👑 Our story 👑 |BLACKPINKxEXO

💜12💜

Хмм. Хөгийн шулам. Яаж тэр бүгдийн дараа дүүдээ ингэж хандаж чадав аа? Одоо Сэүн түүнийг хэлэх үггүй болгох байх. Чи харамсана даа.

Сэүн: За. Би тэгнээ.

Юу!? Би буруу сонсчихсон уу!?

Сэүн: Би хичээж, нэгдүгээр байр эзэлнэ.

Сэра: Ашгүй ухаараа шив. Чи миний төлөө нэр хүндэд минь сэв суулгахгүйгээр шийдсэнд баяртай байна. Миний дүү мундаг шүү.

Би: Хөөе Сэүн! Чи үнэхээр энэ хачин юмны үгэнд орох гээ юу! Галзуураад байгаарай!!

Сэра уурлан босож ирээд "Юу! Нэг муу өчүүхэн хүүхэн хэнийг юу гэнээ!!?" гэхэд нь "Би. Лиса чамайг хачин гэлээ. Яав!?"

Сэра: Юу вэ? Харах царайны Солонгос хүн биш байх чинь. Сэүн, чи арай гадаад амьтантай уулзаад яваад байгаа юм уу? Би зөвшөөрөхгүй шүү!

Би: Ха! Амьтан гэнээ? Хүн байна малаа! Ер нь гадаад байхаараа яадаг юм. Гадаад хүн чамаас илүү байна!

Сэра: Барьж идэх нь л дээ! Сэүн!! Ямар нэг үг хэлээч дээ.

Би: Тийм шүү! Үг хэл!

Сэра, Би: Сэүн!!!

Түрүүнээс хойш дуугүй суусан Сэүн цүнхнээсээ ямар нэг зүйл ухаад эхэллээ. Тэр нэг цаас гаргаж ирээд ширээн дээр тавив. Сэра гайхан доош суугаад цаасан дээрх зүйлсийг уншсаны дараа Сэүн рүү хачин харлаа.

Сэра: Энэ чинь!? Үнэхээр үү?

Сэүн: Аав биднийг бага байхад өнгөрсөн. Харин ээж минь живж нас барсан. Тэр үед би дөнгөж дунд сургуулийн сурагч байлаа.

Сэра: Чи... Яагаад гэнэт тэр талаар яриад байгаа юм?

Сэүн маш нухацтай харагдана. Түүний тухай энэ түүхийг саяхан сонссон. Шууд л хэлэх үггүй болж, нулимс урсаж билээ. Сэүн минь. Хөөрхий хайрт минь...

Сэүн: Тэгж гэнэт амьдрал минь сүйрч, бид өнчирч үлдсэн. Биднийг биднээс өөр хэн ч наашаа гэдэггүй. Та зөвхөн намайг л гэж амьдардаг байлаа. Гудамжинд хөөгдөөд орох оронгүй хоёул хөтлөлцөөд явахад өөрт байгаа талхаа бүгдийг нь надад өгчхөөд, хоосон ходоодтой хэдий ч та инээмсэглэдэг байсан. Тийм эрхэм нандин эгч минь нэг мэдэхэд тэс ондоо болчихсон.

Сэра: Сэүн... Ч-Чи намайг ойлгооч. Би энэ бүгдийг чиний төлөө-

Сэүн: Үгүй ээ. Би огт ойлгохгүй нь. Би танд хэлсэн. Гуйсан бүр аргаа барсан. Усанд орох төдийхөнд хөөрхий ээж минь бодогдоод, тэсэхийн аргагүй хэцүү байна гэж. Уснаас айж, хоолой боогддог тухай ярьсан шүү дээ. Гэтэл та намайг шахсаар л байсан. Нэг зүйлээ давтаад л. Би залхаж байна. Одоо хангалттай.