نيران العشق

البارت3

(والله ولا تكعد راحة هالرضية 😂😂)

سلمى عوجت حلكها:وهسة اني شعليه حطيتيني بالنص..وبعدين شبيه انا جنت اخبل ابنج عشكني واخذني

الجدة:اي اشوف اتزوج عليج

سلمى عطبت:اي غير ابنج جان ما مكفيته وحدة وراح جابله ثانية وهو جان يريد هواي جهال

الجدة:اي اشوفج جبتي ولد معدلين حتى بالجذب مايجون يسألون على بيبيتهم وجدهم

سلمى:الولد ملتهين بدوامهم وهمه دوم عد جدهم بالديوان..وانتي ياعمه كل مانجي جمعة بيتكم تنكدين علينه هالجية

..النسوان الباقيات ساكتات...

ام يحيى:صلو على محمد وآل محمد شصار الكم

الجدة:اللهم صل على محمد وآل محمد..بس اكو ناس ماتعرف محمد ولا ربه
نيران همستلها:جده فدوة كافي عوفيها تولي...وسكتت الجدة عنها..فد شوي صاحلهم ابو سعد يرجعون البيت

..الجدة ماقبلت نيران تروح وتبقه الليلة يمها وابو سعد ماقبل..

الجدة:ترد كلمة امك يا صكر..نيران تبقه الليلة يمي ماشبعت منها

ابو سعد:حشاج يمه بس الشباب و...

كاطعته:الشباب ولد عمها وهي رابية وياهم ومثل خوانها..يالله توكل

ابو سعد:ان شاء الله يمه تصبحين على خير

(هواي شخصيات بالرواية وعائلتهم جبيرة بس ماراح اذكر بس الابطال لان لو ذكرت الاشخاص كلهم تدوخون ماتحفظونهم يصيرون مثل درس التاريخ 😂😂)

غزوان عنده 4 اخوان يحيى الجبير..وبعد ثنين تؤم سلوان وعلوان..عمرهم 24 ومامزوجين بعدهم..

واسماء صارت بعد يحيى عمرها 33 سنة وتزوجت من وقت لأن ابن خالها يصير

...غزوان بعد اسماء وبعد غزوان التؤم وهنوب خديجة ومزوجة ومو مهمة بالرواية...

وملاك بعدها عمرها 21 وسارة عمرها 18 وصارت ويه سرمد...تكله كلي خالة هو يكلها تحلمين ههههه...

بقت نيران وراحو بيت ابو سعد بيتهم..وسلمى اشتعلت نار الحقودة وماتكدر تحجي

( حل بأم اسحورة 😂)

وذيج النفسية هم مقهورة شلون هسة تطلع قهرها بنيران وهم مشتعلة نار جدتها دوم تفشلها

اي انتي وحدة كل ادب واخلاق وتربية ماعندج ماتفكرين غير بنفسج انانية وحتى قبلة الله ماتندلينها بيا صوب ولا صلاة ولاعبادة بس من يجي رمضان تصوم وتصلي 😂😂وهاي كل سنة هيج فاهمة الدين غلط بس بشهر رمضان..يخلص شهر الطاعة وتربط الصلاة بعمود الكهرباء وتخليها خطية محنطة لمن يجي رمضان الثاني 😂😂...يابه تره الحسين ضحى بنفسه علمود الصلاة...