غزوان يكلها والله راح تاخذيلج كتله على هاي السالفة تكله شعليه هاي ابنك يريد هيج 😂...
ومرت بعد ايام وطلعت روح غزوان ويه نساوة نيران..
اقترب شهر محرم...سلمى محتارة بعمرها ويه ابو سعد من غلطت بعملها لهسة ماراضي يتصلح العمل وصايرة حياتها وياه كلش على طرف ولذلك ملتهية بعمرها وحتى فردوس ماتدري بيها شسوي ماسوي...
فردوس ماكطعت من الروحة بيت عمها وتتظاهر باللطافة ويه نيران وهي فرحانة فردوس هيج وياها وتعتبرها صديقتها عمرها ماخلت الها صديقة...
طبعا ابو سعد ماخله فدروس ترجع للكلية ابدا وكلها بعد ماكو جامعة محد خربج غير الكلية...
وهي مايهمها كل همها وتفكيرها غزوان صار حبه مرض بكلبها مو راضي يروح وتحسد بنيران وبينما نيران تعتبرها صديقتها...
نيران روحاتها قليلة لبيت ابوها ماتشتهي تجابل وجه سلمى واخوانها يومية يجونها وابوها....
اليوم عيد ميلاد ملوكه بنت يحيى وهمه كد مايحبونها مسويلها حفلة بس للأهل متعودين 3 سنوات يسويلها ويعزمون الأهل....
نيران خلصت لبس وحطت مكياج بسيط وظلت تباوع لنفسها برضى...
دخل غزوان جان طالع طول اليوم وهسة رجع للبيت...
نيران التفتت:هلاااا
غزوان رفع حاجب:وين رايحة بهل اللبس
نيران: مو اليوم عيد ميلاد ملوكه
غزوان اقترب منها:اي عيد ميلادها مو عيد ميلادج شهل اللبس وان شاء الله تردين اطلعين هيج كبالهم
نيران:اي وشبيهن وهمه بس اهلنه محد راح يجي غريب حتى خوات ايلاف مايجون
غزوان:الا اكسر رجليج اطلعين هيج كدام النسوان وهنوب شوفي الوره ورجليج وصدرج كلشي مبين الفستان ضيك وكصير الا مو رجال اخليج هيج اطلعين..روحي بدليه بسرعة
نيران تأففت:كل مرة تطول بره البيت تجيني مشتاقلج ومشتاقلج هسة جاي بنكد..وشبيها اذا طلعت يم البنات هيج كل البنات هيج يلبسن بس بقت عليه
غزوان:ماعنده غيرة الي يخلي مرته واخته تلبس هيج شفتي ملاك لو سارة لبسو هيج
نيران مدت بوزها:لاء...بس مو معناها انا هم اتقيد وياهم
غزوان:وتدرين ليش مايلبسن هيج
نيران:وليش
غزوان ضربها براسها بخفة:لأني اكسر راسهن الهن..يالله نزعي العليج وكبل للزبالة ماريد اشوفه كلش..تردين تخلينه تلبسينه بالغرفة عادي بس بره الغرفة والخلقج اكسر رجليج وراسج
نيران:بس فدوة ماخذيت غيرة😢
غزوان:الكنتور متروس ملابس تكولين ماكو غيره
YOU ARE READING
نيران العشق
Romanceنيران العشق تدرين الشروكي لو عشك شيصير.... يحطها بعين ويغطيها بعين... لا تكليلي نار ويحرك..اي اي عصبي وماينجرع... ولا تكليلي مايقبل بكلشي ولا يقتنع... اي معقد لأن يريد حلاله اله وماينفقد... لا تكليلي صعب وماينعاش وياه ولا ينبلع... اليقبل عليه تشوف خ...
