ﻧﻴﺮﺍﻥ ﺍﻟﻌﺸﻚ ﺑﺎﺭﺕ ٣٧
ﺍﻟﺒﺎﺭﺕ ﺍﻻﺧﻴﻴﻴﺮ .....
ﻳﺤﻴﻰ ﺩﺧﻞ ﺍﻟﺒﻴﺖ ﻭﺷﻜﻠﻪ ﻣﻀﺎﻳﺞ ﺣﻴﻞ ....
ﺍﺟﺘﻪ ﺍﻳﻼﻑ : ﻫﺎ ﺍﻟﻠﻪ ﻳﺴﺎﻋﺪﻙ
ﻳﺤﻴﻰ ﺑﻬﻢ : ﺍﻟﻠﻪ ﻳﺴﺎﻋﺪﺝ
ﺍﻳﻼﻑ : ﺷﺒﻴﻚ ﻋﻤﺮﻱ ﺷﻜﻠﻚ ﺿﺎﻳﺞ
ﻳﺤﻴﻰ : ﺍﻱ ﻭﺍﻟﻠﻪ ﺭﻭﺣﻲ ﻃﺎﻓﺮﺓ ﻣﺼﻴﺒﺔ ﺻﺎﺭﺕ ﻣﺎﻧﻌﺮﻑ ﺷﺼﺎﻳﺮ ﻭﻟﻮ ﺷﻨﻮ ﻣﺎﻧﻌﺮﻑ
ﺍﻳﻼﻑ ﻧﺨﺒﺺ ﻛﻠﺒﻬﺎ : ﻳﻤﻪ ﻋﺰﺍﺍﺍ ﺷﺼﺎﻳﺮ
ﻳﺤﻴﻰ : ﻋﻠﻲ ﺻﺎﺭﻟﻪ ﺍﻳﺎﻡ ﻣﻔﻘﻮﺩ ... ﻭﺍﺣﺘﻤﺎﻝ ﻣﻘﺘﻮﻝ
ﺍﻳﻼﻑ : ﻋﺰﺯﺍﺍﺍ ﻋﻠﻲ ﺍﺑﻦ ﻋﻤﻚ
ﻳﺤﻴﻰ : ﺍﻱ ﺍﺑﻦ ﻋﻤﻲ ﻫﻮ ﺍﺧﻮﻩ ﺟﺎﻥ ﺑﻮﻗﺖ ﻫﺬﻳﺞ ﺍﻟﻄﻼﺑﺔ ﻭﺫﺍﻙ ﺷﺮﺩ ﻭﻫﺴﺔ ﻃﺎﺣﺖ ﺑﺮﺍﺱ ﻋﻠﻲ ﺍﻭﻭﻭﻑ ﻋﻤﻲ ﻳﻜﺴﺮ ﺍﻟﺨﺎﻃﺮ ﻳﺒﺠﻲ ﻋﻠﻰ ﺍﺑﻨﻪ ﻳﻜﻮﻝ ﻣﺎﻛﻮ ... ﻭﻳﻦ ﺍﻟﻮﻟﺪ ﺭﺍﺣﻮ ﻣﻮ
ﺍﻳﻼﻑ : ﺍﻭﻳﻴﻠﻲ ﻋﻠﻴﻬﻢ ﺷﻴﺼﺒﺮ ﺍﻫﻠﻪ ﺧﻄﻴﺔ ﺍﻟﻠﻪ ﻳﺮﺩﻩ ﺳﺎﻟﻢ ﻳﺎﺭﺏ ... ﺍﻟﻮﻟﺪ ﻛﻠﻬﻢ ﻃﻠﻌﻮ ﺑﺲ ﻣﺎﺩﺭﻱ ﻫﻴﺞ ﺍﻟﺴﺎﻟﻔﺔ
ﻳﺤﻴﻰ : ﺍﻱ ﺍﻟﻠﻪ ﻛﺮﻳﻢ .. ﺳﻮﻳﻠﻲ ﺟﺎﻱ ﺍﻭ ﻛﻬﻮﺓ ﺭﺍﺳﻲ ﻣﺴﻄﻮﺭ .. ﺍﺣﻨﻪ ﻫﻢ ﻃﻠﻌﻮ ﻳﻌﺮﻓﻮﻥ ﻣﻜﺎﻧﻪ ﺑﺲ ﺳﺎﻛﺘﻴﻦ ﺑﻤﺰﺍﺟﻬﻢ
ﺍﻳﻼﻑ ﻟﻄﻤﺖ ﻭﺟﻬﺎ : ﻳﻌﻨﻲ ﻳﻌﺮﻓﻮﻥ ﻣﻜﺎﻧﻪ
ﻳﺤﻴﻰ : ﻭﺷﻨﻮ ﻧﺎﻛﻞ ﻭﺷﻨﻮ ﻧﺸﺮﺏ ﺍﻟﻄﻠﻌﺔ ﻭﺍﻟﺪﺧﻠﺔ ﻭﺍﻟﻌﻤﺎﻡ ﻛﻠﻬﻢ ﻳﻌﺮﻓﻮﻥ ﻭﻳﻨﻬﻢ ﺑﺲ ﻫﻤﻪ ﻣﺎﻳﺮﺩﻭﻥ ﻳﺄﺫﻭﻧﻪ ﻳﺮﺩﻭﻥ ﺑﺲ ﺑﻴﺖ ﻋﻤﻲ ﺍﻟﻲ ﺍﺑﻨﻬﻢ ﺟﺎﻥ ﺑﺎﻟﻌﺮﻛﺔ ﻭﻫﺎﻱ ﺍﻧﻔﻘﺪ ﺍﺑﻨﻬﻢ ﺍﺥ ﻳﺎ ﻋﻤﻲ ﺍﻟﻤﺴﻜﻴﻦ ﺍﺑﻨﻚ ﺳﻮﺍﻟﻜﻢ ﻣﺼﻴﺒﺔ
ﺍﻳﻼﻑ : ﻭﺣﺮﻙ ﺍﻟﺒﻴﻮﺕ ﺷﻨﻮ ﻟﻌﺪ ﻭﺷﺘﺘﻮ ﺟﻢ ﻋﺸﻴﺮﺓ
ﻳﺤﻴﻰ : ﺟﺎﻧﻮ ﻳﻬﺠﺮﻭﻥ ﺍﻟﻌﺸﻴﺮﺓ ﻣﻦ ﺍﻟﺪﻳﺮﺓ ﻭﺣﺮﻛﻮ ﺍﻟﺒﻴﻮﺕ ﺣﺘﻰ ﻣﺎﻳﺒﻘﻮﻥ ﻭﻳﺸﺘﺘﻮﻥ ﻫﻤﻪ ﻫﺎﻱ ﻫﺪﻓﻬﻢ
ﺍﻳﻼﻑ : ﻳﻌﻨﻲ ﻫﺴﺔ ﻫﻤﻪ ﻳﻌﺮﻓﻮﻥ ﻣﻜﺎﻧﻪ ﺑﺲ ﻣﺎﻳﺠﻮﻥ ﻳﻬﺠﻤﻮﻥ ﺍﻟﺒﻴﺖ ﻋﻠﻴﻨﻪ
ﻳﺤﻴﻰ : ﺍﻱ ﺛﺎﺭﻫﻢ ﻣﻮ ﻭﻳﺎﻧﻪ ﺑﺲ ﻳﺮﺩﻭﻥ ﻳﺸﺘﺘﻮﻧﻪ
ﺍﻳﻼﻑ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﻳﺤﻴﻰ : ﻻﺯﻡ ﻧﺸﻴﻞ ﺑﺄﺳﺮﻉ ﻭﻗﺖ ﻷﻥ ﺫﻭﻟﻲ ﺣﺘﻰ ﻟﻮ ﻣﺎ ﻳﺴﻮﻥ ﺷﻲ ﻟﺰﻟﻤﻨﻪ ﺑﺲ ﺭﺍﺡ ﻳﺠﻮﻥ ﻳﺨﻮﻓﻮﻥ ﺍﻛﻴﺪ ﻣﺎﺭﺍﺡ ﻳﺘﺮﻛﻮﻧﻪ ﻫﻴﺞ ﻛﻞ ﻣﺮﺓ ﺭﺍﺡ ﻳﺠﻮﻥ ﻳﺨﻮﻓﻮﻥ ﻭﻳﺮﻭﻋﻮﻥ ﺑﺲ ﻫﻴﺞ ﺗﺨﻮﻳﻒ ﺣﺘﻰ ﻳﺜﺒﺘﻮﻥ ﺍﻧﻬﻢ ﺍﻗﻮﻳﺎﺀ ﻭﺍﻟﻬﻢ ﺍﻟﺤﻖ
ﺍﻳﻼﻑ : ﻳﻤﻪ ﺧﺎﻑ ﻳﺴﻮﻥ ﺑﻴﻨﻪ ﺷﻲ ﻳﺤﻴﻰ ﻭﻳﻤﻮﺗﻮﻥ ﺍﻟﻌﺎﺋﻠﺔ ﻛﻠﻬﺎ
ﻳﺤﻴﻰ : ﺍﻛﻠﺞ ﻫﻤﻪ ﻳﻌﺮﻓﻮﻥ ﻭﻳﻦ ﺍﺣﻨﻪ ﻭﺷﻨﺎﻛﻞ ﻭﺷﻨﺸﺮﺏ ﺟﻮﺍﺳﻴﺴﻬﻢ ﺑﻜﻞ ﻣﻜﺎﻥ ﻣﺎﻳﺴﻮﻧﻪ ﺷﻲ .. ﺑﺲ ﺧﺎﻳﻒ ﻋﻠﻰ ﻋﻠﻲ ﺟﺎﻱ ﻳﺴﺎﻋﺪﻧﻪ ﺍﺧﺎﻑ ﻳﺄﺫﻭﻧﻪ ﻭﻳﻄﺮﺩﻭﻧﻪ ﻣﻦ ﺍﻟﺪﻳﺮﺓ
ﺍﻳﻼﻑ : ﻋﻠﻲ ﺍﻟﻲ ﺳﺎﻋﺪ ﺍﻟﺒﻨﺎﺕ ﻫﻮ ﻭﺍﻣﻪ
ﻳﺤﻴﻰ : ﺍﻱ ﻫﻮ ﺟﺎﻱ ﻳﺴﺎﻋﺪﻧﻪ ﻧﺪﻭﺭ ﺑﻴﺖ ﻫﻮ ﻭﺍﺑﻦ ﺧﺎﻟﺘﻪ ﻭﻟﻜﻴﻨﻪ ﺧﻮﺵ ﺑﻴﺖ ﺑﺲ ﺳﻴﺎﺟﻪ ﺑﻌﺪﻩ ﻣﺎ ﻣﺒﻨﻲ ﻭﻫﻮ ﻛﺎﻣﻞ ﺗﻮﻩ ﻣﺒﻨﻲ ﻭﺟﺒﻴﺮ ﻳﺸﻴﻠﻨﻪ ﻭﺍﺳﻤﺎﺀ ﻭﻳﺎﻧﻪ
ﺍﻳﻼﻑ : ﺑﻴﻬﺎ ﺍﻟﺨﻴﺮ ﻭﺍﻟﻠﻪ ﺧﻔﺖ ﻫﺴﺔ ﻭﺿﺠﺖ ﻋﻠﻰ ﻋﻠﻲ ﺍﺑﻦ ﻋﻤﻚ ﺧﻄﻴﺔ ﻣﺎﻳﺴﺘﺎﻫﻞ ﺷﻜﺪ ﺧﻮﺵ ﺍﻧﺴﺎﻥ ﻭﻣﻌﺮﻭﻑ ﺑﻄﻴﺒﺘﻪ ﻭﺍﺧﻼﻗﻪ
ﻳﺤﻴﻰ : ﺍﻱ ﻭﺍﻟﻠﻪ ﻣﻬﻀﻮﻡ ﻋﻠﻴﻪ ﻛﻠﺶ .. ﺍﻟﻠﻪ ﻛﺮﻳﻢ .. ﺻﻴﺤﻴﻠﻲ ﻣﺮﻳﻢ ﻭﺍﻧﺘﻲ ﺭﺍﻳﺤﺔ ﺗﺴﻮﻳﻠﻲ ﻛﻬﻮﺓ
ﺍﻳﻼﻑ : ﺍﻥ ﺷﺎﺀ ﺍﻟﻠﻪ ﻋﻤﺮﻱ ... ﻭﺭﺍﺣﺖ ﺻﺎﺣﺖ ﻟﻤﺮﻳﻢ ﺭﺍﺣﺖ ﻷﺑﻮﻫﺎ ﺗﺸﻮﻓﻪ ﺷﻴﺮﻳﺪ .......
ﺑﺎﻟﻠﻴﻞ ﺟﺎﻧﻮ ﻛﺎﻋﺪﻳﻦ ﻛﻠﻬﻢ ﺳﻮﻳﻪ ﻭﻣﻬﻤﻮﻣﻴﻦ ﻛﻠﻬﻢ ﻋﻠﻰ ﻋﻠﻲ ﻣﺘﺄﻛﺪﻳﻦ ﺍﺧﺘﻔﺎﺀﻩ ﻳﻌﻨﻲ ﻣﻘﺘﻮﻝ ﻟﻮ ﻣﺨﻄﻮﻑ ﺑﺲ ﻭﻳﻨﻪ ﻟﻴﺶ ﻣﺎ ﺑﻴﻨﺖ ﺟﺜﺘﻪ ...
ﻳﺤﻴﻰ ﺍﺟﺎﻩ ﺍﺗﺼﺎﻝ ﻧﺨﻤﺶ ﻛﻠﺒﻬﻢ ﻣﻨﻪ ﺭﺩ ﻭﻧﺨﺒﺺ ﺧﺒﺺ ﻭﻇﻞ ﻳﺼﻴﺢ ﻻ ﺍﺳﺘﻐﻔﺮ ﺍﻟﻠﻪ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ...
ﻃﻠﻊ ﻻﻛﻴﻦ ﺟﺜﺔ ﻋﻠﻲ ﻭﺟﺜﺔ ﺭﺟﺎﻝ ﺛﺎﻧﻲ ﻣﻦ ﻋﺸﻴﺮﺓ ﺛﺎﻧﻴﺔ ﻣﺸﻤﻮﺭﻳﻦ ﺑﺎﻟﻤﺎﻱ ﻭﻣﻼﻣﺤﻬﻢ ﻣﺎﺗﺒﻴﻦ ﻷﻥ ﺍﻟﺠﺜﺚ ﻣﺘﻔﺴﺨﺔ ﺷﻮﻱ ....
ﻭﺷﻮﻱ ﻭﺻﺎﺭﺕ ﻫﻮﺳﺔ ﻭﺧﺒﺼﺔ ﺍﻟﻮﻟﺪ ﻛﻠﻬﻢ ﺭﺍﺣﻮ ﻟﻬﻨﺎﻙ ﻭﺍﻟﺒﻨﺎﺕ ﻛﻠﻬﻦ ﻇﻠﻦ ﻳﺒﺠﻦ ﻭﺧﺎﻳﻔﺎﺕ ﺣﻴﻴﻞ ﻻ ﻳﺼﻴﺮ ﺑﺎﻟﻮﻟﺪ ﺷﻲ ....
ﺻﺎﺭﺕ ﻫﻮﺳﺔ ﻭﻧﺎﺱ ﻭﺍﺧﻮﺍﻧﻪ ﻳﺒﺠﻮﻥ ﻭﺍﺑﻮﻩ ﻭﻃﺒﻌﺎ ﻣﺎﻋﺮﻓﻮ ﺍﻟﺠﺜﺔ ﺑﺎﻟﺒﺪﺍﻳﺔ ﺑﺲ ﻋﻨﺪﻩ ﻭﺣﻤﺔ ﻋﺮﻓﻮﻩ ﻣﻨﻬﺎ ﺟﺴﻤﻪ ﻣﺒﻴﻦ ﻣﻌﺬﺑﻴﻨﻪ ﺍﻭﻝ ﺑﻌﺪﻳﻦ ﻛﺎﺗﻠﻴﻨﻪ ....
( ﺍﻟﻠﻪ ﺷﺎﻫﺪ ﻧﻘﻠﺖ ﺍﻟﻲ ﺷﻔﻨﺎﻩ ﻭﺳﻤﻌﻨﺎﻩ ﺟﺎﻧﺖ ﻟﻴﻠﺔ ﺳﻮﺩﺓ ﻭﻗﻤﺘﻪ )
ﻫﺴﺔ ﺧﺬﻭ ﺛﺎﺭﻫﻢ ﻣﻦ ﻋﺸﻴﺮﺗﻴﻦ ﺑﺎﻗﻲ ﻳﻤﻜﻦ ٣ ﻋﺸﻴﺮﺍﺕ
ﻣﺎﺳﻮﻟﻪ ﻋﺰﺍﺀ ﻭﻛﺎﻟﻮ ﻧﺎﺧﺬ ﺑﺜﺎﺭ ﺍﺑﻨﻨﺎ ... ﺑﺲ ﻣﺎﻳﻜﺪﺭﻭﻥ ﻳﻬﻮ ﻳﺘﺠﺮﺃ ﻳﻄﺎﻟﺐ ﺑﺜﺎﺭ ﻭﺫﻭﻝ ﻳﺤﺮﻛﻮﻧﻬﻢ ﺑﺒﻴﻮﺗﻬﻢ ....
ﻣﺮﺕ ﺍﻻﻳﺎﻡ ﻭﺻﺎﺭﺕ ﻭﻓﺎﺓ ﻋﻠﻲ ﺧﻮﻓﺔ ﻟﻜﻞ ﺍﻟﻌﺎﺋﻠﺔ ﻭﻳﺨﺎﻓﻮﻥ ﻳﻨﺎﻣﻮﻥ ﻭﺍﺣﺪ ﻳﺪﺧﻞ ﻋﻠﻴﻬﻢ ﻓﺠﺄﺓ ﻳﺨﻄﻒ ﺭﺟﺎﻟﻬﻢ ....
ﺟﻢ ﺑﻴﺖ ﺗﻌﺮﺽ ﻟﻠﻬﺠﻮﻡ ﻣﺮﺓ ﺛﺎﻧﻴﺔ ﺑﺲ ﺣﺘﻰ ﻳﺮﻭﻋﻮﻧﻬﻢ ... ﺫﻭﻟﻴﺞ ﺍﻟﻘﺎﻧﻮﻥ ﺑﺼﻔﻬﻢ ﻭﺑﺠﻴﺒﻬﻢ ...
ﺑﻌﺪ ﻣﺮﻭﺭ ﺳﻨﺔ ....
ﺍﻧﺘﻘﻠﻮ ﺑﻴﺖ ﺍﻟﻌﻢ ﺭﺿﺎ ﻟﺒﻴﺖ ﺟﺪﻳﺪ ﻳﺤﻴﻰ ﻃﻠﻊ ﺑﻴﺖ ﻭﺣﺪﺓ ﻷﻥ ﻣﺎﻳﻜﻔﻴﻬﻢ ﻛﻠﻬﻢ ﺍﻟﺒﻴﺖ ...
ﺳﻠﻮﺍﻥ ﻭﻋﻠﻮﺍﻥ ﺯﻭﺟﻬﻢ ﺍﻟﻌﻢ ﺭﺿﺎ ﺑﻌﺪ ﻣﺎ ﺳﺘﻘﺮﻭ ﺑﻴﺘﻬﻢ ﺍﻟﺠﺪﻳﺪ ﻭﺑﻌﺪ ﻭﻓﺎﺓ ﻋﻠﻲ ﺑﺄﺷﻬﺮ ﻭﻣﺎﺳﻮﻭ ﻋﺮﺱ ﺑﺲ ﻫﻴﺞ ﻋﻘﺪ ﻭﻣﻨﺎﻙ ﻭﺩﻭ ﺍﻟﺒﻨﺎﺕ ﻟﻠﺼﺎﻟﻮﻥ ﺑﺪﻭﻥ ﻫﻮﺳﺔ ﺑﺴﺒﺐ ﻭﻓﺎﺓ ﻋﻠﻲ ﻣﺎ ﻣﺮ ﻋﻠﻴﻪ ﺳﻨﺔ ...
ﺗﺰﻭﺟﻮ ﺧﻮﺍﺕ ﻭﻣﻦ ﺍﻟﻨﺎﺻﺮﻳﺔ ﺧﻄﺒﻮﻟﻬﻢ ﻣﻦ ﻣﻌﺎﺭﻓﻬﻢ ﺑﻨﺎﺕ ﺣﻠﻮﺍﺕ ﻭﻣﻌﺪﻻﺕ ﺑﺲ ﻣﺎ ﻣﻜﻤﻼﺕ ﻣﺪﺭﺳﺔ ﺍﺑﺘﺪﺍﺋﻴﺎﺕ ....
ﺍﺳﻤﺎﺀ ﺑﻘﺖ ﻭﻳﻪ ﺍﻫﻠﻬﺎ ﻫﻲ ﻭﺯﻭﺟﻬﺎ ﻭﺍﻭﻻﺩﻫﺎ ... ﻧﺎﺻﺮ ﺻﺎﺭ ﻳﺸﺘﻐﻞ ﻫﻨﺎ ﺑﺎﻟﻨﺎﺻﺮﻳﺔ ﻳﺮﻳﺪ ﻳﻜﻮﻥ ﻧﻔﺴﻪ ﻭﻳﺎﺧﺬﻟﻬﻢ ﺑﻴﺖ ﺣﺘﻰ ﻟﻮ ﺍﻳﺠﺎﺭ ﻷﻥ ﻣﺎﻛﺪﺭ ﻳﺒﻴﻊ ﺑﻴﺘﻪ ﻭﻻ ﻳﺄﺟﺮﻩ ﻣﻨﻌﻮﻩ ﻣﻦ ﻫﺎﻟﺸﻲ ...
ﻳﺤﻴﻰ ﻛﺪﺭ ﺑﻤﻌﺎﺭﻓﻪ ﻳﺤﻮﻝ ﺷﻐﻠﻪ ﻟﻬﻨﺎ ﻭﻫﻮ ﺭﺍﺡ ﻣﺮﺓ ﺑﺪﻭﻥ ﻣﻌﺮﻓﺔ ﺍﺣﺪ ...
ﻧﻘﻞ ﻣﺪﺍﺭﺱ ﺟﻬﺎﻟﻪ ﻭﻛﻠﻴﺎﺕ ﺍﻟﺒﻨﺎﺕ ﺑﺲ ﺑﻄﻠﻌﺔ ﺍﻟﺮﻭﺡ ﺻﺎﺭﺕ ﻷﻥ ﻋﻨﺪﻩ ﺍﺻﺪﻗﺎﺀ ﻫﻨﺎﻙ ... ﺑﺲ ﻛﻠﻬﻢ ﺭﺍﺣﺖ ﻋﻠﻴﻬﻢ ﺳﻨﺔ ...
ﻧﺠﻲ ﻷﺑﻄﺎﻟﻨﻪ ﺻﺎﺭ ﻋﺪﻫﻢ ﺭﺿﺎ ﻭﻧﺴﺨﺔ ﻣﻦ ﺟﻮﺟﻪ ﺑﺎﻟﺤﻼﻭﺓ ﻳﺠﻨﻦ ﻭﻓﺮﺣﺎﻧﻴﻦ ﺑﻴﻬﻢ ﺑﻴﺖ ﺟﺪﻫﻢ ﻭﺟﻮﺟﻪ ﺗﻐﺎﺭ ﻣﻨﻪ ﻣﺮﺍﺕ ﺗﻜﺮﺻﻪ ﻟﻮ ﺗﻀﺮﺏ ﻭﺟﻬﻪ ﺣﻴﻴﻞ ﻫﻬﻬﻬﻬﻬﻪ
ﻏﺰﻭﺍﻥ ﻳﻜﻠﻬﺎ ﻧﻴﺮﺍﻧﻲ ﻧﺮﻳﺪ ﺍﻟﺜﺎﻟﺚ ﺗﻜﻠﻪ ﻻ ﺗﺠﻴﺐ ﻃﺎﺭﻱ ﺍﻟﺠﻬﺎﻝ ﺍﻣﻮﺗﻚ
....
ﺑﻴﺖ ﺍﺑﻮ ﺳﻌﺪ ﺍﺳﺘﻘﺮﻭ ﺑﻴﺖ ﻫﻤﻴﻦ ﺑﺲ ﺷﻮﻱ ﺑﻌﻴﺪ ﻋﻦ ﺑﻴﺖ ﺍﺧﻮﻩ ﻭﻧﻴﺮﺍﻥ ﻛﻞ ﺍﺳﺒﻮﻉ ﻳﻮﺩﻳﻬﺎ ﻏﺰﻭﺍﻥ ﻫﻲ ﻭﺯﻋﺎﻃﻴﻄﻬﺎ ﻭﻳﻤﻮﺗﻮﻥ ﻋﻠﻴﻬﻢ ﺧﻮﺍﻟﻬﻢ ﻭﺟﺪﻫﻢ ﻭﻓﺮﺩﻭﺱ ﻫﻲ ﻭﻧﻴﺮﺍﻥ ﺍﺣﻠﻰ ﺧﻮﺍﺕ ﺳﻮﻭ ﺍﻟﻲ ﻣﺠﺎﻧﻮ ﻳﺴﻮﻧﻪ ﻗﺒﻞ ﺻﺎﺭﻥ ﺣﻴﻴﻞ ﻣﻘﺮﺑﺎﺕ ...
ﻣﺸﺘﺎﻗﻴﻦ ﻟﻌﻠﻲ ﻣﻮ ....😉
ﻋﻠﻲ ﻣﺎﻛﻄﻊ ﺑﺤﻴﻰ ﺍﺑﺪ ﻭﺻﺎﺭﻭ ﺍﺻﺪﻗﺎﺀ ﻭﻳﺠﻲ ﻳﺰﻭﺭﻩ ﻣﺮﺍﺕ ﻭﺣﺘﻰ ﻳﺠﻴﺐ ﺍﻟﺤﺠﻴﺔ ﻭﻳﺠﻲ ...
ﻛﺎﻋﺪ ﻭﺻﺎﻓﻦ ﻭﻳﻜﻮﻝ ﺑﻜﻠﺒﻪ : ﺍﻧﺎ ﺍﺣﺒﻬﺎ ﻟﻴﺶ ﺳﺎﻛﺖ ﺷﻜﺪ ﺭﺍﺡ ﺍﺿﻴﻊ ﻣﻦ ﻋﻤﺮﻱ ﺑﻌﺪ ﻟﻤﻦ ﺗﺮﻭﺡ ﻣﻦ ﺍﻳﺪﻱ ﻭﺗﺰﻭﺝ ﻏﻴﺮﻱ .. ﻻ ﻻ ﻣﺴﺘﺤﻴﻞ ﺍﺳﺘﺴﻠﻢ .. ﺭﺍﺡ ﺍﺗﻮﻛﻞ ﻋﻠﻰ ﺍﻟﻠﻪ ﻭﺍﺣﺎﺟﻲ ﺍﺧﻮﻫﺎ ﺑﺎﻟﻤﻮﺿﻮﻉ ﺍﻥ ﺷﺎﺀ ﺍﻟﻠﻪ ﺧﻴﺮ ....
ﻋﻠﻲ ﺭﺍﺡ ﻷﻣﻪ : ﻳﻤﻪ ﺍﺭﻳﺪ ﺍﺣﺎﺟﻴﺞ
ﺍﻡ ﻋﻠﻲ : ﺁﻣﺮ ﻳﻤﻪ
ﻋﻠﻲ : ﻣﺎ ﻳﺂﻣﺮ ﻋﻠﻴﺞ ﻋﺪﻭ .. ﻳﻤﻪ ﻗﺮﺭﺕ ﺍﺗﺰﻭﺝ
ﺍﻡ ﻋﻠﻲ ﻣﻦ ﺍﻟﻔﺮﺣﺔ ﺷﻤﺮﺕ ﺍﻟﺒﻴﺪﻫﺎ : ﺻﺪﻙ ﺗﺤﺠﻲ ﻳﻤﻪ ﻭﺍﻟﻠﻪ
ﻋﻠﻲ : ﺍﻱ ﻳﻤﻪ
ﺍﻡ ﻋﻠﻲ ﻇﻠﺖ ﺗﺮﻭﺡ ﻭﺗﺠﻲ : ﻣﻨﻮ ﺗﺮﻳﺪ ﻭﺍﻟﻠﻪ ﻟﺨﻄﺒﻠﻚ ﺍﺣﻠﻰ ﺑﻨﻴﺔ ﻭﺍﻟﻠﻪ ... ﻫﻲ ﺗﺪﺭﻱ ﺷﻴﺮﻳﺪ ...
ﻋﻠﻲ ﺑﺎﺑﺘﺴﺎﻣﺔ : ﻳﻤﻪ ﻣﺎﺭﻳﺪ ﻏﻴﺮ ﺑﻨﻴﺔ ﻭﺣﺪﺓ ﻭﻏﻴﺮﻫﺎ ﻣﺎﺭﻳﺪ ﻭﻻ ﺍﺗﺰﻭﺝ ﺍﺑﺪﺍ
ﺍﻡ ﻋﻠﻲ ﺑﺎﺑﺘﺴﺎﻣﺔ : ﻣﻠﻴﻜﻪ ﻣﻮ .. ﻭﻳﻦ ﻋﺒﺎﺗﻲ ﻫﺴﺔ ﺍﺭﻭﺡ ﺍﺧﻄﺒﻬﺎ ﺍﻟﻚ
ﻋﻠﻲ ﺿﺤﻚ ﻭﻟﺰﻣﻬﺎ : ﻳﻤﻪ ﻣﻮ ﻫﺴﺔ ﺷﺒﻴﺞ ﻣﺴﺘﻌﺠﻠﺔ ﺍﺭﻳﺪ ﺍﺗﺼﻞ ﺑﺄﺧﻮﻫﺎ ﻭﺍﻛﻠﻪ ﺟﺎﻳﻨﻜﻢ
ﺍﻡ ﻋﻠﻲ : ﺍﻱ ﻫﺴﺔ ﺍﺗﺼﻞ ﺧﺎﻃﺮﻱ ﺍﻓﺮﺡ ﺑﻴﻚ ﻗﺒﻞ ﻻ ﺍﻣﻮﺕ ﻳﻤﻪ .. ﻭﻇﻠﺖ ﺗﺒﺠﻲ ..
ﻋﻠﻲ ﻣﺴﺢ ﻋﻴﻮﻧﻬﺎ : ﺍﺳﻢ ﺍﻟﻠﻪ ﻋﻠﻴﺞ ﻳﻤﻪ ﻭﻟﻴﺶ ﺍﻟﺒﺠﻲ ﻭﺍﻧﺎ ﻓﺮﺣﺎﻥ
ﺍﻡ ﻋﻠﻲ ﺑﺒﺠﻲ : ﻳﻤﻪ ﻓﺮﺣﺎﻧﺔ ﻓﺮﺣﺎﻧﺔ ﻟﻮ ﻳﺼﻴﺮ ﺟﺎﻥ ﻫﺴﺔ ﺳﻮﻳﺘﻠﻚ ﺭﻛﺼﺔ ﻭﻓﺮﺣﺔ ﻣﺎﺻﺎﺭﺕ ﺑﺲ ﻣﺎﺑﻴﻪ ﻫﻬﻬﻬﻬﻪ .. ﻳﺎﻟﻠﻪ ﺍﺗﺼﻞ ﻋﻠﻰ ﺍﺑﻮ ﺿﻴﺎﺀ
ﻋﻠﻲ : ﺍﺣﻢ ﺍﺣﻢ ﻳﻤﻪ ﺷﺴﺎﻟﻔﺔ ﻟﻴﺶ ﺍﻻﺳﺘﻌﺠﺎﻝ
ﺍﻡ ﻋﻠﻲ ﺻﻐﺮﺕ ﻋﻴﻮﻧﻬﺎ ﻭﺑﺎﺑﺘﺴﺎﻣﺔ : ﻳﻤﻪ ﻣﻨﻚ ﻳﻤﻪ ﺍﻧﺘﻪ ﺑﻜﻮﺓ ﻣﺘﺼﺒﺮ ﻫﺴﺔ
ﻋﻠﻲ ﺍﺑﺘﺴﻢ : ﺍﻱ ﻫﺴﺔ ﻣﻮ ﻭﻗﺘﻬﺎ ﺧﻞ ﺍﻛﻮﻝ ﻟﻴﺤﻴﻰ ﺟﺎﻳﻜﻢ ﻭﻧﺸﻮﻑ
ﺍﻡ ﻋﻠﻲ : ﺍﻟﻤﻬﻢ ﺭﺍﺣﺘﻚ ﻳﻤﻪ ﻭﺍﻥ ﺷﺎﺀ ﺍﻟﻠﻪ ﻳﺼﻴﺮﻟﻚ ﻧﺼﻴﺐ ﻭﻳﺎﻫﺎ ﻳﺎﺭﺏ ﻳﺴﻌﺪﻙ ﻭﻳﻔﺮﺣﻚ ﻭﺍﺷﻮﻑ ﺟﻬﺎﻟﻜﻢ
ﻋﻠﻲ ﺑﺎﺑﺘﺴﺎﻣﺔ : ﺍﺭﻭﺣﻠﺞ ﻓﺪﻭﺓ ﻭﻟﺪﻋﺎﺋﺞ ﺍﻟﻄﻴﺐ .. ﻭﺑﺎﺱ ﺭﺍﺳﻬﺎ ...
ﺍﻧﻄﻪ ﺧﺒﺮ ﻟﺨﻮﺍﺗﻪ ﻭﻓﺮﺣﻦ ﺍﻟﻪ ﻳﺘﺎﻧﻨﻬﺎ ﻣﻦ ﺍﻟﻠﻪ ﺟﺎﻧﻮ ﻳﺎﺋﺴﻴﻦ ﻳﺘﺰﻭﺝ ﺻﺎﺭﻟﻪ ﺟﻢ ﺳﻨﺔ ﺑﺲ ﺑﻌﻀﻬﻦ ﻣﺎﻋﺠﺒﻬﻦ ﺍﺧﺘﻴﺎﺭﻩ ﻳﺮﺩﻥ ﻋﻠﻰ ﻣﺮﺍﻣﻬﻦ ﻋﺸﺘﻮ ﻟﺘﻜﻮﻝ ﻫﻨﻪ ﻳﺘﺰﻭﺟﻦ ﻣﻮ ﻫﻮ ....
ﻋﻠﻲ ﺍﺗﺼﻞ ﻋﻠﻰ ﻳﺤﻴﻰ ﻭﻛﻠﻪ ﺭﺍﺡ ﻧﺠﻴﻜﻢ ﺍﻟﻌﺼﺮﻳﺔ ... ﻭﻛﻠﻪ ﻫﻼ ﺑﻴﻚ ﻭﺗﺸﺮﻓﻨﻪ ﺑﺴﻤﺎ ﻛﻠﻪ ﺷﻨﻮ ﺍﻟﺴﺎﻟﻔﺔ ....
ﻣﻼﻙ ﺟﺎﺑﺖ ﺍﻟﻌﺼﻴﺮ : ﻳﺎ ﺣﻴﻰ ﺍﻟﻠﻪ ﺧﺎﻟﺘﻲ ﺍﻡ ﻋﻠﻲ
ﺍﻡ ﻋﻠﻲ : ﺍﻟﻠﻪ ﻳﺤﻴﺞ .. ﻣﺎﺷﺎﺀ ﺍﻟﻠﻪ ﻳﻤﻪ ﺻﺎﻳﺮﺓ ﻛﻤﺮ ﺗﺨﺒﻠﻴﻦ
ﻣﻼﻙ ﺍﺑﺘﺴﻤﺖ : ﻋﻴﻮﻧﺞ ﺧﺎﻟﺘﻲ .. ﺷﺨﺒﺎﺭﺝ ﺍﺷﺘﺎﻗﻴﻨﺎﻟﺞ
ﺍﻡ ﻋﻠﻲ : ﻭﺍﻟﻠﻪ ﺍﻧﺎ ﺍﺷﻮﻕ
ﻧﻴﺮﺍﻥ ﺍﺟﺖ ﺑﻴﺪﻫﺎ ﺭﺿﺎ : ﻳﺎﻫﻼ ﺑﺨﺎﻟﺘﻲ ﺍﻡ ﻋﻠﻲ .. ﻭﺑﻮﺳﺘﻬﺎ .. ﺷﺨﺒﺎﺭﺝ ﺷﻨﻮ ﻫﺎﻱ ﻣﻨﻮﺭﻩ ﺍﻟﻴﻮﻡ ﻣﺸﺘﺎﻗﻴﻠﺞ
ﺍﻡ ﻋﻠﻲ : ﻣﻦ ﻓﺪﻭﺓ ﻟﻬﻞ ﺍﻟﻜﻤﺮ .. ﺍﻟﺤﻤﺪﻟﻠﻪ ﻋﻠﻰ ﺍﻟﻠﻪ ﻭﺍﻟﻠﻪ ﻫﻢ ﺍﻧﺎ ﺍﺷﺘﺎﻗﻴﺘﻠﻜﻢ
ﺍﻡ ﻳﺤﻴﻰ ﻳﻤﻬﺎ : ﺍﻱ ﺷﺨﺒﺎﺭﻛﻢ ﻭﺍﺧﺒﺎﺭ ﻋﻠﻲ ﻭﻟﻴﺪﻱ
ﺍﻡ ﻋﻠﻲ : ﺗﻤﺎﻡ ﺍﻟﺘﻤﺎﻡ ﻭﻋﻠﻲ ﻏﻴﺮﻭ ﻣﻜﺎﻥ ﺷﻐﻠﻪ ﻭﻣﻮ ﻣﺮﺗﺎﺡ ﺧﻄﻴﺔ
ﺍﻡ ﻳﺤﻴﻰ : ﺟﻴﻪ ﻫﻮ ﺷﻨﻮ ﻳﺸﺘﻐﻞ
ﺍﻡ ﻋﻠﻲ : ﻫﻮ ﻳﺸﺘﻐﻞ ﺑﺸﺮﻛﺔ ﺍﻫﻠﻴﺔ ﻷﻥ ﺗﻌﻴﻨﻪ ﻣﺎﻃﻠﻊ ﻟﻴﻬﺴﺔ ﺑﺲ ﺃﺧﺬ ﺍﻟﺸﻬﺎﺩﺓ ﻭﻫﺬﻳﺞ ﻫﻲ ﺑﺎﻟﻜﻨﺘﻮﺭ
ﺍﻡ ﻳﺤﻴﻰ : ﻳﻤﺴﻜﻴﻦ ﺍﻟﻠﻪ ﻳﺴﺎﻋﺪﺓ .. ﺍﻥ ﺷﺎﺀ ﺍﻟﻠﻪ ﺗﻔﺮﺝ ﺣﺘﻰ ﻭﻟﺪﻱ ﺍﻟﺘﻮﻡ ﻣﺎﺗﻌﻴﻨﻮ ﺧﻄﻴﺔ ﺑﺲ ﺧﺬﻭ ﺍﻟﺸﻬﺎﺩﺓ ﺑﺲ ﻏﺰﻭﺍﻥ ﻣﺎ ﻛﻤﻞ ﺟﺎﻥ ﻳﺴﺎﻋﺪ ﺟﺪﻩ ﺑﺎﻟﺪﻳﻮﺍﻥ ﻭﺑﺸﻐﻠﻪ ﻭﺗﺮﻙ ﺍﻟﺪﺭﺍﺳﺔ
ﺍﻡ ﻋﻠﻲ : ﺍﻟﻤﻬﻢ ﺍﻟﻌﺎﻓﻴﺔ ﻣﻮﺟﻮﺩﺓ ﺍﻟﺤﻤﺪﻟﻠﻪ ﻭﻣﺎﺷﺎﺀ ﺍﻟﻠﻪ ﻋﻨﺪﻩ ﻛﻤﺮﻳﻦ ﻳﺨﺒﻠﻮﻥ ﺍﻟﻠﻪ ﻳﺤﻔﻈﻬﻢ ﻭﻫﺎﻱ ﺍﻟﺤﻠﻮﺓ ﻧﻴﺮﺍﻥ
ﻧﻴﺮﺍﻥ : ﺗﺴﻠﻤﻴﻦ ﺧﺎﻟﺔ ﺑﻌﺪ ﻛﻠﺒﻲ ﻋﻴﻮﻧﺞ ﺍﻟﺤﻠﻮﺓ .....
ﻛﻌﺪﻭ ﺳﻮﺍﻟﻒ ﻭﻳﺎﻫﺎ ....
ﺍﻡ ﻋﻠﻲ ﻓﺎﺗﺤﻬﻢ ﺑﺎﻟﻤﻮﺿﻮﻉ ﻭﺭﺣﺒﻮ ﺑﻴﻬﺎ ﻭﻛﻠﻠﻮﻟﻬﺎ ﻧﺘﺸﺮﻑ ﺑﻨﺴﺒﻜﻢ ﺑﺲ ﻧﺸﻮﻑ ﺭﺃﻱ ﺍﺑﻮﻫﺎ ﻭﺟﺪﻫﺎ ﻭﺍﺧﻮﺍﻧﻬﺎ ﻭﻃﺒﻌﺎ ﺭﺃﻳﻬﺎ ...
ﻳﺤﻴﻰ ﻛﺎﻝ ﻟﻌﻠﻲ ﺑﺎﻟﻨﺴﺒﺔ ﺍﻟﻲ ﺍﻋﺘﺒﺮ ﺍﺧﺘﻲ ﺍﻟﻚ ﺑﺲ ﻻﺯﻡ ﻧﺸﻮﻑ ﺭﺃﻳﻬﺎ ﺍﻭﻝ ....
ﻣﻼﻙ ﺳﻤﻌﺖ ﺧﻄﺒﻮﻫﺎ ﻟﻌﻠﻲ ﺗﻮﺗﺮﺕ ﻭﻣﺎﻋﺮﻓﺖ ﺷﺘﻜﻮﻝ ﻣﺎﺗﺨﻴﻠﺖ ﻳﺠﻲ ﻳﻮﻡ ﻳﻄﻠﺒﻮﻫﺎ ...
ﺳﺄﻟﻮﻫﺎ ﻭﻛﻠﻮﻟﻬﺎ ﻓﻜﺮﻱ ﻛﻠﻬﻢ ﻭﺍﻓﻘﻮ ﻋﻠﻰ ﻋﻠﻲ ﺣﺘﻰ ﺍﻟﺠﺪ ﻭﻛﺎﻟﻮ ﺭﺟﺎﻝ ﺷﻬﻢ ﻭﺍﻟﻨﻌﻢ ﻣﻦ ﺍﺧﻼﻗﻪ .....
ﻣﻼﻙ ﻛﺎﻟﺖ ﺍﻟﻬﻢ ﺍﻓﻜﺮ ﺍﻧﻄﻮﻧﻲ ﻭﻗﺖ ﻭﺧﻠﻮﻫﺎ ﻋﻠﻰ ﺭﺍﺣﺘﻬﺎ ﻣﺎﻳﺮﺩﻭﻥ ﻳﻈﻐﻄﻮﻥ ﻋﻠﻴﻬﺎ ﺯﻭﺍﺝ ﻫﺬﺍ ....
ﻋﻠﻲ ﺭﺟﻊ ﻫﻮ ﻭﺍﻣﻪ ﻭﻛﻠﺒﻪ ﻧﺎﺭ ﻳﻨﺘﻈﺮ ﺭﺩ ﻣﻼﻙ ﻭﺧﺎﻳﻒ ﻣﺎﺗﻮﺍﻓﻖ ....
ﻛﺎﻋﺪﻳﻦ ﺟﻠﺴﺔ ﺣﺒﺎﻳﺐ ﻭﺿﺤﻚ ﻭﻓﻬﻮﺩﻱ ﻛﺎﻋﺪ ﻳﻤﻬﻢ .... ﻛﺒﺮ ﻭﻣﺎﻳﺘﻮﺏ
ﻓﻬﺪ : ﻭﺍﻟﻠﻪ ﻭﻛﺒﺮﺗﻲ ﺍﻡ ﺍﻟﻜﻤﻞ ﺭﺍﺡ ﺗﺰﻭﺟﻴﻦ
ﻣﻼﻙ ﺧﺠﻠﺖ ﻣﻦ ﺍﺧﻮﺍﻧﻬﺎ : ﻓﻬﺪ ﻻ ﺗﺒﺪﻱ
ﻓﻬﺪ : ﺷﻜﻠﺖ ﺍﺫﺍ ﻣﻮ ﻣﻮﺍﻓﻘﺔ ﻋﻠﻴﻪ ﺍﺯﻭﺟﻪ ﺑﺘﻮﻟﻮ
ﺑﺘﻮﻝ : ﻻ ﺣﺒﻴﺒﻲ ﺍﻧﺎ ﺑﻌﺪﻧﻲ ﺻﻐﻴﺮﺓ ﺍﺭﻳﺪ ﺍﻛﻤﻞ ﺩﺭﺍﺳﺘﻲ
ﻓﻬﺪ ﺑﺎﻭﻉ ﻟﺴﺎﺭﻩ ﻭﻫﻲ ﺗﻨﺘﻈﺮﻩ ﻳﻜﻮﻝ ﻧﻨﻄﻴﻪ ﺳﺎﺭﺓ ...😂
ﻓﻬﺪ : ﻻ ﻻ ﺳﺎﺭﻭ ﺍﺷﺮﺩﻩ ﺑﻠﻴﻠﺔ ﻇﻠﻤﺔ ﻭﺍﻭﻝ ﻣﺎﻳﺸﻮﻑ ﻛﻔﺸﺘﻬﺎ ﺑﻠﻴﻠﺔ ﺍﻟﻌﺮﺱ ﻳﺸﺮﺩ ﺣﺎﻓﻲ
ﺳﺎﺭﺓ ﺑﻮﺯﺕ : ﻋﺎﺑﺖ ﻭﺟﻬﻚ ﺗﺨﺒﻞ ﻛﻔﺸﺘﻲ
ﻓﻬﺪ : ﺍﻱ ﺟﻨﺞ ﺳﺪﺭﺓ ﻣﻨﻜﻌﻴﻬﺎ ﺑﻜﻠﻮﺭ
ﺳﺎﺭﺓ : ﺍﻧﺎ ﻳﺎﻭﺻﺦ
ﻏﺰﻭﺍﻥ ﺑﺎﻭﻉ ﺍﻟﻬﺎ : ﺻﺪﻙ ﻳﻜﻮﻝ ﻳﺎﺧﻴﺘﻲ ﺗﺨﺮﻋﻴﻦ ﺍﻟﺮﺟﺎﻝ ﻳﺒﻘﻪ ﻋﻠﻰ ﻣﻠﻮﻛﻪ ﺍﺣﺴﻦ ﺑﻬﻮﺍﻱ
ΔΙΑΒΑΖΕΙΣ
نيران العشق
Ρομαντικήنيران العشق تدرين الشروكي لو عشك شيصير.... يحطها بعين ويغطيها بعين... لا تكليلي نار ويحرك..اي اي عصبي وماينجرع... ولا تكليلي مايقبل بكلشي ولا يقتنع... اي معقد لأن يريد حلاله اله وماينفقد... لا تكليلي صعب وماينعاش وياه ولا ينبلع... اليقبل عليه تشوف خ...
