نيران:خالة لو نعرف جان كنالكم احنه بس نعرف همه بذي قار بس مانندله مكان الراحوله بس همه بيت بمزرعة هناك يمكن همه هناك
ام علي:يمه شيوصلنه الهم من مزرعة بس لازم تعرفون مكان محدد
ملاك:اتذكر غزوان ناشر صوره بهل المكان بالفيس هو وابن عمي
ام علي:اي بس شلون نطيح بالمكان من صورة بس...
سمعو صوت الباب انركع حيل وصوت زلم وعلي يصيح عليهم منو انتم... البنات نرعبن وام علي طلعت بسرعة....
ملاك بخوف: شنو منو ذولة
نيران بخوف: ماعرف بطني كامت توجعني من الخوف واحس راح تقيأ....
دخل للصالة رجال يخوف وضخم:الي عدكم بالبيت خليهم يطلعون منا للصبح الكم والا نحرك البيت
علي بعصبية: ومنو حضرتك انته
الرجال دفعه: تاج راسك
علي وكف بثقة:تاج راسي امي وبس ولا تاج يرهم على راسي غيرها
الرجال ربت على جتفه: اكول ياكتكوت امك اسمع الي كلته وخل يطلعون اهل بيت آل....... والا احسب بيتك رماد انته وامك بالشارع تلكون نفسكم
علي: وليش هل كثر نافخ روحك تره الله هو الكبير وتظن اخاف منك غلطان مايشيله هالركبة بس الي ركبها
الرجال:مو مهم حبيبي حذرتك.. ولا تلعب بالنار خل يرحون لأهلهم احسن الك ولأمك..سلام ياكتكوت...
(هيج الناس بنظرهم كتاكيت وهمه الصكور بس شما علا البشر يبقه من طين ونهايته حجارة بحلكه و فراشه وصلة بيضة هذا البني آدم تقتله الشرقة بعد ليش التكبر)
(هيج الناس بنظرهم كتاكيت وهمه الصكور بس شما علا البشر يبقه من طين ونهايته حجارة بحلكه و فراشه وصلة بيضة هذا البني آدم تقتله الشرقة بعد ليش التكبر)
البنات سمعو كل الحجي وظلن يرجفن والدموع ظلت تنزل...
وهذيج كامت تتقيأ من الخوف وحتى بتها خافت وضلت تبجي تشوف امها هيج...
ام علي دخلت:عزاااا شصارلكم...وكومت نيران بس نيران مابيه حيل وتنخرط بالكاع...
ملاك خذت بت نيران وطلعت بلا شعور من شافت البت تبجي بهستريا تريدها تسكت هواي اخترعت البنية....
علي:خير اختي شبيها الطفلة
ملاك ببجي:امها خرعتها..الله يخليك اخوي شوفلنه رقم احد من اهلنه خل نطلع جاي نورطكم ويانه
علي: شهل الحجي لا تخافون والله مايمسكم بشر وانا عايش..يعبرون على جثتي ساعتها بس ماكدر احميكم
ملاك:والله ماتقصرون محد يسوي مثلكم والله
علي:عيب عالشوارب التترك حريم بوحدهم.. وانا مو رجال لو عفت نسوان بشارع.. على العموم انا شفت صفحة اخوج الدكتور بس ماكو شي يتواصل وياه واحد بس بالفيس بوك ورسلتله طن رسايل ماكو رد اعتقد الصفحة مهجورة
ملاك ببجي: اخوي لاغي الفيس مالته من زمان
علي: لعد حضرو نفسكم باجر من الصبح آخذكم انا وامي للناصرية وهناك ندور اهلكم احسن من وجودكم هنا ماخايف علينه بس خايف ياخذوكم ذول متكبرين كلش واكو بيهم مايخافون الله
YOU ARE READING
نيران العشق
Romanceنيران العشق تدرين الشروكي لو عشك شيصير.... يحطها بعين ويغطيها بعين... لا تكليلي نار ويحرك..اي اي عصبي وماينجرع... ولا تكليلي مايقبل بكلشي ولا يقتنع... اي معقد لأن يريد حلاله اله وماينفقد... لا تكليلي صعب وماينعاش وياه ولا ينبلع... اليقبل عليه تشوف خ...
