(اليوم عرس ابطالنه😌...شنو بس لا انتو هم مصدكين فردوس وتعتقدون نيران مو بنية 😯)
نيران متوترة وخايفة حيل تعرف شنو ورا العرس لازم يثبت براءتها الليلة وهي مخبوصة خبص...
ملاك:يالله نيران امشي يحيى ينتظرنه تأخرنه لازم نروح الصالون
نيران بدت دموعها تتجمع بعيونها:ملاك ماريد اتزوج
ملاك:نيران شنو سالفتج انتي ماتكليلي ليش هيج تضوجين من الزواج وكل ليلة تقريبا اسمعج تشوفين كوابيس وتصرخين وخر عني لا تلمسني منو هذا احجيلي حتى اتفهمج
نيران بدموع:ماراح تفهميني وراح تكولين هواي تبالغين
ملاك:جربيني..احجيلي لأن بدت الافكار السيئة تتجمع براسي
نيران بدموع:انتي هم تعتقدين انا مو بنية صح
ملاك:استغفر الله لا ابد والله واثقة منج بس كليلي غزوان تعرضلج بشي احجيلي اني اختج مو بس بت عمج
نيران دموعها يطيحن جمر على خدها:لا غزوان ماكو منه ماشفت العيبة منه ابدا طول عمري وياه ويحبني بس ما تجاوز حدوده بحياته وياي..حتى من صرت حلاله وبأسمه
ملاك:لعد شبيج ويه الزواج وكله مالج واهس لشي واخوي خطية متحمس لزواجكم وشكد يحبج
نيران بغصة:محمد
ملاك مافهمت:محمد ابن عمي؟؟ شبيه
نيران ببجي:هو الي تعرضلي
ملاك شهكت وحطت ايدها على حلكها:وشسوالج ومن يمته هاي وشلون وليش ماحجيتي النه
نيران تبجي:فدوة ملاك لا تكولين لأحد فدوة اروحلج..محد يعرف بس اخته وهو ماسوالي شي بس..وتشهك بدموعها...بس...وسكتت..
ملاك فهمتها:كافي لاتكولين فهمتج..الله يهديه والله ماتوقعت محمد هيج يسوي ببنت عمه مع الأسف والله..يالله مسحي دموعج ومايسوة هل البجي كله انسي انتي راح تصيرين زوجة اخوي مادام مالمسج لا تضوجين...والله غزوان اطيب قلب بالدنيا وشكد حنين ويحبج يعشكج والله من يسمع عمي ضاربج شيسوي ولو ما هو عمه يكول جان كسرت ايده اله..صدكيني راح يحطج بعيونه..يالله كومي هسة تجي عمه فاطمة مو مشتاقتلها هسة توصل
نيران مسحت دموعها اول مرة ترتاح هيج حجت الي بكلبها...
نيران ابتسمت:صدك والله مشتاقتلها موت
ملاك:اي هيج شوفينه سطر اللؤلؤ..اليوم تطلعين تخبلين اكيد..هنيال اخوي بهل الجمال..وكرصت خدودها...
نيران توجعت:ولج وجهي يوجعني من الخيط والله خطية انا توليتوني خيط وغير جسمي يوجعني من سوالفجن
ملاك ضحكت:لعد ترحين لأخوي كلج شعر وجنج غورلا خخخخخ
نيران:والله الغورلا انتي..وين بتول ماجت لهسة
YOU ARE READING
نيران العشق
Romanceنيران العشق تدرين الشروكي لو عشك شيصير.... يحطها بعين ويغطيها بعين... لا تكليلي نار ويحرك..اي اي عصبي وماينجرع... ولا تكليلي مايقبل بكلشي ولا يقتنع... اي معقد لأن يريد حلاله اله وماينفقد... لا تكليلي صعب وماينعاش وياه ولا ينبلع... اليقبل عليه تشوف خ...
