာ အလားအလာကောင်းတွေ ရှိပေမယ့် Romeo နဲ့ ယှဉ်လိုက်ရင် ရိုးရိုးသာမန်ပဲ ဖြစ်သွားတယ်။ Romeoက ကျွန်မ မြင်ဖူးသမျှထဲမှာ ဖြူစင် နူးညံ့တဲ့ ကောင်လေးတစ်ယောက်ပဲ။ သူက သာမာန်အဝတ်စားလေး ဝတ်ထားရင်တောင် အကောင်းဆုံးလို့ ထင်သွားစေတယ်။ ဒါပေမယ့် အခုအချိန်မှာ သူ့ကို ဝေဖန်တာ စောလွန်းပါတယ်။ အခြား ပြိုင်ပွဲတွေလဲ ဘယ်လိုလာမလဲ စောင့်ကြည့်ကြသေးတာပေါ့။ "
Eureka ရဲ့ ကောင်လေးအပေါ် ချီးကျူးစကားတွေက Gustav ကို အရမ်း ကျေနပ်သွားစေသည်။ သူ့ဘက်ကို မျက်နှာမူနေတဲ့ ကောင်လေးကို မြင်လိုက်တဲ့အခါမှာ Gustavက ခေါင်းကို မော့ပြီး ပြုံးပြလိုက်သည်။
Emily နဲ့ အခြားသော မိန်းကလေးများသည် ကျိုးယွင်ရှန့်နားတွင် ကပ်ပြီးရပ်နေတာဖြစ်လို့ အထင်လွဲသွားကြသည်။
" Mr.Acheson အခုလေးတင် ငါ့ကို ကြည့်သွားတာလား။ "
" နင့်ကို ကြည့်တာ မဟုတ်ပါဘူး။ သူ ငါ့ကို ကြည့်နေတာပါ "
" နင်တို့ အကုန်လုံးမှားတယ်။ သူက Emilyကို ကြည့်နေတာ ။ ဘယ်သူကများ Emilyထက် ပိုပြီး ဆွဲဆောင်မှုရှိတယ်ထင်လို့လဲ "
Emilyရဲ့ သူငယ်ချင်း Daphneက ပြန်လည် ချေပလိုက်တော့ Emilyက ရှက်သွားသည့် အမူအရာဖြင့် Daphneရဲ့ နောက်ကျောကို လက်နဲ့ ရိုက်လိုက်သည်။ Mr.Acheson က သူ့ကို စိတ်ဝင်စားနေတယ်ဆိုတဲ့ အခြားလူတွေရဲ့အမြင်အပေါ် သူမ သံသယမဝင်မိဘူး။ သူမက အသက် ၁၂နှစ် ကတည်းက ခန္ဓာကိုယ်က ဖွံ့ဖြိုးခဲ့ပြီး သူမအရွယ်ရောက်လာတော့ ဘယ် ယောကျ်ားလေးကိုမဆို သူမ ဆွဲဆောင်နိုင်ကြောင်းလည်း သိလာသည်။
ပြိုင်ပွဲဝင်တွေ အားလုံးပြီးသွားတဲ့အခါ Eureka က Ivana, Zhou Yun Shengနဲ့ Emily ကြား လက်ညှိုး ထိုးလိုက်ပြီး ကြည့်နေသူတွေကို ဘယ်သူ အနိုင်ရသလဲဆိုတာ သိချင်စိတ်ကို လှုံ့ဆော်ပေးနေသည်။
" ဒီနေ့ရဲ့ ချန်ပီယံကတော့ Romeoဖြစ်ပါတယ်။ သူ့ရဲ့ အရှိန်၊ လမ်းလျှောက်ဟန်၊ မျက်နှာ အမူအရာတွေက ပြောစရာမရှိအောင် ကောင်းလွန်းတယ်။ သူ ရေပေါ်မှာ လမ်းလျှောက်သွားပုံက လမ်းမ တစ်ခုမှာ လမ်းလျှောက်နေသလိုပဲ။ Ivana နဲ့ Emily ကတော့ မင်းတို့ နှစ်ယောက်လုံး တကယ့်ကို ကြိုးစားခဲ့ပါတယ်။ ဒါပေမယ့် ပြုတ်ကြမှာ စိုးရိမ်စိတ်တွေက မျက်နှာပေါ်မှာ အရမ်းကို သိသာလွန်းနေတယ်။ ဒါကြောင့် ငါ မင်းတို့ဆီက အမှတ်အချို့ နူတ်လိုက်တယ်။ "
Ivana က ထိုကောင်လေးကို ပြေးဖက်ကာ ဝမ်းသာစွာဖြင့် အော်လိုက်တော့သည်။ ကျန်သည့် ပြိုင်ပွဲဝင်များလည်း စိတ်ရင်းလား ဟန်ဆောင်ခြင်းတာလား မပေါ်လွင်စေပဲ ဂုဏ်ပြုပြောဆိုနေကြသည်။ Emilyနဲ့ Haydenရဲ့ မျက်နှာ အမူအရာကကြည့်ရဆိုးအောင် ဖြစ်နေပြီး Emilyက အချိန်တိုအတွင်း သူမ မျက်နှာအမူအရာကို ပြန်ထိန်းလိုက်သည်။ Hayden ကဖုံးကွယ်ဖို့ စိတ်ကူးပုံမပေါ်ပေ။
အပြန်လမ်းတစ်လျှောက်တွင် အံ့ဩစရာကောင်းစွာနှင့် Hayden က ကျိုးယွင်ရှန့်ရဲ့ မကောင်းကြောင်းများကို လျှောက်ပြောတော့သည်။ကျိုးယွင်ရှန့် က မျက်လုံးများ နီရဲလာပြီး ဘာမှပြန်မပြောပဲ သည်းခံခဲ့သည်။ ဒီတစ်ခေါက် မျက်လုံး နီရဲနေတာက ဝမ်းနည်းချင်ယောင်ဆောင်တာ မဟုတ်ပဲ ဒေါသထွက်လွန်းလို့ဖြစ်သည်။ သူက Hayden ကို ခြေဆုံးခေါင်းဆုံး တစ်စစီ လုပ်ပစ်ချင်နေသည်။ ဒါပေမယ့် သူ့မျက်နှာကို Ivana ရဲ့လက်မောင်းကြားထဲမှာ ဝှက်ထားရင်း အရမ်းနာကျင်နေသည့် ပုံစံဖြင့် နေလိုက်သည်။ ဒီတစ်ခါတော့ Hayden ကို ဖက်ရှင်လောက အပြင်ရောက်တဲ့အထိ ကန်ထုတ်နိုင်ဖို့ အခွင့်အရေး ရလာတော့မည် ထင်သည်။
Emilyက ဒီနှစ်ကောင် ရြန်ဖစ်ပြီး ထထိုးပါစေလို့ ့ စိတ်ထဲက ဆုတောင်းနေမိသည်။ ဒါမှ ့နှစ်ယောက်လုံး စည်းကမ်း ချိုးဖောက်မှုနဲ့ အထုတ်ခံရမှာဖြစ်ပြီး Romeo သာ အထုတ်ခံလိုက်ရရင် သူမ ရဲ့ စူပါမော်ဒယ် လမ်းက အခက်အခဲမရှိတော့ပေ။ Romeo က သူမအတွက် အဖျက်ကောင်တစ်ကောင်သာ ဖြစ်သည်။
ကံမကောင်းစွာပဲ Romeo က သည်းခံနေခဲ့ပြီး ထိုးကြိတ်ဖို့ပင် မပြောနဲ့ တုံ့ပြန်စကားတောင် ပြောမလာလို့ Emily တော်တော် စိတ်ပျက်သွားသည်။
အဆောင်ကို ပြန်ရောက်တော့ TV မျက်နှာပြင်မှာ ပြိုင်ပွဲဝင်တွေရဲ့ ရလဒ်တွေကို ဖော်ပြထားသည်။ Romeo က 10မှတ်၊ Ivanaနှင့် Emilyက 9 မှတ်စီ ရရှိခဲ့သည်။ အရင်အပတ်ကတည်းက ထိပ်ဆုံးကို ရောက်လာတဲ့ ဒီသုံးယောက်က တစ်ယောက် ကို တစ်ယောက် ကျော်တက်ဖို့ လွယ် မယ်လို့ ထင်နေကြသည်။ ခြုံပြောရရင် Romeoဆိုတဲ့ ကောင်လေးဟာ အမှတ်တမဲ့ Emily ကို ကျော်တက်သွားနိုင်မယ့် အလားအလာရှိတယ်ပြီး မှတ်ချက်ချနေကြသည်။ ဘာကြောင့်လဲဆိုတော့ Emily ရဲ့ လှပနေတဲ့ မျက်နှာက Romeoရဲ့ ဖြူစင် နူးညံ့တဲ့ မျက်နှာကို လုံးဝမယှဉ်လို့ သောကြောင့်ဖြစ်သည်။
ထိုည အခြားသူများ အိပ်ပျော်ရန် ခက်ခဲနေချိန် ကျိုးယွင်ရှန့်က ခေါင်းအုံးပေါ် ခေါင်းတင်မိတာနဲ့ ချက်ချင်း အိပ်ပျော်သွားတော့သည်။
နောက်တစ်နေ့ အိပ်ယာ နိုးလာတော့ TVမှာ " နာမည်ကြီးတဲ့ လူတွေနဲ့ လက်တွဲ လုပ်ဖို့ သတ္တိလိုတယ်။ " ဆိုတဲ့ စာကြောင်း ပေါ်နေတာကို တွေ့လိုက်ရသည်။
ခန့်မှန်းချက်တွေအရ ဒီ အစီအစဉ်ထဲမှာ အခုရက်ပိုင်း Fashionလောကမှာ နာမည်ကြီး Modelတွေနဲ့ ပြိုင်ပွဲဝင်တွေ အတူတွဲပြီး ဓာတ်ပုံရိုက်ခိုင်းမည်ဟု ထင်နေကြသည်။ နာမည်ကြီး Modelတွေက ယောကျ်ားလေးလား။ မိန်းကလေးလား။ မျှော်လင့်ချက်တွေ နဲ့ ပြိုင်ပွဲဝင်တွေက Studioခန်းထဲကို ဝင်လိုက်သောအခါ Bonnie နဲ့ Gustav Achesonတို့ ဘေးချင်းယှဉ်ရပ်နေတာကို တွေ့လိုက်တော့သည်။
သူတို့အားလုံး ဒီနေ့ တွဲပြီးဓါတ်ပုံရိုက်ရမည့် လူကို သိလိုက်ရတဲ့အခါမှာ လက်ကို မြောက်ကာပျော်ရွှင်စွာ အော်ဟစ်ကြသည်။
Bonnieက ကျေနပ်စွာ ပြုံးလိုက်သည်။
" ပြိုင်ပွဲဝင်တို့ ဒီနေ့ ဘယ်သူတွေ လာမလဲဆိုတာ ခန့်မှန်းပြီးလောက်ပြီထင်တယ်။ ဒီနေ့ မင်းတို့နဲ့ တွဲဖက် ဓာတ်ပုံရိုက်ပေးမယ့်လူတွေက ကိုယ် နဲ့ Mr.Acheson တို့ပဲ ဖြစ်တယ်။ မင်းတို့အကုန်လုံး ဘယ်သူနဲ့ တွဲရိုက်မယ်ဆိုတာကို ရွေးချယ်ခွင့် ရှိရုံ မကဘူး။ မင်းနဲ့ မင်းတို့တွဲဖက် ဝတ်ရမယ့် ဝတ်စုံကိုပါ ရွေးချယ်ခွင့်ရှိတယ်။ မင်းတို့ရဲ့ ပုံထွက် ကောင်း မှု မကောင်း မှု အကုန်လုံးက မင်းတို့အပေါ်ပဲ မူတည်နေတဲ့အတွက် မင်းတို့အနေနဲ့ ဂရု စိုက်ရလိမ့်မယ်။ Modelတစ်ယောက်အတွက် သူ့အကြိုက်နဲ့ ကြည့်ကောင်းမှုက Fashionလောကမှာ ဘယ်လောက်ထိ ရပ်တည်နိုင်မလဲဆိုတာ ဆုံးဖြတ်ပေးနိုင်တယ် "
Bonnie နဲ့ Aerialက တည့်တဲ့သူတွေ မဟုတ်လို့ သူ အခု ပြောလိုက်တဲ့စကားတွေက Aerial ရဲ့ အမှားကိုထင်ရှားအောင် ထောက်ပြနေသလိုပဲ။
Gustavရဲ့ အပြုံးတွေက တောင့်တင်းနေပြီး Bonnie စကားအဆုံးမှာ သူမကို လှမ်းကြည့်ပြီး ပြိုင်ပွဲဝင်တွေကို ခေါင်းငြိမ့်ပြလိုက်သည်။ သူ့ရဲ့ တည်ငြိမ် အေးချမ်းတဲ့ပုံစံကို ပေါက်နေပေမယ့် တကယ်တော့ သူ့လက်မှာ ချွေးတွေပြန်နေသည်။ Bonnieပြောလိုက်သည့် စကားများကြောင့် သူ့မှာ ပြိုင်ပွဲဝင်တွေကို မည်သူဖြင့်တွဲဟု အမိန့် မပေးနိုင်တော့ပေ။ ဒါကြောင့် သူ့ရဲ့ကြောင်ပေါက်ကလေးက သူ့ကို ရွေးချယ်လိမ့်မယ်လို့ အာမ မခံနိုင်သဖြင့် ချွေးပြန်နေခြင်းဖြစ်သည်။
ကြောင်ပေါက်လေးက ယောကျ်ားလေးတွေကို သဘောကျတယ် ဆိုပေမယ့် သူက ငါနဲ့သူက အလှမ်းကွာတယ်လို့ ပြောဖူးတယ်။ ဒါကြောင့် သူ စိတ်မယိုင်အောင် နဲ့ အခြားသူတွေ သံသယ မဝင်အောင် Bonnieကို ရွေးလောက်တယ်။ God ကျေးဇူးပြုပြီး သူ့ ကျွန်တော့်ကို ရွေးအောင် ကူညီပေးပါ။ Gustavဟာ ပြိုင်ပွဲဝင်တွေကို ပြုံးပြနေချိန်မှာ ရင်ထဲကနေ အသည်းအသန် ဆုတောင်းနေတော့သည်။
မိန်းကလေး ပြိုင်ပွဲဝင်တွေအကုန်လုံး မျက်နှာနီရဲကုန်သည် အထိ စိတ်လှုပ်ရှားကုန်သည်။
Ivana က အစကတည်းက ယောကျ်ားလေးတွေကို စိတ်ဝင်စားခြင်း မရှိသည့်အတွက် Bonnieကိုပဲရွေးချယ်ပြီးသားဖြစ်သည်။ ဒါပေမယ့် သူမက ကျိုးယွင်ရှန့်ကို ဆွဲကာ သူ့ရဲ့ခေါင်းကို ချောမောခန့်ညားလွန်းတဲ့ Mr.Acheson ဘက် ဆွဲလှည့်လိုက်သည်။ ကျိုးယွင်ရှန့် က သူ့ကို တချက်လှမ်းကြည့်လိုက်ပြီး Haydenကို အရမ်းပျော်ဝင်နေတဲ့ အကြည့်တွေနဲ့ ကြည့်လိုက်သည်။
ဒါကိုမြင်တော့ Gusatv က သူလောဘကြီးခဲ့တဲ့အတွက် နောင်တရသွားသည်။ သူ အခုချက်ချင်း Brownမိသားစုရဲ့ ရှယ်ယာတွေကို ပြန်အမ်းပြီး Haydenကို ပြိုင်ပွဲ ကနေ ထုတ်ချင်စိတ်ပေါက်သွားတော့သည်။
=============
အမျိုးသားတစ်ယောက်၏ ဆွဲဆောင်မှုရှိသည့် ကိုယ်ထည်ကောက်ကြောင်း
Oops! This image does not follow our content guidelines. To continue publishing, please remove it or upload a different image.
YOU ARE READING
ဗီလိန်ချစ်သူ (completed) (Arc_8,10,15,Extra_1,2,4) (MM Translation)
RomanceArc _ 8, 10, 15 Extra_ 1,2,4 Total _ 6 Arcs Title: Quickly Wear the Face of the Devil အက်ဥ္းခ်ဳပ္ - ထိပ္တန္းဟက္ကာတစ္ေယာက္ကိုဘဝမ်ားစြာျပန္လည္ေမြးဖြားဖုိ႕ Lod God System ကေ႐ြးခ်ယ္ခဲ့သည္။ ကမာၻႀကီးအဆုံးသတ္သြားေတာ့ အရာအားလံုးက ပ်က္စီးသြားျပီး ဝမ္းနည္းစရာ...
Arc_8.11 Romeo
Start from the beginning
