ناصر:اي والله تعبوني هالثنين احس صرت 70 سنة من وراهمغزوان ضحك:هو انته شايب بعد ليش ماتعترف
ناصر ضحك:اي خليت الشباب الك ابو الشباب
غزوان باوع لنيران وابتسم:يمعود العشك وين يخلي شباب يشيب راسك وانته بالعشرين..
البنات ضحكو وظلو يسون حركات...ونيران غاصت بملابسها...
ملاك:هاي جاي يكلج تعاي كعدي بصفي حتى اشبع شوف منج
نيران همست:ملاك عفية بلا بطولات عوفيني كاعدة تره اروح الغرفة
ملاك على عنادها:حبيبي غزوان صيح لمرتك يمك وكلها بيدك بلكي تاكل صارلها ايام تاكل أكل بلابل
غزوان مايريد يخجلها:اي ماتحب تسمن حبيبتي
نيران ابتسمتله بلا شعور:اي ماريد اسمن...وهي من تبتسم تفزز القلب من مكانه...
(محبوبي جنه العيد تكتل ضحكته 😌)
غزوان كلبه دك حيل من ابتسامتها ماتبتسم اله هاي اول مرة هنوب الشامة الي يم شفتها تخبل عليها...
ملاك:اكول غزوان
غزوان فز من عشكه:نعم
ملاك:ما جبت تلفون لنيران
غزوان تذكر ماعدها تلفون:وليش ما اخذتيلها انتي مو مرت اخوج واسبوع تفترين بالسواكه
ملاك:شنو هي مرتي لو مرتك هههه..وجيبك مليان انا اشتريلها صدك عيب
نيران انحرجت:ومنو كال اريد مبايل ملاك تره ماشكيتلج الحال
غزوان ابتسم الها:اليوم اجيبلها احلى مبايل
نيران:والله ماريد مبايل ماكتلها اني ولا شكيت الها وماريد تلفون
ام يحيى:مايصير يمه ماعندج مبايل تطمنين على زوجج من يتأخر
غزوان:تدلل نيراني..زوجتي حبيبتي
ملاك:كافي تتغزل بيها تره كل احنه كاعدين
غزوان:وليش مظغوطة يعمري
بتول:ياعيني عالحب
غزوان:صلوات هاي بتوله حجت وين جنتي خالو
بتول:سافرت للنرويج ورجعت.. وهنوب اجتني بعثة فضائية ورحت لاورانوس..وكل هاي كاعدة اراقب نظرات العشق مالتك فديتك خالوتي حبيبي وجاي اتمنى عشك مثل عشكك
غزوان:ها شو انحرفتي بتولتي مو انتي العاقلة واكول بتول خوش بنية طلعتي مثل فهد وسرمد كومي لحكيهم واريد الجامات مالت سيارتي تلمع
بتول بدلع:لا خالو حبيبي فدوة اني رقيقة وماتحمل الشمس بسرعة اموعن
غزوان:الساعة 7 وربع ياشمس هسة كومي يالله..تدور عشك الزعطوطة...
YOU ARE READING
نيران العشق
Romanceنيران العشق تدرين الشروكي لو عشك شيصير.... يحطها بعين ويغطيها بعين... لا تكليلي نار ويحرك..اي اي عصبي وماينجرع... ولا تكليلي مايقبل بكلشي ولا يقتنع... اي معقد لأن يريد حلاله اله وماينفقد... لا تكليلي صعب وماينعاش وياه ولا ينبلع... اليقبل عليه تشوف خ...